素食分子 (已結業)

讓我如實品報吧.全店面積不超過900呎連廚房，可以坐6個人的枱只有兩張，另外只有兩張四人枱，與一般食自助餐的餐廳面積相距甚遠，貌似一間細小的"cafe"多於食自助餐的餐廳. 由於地方淺窄，放食物的地方就只得兩張四人餐桌的面積.食物種類供應有限，冷盤全部只有一碟，但每碟不多過10件，佔了一半的食物都是油炸，實在見不到有紅菜頭壽司，放熱食的保温盤不超過7個.........其他用戶所提供的食物照片，在這裡大部份都找不到.而用餐時間都相當緊迫，環境不算舒適，"如果你大老遠走黎幫襯......打開門"睇真啲"望見此情此境絕對會令你拂袖而去".

我之前同朋友黎食過，覺得好好食所以今次再黎食！我發現呢間餐廳既冷盤食物擺盤吾同左。負責人好細心，因為香港夏天天氣實在太熱，佢應該怕呢D冷盤易變壞，所以特登整左一個凍櫃冰住呢D食物！值得一讚！冷盤櫃入面冰左吾同款既食物，例如沙律，蕃茄仔，羽衣甘藍等等。而我覺得呢個甜酸齋最好食，食完好開胃！而熱盤方面都有驚喜！有某部分係新菜式，同上次食既已經吾同左。廚師都好有心機，佢會因應番季節烹調吾同既菜式。例如呢個素西檸雞，賣相好吸引，口感脆卜卜，夏天食好開胃。而咖哩雜菜煲顏色鮮艷，吾係好辣，配飯一流！

為左寫呢篇專登開account!!我book左6半，個日5點幾餐廳打黎問我係咪7半黎，已經覺得有伏。不過約好朋友，咁就照去啦。早兩個星期book左位，然後去到俾左個對住大門既位我，咁我見餐廳吾full，窗口又有兩個位，問staff可吾可以換。Staff: 嗰度人哋book左架。我：我都book左呀(?)Staff: 人地book先呀。佢講到咁，我算，去拎野食。然後有人walkin...(聽到對話係熟人黎，無book)，佢就offer俾佢坐個個窗口位🤷🏻‍♀️款式還好吾算多都接受到，但食物吾夠熱，可能擺耐左。然後食75分鐘，夠鐘個陣，叫我地埋單，然後話食75分鐘，"你地差吾多架喇"。語氣仲要吾多好，好hard feeling。吾會再去。

試過幾間素食店,呢間素食自助餐比一般的，看得見是放了心機在每個素食上,由冷盤至熱葷,至甜品,每款味道都好好味,至少味道不是一般食素的淡而無味,廚師煮得可以帶出素菜應有的味道,雖然款式不多,但另你可以添食再添食,糖水更加了滋補的桃膠,女仕們最啱。價錢合理,坐位舒適,室內是西式feel裝潢,一有時間,會再次約朋友再去食。

最近喜歡了吃素。本月第三次素食。晚上7:30到餐廳，只見2名食客，有點怕伏。侍應姨姨熱情地叫我隨便揀位坐，問我之前食過未。我放低個袋出去拎野食，見到好多冷盤已經好開心。冷盤有麻辣粉皮，雲耳，羽衣甘藍，冷麵，芽菜，海苔，蕃茄仔。全部都係我喜歡的。麻辣粉皮，夠香夠辣。雲耳，一般。羽衣甘藍溝唔知乜東東，好爽口，好脆。芽菜，平時唔食，今次都夾咗三轉。小食有 三色椒，炸芋泥，豆腐，腐皮，南瓜軟餅。。炸芋泥，餃子形狀，好脆。腐皮，都好脆。南瓜軟餅，好煙韌，幾好咬。熱食有12款。。我主要食 咕嚕肉，其他的只嚐一兩口。因為我前段時間食好多冷盤，後繼無力。飲埋碗湯，食埋綠豆沙。埋單216 for 2。環境幾好，似cafe格局。

遲了寫這道食評，朋友介紹新開的素食自助餐，說環境食物不錯，兩星期前便膽粗粗去試試，反正價錢不貴，先說店舖環境，是歐陸風簡潔舒服，店員也很友善但始終是素食自助餐，不是酒店自助餐，一隻碟用數次也屬正常食物方便，款式不是很多，但也有驚喜，特喜歡沙律類和一道四川粉條（不知真正菜名），嗜辣的應會好喜歡，香辣程度剛剛好沙律款式多，好新鮮熟食方面，我都嘗了一點，因已太飽了，有炸物，中式素食，中湯類，味道還可以，不過不失！甜品，初看到感覺如日式放題的甜品沒兩樣，但取了蛋糕和芒果布甸，原來不同的，好味，推介芒果布甸

同屋企人黎食，book 左一點，因為今日星期六，人唔算多，所以坐過左時間都無叫我地走。食物雖然唔夠北角個間多，因為地方細很多，但食物質素很好，環境很乾淨。同埋北角個間無甜點，呢間有好多款甜點

中秋期間，吃了唔少朋友聚餐，公司飲宴，想吃些清淡素食。近期，經一位有緣人推介，天后有一素食店，固約幾位同事，慕名而來。從天后地鐵店A2出囗，参照Openrice地圖指示，行了七，八分鐘便到，不難找到。店內已有五，六枱客，我們全點了自助晚餐。飯後，總結眾同事意見概括如下: (1) 店舖裝修: 簡約清雅，環境衞生 (2) 食物質素: 品類多樣，食材豐富，有益健康，制作創新 (3) 服務態度: 親善有禮，殷勤待客 (4) 食物價格: 有沙律，甜品，湯，糖水，熱/冷素食，蔬菜，生果，飯麵，多款飲品，任飲任食，收約一百元，一定可以評為“價廉物美”。講咗咁多優點，當然亦有可進步空間，例如 (1 )近門口長枱開揚大窗，可以買些半透明窗纸貼上，可以減少街外目光 (2) 店内可播放些類似大自然輕音樂，如流水，鳥嗚，…，營造色，香，味，聲嘅感觀滿足。遲些我會再找親朋戚友再來此店幫襯。最後，祝素食分子，生意蒸蒸日上，客似雲來！

我好少寫食評，今次真係好想贊一贊這一間素食餐廳。先講環境，餐廳地方不算大，但內裏裝修格調高雅。再講食物，我覺得款式很新穎，有西式及中式的素食，亦有很多地道風味的素食，這是我從未在其他素食店舖吃過的。另外我個人覺得他們用的食材也是比較成本高的，例如海燕窩、黑松露蘑菇等等（聽說這是新嘗試菜式！我真是幸運呀）等。此外值得推介的是他們的串燒，我彷彿以為自己不是在吃素食啊！XDDDD雖然我對這間店舖的評分甚高，但也有不足之處，這就是一些炸物不是十分熱，希望負責人可以改善一下！希望我下次來的時候會有更多的驚喜！

星期6同老婆行完維園揾野食， 見到消防局對面有間餐廳，自助餐唔貴，$78任食，試一試又唔傷銀包環境裝修走西式風格，雖然細細間，座位有d窄，但樓底高無壓力，坐落都幾舒服。 食物有驚喜，呢個價錢食到新鮮沙律吧我鐘意涼伴海帶同海珊瑚，酸酸地開胃當日前後食2轉，對比出面買都已經回左本。 甜品方面，選擇雖然唔多，但味道入屋，相信係自家制，唔係出面批發返貨。 炸野就麻麻，可能我唔鐘意油野，同咪唔夠熱，所以好少食( 有個似叫南瓜餅既幾好食) 熱食區有素咕嚕肉，口感幾似真肉咖哩燒羊肉串， 燒茄子都推介其餘炒烏冬，雜菜都係大路野。 雖然熱盤缺乏特式，但整體對得住價錢。 值得一讚：是日湯水。 老火素湯夠入味，我老婆連飲3碗可能都係新店無咩人知，當日小貓3,4隻。但餐廳一d 都吝嗇，食物refill幾快。

食物選擇豐富 環境又漂亮 而且價錢超級親民！！估唔到素食都可以咁好味 完全唔似食緊肉！老闆娘超熱情的！ 服務員態度好好 好有禮物 驚啲食物凍左 專登入廚房幫我地攞啲熱嘅！ 食身種類又夠多 真係超正架！ 餐廳雖然遠左啲 但搭地鐵過去 行10分鐘就到 環境清幽啲 唔洗同人一直逼 係香港難有嘅好餐廳！聽老闆娘講 哩到啲食物成日都會轉 等啲食客唔會覺得悶～真係良心食店 我下去會再去啊～約埋親朋摯友黎哩到包場都好平 餐廳細細地 啱曬我地 而且哩正又有洗手間 仲好乾淨添！

近來初一十五都食齋，每逢齋期便好頭痛食咩好發現天后這間新派素食店，一入去見到佈置咁西式，仲以為入錯西餐廳裝修好靚，忍唔住影咗好多相今晚食放題，款式都幾多，最驚喜係有紅菜頭沙律食啦～平時好少地方有的～仲有雞屎藤糕點，可以清熱毒，平日都好少可食得到冷盤方面涼拌粉皮食落同川菜冇分別， 沙律吧竟然有橄欖油攞，真係冇交「行貨」珊瑚藻好爽口飲品方面，豆漿、柚子蜜、花茶都有，可以坐低慢慢嘆茶百多元埋單，有正餐有特飲有甜品，咁靚又坐得舒服嘅環境嚟講，價錢合理之上👍埋單的時候，見到有d食品可以買返去，買咗盒柚子蜜同珊瑚藻返去

今日朋友介紹來這間試下，果然沒介紹錯。菜式好精致，最欣賞紅菜頭夀司，超級好味，好清甜，南瓜餅都好好吃，沙津菜好新鮮， 蛋糕，甜品都唔錯，睇得出用心製作 。熱盤粉麵飯小菜都有 。老板娘還送西湖龍井茶給我們，真友善👍😋😋😋😋下次還會再來，值得推介。

我是這間的熟客了，我平時是吃長素的，試過無數間素食，這間素食屬於中上等，食材非常新鮮，有唔同的新野出，甜品每次都有新野，蛋糕，和桂花糕比外面專賣店整得更加好味，還有家鄉茶果，看得出老板的用心，冷盤一直保持高水准，羽衣甘藍海珊湖我至愛，薯仔沙律，四川涼粉，涼面，全部好好吃，熱盤我鈡意吃四季豆，黑醋骨，水煮麻辣雜菜，紅燒茄子……全部好好食😋😋😋，會一直支持落去

可能大家要求唔同，所以comment有啲兩極，平時唔寫食評，不過希望寫幾句叫店舖進步。午市 $88，自助形式，但同步叫外賣飯盒嘅食客都係攞同一堆食物，所以熱盤好快攞哂，冇refill。地方淺窄starbucks都大間過佢，熱盤只係得六款(包括白飯)，湯有一款糖水有一款，炸物都係凍嘅。可能本人食嘢比較清淡，感覺菜式頗鹹及油膩，例如五條菜心用清水過一過 ，一層厚厚嘅油浮曬上面，又例如炒麵好鹹， 重口味嘅食物同職員冷漠嘅態度成對比。印象最深刻嘅係下圖嘅香蕉釀苦瓜。