紅米 (已結業)

看到這間餐廳的餐牌製作及構圖精美，就決定到內用餐。我點了吉列豬排蛋包飯，當菜式上枱時是令我吃驚，蛋包飯的蛋是屬於半熟狀態，而蛋皮亦煎得很平滑，淨看賣相都非常吸引了。吉列豬排份量不算多，而每件豬排不會跟豬排外皮分開，而炸得亦不算粗糙，吃豬排時的口感不差。但豬排肉香及肉汁亦不算出色，而且有點兒炸得過久，令豬排有點乾身。而米飯是用上珍珠米的，粒粒分明，不過煮得不夠軟身，吃下出有點乾。雖然菜式是包自選黑淑汁的，但醬汁很少而且有點杰身，令整體菜式都感覺上是乾身的。不過整體份量都算多，對我來說已經太飽肚了。而且價錢不貴，都可以再回來試其他菜式。

中午時跟朋友食lunch 的時候沒有吃飽，所以陪他在附近找家餐廳－ RedRice吃這個下午茶。看一看menu，想了又想，搞到我都有點餓....但又唔食得多最後決定兩個人叫一個常餐 share 食，完全合乎經濟效益。等左一會兒，伙記好快就為我們送上常餐。以茶餐廳黎講，份量都算中等以上，起碼夠我兩伙兒share 做一個下午茶。雞扒公仔麵份量足夠當一餐，湯無咩味道，公仔麵硬度適中；奄列炒得唔錯，個蛋好滑，火候控制得唔錯，而餐包就一般般。哩餐值得一提的係，雖然我地兩個人食一個餐，但伙記都好好，隻眼開隻眼閉，無收我地每人最低消費。食飽飽就繼續去行街了。

本來今日唔駛番工，但漏左D野係公司，最後都係要去番長沙灣-3-"我女人仲未搞掂出門口既同時，我決定食住晏就等佢。叫左個午餐A餐 芝士茄汁焗雞翼飯。外相唔錯，鮮紅色的蕃茄汁，加上已焗融的芝士，鋪係飯＆雞翼上面，正！未食已經流哂口水！茄汁幾鮮色，但味道都okay，比較適合清淡的。融融地既芝士，口感不錯！再加上本身已經煎炸好既雞翼，非常好嘅組合。不過本人覺得雞翼要用手拎住先可以完美咁享受食既過程，用叉食真係有點不便。

這日去了探一個住長沙灣的朋友，臨走前當然一齊食個晚餐，講起想食鐵板，朋友試過一間茶記有鐵板，於是就去左這間「米飯主題餐廳」。店面看落平平無奇，但入到去後已聞到坐前後的客人枱面傳出陣陣的鐵板香味。我點了這個「地獄肥牛鐵板飯」（＄43），朋友則點了個「板煎雞扒蛋包飯」（＄40）。由遠處已經聽見鐵板飯熱烈地向我呼叫～嘖～嘖～嘖！落到枱依然係咁出煙，正～！要不停地搞拌～如果唔係會痴底！朋友那個板煎雞扒蛋包飯，賣相也不錯！鋪在表面的那層滑蛋，看似很好味。加上雞扒都煎得不錯，很香脆但聽他說欠缺一點味道。整體而言，以這個大眾化價錢食到不過不失的一餐，都非常合理。

今日去長沙灣見客，忙到連飯都未食。見完客就隨便搵間餐廳食個下午茶補償一下身體。下午茶食炸雞脾是常識吧！等左差唔多10分鐘，似係即叫即炸。大大塊雞肉帶肥又嫩滑的腿肉，是爽的！表面唔會係咁出油，食落無咁重罪惡感...哈哈哈。雞脾可以選拼炸薯條或胡麻沙律。對我黎講，薯條配雞脾簡直係絕配，唯一美中不足的是份量略少，有點不夠暢快。下午茶餐例牌送熱飲，凍飲加＄2。算是正常價格吧！

話說眼見哩條街都有好幾間茶餐廳，偏愛地道茶記的我，要是想試哂的話，我諗起碼都要黎7-8 次先可以試到大部分。地道茶記還茶記，今次試試新口味。哩間是主題餐廳，而主角是「米飯」！？有趣...係午餐時段進餐，雖然有是日推介等等既快餐。但抱著大冒險家既精神，當然要叫下餐牌其他既野食。叫左客【 白汁雞球蛋包飯 】。比想像中好！起碼入得口，食得哂！蛋包飯個蛋都幾滑（有圖有真相）！以我"唔入得廚房，剩係留係廳堂”既經驗黎講，個蛋幾正！俾我炒的話，一定炒到燶底！個雞粒都可以，這個配搭有點新鮮，但都有D唔慣....我覺得如果多D汁的話，直頭可以另外叫多個白飯tim...平庸既一餐lunch 黎講，這個價格算係不錯...好過去大字頭連鎖快餐，貴價又唔飽...

跟啊頭過海開會，一開就開左3個鐘（9am-12nn)真係開到人都癲～難得唔係公司附近，當然要食埋lunch 先番去office。啊頭有揸車的確係方便D...啊頭話事，係長沙灣附近放低架車。隨便搵間餐廳食個快飯。我地叫左午餐推介 A餐 ＆ B餐 （如果無記錯）。分別係韓式泡菜豚腩肉鐵板飯（＄40) ＆鮮茄厚豬扒焗飯（＄41) 。焗飯 ＆鐵板都可以係午市套餐入面，個廚房都應該唔會差。等了大概10分鐘，焗飯比鐵板先到～啊頭已經有理無理～開盡Turbo 食佢個焗飯。-,-再等多大概5分鐘，我個鐵板”燒”到埋身啦～！份量上都可以接受，但豚腩肉比例上也不少，如果多D的話，成餐飯一定會滿足好多。Btw，個鐵板超熱～ 食到一半都仲出緊煙。要不停地搞～搞～搞～！

之前喺長沙灣返工間唔中都會黎食晏，午飯時間都幾多人等位不過勝在唔需要等好耐，而且唔係一大班人黎食話，通常10分鐘有得入。今日番新工咁岩經過，當回味一下，去番之前成日去既一間餐廳。同以前無咩分別，唯一分別係自己一個午餐而唔係同成班同事一齊黎。個人比較鐘意食焗飯，叫左個白汁原條龍脷柳焗飯。原條龍脷柳配上好Creamy 既白汁淋係上面，加埋微微燒焦既芝士。聞到都已經大開食慾。食得出龍脷柳是新鮮炸起，個皮好脆，足足有成個飯咁長。白汁略為欠點味道，比較清淡，可以改善一下，但一啖龍脷柳，一啖飯又岩岩好。lunch 40蚊有找 仲包熱飲一杯，宜家好多茶記都買少見少，確係難得。如果新公司附近都有的話，必定可以儲多個錢。

自細已經好少機會同老豆同枱食飯。難得請左半日假，同老豆食個午飯先去番工。兩個男人對食無咩要求，但求有個地方可以坐下，簡單一餐飯。見哩間餐廳價格相宜，二話不說就入座。老豆就識食啦！叫左個好似定食既餐。哈，當我想”相機食先”時，佢已經開始啟動。賣相唔錯，個雞翼好似幾正咁！但成個餐就好似乾左少少咁....我比較鐘意有汁既野食，所以叫左個肉醬意粉。賣相就真係差左D，但食落都唔錯既。肉醬就堅係肉醬，個汁唔會稀到似水..加埋有D芝士粉係面頭，正！老實說，好又一餐，唔好又一餐。最緊要同身邊重要既人可以食餐飯已經好滿足。至於餐飯？正正常常已經好足夠。知足常樂...

這個晚上夜左收工，唯有係公司附近隨便找個地方食個晚飯先番屋企。平時lunch 都有經過，只係無為意哩間米飯餐廳。男人的浪漫，當然要叫個火山肉醬玉子鐵板飯，誠惠＄39 熱辣辣既鐵板，淋上滿滿的肉醬，不會比pepper lunch 的鐵板遜色。不過肉醬D味道淡左少少....定係我食開重口味？頂頂加上一顆軟綿綿的溫泉蛋，外觀就一定差D，但食落去係溫泉蛋而唔無生蛋就足夠。鐵板餐仲可以追加蒜蓉包、沙律菜、餐湯、甜品布丁，＄9／一款、＄16/ 兩款、＄20／3款、$24／四款。最後都無追加小食，食完個飯都已經夠滿足。整體都算係咁，＄40 有找，不用加一服務費。

原本約左男朋友係佢番工地方附近食午餐。點知佢忙到連Lunch 都無時間出黎，只好自己一個隨便搵間餐廳。路過見到有間叫「RedRice」名字蠻有趣的。午飯時間人流都幾多，幸好一個人用餐不需等候。叫了一個自家鮮茄湯米線 配板煎烤雞( $39)烤雞扒不錯，不會太乾身，肉質也不會太老。米線份量都不少，對於一個女仔黎講都挺多。但個湯底就無視覺上感覺咁濃味，實際味道比較淡。整體而言，賣相不錯，食物質素可以接受，這個價錢算是不過不失。 

餐廳嘅服務態度簡直係fail，本身幫趁過十幾次，都覺得小店便宜抵食，但一次令我難受嘅服務態度足以令我永遠唔會再幫趁，請餐廳好好反思一下待人態度。剛剛夜晚十點半，我和男朋友二人諗住幫趁，明明喺門口都睇到會營業到十一點，咁入去啦，門口侍應姐姐都冇話要收鋪唔比我地入，坐低仲比餐牌我地tim，結果唔夠三十秒，後面傳來一位男侍廳的大叫，“有兩個人呀，十二號枱呀，睇唔睇到，有兩個入左嚟，今晚有排冇得走”，呢段說話大聲地重複左五六次，佢係要我地聽到，我頂唔順好嬲即走，然後我地出門口果下，佢大聲地拍手掌，請問係咩服務態度，我做錯咩要受你氣？如果係唔想開到咁夜，請早啲收鋪，唔好要客人撞左入去，然後要受你氣，我感覺真係好差好差，如果店長當時都在場，我真係無話可說。既然唔想做生意，執左佢啦please，仲開分店？

1. 漢堡扒蛋鐵板塊飯,比想像中好食同抵食.鐵板熱辣辣炸炸聲咁上.個底感覺係汁多過係油,都算唔錯.漢堡扒外表有點黑,但食落無咩事,肉質豐厚,真係比想像中厚,估唔可以止到一止我既最近好想食肉既慾望.都真係算幾大塊,,食極都仲有.同埋肉質都唔錯,做漢堡包都夠肉味,我地都對依個飯好滿意.可以再食~蛋就似生既打落去,直接用鐵板整熟,我要全熟,自己翻了一翻身,都全熟到.汁唔係豉油來架,甜甜地,有點似日式汁飯量都唔錯.好開心今次食得飽我啦.2.唐揚雞蛋包飯.雞無咩肉,全部都係粉,咖哩有點日式.蛋有加茄類野,紅紅地,不過唔太重味,,普通仲有些少沙律,都算係咁.依個有點普通. 

午飯時間隨同事來到這兒吃午飯,其實之前已來過數次,只能說是不過不失,但總不能一次比一次差下去吧我點了一個韓式豚肉鐵板飯,豚肉淡而無味,而且極韌,口感不佳鐵板飯的味道全來自味精粉和更大量的油,吃一口後而感到極度口喝,非常不健康而且侍應的態度欠佳,明白是午飯時間,但總該理會一下客人的感受吧失望至極

今日突然想去食,同朋友2人一起去.結果受左一肚氣     11:20去到,見佢個板寫晒午餐有咩食,咁就試下啦想叫豚肉蛋包飯,朋友就食鐵皮雞朳飯打算叫個時,男侍應同我講:依D要11:30先落得,態度OK我接受,咁我地轉食早餐睇完MENU再叫侍應,今次女侍應來,就叫茄湯肥牛+蛋,火腿豬仔包朋友叫漢堡+蛋,火腿豬仔包落落下,女侍應同我講:你落單快D啦,跟住行開左嘩,我心想,你咩咁大支野?我來食,我怕講太快,你聽唔到,指埋比你睇過一陣女侍應又來我叫茄湯肥牛+蛋,火腿豬仔包朋友叫漢堡+蛋,火腿豬仔包(一樣)女侍應:你唔食粉呀?餐有粉跟我望望.係喎,有粉跟喎,但我想講你態度可唔可以好D呢咁好啦,我地快快手兩個都叫米粉算女侍應:飲咩我:熱可力朋友:熱0茶全程女侍應,又唔係寫手寫單,又唔係望人,又冇笑容......,正係想用雛妓阿SA名句:我有比錢嫁跟住食個時,食物冇咩特別,豬仔包來到只係微熱,粉份量也不算太多,雞份糧太少,可能只得半隻蛋或1隻細蛋,只能說不過不失,唯一要讚既係肥牛唔會太大塊一舊舊,咬來去唔會覺太油總結,我來食野,唔係受你氣