紅茶冰室

营业中

休息中

日日lunch都係食茶記，因為好想飲杯奶茶，而且佢嘅常餐隻蛋好好食，多士都幾好食。唔知點解旺角啲茶記特別好食，相比起西環嗰啲， 西環嗰啲真係好難食。而且旺角嘅店員做嘢都非常之快手，廚房出餐都非常之快。之前成日都食沙嗲牛出前一丁，但係為咗健康，依家唔敢食咁多。夠晒多沙嗲汁，但係有少少鹹。所以呢排成日都食茄汁長通粉嗰個餐，感覺健康啲。杯奶茶長期都咁好飲，所以成日都過嚟食。唔好睇佢條路姐都好似好長，等一陣就會有位㗎啦！

朝早行過茶記，肚仔咕嚕嚕叫，咁我就忍唔住閂步落去嗌咗份早餐。🍳 首先，佢啲豬柳蓋蛋包真係有得讚，豬柳煎得微微焦香，蛋滑之餘仲包住透嘅心，真係食到我心情好好。😌 然後，個生菜沙律嘅醬汁做得啱啱好，酸酸甜甜，清新咗哂個味蕾。而家講番個茶，飲品就一定要點個絲襪奶茶，夠晒滑，茶味濃郁得嚟又唔會苦澀，簡直係完美嘅醒神聖品呀！🍵 食住喝住，感覺啲人嚟嚟去去，茶餐廳裡面嘅嘈雜聲同埋廚房嘅鑊氣，就算自己一個人食，都覺得似喺朋友間嘅聚會。呢度嘅茶記真係可以話係香港嘅味道，帶有一種家嘅感覺，讓人懷念。下次再嚟，我一定要試吓佢哋嘅叉燒治同熱血青年嘅雞蛋仔喇！🥪💕

食物來錯2次！第一次由午餐的飯來錯意粉！之後補回的直情變左另一個餐！味道一般！當日叫的是日式咖喱豬扒飯，！第一次來了意粉，跟住更換，之後來的是變了蕃茄焗豬扒飯！又再更換，等了半小時，跟住外賣叫了4次也叫不到！同事不停說叫其他同事幫手，因為他們不是落單的，經多次嘗試，也落不到單！一間咁做生意的餐廳。吾怪得之已經無之前咁多人排隊，一個個午餐要成$70在附近有很多選擇的！不如去返金華好過！第一次的負評竟然係紅茶！

今日同屋企人去幫襯，排咗20分鐘終於有位，門口姐姐話要坐長枱，要就入唔要就繼續排，我哋三個人都無咩所謂就話照坐，一坐低就要即刻點嘢食，睇都未睇完。我哋叫常餐豬扒通炒滑蛋，兩個午餐煎西冷牛扒飯。先評論啲食物，炒滑蛋好食，夠滑夠蛋味，豬扒就正正常常但唔會醃到梅哂咁；西冷牛扒飯個汁幾好，lunch set 黎講牛扒都比幾大塊，意粉同飯量都好夠飽，仲有少少炒雜菜伴碟，包埋凍飲$70蚊內仲有找，旺角區黎講真係叫抵食。講返唔會再黎原因係，我哋食完，但杯野飲都未飲到一半，有位姐姐就同我講出面有八個人等緊，佢要返張八人枱，叫我要還枱比佢，因為張枱喺我哋入去前已經坐咗四個中學生，佢哋食完係度傾計，等到我哋三個接近食哂啲主菜嘅時間佢哋先去埋單，但我哋同另一位搭枱嘅男士其實佢都係同我一樣岩岩食完飲緊杯嘢，但因為我哋其中一杯係熱檸茶，最後比人催到杯熱檸茶都飲唔到幾啖就要起身走人，感覺好似食完飯即刻比人趕走，其實都幾鐘意呢間分店，因為六年第一次幫襯紅茶就係呢間分店，入面有個哥哥相對比較好態度，但呢間啲姐姐態度真係好趕客，唯有以後去其他分店幫襯。

意粉室溫, 發脹.紅酒蘑菇汁好酸好難食雞髀薯條叫咗好耐先至出嚟, 薯皇得一個好細嘅裝汁嘅兜, 茄汁變酸咗雞髀入面有咖哩汁. 啲水熱到根本飲唔到素翅忌廉湯好大陣雪藏味. 咖哩焗牛脷意粉咖哩汁好淡, 牛脷好乾好鞋好韌薯菜變咗焗薯而唔係薯條完全唔夠位坐要我哋兩個人逼埋一邊好窄嘅有條柱頂住嘅卡位, 廚房嗰條走廊污糟邋遢見到曬. 冇加一塊膠板喺卡位中間. 道門成日開住啲煙味飄曬入嚟, 落咗單又唔畀人轉去細台

叫咗個豬扒公仔麵常餐，豬扒煎得幾好食。另外跟丹麥多士煎蛋。另外叫咗個午餐馬來咖喱焗牛肉飯。牛肉新鮮夠多。焗得夠熱。忌廉餐湯亦都ok。加埋熱奶茶$65。常餐就要$55。只收現金。5毫子都唔收。

帶位員的態度極之差劣，要求2人坐只容納到一個人的位置，當客人反映時，竟然要求客人從新排隊。縱使食物質素有幾好都係冇用，有這樣的員工只會把想光顧的客人一一趕走晒。

平日tea time 去食，一入去無人理自己坐咗喺4人枱(仲有其他吉枱),過咗幾分鐘有個員工好無禮貌叫我坐去搭枱。(搭枱無問題，問題係冇禮貌）到落單又係無人理，舉手一分鐘無人望過嚟，要行去搵人先有，落單嗰位中年女工態度好啲。叫咗咖喱吉列豬扒飯，凍奶茶。咖喱吉列豬扒飯係當年翠華嘅味道，即刻食味道還可以。至於凍奶茶，就比較普通，茶香同埋奶香都爭少少。不過咁嘅態度，我唔會再去，希望少人啲佢哋無咁忙塊面可以冇咁黑🙄

大大話話食咗喱間嘢七年，嘢食越嚟越難食我都算，都起碼叫中間偏好，但趕客的手段越嚟越無下限。早幾日同老婆6點一抽二掕入去食，點知都要我哋坐埋一邊，侍應態度差又唔提供地方我地擺嘢，最後唯有走人，以後唔會再食，再見！

呢d叫做唔建議叫咖哩系列D咖哩完全係超級水咖哩一D都唔辣之餘仲要無咖哩味好似你係屋企食剩既咖哩加水再翻煮咁薯仔仲要係求其放D薯角落去就算感覺上就係一堆廚餘，我就係廚餘回收既客人我當時叫既係咖哩牛根腩飯但最後完全唔係薯仔，完全唔係果件事極度難食，加完辣椒油都係無辣味無下次幫襯##############################

⛔️侍應阿姐態度惡劣，野食又貴，請大家三思。⛔️侍應阿姐態度惡劣，野食又貴，請大家三思。⛔️侍應阿姐態度惡劣，野食又貴，請大家三思。重要嘅野要講3次。我同2個朋友嚟食晚飯，一坐低，侍應姐姐就放低一杯水喺台面。因為天氣熱啦，我朋友就叫姐姐畀多一杯水飲下。點知阿姐回覆：‘’台面杯水係畀你洗嘢（餐具）架， 本身係唔包水。‘’畀杯水都咁孤寒！🤯🤯🤯🤯下次唔洗幫襯了！晚餐淨係得西冷牛扒餐可以揀，咁我哋就揀咗平時茶餐廳會食嘅焗飯、常餐、炒粉麵飯。我地叫咗：1️⃣常餐沙嗲牛麵+奄列，凍檸茶走甜；2️⃣ 焗豬扒飯，熱檸水；3️⃣ 鐵板豬扒炒公仔麵（無叫飲品）。熱飲+$3，凍飲+$6。3個餐合共港幣$197。

$30 冰火菠蘿包加紅豆冰紅茶啲菠蘿包就算不是新鮮出爐但都一定係熱騰騰外皮酥脆底下嘅包軟綿香口令人驚喜的是另外附上的牛油底下會用冰塊保溫令牛油一直保持在冰凍狀態熱辣辣的菠蘿包，夾入一塊冰凍的牛油一冷一熱牛油記得要夾大塊些令它在即時溶化後，仍然可保留塊狀的口感入口時雖然非常邪惡但帶給人無限的滿足感

有別於一般冰室，入到去冇人理你，但係門口個cashier 位係有人企喺度（可能嗰個係老細，佢唔會招呼客人），企咗一陣見到冇乜位，2分鐘左右，終於有人行出嚟問我哋幾位？ 兩位，搭唔搭枱，如果唔係就出去等，咁我哋等囉，喺出邊等咗10分鐘左右，終於都食到呢間所謂嘅網紅冰室，服務態度差就算啦，希望的食物都唔好太差，果然廚房可以為呢一間服務態度極差嘅冰室，挽回最後1分，食物質素同埋相都好有誠意，所以如果你唔係趕時間又唔介意服務態度可以試吓🤣

這天非常熱又曬在旺角的街道人頭湧湧見到一間港式茶餐廳已排了一些人在餐廳外我們便排隊等入去大概等了15分鐘坐進了去、座位乾淨程度一般叫了菠蘿包和凍檸茶是剛剛出爐的菠蘿包 金黃色的焗得皮脆 內軟好味侍應態度服務一般不過野食都叫可以～會再來～

長頭髮，紮馬尾，瘦身材負責帶位個Y姐，串到爆，吾知以為欠左佢，員工服務態度好有問題.試過比多次機會去食，最近食過兩次，服務態度都係咁差，想受氣就去食呢間，永遠冇下次，永久黑名單。