紅雞

营业中

休息中

本來諗住訂位點知餐廳話而家只接受WALK IN好淡定咁諗7點前去到就OK原來唔OK離遠已望到好多人排緊隊保守估計前面約有20人排左20分鍾之後先發現原來要拎飛的心裡在OMGSTAFF話大約要8點半先有位結果都要9點先入座共點了~韓式年糕~檸檬蜜糖炸雞~韓式薄餅~柚子米酒味道全部都幾好三個人食到飽飽埋單5XX唔算貴呀好滿意的一餐下次要再來份量雖然唔算大但人少少就可以試多D款

20200829 🍽🍗🍺放寛晚飯時段，即刻要衝出去食返餐😋早少少開飯有著數，нαρρу нσυяѕ🍻🥳🥳食完仲有時間行下，幫助消化🤪滿足～😌今次揀左呢間想嚟好耐，但一直都未嚟到試既"紅雞"~兩個人限聚開飯都唔能夠叫到好多野食～1.半半炸雞juicy~ 唔會炸到好乾～建議先食蒜香之後至食甜辣～甜辣比較濃味，但唔會太辣，甜味比較多～😋😋😋😋2.涼拌辣汁螺肉配冷麵一上檯聞到好香麻油味，入面除左螺肉，仲有好多配料～青瓜、洋蔥、仲有d一條條類似魷魚絲既物體，配埋辣汁冷麵，好味道～😋😋😋😋😋3.蜂蜜柚子啤酒啤酒有淡淡既柚子味，味道唔錯～但係覺得唔夠冰凍，始終覺得炸雞係要配超級冰極啤至夠爽～😋😋遲d飯聚人數回復正常，一定會一班朋友再嚟過～因為可以叫多d野食🥳🥳🥳🥳🥳🥳🥳

本身麻麻地韓國嘢食，之前去親食韓國嘢嘅體驗都麻麻，覺得唔好食🥶食完呢一間之後令我對韓國食物重拾信心，唔係講笑，係我暫時喺香港食過最好食嘅韓國餐廳😍(利申:平時好少食韓國嘢)唔怪得夜麻麻去買外賣都咁鬼多人等，仲要佢間舖都幾隱蔽下😂不過有樣嘢唔係太鍾意嘅就係佢落單個安排好亂，明知好多人又得一個人做嘢都唔做得有系統啲🙂落單唔係比黎先嘅人(已經一早同咗佢講，佢叫我哋等陣)，而係人地隨口嗌個店員就幫佢落單，要我地繼續等💦同埋呢間嘅價錢真係偏貴，不過撇除其他因素淨係講味道我都覺得值得嘅👻.🐔半半炸雞(蒜香汁+甜辣汁)炸雞其實間間都差唔多，炸雞我反而鍾意nenechicken多過呢間，多好多種口味可以揀同埋貪佢細細粒😹雞肉嫩滑雞皮香脆，至少會做到呢一點👻醬汁鍾意蒜香汁多啲，因為個人比較重口味，甜辣汁太濃，會食食下唔想再食😹份量好多，兩個人食記憶中每人食到五六舊🙈.🐔韓式炒辣豬肉蓋飯其實今次叫嘅嘢唔多，因為覺得淨係一份炸雞已經好飽肚🥴就係呢碗飯令我覺得原來韓國嘢食都可以咁好味，大家一定要試😋啲辣豬肉炒得超香口，同啲醬汁勁夾，食到完全停唔到口😏

只能夠說，一份炸雞連外賣焗左一陣都仍然脆身，好味。出色！！！！！作為一個識飲識食，但同時又有道德包袱既香港人，為了支持醫護。當然要留家叫外賣！ 但尖沙咀咁多食店，點揀好呢？ 當然係先諮詢女朋友意見，尊貴的她說要食炸雞，我二話不說，從收藏夾中找到過百好評既red chicken 炸雞店。 果然無令我失望！本來都有d 擔心炸雞送到黎會有d 淋左，但結果係脆卜卜呀，而且仲有勁多汁撈，好惹味呀！而且or包裝盒都幾靚，成個體驗都好好！極度推薦！

最喜歡約埋三五知己一齊到韓式店度食炸雞，飲啤酒🍻傾訴最近的辛勞，真心爽啊！呢日揀了red chicken ,等左一陣間就入 當然消毒同量體溫係必須做的！首先嗌左杯蜂蜜啤酒爽下 甘甜味美 酒精濃度不高 最啱一邊傾一邊飲吞拿魚沙律 🥗估佢唔到 個dressing係辣既 我無辣不歡就愈吃愈開胃 但我d 朋友吃不到辣就食得有啲辛苦 所以不太能吃辣的朋友就要留意返了 韓式chesse煎餅 粉不會太厚 芝士拉絲 內裡的料也足的 正！我哋原味同辣味都各吃了半份，我當然鐘意辣味 而且雞肉也炸得好 吃下不會覺得柴同乾 而且保持到肉汁 一啖炸雞一啖啤酒 🍻heaven 🧚最後友人嗌左個芝士煎蛋 好濃厚的芝士 蛋味也濃厚 但我只吃到少少 因為我已經好飽了 滿足

星期六晚上嚟食好彩朋友醒目一早book咗位不過都要等咗一陣先入到去環境唔錯，好闊落，而且有枱與枱之間都有圍板，感覺同隔離枱距離可以大啲半半炸雞 -158我哋揀咗原味同香辣汁個人十分鐘意原味，雞好嫩滑多汁鐘意食海鮮嘅我見到menu上呢度菜已經眼睛發光好彩同行友人都鐘意食蝦西班牙式牛油忌廉蝦 -138蝦份量好多，絕對唔會唔夠食啲汁都唔會話好杰，最好係已經剝埋殼，方便懶人進食😂韓式牛肉配粉絲 -108韓式粉絲就係就種魔力令人好想食😋呢個粉絲唔會話太乾或者太油，食落煙韌海鮮蔥煎餅配鰹魚乾 -1182個人食就會有少少好快飽肚感不過味道係唔錯嘅最後重叫咗個蜜桃燒酒 -108原來都幾多朋友唔太飲，最後係我飲咗好多🤣🤣桃味都重，幾易入口

好耐無食韓國嘢，今次約埋朋友嚟試吓呢間韓國人開嘅餐廳先！因為我地幾個都鍾意食辣，所以揀咗甜辣炸雞，另外加$10轉左無骨，貪佢食落啖啖肉更加過癮。炸雞真係好好食，個甜辣汁落得大方，件件炸雞都比甜辣汁包裹住，夠晒濃郁！炸雞雞皮好香脆，入面嘅雞肉又大嚿又juicy，啖啖肉食得好滿足！我地仲叫咗個芝士年糕鍋，一上枱見到裡面爆多芝士，會拉絲架！而且好多配料，但食完炸雞再食呢個鍋感覺有D膩，一試無妨，下次會試其他小食！

尖沙咀搵韓國野食，除左韓國街，行遠小小都可以試下呢間！除咗啤酒同炸雞其實佢仲有好多野食蜂蜜啤酒😻一般啤酒都好怕好大浸苦澀味好難入口，但係呢個蜂蜜啤酒甜甜地超易入口！啤酒味都唔算濃但係飲落感覺好爽！秘製蒜香蜜糖醬汁炸雞配薯條😻加咗蒜成個感覺好香，雞表面炸得好脆卜卜，加咗蜜糖又唔會有好膩嘅感覺，反而仲更加香，雞肉好嫩滑，仲好Juice Tim，薯條佢係粗薯條，唔係M記嗰種幼薯條，點左雞件靜落嚟少少蜜糖醬都好好食😽海鮮魚片火鍋😿呢個火鍋真心麻麻地，感覺食極都係魚蛋，魚蛋仲要冇乜味，海鮮份量好少，不試也罷🌟.想是多款炸雞，都可以試半半炸雞，但炸雞除外其他嘢就唔算好吸引呢啦

睇韓劇睇得多，終於都食到韓式炸雞啦！Red chicken炸雞有原味、蒜蓉、甜辣味。今次揀咗甜辣味嘅炸雞炸雞果然即叫即炸，嚟到嘅時候熱辣辣，上面放滿左好多甜辣醬，酸酸甜甜嘅辣味令到我哋一舊接一舊停唔到口，我哋加$10轉左無骨炸雞，食落啖啖肉更加過癮。

🐥半半炸雞炸雞嘅味道有三個選擇, 原味/辣味/蒜香汁, 三揀二✌️今次有朋友仔唔食得辣, 順理成章揀左原味同蒜香汁🤤 即叫即炸嘅炸雞脆皮係基本, 而值得讚嘅地方係外層炸粉夠哂薄, 唔怕食到成口粉, 入面嘅雞肉又大嚿又juicy, 一碟嘅份量都算多㗎👍唯一係小妹覺得原味比較普通, 無乜特别, 相反蒜香汁惹味好多, 下次再去要試埋個辣味! 小妹加左$10轉無骨, 可以啖啖肉仲正😍其實小妹仲試左蜂蜜檸檬炸雞, 酸酸甜甜, 都好好食㗎🤤 再次極力推薦大家加$10轉無骨, 因為啖啖肉咬落去果下真係好爽, 同埋好有滿足感😆

好鍾意食炸雞嘅我比尖沙咀一個招牌吸引happy hour有折扣本身已經唔貴，加埋折扣等於免費送你一兩杯啤酒佢啲啤酒仲要係生啤即刻叫咗一杯1664白啤酒黎飲生啤果然係好飲啲叫咗甜辣炸雞同埋蒜味炸雞🍗。友人比較大食，通常都會食得晒一份炸雞，仲要額外加小食但係今次佢竟然食唔晒，因為覺得個醬太漏，但係我就好鍾意佢個甜辣醬，夠晒濃郁夠晒杰因為實在太漏，所以第二次去就叫咗一份甜辣炸雞同埋一份原味炸雞。今次就啱啱好啦佢啲皮炸到好香脆，啲雞唔會話好鞋，但係都冇我哋食過最嫩嗰啲雞咁滑但係依個價錢來講真係好抵但係有次埋單嘅時候發現佢冇計到我地折，所以大家埋單嘅時候就要睇清楚啦

今晚和朋友三人行黎試新野，整體上都不錯半半炸雞（香辣汁&蒜香汁）賣相不錯👍🏻 外脆內嫩肉質不會乾/硬，算係‘冧’果種質地，不過小女就唔會幾中意呢種，有啲似雪藏雞，一啲雞味都無，雞味🤔你會話咩係雞味，小女都好難解難俾大家，哈哈，如果食過家鄉雞（唔係KFC果啲）或者食新鮮雞，食落去會分別出啲肉係有唔同，啲肉會結實啲.....講到呢到可能你話我挑剔，係既小女對食有啲要求，要食就要食好啲不可馬虎唸唸下，其實係香港食雞肉有咩唔係雪藏雞/冰鮮雞架，有得食好好架啦，要知足講翻Red chicken啲炸雞，算juicy，醬汁又多，一盤每隻味都有5舊，都幾飽下，提一提啲炸雞趁熱食會好味好多。即叫即炸，所以嗌完野食，要耐心等下.我地仲嗌左部隊鍋，無咩特別，就唔係度多講啦。仲有叫左出名既蜜糖啤酒🍻，米酒，幾個朋友係旁邊，吹下水.如果朋友你話想食正宗韓國炸雞的話，建議你都係去翻轉韓國啦😂

抱住試嘅心態，5個人叫左3樣嘢再加埋2枝hite beer🍻我地叫左碟蒜味雞，份量大概係每人2件左右…都幾juice, 不過蒜味唔夠出🤭要讚下個牛肉粉絲煲🍲啲瓜瓜菜菜…紅蘿蔔…粉絲牛肉都好入味，個湯底甜甜地有啲似壽喜燒，又有少少辣因為加咗啲胡椒🤤另外叫咗一個芝士泡菜煎餅，會拉絲架！軟綿綿，好有芝士嘅感覺😋價錢合理，環境又唔錯…而且喺我哋間fitness studio附近, 可以下次再食!😋😋

每次去同依個朋友食韓國野 大多數都黎red chicken 但印象中係第一次叫炸雞 睇都唔洗睇menu就叫左半半炸雞 一半香辣一半蒜香味 之後叫多左個芝士香辣炒豬肋骨 叫完先驚2個女仔食唔曬雞應該就即叫即炸 所以都第左陣 一上枱已經好想食好香 份量都幾足 大概每個口味都有5件 即刻拎左香辣味試下 拎個下就燙手 咬個下雞皮好脆 even個有汁係上面個雞都脆嫁 而且d肉唔鞋口 炸得好唔錯呀 個汁絕對易入口 韓式辣味 我唔太食到辣都食到 不過怕辣就整走少少d汁啦 始終我覺得有汁冇咁dry hahaha! 食完好想繼續食 之後試埋蒜香味 其實食完第一啖就覺得似蜜糖為主嘅汁多d 但我好啱我口味呀 所以之後keep住食蒜香味多d 佢地比汁好多 所以唔鍾意太甜或者濃味個d 可以整走d 仲有要趁熱食趁熱食呀另一個芝士香辣炒豬肋骨 上碟用鐵板上 好熱嘅 個時d芝士係水水地但叫做整到上d豬肋骨上面 但芝士味唔濃 淨食豬肋骨好食好多 入味而且好多肉食哈哈 食完一塊 其實d芝士都涼到痴實係個板上面 完全都唔叫拉絲 實到整都整唔到同d豬肋骨一齊食 分開食 咁我其實唔洗叫芝士哈哈 麻麻地

其實初初點解會揀呢間餐廳係因為朋友話之前食過見到有靚仔oppa intern 做waiter講到咁吸引，就想去撞下果日早到晚左，一入門就見到個韓國籍嘅老闆嗯。。。應該唔係我地諗既oppa 望哂全場都見唔有已經開始有啲失望睇嚟個intern應該走咗。。。講返正題我哋叫咗三樣嘢但我淨係影咗其中一樣呢個係第一碟黎嘅菜式:泡菜加五花肉食韓式料理通常都會有但好失望嘅係佢去左成塊豬皮，本身就係鍾意食豬皮，反而我唔係好鍾意食中間嗰層肥膏，好肥，但係見到張相都知，佢啲肥膏真係好多，肉反而好少，而家連層皮都冇埋，真係好無奈，好似淨係食佢啲豬油咁，唔建議大家叫 之後嘅嘢冇影到相但係我食咗兩款唔同味嘅炸雞一本叫辣醬味一本叫蒜味，蒜味好食，辣味就麻麻，甜甜地，普通韓式辣醬嗰隻味另外仲叫咗牛骨粉絲鍋唔好食，牛肋骨好少，唔抵食總體來講今次淨係覺得個蒜味炸雞OK其他都可以唔使嗌