素味牽 (已結業)

成個十月都食得好放縱，呢幾日係咁俾人話我肥左。於是諗住食少一兩餐肉，去食下齋。素食套餐$43（精選炒菜+$5）有大約十款餸，可以揀兩樣。加$5要個炒菜，加埋就有三個餸。套餐仲包埋是日餐湯/是日特飲，同埋白飯一碗。唔夠食嘅話可以免費加多碗飯。🎃南瓜湯是日餐湯係南瓜湯，好多南瓜蓉，好濃，味道清甜，好飲。🥔黑椒薯角雞髀菇味道同平時食黑椒薯仔牛柳粒差唔多，不過當然唔會有牛柳粒喺入面啦。不過曾經食過第二到有啲好好食嘅黑椒薯仔牛柳粒，啲薯仔係有蜜糖味之餘仲要係脆嘅，仲正過啲牛肉。但大部分餐廳都唔會做到呢個效果，係正常嘅。呢到都係正常嘅質素，薯仔唔會太硬，不過都唔會係脆皮嘅。大約有三分一係菇，菇好食，咬落去會有汁。🍅番茄炒蛋好多時喺出面食嘅番茄炒蛋都係落大量嘅茄汁，於是好甜，味道會好假。但喺屋企，媽媽整嘅番茄炒蛋唔會落茄汁，反而會落大量嘅番茄，味道會係番茄天然嘅酸甜味，雞蛋又會炒得好嫩滑。所以雖然我好鍾意食番茄炒蛋，成日出去都會忍唔住叫番茄炒蛋，但一直都淨係覺得媽媽整嘅番茄炒蛋係好食嘅。但呢到個番茄炒蛋味道竟然同媽媽整嘅都幾貼近，又係食到天然嘅番茄味，而唔係茄汁味。雞蛋雖然炒得冇媽媽炒嘅咁嫩滑但都炒

食素梗係去 💛 黃店 ~位於 深水埗-元州街 的 "Veggie Hut 素味牽" 以新派素菜為主，其東主就係 "加藤屋" 的老闆，真的有夠黃 💛 ~Menu ~特飲-桂圓紅棗茶 : 真材實料 , 味道甜甜蜜蜜 , 飲落覺得好滋潤 , 好適合秋天飲 ~黯然銷魂飯 : 眾所週知黯然銷魂飯是食神創作的叉燒煎蛋飯，竟然會有素食版 ~「叉燒啊！！好叉燒啊！！！」素版本當然是用素叉燒，叉燒的肉質偏軟，外層有燒香過的痕跡，偶爾吃到有脆邊，而且素叉燒味道帶甜～ 煎蛋選用日本雞蛋，蛋黃紅潤有黃香，白飯煙韌及澆上味道甜甜的自家煮豉油，全部混合來吃，滋味難以抗拒 ~本篇完 ~

在深水埗見到一間新開的素食最近想吃得健康一點於是就叫了一個素食套餐已想不到原來食素也可以如此美味麻婆豆腐川味十足，而且用豆製品做的肉粒很彈牙，與真的豬肉粒有幾分相似，唔講唔知是食齋而香芋炆麵筋也很出色，香芋炆得夠稔，麵筋高蛋白有口感白飯是用珍珠米，而且送的餐湯是南瓜雜菜湯，十分滋補有營養

-🦄素味牽 @veggiehut19-素食套餐+時菜 Hkd43+5Rating🌕🌕🌕🌗🌑-係深水埗都有一間新開嘅平價素食食堂🌱😜餐牌上嘅素食都好特別😳例如係黯然銷魂飯🥢仲有素味鍋🍲同埋素米線 好似車仔麵咁🤤不過我今次就叫左個最普通嘅素菜套餐🍱提供嘅餸菜每日都唔同款 所以日日食都唔怕悶-🌱素菜套餐套餐本身包括左兩款餸菜 時菜係額外加錢叫嘅我簡左蟹黃豆腐同埋翠玉瓜炒雞髀菇🍄蟹黃就當然唔係真嘅蟹黃啦😂雖然我唔知係唔係但食到好似係用左金菇代替蟹肉 而個蟹黃呢🦀就好似係南瓜🎃煮成嘅 雖然味道上唔太相似🤭但配埋豆腐食 其實好好味😋撈飯食真係一流👍🏻翠玉瓜炒雞髀菇都係正常水準 家常小菜嘅味道🙈雞髀菇夠曬爽彈 翠玉瓜又煮得岩岩好 唔會太硬太淋另外我仲加左錢 其實只係5蚊叫多左個時菜🥬今日嘅時菜係炒椰菜 椰菜都炒得好爽脆👍🏻👍🏻味道都係岩岩好 少少嘅鹹味 絕對唔係白灼😤😤另外我自己就叫左少飯 不過其實都已經好大碗😭睇返餐牌 如果大家唔夠食 係可以添飯架🍚而套餐仲包左一杯特飲 又或者係當日嘅餐湯🥣今日嘅特飲係薏米水 清熱去濕 而且唔太甜😳👍🏻感覺上都係啲健康飲品 又或者飲餐湯👉🏻雜菜湯-所有嘅餸菜其實都

餐廳：素味牽 (深水埗)地址：深水埗元州街32號地舖最近參與咗個「素黃」行動，去咗深水埗一間黃店素食餐廳食咗個飯💛，佢地所有食物都係素食，而且不含五辛，真係任何人都適合黎食😆佢哋提出五大食素嘅原因，包括愛護動物🐖、宗教信仰🙏、關心健康💪🏻、支持環保♻️同可以轉下口味😋，只要你中咗任何一樣，你都可以去支持一下呢個素黃行動😎素食套餐 $43素味牽嘅套餐每日都會轉唔同素食選擇🥦，而一個套餐有兩款素菜、白飯🍚同一碗湯或者嘢飲，我就揀咗新疆炒羊肉同涼瓜炒蛋，嘢飲方面就揀咗個菊花圓肉杞子茶老實講呢個新疆炒羊肉嘅味道真係惹味十足🤤，好有平時食羊肉嘅風味，模仿度我比90分🤩；而涼瓜炒蛋亦無任何苦味，係略為有少少鹹，撈埋飯食都okay嘅🤪

呢排成日屈喺Office食外賣，食到悶，同事話不如出去堂食啦。本身我哋想去嗰間餐廳因為疫情關係，連午市都唔做，暫停營業😖。我哋即刻由青山道行番落去元州街搵嘢食，有諗過食加藤屋，但要等位。於是就去咗試隔離舖、由同一老闆經營嘅「素味牽」。老實講，我係一名食肉獸，之前同事多番苦苦哀求下，我都唔肯陪佢試🙈。哈，又邊諗到會喺咁嘅情況下食咗呢。實習女店員態度超好，絕對值得讚賞👍。每當有客人(包括我哋)喺門口睇餐牌之際，佢都會主動開門邀請客人幫襯。同時，佢全程保持禮貌，我問及食物詳情時，佢有唔清楚嘅地方會向廚房求證，唔係敷衍了事。餐廳環境好舒服，冷氣充足，加上而家有限二人一枱，座位超闊落。另外，裝修簡約，以白色同綠色為主色🌳，配合番食素嘅感覺。素菜款式可算係齋口唔齋心，不過都OK嘅，始終有時加啲創意同幻想力，確係會令食物好食啲😆。呢度連黯然銷魂飯都有！不過我哋叫咗嘅係素食套餐(兩餸飯餐)同撈米線。素食套餐($43)，項目包括兩款菜式、白飯以及湯或熱特飲。素菜款式有8️⃣八款揀，並且會不定時轉換，基本上大部份菜式都有「肉」。套餐造型幾精美，餸菜同飯係分開上的，餸碟就一分為三格，幾款唔會撈埋一齊😉。白飯係可

兩個多月沒有到訪素味牽，今次重臨，餐單的選擇增加了🎉🎉～有10多款食材供選擇的素米線，素味鍋和2款的香草雞麻香食品。今次就選了「意式香草雞麻香燴飯」來試試。有點意想不到的是，原來這燴飯有覆蓋了半碟飯的炒蛋的。作為主要食材的香草雞，頗有咬感👍，不過就似乎不太感覺到香草的味道🤔。如果和調味的配料相比，香草雞這個主要食材卻有點被比下去了。食品中的麻香味道十分出色💯，吃着吃着時，口腔內便會有一股麻中帶微辣的感覺在徘徊着🤤。如果想給味蕾來一點點刺激的，這食品會是不錯的選擇。

深水埗新開素食店，此素食店環境光猛，坐得寬敞，環境乾淨清潔！食物方面最好係不含5辛👍🏻👍🏻👍🏻👍🏻👍🏻（不含洋蔥、蒜頭、蔥）第一次食已經好有驚喜😍好好味！餐單有兩餸飯$43暗然銷魂飯$50各款素湯米線跟餐有飲品或湯（當日係紅蘿蔔南瓜湯）跟餐還可加春卷及炒菜👍🏻而且份量足夠，我同老公本身係一個飯桶，都夠飽😋特別係暗然銷魂飯😁呢間素食店仲要係用日本米添，更加美味💗員工服務仲要好有禮貌😊整體非常滿意，會再幫襯支持素食店

今日終於用誠意打動咗食肉獸陪我食素，所以就嚟咗開業不久嘅素味牽。入面嘅裝修環境簡約，令人坐得舒服，感覺寧靜。素菜套餐選擇豐富，而且佢仲有定時轉換餐牌，所以每一日去幫襯都唔會覺得悶。菜式亦都唔單調，素菜配合意式香草仲有米線俾你揀，聽落都覺得好特別。仲有素菜版黯然銷魂叉燒飯，賣相就好似食神裏面嗰份咁都似模似樣。最後決定要咗一份素菜套餐，揀咗麻辣蘿蔔牛腩、咕嚕肉，仲加咗$5配炒菜一份。佢嘅麻辣汁令我覺得好驚喜，好香嘅麻辣味但又唔算好辣，而且佢嘅蘿蔔好入味，牛腩就用一啲菇類製成，都幾像真，咕嚕肉亦都做到酸酸甜甜，配合三色椒，真係覺得自己好似食緊咕嚕肉，但就冇食肥豬肉嘅感覺，健康得來又好味，只係加$5就有好大份嘅炒菜，而且呢度仲可以添加白飯，真係好抵食。餐湯係蕃茄豆腐湯，蕃茄湯底蕃茄味非常濃郁，我飲第一啖就覺得應該要配埋個通粉放落去一齊食，咁就正到不得了。另外嘅意式香草雞麻香米線又係一個驚喜之作，因為餐牌本身冇食物嘅圖樣，所以我點嘅時候心態上只不過係想食個米線，到上菜嘅時候見到賣相就已經覺得好驚喜，首先就係有一大片炒滑蛋，撈米線係帶有香麻味道嘅白汁，仲有炸雞粒，真係覺得呢個fusion菜好有驚喜

新開，加藤屋分支，亦位於深水埗加藤屋隔離。裝修有綠綠地，松木色枱，白膠椅，感覺有啲似canteen。有兩餸飯，湯米線，似茶餐廳，只不過都係素肉。.🔸黯然銷魂飯($50)分數: (8.5/10)食完一啲都唔黯然，估佢唔到，好好食！✨煎蛋唔簡單好香蛋味，煎到個邊少少脆，中間好滑，蛋黃唔太生，亦唔會熟哂，篤開有啲稔既流心。✨素叉燒，味道同平時叉燒豬肉差不多，外面有蜜糖甜甜地，燒得好香，中心仲扮埋半肥瘦。✨佢個醬油甜甜地，撈飯十分正。.🔸洛神花茶(跟餐)分數: (7/10)帶飯送熱特飲，洛神花酸酸甜甜，好開胃。.🔸熱齋啡(跟餐+$4)分數: (4/10)唔掂，好難飲。

元州街新開素食店......是那種淡淡既書卷味裝修吧！只得一個人，叫不了太多，點了暗然叉燒飯$50.飯來了 ...是粒粒圓卜卜的珍珠米，叉燒陣蕉味再加上甜度剛好既叉燒汁，唯一美中不足是煎蛋不夠脆邊！叫了加2蚊既菊花茶中 竟然有杞子!試業減10蚊！哈 真系平靚正

深水埗最近很多素食餐廳開業，對區內的素食者來說實在是一大喜訊，或者你間中想食健康少少，都可以有更多選擇。素味牽開業之前，元州街這邊完全沒有素食選擇，現在可以吃到平價素食套餐，還有素食版黯然銷魂飯，環境和食物質素都唔錯，而且五十蚊可以落樓好平價。素味牽在元州街最旺的地段，很容易找到。新店6月1日開始試業，目前還有特價優惠，午餐時間都差不多客滿，生意唔錯。室內設計明亮，牆身都有佈置過，一排排桌椅都排得幾密，不過坐得舒服既。素味牽主要做素菜套餐，九款菜式可以任揀兩款，菜式會不時更換。套餐另附白飯、湯或熱特飲，每日餐湯和特飲都有不同，餐牌上面都有列出來。素菜套餐也可以加 $5 多個炒菜，另外也以免費添白飯，也可以加錢轉其他飲品。除了素菜套餐，這裡還有一個主打「黯然銷魂飯」，用素叉燒+日本雞蛋+秘製豉油+珍珠米，睇個樣都唔錯令人好想試下。餐廳現在試業階段，惠顧素菜套餐或者黯然銷魂飯都減$10，計起來真係幾抵。 黯叉銷魂飯 HK$50食黯然銷魂飯最重點其實係個豉油+蛋汁撈飯，素味軒個秘製豉油好好食，連兩條菜食起來都甜左好食左。素叉燒用麵筋製成，咬起來中間其實還是麵筋口感，比較缺少瘦叉燒的層次。不過

「素味」二字可能是近來素店開業取名時的熱門用字？🤔繼中環的素味謀麵後，今次到九龍出現「素味店」🎉🎋------位於深水埗的素味牽在這個月開業了。 1️⃣餐單簡介店方現時的餐單，主要以兩餸飯為主，外加2款小食 (蔬菜春卷、蔬菜金錢袋)，以及應該算是店方招牌食品的「黯然銷魂飯」。雖然選擇不算很多，但由於兩餸飯的餐單，大約每4天左右便會更換，因此，如果偶爾要到深水埗找素的話，也可以考慮這間小店的。另外，惠顧兩餸飯，可免費🆓️添加白飯🍚一次，這個對食力較強的朋友是挻重要的。2️⃣當天午飯版主選了回窩肉和新疆炒羊肉，並添加了炒菜和蔬菜金錢袋。回窩肉和羊肉兩者都挺咬口，也頗惹味😋。在餐單上，回窩肉是標示了🌶的，不過也不算辣，在辣度方面絕對可以「更上一層樓↗️」的。而金錢袋的材料包括了蘿蔔、粟米、木耳等等，這款小食的外層十分爽脆，而餡料的味道則較清淡，正好和較濃味的回窩肉及羊肉平衡一下。最後提醒一下📢📢，店方在試業期間，惠顧兩餸飯或黯然銷魂飯均有10元優惠，店員說不知道是否整個6月也有這優惠，但這兩星期應該也有的，過開深水埗的素友可光顧一下題外話，而家港島和九龍都有「素味」的素店了，唔知遲下新界會否也開一間呢？