素年 (高安閣)

营业中

休息中

❤️‍🔥新式素食首次進駐港島❤️‍🔥一直好鐘意素年嘅理念，睇得出佢地好有心做，每間分店menu都精心設計，為素食者提供多種選擇，我自己都對素食改觀，原來唔一定係好單調，都可以係好豐富滿足嘅一餐！本身嘅分店主要係九龍，今年終於係港島開第一間分店喇🎉🎉🎉—— 田園本地有機莧菜青醬薄餅 $128賣相好靚！配料多到就黎見唔到塊pizza😂有野菌、西蘭花苗、枝豆、波子蘿蔔、珍珠粟米等，多到數唔哂！全部都好新鮮爽脆，薄餅焗得外酥內軟，加埋青醬同純素水牛芝士，令味道口感都更有層次—— 照燒本地有機茄子配意大利拖鞋麵包 $128依道菜好佩服廚師嘅創意，以照燒茄子為主，底層鋪咗自家製純素乳酪醬，超幼滑，真係冇諗過茄子可以撞落乳酪到😂但夾埋食乳酪可以平衡翻膩感，唔覺得違和。拖鞋麵包好厚身又做到鬆軟質感，完全吸收茄子嘅精華🌟推薦指數：8/10▫️▫️▫️▫️▫️▫️▫️▫️▫️▫️▫️▫️▫️📍 素年 (太古)太裕路9號高安閣地下G517號舖🔎分類搜尋：#FTHK_太古 #FTHK_西式

【不可能漢堡】在附近處理了一點事，星期三的 11：55 到達，已經 7成滿人。我們點了“素年經典不可能漢堡”（$138）。好味，個漢堡幾可亂真，包同菜的處理也很好。炸番薯條好味，香和脆。也點了“夏日芒果三文魚牛油果沙律碗” （$108）。個蒟蒻三文魚好有咬口，做得好好。整體不錯。份量很大，一定夠飽。跟餐飲要了一杯凍伯爵茶，和加錢要了一杯 芫茜檸檬梳打 （原價減 $12）。正常發揮。裝修係幾靚。但到左 12點3坐滿晒人，就開始好嘈。個樓底咁高真係好估唔到。可能要考慮做啲吸聲牆紙之類。本來想叫甜品，但太嘈吵，所以食完主菜就走。

爛爛嘅食字 gag 😂 不過開心嘅係素年開到過港島，想食素嘅時候又多一個選擇了~太古分店樓底夠高，就算客滿都減低咗個壓迫感泰式香辣炸素蝦冬陰意粉 🌶️完全打破素食寡淡嘅印象，真係又香又辣（而且食到底都唔會好油），野菌同茄子都好入味。炸素蝦外脆內軟，最欣賞係入面嘅沙葛令口感更爽脆多汁~日式三文魚烤飯團有機滿地菜漬物定食擺盤靚，品項夠曬多睇落細細份其實係勁飽的~話梅桃膠車厘茄清爽又開胃；唔用鰹魚淨係用昆布同蘿蔔整嘅 miso soup 都好清甜，完全唔輸蝕；腐皮福袋口感豐富兼且好索汁~純素蒟蒻三文魚刺身個口感幾仿真㗎~隨餐有熱玄米茶或者凍嘅伯爵茶~

素食越來越普及化，素食餐廳也越開越高質素。今天想食清淡D經過附近新開左間素食店見仲早未太多人排隊就趁機去試吓⋯⋯店內裝修清雅舒服☺️食物賣相也很高⋯⋯lunch time 時間有幾款lunch set 選擇有pasta ,salad ,burger or All Day Breakfast 唔夠嘅話亦有小食追加⋯⋯今次我叫左三文魚蓋沙律🥗來到嘅賣相已經非常吸精沙律有偽三文魚🍣食落嘅口感同真嘅冇咩太大分別👍配菜方面有牛油果🥑紅色火龍果芒果毛豆加甜甜地嘅腐皮感覺好fresh好healthy其實食素都可以好滿足，岩曬正在努力減肥嘅我😅

素年係一間素食餐廳，提供各種美味的素食菜餚，餐廳的裝潢簡約雅致，讓人感覺很舒適。食物的擺盤也很精緻。我點了兩道菜同一款飲品，包括「夏日芒果三文魚牛油果蓋飯碗」、「素年經典不可能芝士漢堡」和「黑芝麻燕麥奶」。蓋飯中的素魚生同真魚生口感相似，配上清新醬汁更加開胃，如果唔夠汁可以再請侍應提供多一份醬汁🙌🏻蓋飯還有火龍果，芒果，牛油果，枝豆，彩椒，真是排毒套餐🤪不可能芝士漢堡🍔的配料很豐富，包括蔬菜和濃濃車打芝士，吃起來很滿足，麵包都暖暖地上餐，最欣賞套餐配上炸蕃薯薯條，好好味，同較少餐廳提供😋黑芝麻燕麥奶☕️的味道很香濃幼滑，芝麻的香氣很濃郁，喝起來很順口。

經過太古城新開的這一間素食見到裏面都很多年青人坐着好像Cafe餐廳一樣好休閒當日星期六只有一個餐牌基本都要98至150左右的價位要加一的不過入到去環境舒服桌上有一朵向日葵的鮮花坐着這個餐廳食飯心情都很好叫了肉醬意粉 來到的份量非常足夠比一般餐廳多出四份一左右味道有驚喜，好似真的肉醬意粉一樣另外配了一杯飲品斯里蘭卡伯爵茶（也好飲）職員表示星期一至五午市有其他Menu 今日試了之後，我覺得可以值得再去臨離開的時候，見到其他人叫的食物份量都比較大雖然定價唔算好平，但我覺得可以試

平時想食素年都要過海，終於等到喺港島區開店，好開心呀～✨ 環境好舒服，嘢食質素都係咁好，最緊要係份量大，唔驚食唔飽🥰蓋飯碗好豐富，蔬果好新鮮，好多配料～ 大大碗好滿足！唯一美中不足覺得係個飯黏咗小小，但瑕不掩瑜✨ 美味、飽足、少負擔😋大Like呢個朱古力奶昔，好香花生味，好濃朱古力味，仲食到好多花生粒粒🥜屋企人叫嘅All day breakfast～ 蔬菜好新鮮，有啲係特別調味過，份量多，佢食得好滿足😋 個麵包好濃香草味～清清地得嚟好fresh嘅疏打，仲有好多蘋果肉食🍏💚

第一次食「素年」係深水埗店，唔經唔覺「素年」已經開到第5間分店，今次仲要衝入港島區，第5間分店選址太古照燒本地有機茄子配意大利拖鞋麵包有本地有機茄子、開心果、西蘭花苗、枝豆、羽衣甘藍、紅尖椒、車厘茄、水菜苗、北非小米 & 自家製純素乳酪醬配以拖鞋麵包整體既味道好夾，特別鍾意蔬菜既調味，茄子好甜，但略嫌太油，如果印一印茄子d油再上碟會更好香草野菜鷹嘴豆泥碗配中東彼得包有蟲草花、雅枝竹、西蘭花苗、野菌、日曬乾番茄、紅尖椒、珍珠粟米、黑水欖、波椒漬、紫洋蔥漬 & 南瓜籽配以彼得包帶點中東香料既味道但唔算濃烈，鷹嘴豆泥更加係中東食物既signature，而我最喜歡入面既紫洋蔥漬，酸酸甜甜好好味柚子濃縮湯力本身以為會好甜，但佢既柚子原來唔係韓式個d柚子蜜，飲落唔太甜，同espresso 味道都幾夾，味道清新「素年」每間分店的英文店名都唔同，太古店命名「Here」，幾有意思，我唔係素食者，我比較鍾意食真蔬菜多過Impossible™ Meat，但當食得太多肉既時候，我就會想食餐素食，平衡返🤭

千呼萬喚始出來, 等咗成個七月終於可以試到素年喺太古嘅姊妹店HERE, 真係太令人感動啦今次嘅裝修主調係紅白, 感覺精神又可愛♥️🤍第一次嚟到尋找吓啲限定款, 一早知佢哋份量大，而今次餐牌都有寫明可減份量, 細胃組織放心好多☺️🦑炸魷魚圈配自家秘製煙燻蛋黃醬 - 前兩日睇review話呢款非常推介, 果然係同真魷魚一啲分別都無, 炸皮脆, 調味夠, 裏面魷魚又爽彈完全不會過腍或爽, 必嗌💪🏻🍔素年經典不可能芝士漢堡 -粉紅色醃漬洋蔥好靚, 蕃薯條都好甜呀😍🍝泰式香辣炸蝦冬蔭意大利粉 - 辣度非常温和, 但係汁醬非常掛麵, 大推今次人腳有限, 淨係試到咁多, 以後一定會變我嘅飯堂, be HERE for YEARS!

話說喺對面Office做，見到佢8月2號新開張，咪諗住過去試吓，結果坐咗成個鐘，一碟意粉嚟咗、2碟意粉都未嚟，長頭髮個女仔侍應態度好好，一直安撫住我哋嘅情緒，但喺廚房真係唔得囉。。。雖然最後免單 但真係冇下一次🤮唯一出嚟嗰碟意粉係凍嘅，我嗰兩個friend就坐喺度白等咗一個鐘頭。。。唔知係咪最後老細出嚟打完場 就話免單 …但係都係平息唔到怒火囉。。。個幾鐘喎 我嗰兩個friend完全冇食過嘢就要繼續返工。。。

好喜歡福華街本店嘅素年知道佢入駐港島東之後非常興奮菜單今日晨早去咗見到有同本店一樣（差唔多）嘅十九幾種蔬菜全日早餐即刻叫咗蕃茄沙沙同翠玉瓜味道精緻，沙律菜個醬有蜂蜜味都清甜好食。但茄子蘆筍同菇菌都略嫌有啲油。個香草軟包烘得幾香，唔加咩配料齋食都好味，不過都係有少少油。杯椰子水咖啡好好飲，椰子水非常甜（希望係無額外加糖），同炎炎夏日真係絕配。對比起，我都係鍾意本店個份十七種蔬菜全日早餐多啲，個份每一樣配菜個精緻度都好高。同行人叫咗不可能肉醬都表示好食，佢係食肉獸，但都表示個肉醬好香甜，無覺得有咩缺失。素年出現咗係我附近嘅社區我已經好開心。希望下次食會更好食！加油！🙌🏻