素菲亞 (安發大廈) (已結業)

5月27日下午請假。我到西環的素菲亞 Sofia吃午餐。是第一次光顧。門面是白色招牌，搭配白色窗框和透明玻璃窗。一看便是簡樸潔淨的感覺。餐廳內部也是白色牆壁。餐桌椅是木製。加上樓層高，空間大。令人感覺舒適。座位不算多。餐桌之間有不少空間。不會有擠迫的感覺。面對門口餐廳最裡面的位置是廚房。廚房旁邊有通道前往洗手間。餐廳有純素選擇。有些菜式可以走掉蛋奶和五辛。就如這個番茄湯，走掉奶。我選午餐。包括這是日餐湯。番茄湯上有烤脆了的麵包。橙紅色的湯，質感綿綿不稠厚。碟底不留痕跡。甜味帶著番茄的酸味。清新田園風味。套餐也包括精選沙律。我選了的主菜是紫薯甘栗意大利飯，$108。要求走蛋奶。沒有想過意大利飯全是淡紫色。顏色吸引。那4片紫薯片插在飯上……頗有獨特的品味。這主菜以紫薯、甘栗、菠菜片和椰奶製作。紫薯片雖然並不香脆，卻不難咀嚼。味道甜。薯味突出。我喜歡吃。黃色的甘栗味道都很甜。但整個飯沒有甜膩的感覺。甜而不膩。意大利飯的質感不會硬。亦不太糊口。吃完不會有飽膩感。指定飲品是包括在套餐內。我選了冰士多啤梨荔枝茶。有荔枝味。然而整體味道很淡。我沒有喝完便離開了。另外，這裡有加一服務收費。並接受信用卡

健康人生由素食開始. 之前太大魚大肉, 朋友特登帶我去食素食, 清下腸胃. 泰式冬陰意大利飯: 又挺有驚喜. 帶子係茄子整, 蝦肉應該係豆腐(我估🙈), 冬陰公味濃, crossover意大利飯, 十分值得推介. 紅咖哩魚薯蓉: 平時好少食素, 所以我特登叫左煎"魚"試下, 睇下似唔似魚肉. 層皮煎得好香脆, 魚肉有點似魚旦 (hahah..所以都係豆腐?).我發現素菜食材好多都是豆類製品.整體也不錯. 另外我地還order花茶, 不過就無影到相. 整體ok, 會再回頭食第二次.

今天與朋友到訪這間餐廳，本來不吃素的我們初嘗吃素餐，原來呢度很有驚喜！環境： 很舒服，裝修很美食物： 叫了紅酒素肉農夫包，醬汁一流。意粉的硬度很好，與素肉好夾。海鮮燴飯很好吃，特別是素蝦，口感很好。另外亦叫了薯條及脆脆片，非常好食，脆脆片的醬汁很夾，我還將薯條點落脆脆片的汁，非常正，很值得推介。服務： 店員非常有禮貌！為食客提供了很多協助，滿分！價錢：價錢很合理本來不吃素的我們亦打算再次光臨，所以很值得大家來吃！

素蟹餅配芒果芫荽莎莎$48素蟹餅炸到好脆雖然冇蟹味 但做到好似蟹肉一絲絲既質感而且用左好甜既芒果做他他醬 所以好夠味沙律菜都好新鮮配他他醬食好清新美味指數：7.5/10黑松露茄子千層$98素芝士超濃厚加埋黑松露醬好香茄子軟腍同芝士層層疊中間又夾左意粉 好特別😂美味指數：8.5/10青蘋果茉莉茶$30蘋果薄荷葉同茉莉花茶既組合味道清新 但頗甜美味指數：6/10純素焦糖芝士蛋糕$28素芝士蛋糕質感厚實 唔易散開焦糖味好似食緊拖肥糖咁味道略甜美味指數：7/10提拉米蘇蛋糕$28呢個又係有驚喜素忌廉夠軟滑最有趣係蛋糕食到薑汁味本身唔太鍾意食薑汁 但都覺得好特別一啲都唔膩美味指數：9/10西瓜係店員請超窩心💕佢地話買左個西瓜覺得好甜所以請埋我地食😍點解會咁好人架💕真係好甜😋

今天和朋友來試這間位於西營盤的Fusion素菜，紅酒燴素牛肉農夫包麵包皮香脆鬆軟，加上醬汁沾點，非常之好食😋另外還食咗黑松露雜菌意大利飯，黑松露味香濃撲鼻，飯軟硬程度剛好,而且價錢也不貴👍🏻

難得星期日都想放鬆下，行下海邊慢活一下中午時分開始肚餓要搵野食見到呢間好文青，同埋係素食，所以想試吓其實以一個set餐黎講，有沙律有餐湯有飲品先百幾蚊，真係算抵叫咗一個咖喱吉列豬扒漢堡佢係配埋一份薯條佢個素食豬扒做得唔錯，口感好似豬扒同埋炸到外皮脆，幾好食另外佢份薯條都好好食😋另外叫咗一份饅魚炒意粉意粉幾有咬口，唔係平時人地通常煮到淋晒個啲😋😋不過個饅魚就唔係好似，比較一般兩款食物較推薦咖喱吉列豬扒漢堡😋另外都見到人哋食千層麵好似幾好食😋

呢間素食餐廳之前想試好耐嗰日做完義工就去咗食粟米菠菜芋頭片闊條麵配搭好新奇食落味道都幾夾，唔會覺得dry唯一係啲芋頭片略嫌有啲厚同夠脆之前見到佢有一款千層茄子係限量發售，就試吓可能期望過高，有啲失望份量偏少，同埋唔夠熱啲茄子同芝士層次唔太分明另外Menu寫住有薯仔但係食唔出一pat pat同埋食落有啲漏朋友試咗佢嘅lunchset包嘢飲、湯同埋沙律粟米玉桂湯味道幾好，有一粒粒粟米蓉同肉桂味都幾配合，如果再熱啲會好啲鬼馬肉醬意粉係用新豬肉整嘅之前自己都試過整新豬肉肉醬意粉所以覺得呢款驚喜唔太大不過味道係好食嘅整體一般，未必會再嚟食

之前在 社交平台看到推介，在這個風和日麗的中午，便決定與男朋友到訪。如圖片所示，店面已給人一種清新的感覺，這次點了一款小食，兩款主菜和兩杯飲品。漢堡和小食亦十分出色！！！但不得不提鬼馬肉醬意粉，可以媲美「真」肉醬意粉，推介大家必點！

第一次見面....就約喺堅尼地城🤪SOFIA竟然是個BOY🤮(冇錯 呀經理係個BOY)蘇菲亞果然都唔少野～ 好多火辣辣酸MayMay菜式🥰.🍛泰式冬陰意大利飯($128)呢個飯比較驚喜 出奇地好味(⁎⁍̴̛ᴗ⁍̴̛⁎)意大利飯需要多啲汁 所以配冬陰真係明智啖啖汁 酸酸辣辣 真係開胃又醒神🥰.🍝黑松露茄子千層($98)一層好豐富嘅芝士鋪喺千層上邊~中間千層用茄子整 冇咁多碳水 啱晒我😚一啖一拉絲 邪惡得嚟但又好好味😂.🥗素蟹餅配芒果芫荽莎莎($48)蟹餅就一般 就係平時食開果隻😂不過個芒果沙律酸酸的 作為前菜食好開胃👐🏻🥰
.💰Total: $301味: 7.5/10飽: 7/10抵: 6/10
.📍@sofia_vegetarian_hk西環爹核士街28-32號安發大廈地下C號舖.我咸塞仔🕳將會繼續同大家跑素 搵盡全港甚至世界各地既美味素比大家.

難得和老公二人世界，專登去了遠一點吃飯。西環愈來愈多好吃的餐廳，今日就來到一家素食的西餐廳。素菲亞裝修的感覺很舒適悠閒，坐位都很寬闊。*是日餐湯是日餐湯是椰菜花忌廉湯；湯的質感很CREAMY，而且充滿椰菜花的味道。*餐前沙律*鬼馬肉醬意粉 ($108)如果沒有告訴我這碟肉醬意粉是素食，我真的不覺得是素；肉醬的番茄味很濃厚，酸酸的很開胃；素牛肉和新豬肉的質感都很貼近真的肉。*泰式冬蔭意大利飯 ($128)冬蔭意大利飯酸酸辣辣的，和普通的冬蔭公味差別不大；旁邊的「海鮮」都是素食來的；帶子其實是雞脾菇，蝦是大豆製品，有點似魚蛋的質感。*御茗寧茶 ($18)御茗寧茶是由紅茶、綠茶和花果茶混合而成的；除了有茶香，還有淡淡的桃香味。*藍天菠蘿梳打 (+$24)藍色是有波子汽水味的糖醬；配上菠蘿的香甜，整體都很清新。

Vegetarian Restaurant🌿 Eat is Your Choice💚 Sofia💚..近年素食開始受到大眾關注，吃素食既人亦愈來愈多，但主要都係中式 or 主助餐形式多，有冇諗過時下亦開始創新，素食都可以西式化呢❓西環就有一間新派🌿 素食西餐廳喔。.餐廳設於西環，一處旺中帶靜既中上環區域，來到這邊，真會讓人不知不覺放慢平日急速既步伐，可以好好吃一頓飯🥢，正正餐廳就想帶給食客吃素另一番新體驗，吃得舒服亦提供一處休閒地方，抒緩我地忙碌既節奏呢。.除左吃素，餐廳亦照顧吃齋人仕，餐單上既任何菜式，都✨可走五辛、可走蛋奶、可走辣✨，真係好貼心，自然讓人吃得更放心。.ll $58先來個小食Tortilla Chips🥙，用上：新豬肉、素牛肉、洋蔥、蕃茄粟米片、芝士，肉醬真的很鬼馬👻。餐廳特意用上素牛肉🐮 & 新豬肉🐽 & 素芝士🧀，照顧不吃蛋奶之吃素人仕。但味道卻一點都不賴，以假亂真。.ll $158Burger🍔 同樣豐富餡料：蕃茄、西生菜、迷迭香、時蘿、洋蔥、Beyond Meat漢堡扒。素牛肉 & 新豬肉 & 大豆蛋白製成Burger，套餐可配薯條🍟 更match 更多人喜愛

現在吃素的人，年齡越來越輕，要求也越來越多，因此很多素菜館，都花盡心思去設計新穎的素菜款式，以吸引顧客。早排聽朋友講，堅尼地城新開咗間取名「Sofia」嘅素食 Café，餐廳主打創意西式素食，非常適合喜歡新鮮感的素食者，趁今晚有空，一於約埋老公去試下。餐廳以柔和嘅翠綠色為主調，牆身上掛滿植物圖案壁畫，配上店內的小盆栽和素白色窗框門，裝潢散發著滿滿的田園氣息，予人舒適、恬靜的感覺。餐牌很簡單，只有小食、主菜及飲品三大類，不過主食選擇非常豐富，足足有成 12 款，而且有部分菜色更標明可走五辛或蛋奶，照顧到不同食客嘅需要。我哋點咗兩個主菜，另外再加咗一客餐湯同兩杯梳打特飲。是日餐湯 (+$18)  為番茄湯，湯身濃稠幼滑，味道天然，而且最抵讚就係酸度拿捏得宜，茄味清新，夠曬醒胃。主菜點咗豆腐英雄配薯條 ($138) 同 泰式冬蔭意大利飯。個豆腐英雄賣相好吸引，意式香草軟包面頭放咗塊超厚身的吉列豆腐扒。豆腐扒炸至金黃香脆，切開入面的黑松露芝士餡即時湧出，勁流心，食落帶陣陣松露的幽香，加上鹹香的芝士，非常惹味。原來塊豆腐扒一啲都唔簡單，內裡有洋蔥、雞髀菇和西芹等，配埋面頭嘅紅酒醋紫椰菜絲和沙律菜

今次帶媽咪去西環尾食素，意式素食大致上有意粉、意大利飯同漢堡，太熱氣同辣嘅都唔啱我哋，只有以下呢兩款較特別嘅選擇。🍴南瓜湯(+$18)⭐️⭐️ 好稀嘅南瓜湯，味道有啲怪，唔知裡面加咗啲咩材料，南瓜味唔突出，所以我無飲比埋媽咪🍴粟米菠菜芋頭片闊條麵 $88⭐️⭐️⭐️賣相幾靚，粟米汁比較特別亦好啱我胃口，可惜個汁太杰身同少咗d，闊條麵又煮得太乾一啲油份都無，所以扣咗少少分，芋頭片香脆可口，整體嚟講ok🍴黑松露茄子千層 $98⭐️⭐️我本身唔食茄子，但媽咪食食下話太多芝士太油膩佢頂唔順，所以我唯有同佢交換，最後我成碟清晒，因為我完全食唔出有茄子味道同口感，只食到黑松露味嘅芝士芝士同芝士，啱我芝士控，不過要食晒成碟都幾滯二人共消費：$224

係素食而家越黎越流行既時候，好多人食素已經唔只淨係講究健康，而係點樣淨得又健康又美味，今次👦🏻👧🏻就要介紹一間超好味既素食餐廳🤤泰式冬蔭意大利飯好有驚喜，素蝦食落彈牙，秀珍菇做到好似帶子既造型好吸引，食落好香冬蔭香味，少少辣同酸味好開胃；Beyond漢堡配薯條超級好味，Beyond漢堡扒食落既口感同味道都好似真既肉，醬汁好惹味同漢堡扒配搭得好好，薯條食落感覺唔會油膩同鹹，就算係食緊薯條漢堡都感覺好fresh；叫主食有三款免費飲品可以揀，亦可以加配其他飲品、餐湯或者甜品，👦🏻👧🏻個日就加左個餐湯，係好濃郁既蘑菇湯😍

近月好似份外興起素食熱潮，愛新鮮嘅我見到呢間小清新素食店當然要嚟試下，咁啱同事聚餐，大伙人就可以點多啲款嚟試吓去到餐廳門口已經感覺好舒服療癒，全白簡潔設計，不過食物又唔普通，午餐menu都有6、7樣揀，有包湯、沙律同餐飲，我特別想試茄子千層，所以唔喺午餐menu內我都照嗌咗，然後再嗌咗 海鮮冬蔭公意大利飯、黑松露意大利飯、鬼馬肉醬意粉、紅咖喱魚再加咗小食 黑松露薯條同鬼馬肉醬墨西哥脆片先嚟小食脆片，好欣賞佢嘅肉醬！好好味，配上脆片好夾，反而薯條就一般，唔夠香脆惹味，另上嘅黑松露醬都顯得有點吝嗇我嘅主食茄子千層賣相幾靚，但碟有一半係沙律菜減膩，所以實際份量都幾小，而鋪面係芝士醬，加上茄子有少少油，食得多都有點漏 但整體味道幾好！而海鮮冬蔭公飯個味唔夠濃 但都有冬蔭公味嘅，海鮮都做得幾似，唔錯唔錯～黑松露飯都相較其他餐廳無咁重味，唔知係咪整體都行清淡路線 咖喱魚相對份量就太少喇，男仔食錢唔夠食Overall感覺幾好，雖然價錢有少少🤏🏻貴，不過都可以一戰