紅茶冰室

营业中

休息中

紅茶本來是我很喜歡的一家茶記。但這次實在令我覺得好很差。叫左個咖喱牛腩飯，啲牛腩好似牛肉乾咁，又黑又硬。乾炒牛河正常，但叫佢比2包辣醬，就只比一包，仲要掉過來。咁鬼熱，叫杯紅豆冰啦，但似紅豆水多啲，好難飲。飲飲下仲要有芫荽味。我仲以為我食左啲咩影響左。點知食食下紅豆真係有芫荽係入面。 職員好老實呀，話應該係洗唔乾淨。唔係紅豆有芫荽。到底要點樣洗唔淨先可以做到有芫荽味嘅紅豆冰？唉。。。香港既茶記冇啦冇啦。。。

午市有4個低食餐，日日唔同，今日食左佢嘅南瓜蒸排骨，真係好好味！南瓜蒸得軟綿綿，吸收咗排骨嘅肉汁，味道超級香甜，排骨又嫩滑，咬落去好滿足！再加埋一杯凍檸茶，清新又解渴，檸檬嘅酸味同茶香好搭，飲完之後心情都好好。呢個組合真係一流，無論係家庭聚餐定係朋友聚會，都好適合，絕對值得推薦！

以往朝朝早經過都會買麵包，最近早班換咗人，買過兩次，早班個員工都黑口黑面，今日離遠行埋去，一個客都無，行到埋去個女員工藐嘴藐舌，講左要乜包，應都冇應人，本來明明冇野做，就特登抹下枱，搞吓部收銀機，貼吓佢唯一一張為數不多嘅單，全程慢動作，當我以為佢聽唔到見唔到我打算講多次要乜時，大概十幾秒佢，佢先去夾個包，扔喺枱面。唔怪之得最近唔使排隊買麵包，要趕返工嘅人真係多得佢唔少，一早遇着呢啲咁嘅瘟神，應該係請返嚟趕客，反正態度越西，客越少自己就做少啲，好手法

最近大熱嘅紅茶餐廳 1230嚟到排晒長龍🫠等了10mins可以入座啦今日嗌咗A餐板燒西冷牛扒伴香草豬腸配意粉+中湯+凍檸茶牛肉有纖維質感，肉質鮮嫩，口感腍身，要趁熱食..有驚喜嘅估唔到香草豬腸好好食。中湯麻麻地，偏淡。凍檸茶，少甜剛好，唔會太冰。總體嚟講還ok。

自己本身係呢一頭返工，有陣時係可以返晏少少嘅，返晏嘅時間呢，我好多時都會喺呢一度食咗早餐先，而嚟到呢一間門市呢，永遠呢都會俾佢出面條隊嚇親嘅，因為呢永遠都有人排隊嘅，但係其實呢佢條隊都去得好快，大家千祈唔好嚇得咗，尤其是一個人其實入得好快。咁當然啦，因為佢都好慳位，兩人座位呢都會安排兩個唔識嘅人一齊坐嘅，但我自己就覺得OK嘅，入嚟嘅時候呢我通常都會食菠蘿油再加杯嘢飲，堂食嘅菠蘿油呢其實更加出色，因為呢佢可以將個菠蘿油呢分開上，等你自己按照你自己嘅需要呢放嗰個份量，我自己就唔會放太多，因為真係太肥，但係夾埋一齊食真係好好食，而且佢個菠蘿皮呢係永遠都咁脆嘅，呢個係非常之值得讚賞

近排係某區群組，紅茶相當出位，追捧要到該區開店；我好好奇，所以今日沙田返工前就碌去紅茶，嚐個味。無記錯間間紅茶都係依個款既類似裝修，全個舖頭卡位居多。侍應人手都幾充足，繁忙早餐時間都唔需要話等落單；地方都乾淨，加入依間紅茶都唔係開左幾耐，整體來講都好新淨。早餐唔算選擇好多，不過不失啦！如果計全日早餐，價錢唔算好貴；其他餐就正常價錢啦！最後叫左個雙拼粉面E餐，餐肉煎蛋米配走甜凍檸茶。份量正常，米粉唔算多，煎蛋有兩隻，算係咁；餐肉方面就，正正常常啦！但係如果可以煎耐少少🤏🏻咁就好啦！同埋餐肉唔算厚切，但起碼唔係薄如卡，都係不過不失系列。檸檬茶方面我就覺得茶底還可以，但略嫌淡口左D，茶味明顯唔係好夠。

焗意粉等左20分鐘開始追，到30分鐘有個亞姐話漏單，而家先焗！又等多10分鐘，黎到意粉變左飯，一係要，一係唔要。好啦，照要啦！個魚柳勁咸！同樓面講，樓面話唔關佢事，同收銀講，收銀話唔關佢事，同樓面講！樣樣都唔關佢事，得出糧係關佢事！單又漏，野食又勁咸，都唔關伙計事，係關老闆事既！請班負責倒米的員工，祝你好運啦老細！真係冇下次。

每次都好期待有牛扒午飯，感覺好似盲盒咁要黎到先知有咩午餐。點解咁喜歡呢個餐？因為牛扒好味得黎又配焗薯。焗薯係茶餐廳有得食真係小之又小，配合埋個醬汁真係好夾好好味。

今日已經係食左第3日既紅茶冰室了，因為香港真係冇咩其他冰室好食，所以真係食足3餐呀。紅茶冰室既是日午餐都算唔錯價錢都叫合理，只係HKD$67 - 70 就有一個LUNCH SET食啦。另外仲有燒味飯餐，據了解燒味飯唔係間間都有，一睇到餐牌見到有乳豬飯都已經好吸引好想食，佢仲有乳豬雙拼飯($80)，仲有再貴少少既乳豬燒鵝返($90)，不過真係實在貴左D，所以都係決定下次再諗食唔食乳豬飯啦。最終都係叫左個LUNCH SET，焗芝士火腿雞皇飯，芝士就夠燶既，亦都好拉芝唔錯。飯呢都係炒底。不過雞皇只係雞胸，冇乜味要扣分了。

來到沙田的紅茶冰室，這是香港比較著名的連鎖茶餐廳之一，很多遊客都聞風而來！🍵✨ 店內裝修簡單整潔。偏黃的燈光裝修讓人感覺到還算舒適。雖然座位擁擠，還經常需要搭枱，但總體來說，這裡的傳統茶餐廳風味還是有一定水準的！ 比起大圍的紅茶冰室，這裡的餐牌選擇更是豐富，例如泰式粉面、西式漢堡餐，完全可以感受到老闆想賺錢的心！🤣🤣🤑雖然經常排隊到天荒地老，但沙田的分店是在商場內排隊，至少不會曬到！🤣我嘗試了泰式冬蔭功海南雞湯金邊粉， 這金邊粉吸湯汁的能力簡直無敵，下次可能轉其他粉麵會更好些。海南雞無骨嫰滑，好評！！❤️這裡的冬蔭功味道酸酸甜甜，怕辣的朋友也可以一試！🔥🍋 粉面套餐+$6可以喝到港式的冰奶茶，讓你同時一嚐港式與泰式的美味！🌟🍽️

早上10點52分打電話落單，叫咗一份外賣早餐，晏少少去拎。大約11點05分去到餐廳，唔見有自己張單，向店員查詢，份早餐比其他人拎走咗，店員竟然可以冇核對收據既情況下就將我份早餐比咗其他人。之後我叫店員馬上整過一份早餐比我，結果等到大約11點30分先拎番屬於自己既早餐，一份外賣早餐，等咗30分鐘有多，安排極差既餐廳，想貼錢買難受既歡迎去試。

賣麵包嘅阿姐真係有問題如果唔想做就唔好做，得一個客買麵包嘅時候都好啲，超過兩個人買麵包就開始黑口黑面！夾個麵包收吓錢有幾多嘢做啫！人哋又冇催你…塊面成舊炭咁…次次買都見呢個衰樣…人哋買咩講完一輪又要人哋repeat一次，仲要態度好差！

食餐飯都咁激氣，真係要表楊一下香港D餐廳既服務態度，今日一行五人11:48 到達餐廳，未到12點半已經比亞姐鬧話我地坐得耐，開聲趕我地走，係香港食個飯慢D都係錯，其中一個朋友因為中間去左5分鐘洗手間，返來杯飲料都未飲完，餐廳如果有限時，應該寫係餐牌，如果我知食一個鐘未夠都比人話阻住佢做生意，我一定唔會來，希望管理層留意一下服務員的態度，如果佢地有禮貌D，我都唔會刻意寫咁多字去差評佢，應該以後都唔會再去

唔係太明點解咁多人排隊叫左個常餐 食物質素非常一般都唔止普通 茶記黎講係中等以下丹麥酥唔夠脆 火腿奄列味道偏淡 無落鹽咁金寶湯通粉d粉煮太淋 軟得濟連埋比較杰既湯成碗糊仔咁豬扒味道一般 煎得唔夠香侍應態度雖然聽講出名差但今次親身認證又無想像中差正正常常咁座位係坐得唔太舒服 好逼我一個人去 明明對面無人 但我坐低左又即刻加塊膠板係枱中間搞到得半張枱放食物個寬度淨係放得一隻碟一個全餐$61食完一次無下次因為各方面都好一般

4人枱本身已分左兩邊，其中一邊吉左，空出的單邊，有位都唔俾排喺前面的單人入座，而係俾左排喺後面的兩人。問佢點解唔俾前面單人的，帶位的說，唔好意思，你明啦，做生意。單人幫襯不算生意？唔俾單人大食過兩人？兩人坐足45分鐘吃兩個餐生意多過4次單人入座？呢次已經係近兩個月第三次在這間餐廳感到單身入座受歧視。以前沒這情況。餐廳改了方針？终於坐下來，點了菠蘿油，凍奶茶。菠蘿包是温熱的，牛油片另外分開，冰了，適度的硬，放入菠蘿包內，剛剛好，與奶茶十分搭，味道保持水準。冰室環境一般，前一陣子餐具偶有污漬，近日情況好了點。餐廳內的侍應十分勤快。