紫來坊素食料理 (已結業)

Today is vegetarian day. I would like to make booking for dinner in this restaurant.After I mentioned in the phone call that I want to book for tonight, the woman just replied that today is so full.... no more booking and immediately saying "bye bye" and cut the line right away. Not a word with "sorry"..... Really bad and odd feeling!!Ai....really cannot understand why this little shop can be such "big nose" to customer.

apr 15, 09,2人嚟呢度食dinner : 1) 欖菜菇粒炒飯 (@hk$42)-飯喺炒到1粒粒,但未見好乾爽嗰隻-不過好多配料,有粟米粒,鮮冬菇,青豆,紅蘿蔔粒,欖菜絲,菜遠粒.............-最濃味算是欖菜絲,沒有死鹹,其他配料都是淡淡的-所以整體都來得清清的 2) 紫羅牛肉 (@hk$58)-因為碟炒飯屬清淡,所以另1碟想要濃味1點-友人挑來這味-素牛肉嘅顏色都幾可亂真,薄切,帶有口感-除味有薄切嘅子薑外,仲有菠蘿同青椒-酸味味,伴以炒飯,相輔相成- 可惜當晚個胃有少少唔多聽話,所以未能大口大口咁食 - 今個星期嘅食齋quota又到數喇............又為環保出咗份綿力

電影節又黎喇，又係一年一度又食又睇既日子。為左配合主題"有機"，所以就揀呢間賣健康食品既素餐廳。佢個舖位平常人經過都未必會留意到(其實係銅鑼灣富豪酒店後面)，但係客人都幾多，都算座無虛席架。此店乃主攻齋口唔齋心既素小菜，但係大部份人都係叫佢d碟頭飯或者湯麵。佢d小菜都唔平架，價錢由58-88不等，以素菜黎講，都幾貴。我地叫左菜遠豆腐炒河($58)同芝士焗雜扒飯($68)。個豆腐河略嫌太多油，唔太健康; 個焗飯有「牛扒」(幾似)、「豬扒」(似豬既質感)、「魚」(幾似魚架)，食完都好滯下。唔好以佢舖仔細細就唔貴呀，你一大班人去食小菜分分鐘好似去酒樓咁貴架!

今日lunch同老公2人去食齋, 叫左欖菜菇粒炒飯同酸梅醬荔芋素鴨, 埋單每人$60. 1. 欖菜菇粒炒飯 $42, 炒得好乾身, 唔會肥淋淋, 欖菜味道好清新又突出, 真係無介紹錯. 2. 酸梅醬荔芋素鴨 $78, 我地覺得個酸梅醬太多, 要黎送飯都覺得幾溜下, 鴨皮係炸過, 食落口無論係味道同口感都好有真鴨皮既感覺, 芋頭幾粉, 好味, 不過又係炸過, 感覺芋頭唔襯酸梅醬, 怪怪咁. 所以不值推介比大家. 值得一讚係哩度2位阿姐既殷勤招呼, 面帶笑容, 主動介紹餸菜比我地, 我地原本叫3個餸, 佢都叫我地叫住2個先, 唔夠先再叫, 結果真係碟頭都幾大, 我地都無再叫埋果第3樣. 仲有, 佢地唔洗開聲都會主動幫我地加茶, 我地好滿意佢地既服務. 雖然今日我地叫果個主菜 (酸梅醬荔芋素鴨) 真係好麻麻地, 又唔平, 但係我地都好滿意佢地, 決定下次再同老公幫襯. 隔離枱個女仔叫左碗雲吞麵+熱奶茶, 一聽見有齋雲吞麵咁新奇, 我下次一定要去試下先.

經朋友推介，晚上就去試試依度既素菜坐位就唔係真係好舒服，但d職員真係好親切，我地第一次去佢就同我地介紹左唔少既菜俾我地選擇，最後我地兩個人叫左:1. 手撕雞 - 口感好似雞肉，甜甜地好開胃2. 喇沙雲腿琵琶豆腐煲 - 豆腐好滑非常美味，素火腿一向都係我既至愛，但反而個味太水，如果杰d會好些3. 欖菜菇粒炒飯 - 好大碟，有d都唔油膩，仲有依度既炒飯係冇蛋，所以食素人仕不用擔心。欖菜味好突出，我食完一碗再一碗。見到好多食客都叫例水，下次一定一定要試，仲有餐牌仲有唔少好吸引既dish，下次再去食過。

係銅鑼灣番工, 有時想食得清淡d, 都會去紫來坊, 佢午市有兩送套餐, 四選二, 連湯連飯都係三十二蚊, 仲有得添飯. 有時晏左去, 或者唔想兩樣送都係淡味, 都可以拼一款齌滷味. 但今日下晝去, 負責人話佢地唔再賣齋滷味, 幾桌食客聽到都仿如晴天霹靂. 齋舖竟冇齋滷味?有時夜市一班人去到, 未諗到點咩菜, 都可以叫住碟齋滷味頂下肚過下口癮, 有酸有咖哩又有齋鴨腎, 如今....不過咁, 見佢地都仲有素鵝同素雞, 雖然冇明文規定齋舖一定要有齋滷味, 但係冇得食, 對我來說始終有一定影響... 銅鑼灣邊度有好味的齋滷味呀, 話我聽丫唔該!最後, 今餐都唔知點評分好, 食左涼瓜牛肉飯好食, 但聽見此店再不發售齋滷味出售, 卻使人心碎.

已光顧多年，各款小菜有很好水準，而且也能保持水平，時有新款小菜推出；侍應有禮，地方整潔。點菜時可聲明少鹽少油，走味精。

正值趕工期間, 加班前快快來食個早晚飯。其時正在下雨, 店內人不多, 只有兩位據說是來自上海的師父和她們兩個朋友, 還有一個在等外賣的女子。一早已知這兒碟頭大, 但也沒辦法啦。翻了翻餐牌, 點了一碟欖菜菇粒炒飯 ($42), 另外在飲品見到有款有機燕麥杏仁奶 ($17) 幾得意, 問過主事人說是不甜的, 也要了。這就嚴格來說不是齋舖, 因為部分菜式是有蛋的, 不過既然師父們都來得就 OK 啦。不一會炒飯上桌, 果然是好~大~碟! 我想應有三碗飯咁大啊! 望落個樣都幾清淡的, 有點芥菜粒和雪藏雜菜粒, 如果就這樣子的話就很平凡, 不過加上了惹味的欖菜就完全不同, 欖菜的鹹香令整碟飯充滿生氣! 以我午晚餐二合一的食力都只係食到七成, 餘下的只好打包拿走。至於那杯有機燕麥杏仁奶, 主事人一早話明是開粉的, 粉裝的店內好像也有得賣; 喝下去有點杏仁香, 這個倒視乎粉下的多少, 而表面有少少燕麥片, 燕麥粉就沉底。這飲品也如言是不甜的, 所以都好健康的。我以為店主是佛教徒, 但又好像不是, 上文的兩位師父請主事人幫忙放些佛教單張在店內都給她婉拒了, 所以不用怕來這裡吃東西會像去了佛堂。

June 22, 2008 DINNER High standard of hygene, service and food quality!! I always come with my husband and we have tried through the menu. We always tried those recommended by the waitress and there's always surprises!! Vegetarian cusine usually would be very oily but the dishes here are not oily and they use really fresh ingredients which shred lights on even very simple dishes.

其實...我本人都過幾次不過就唔係樣樣都食過!!今次帶同一班從來都未過呢道食朋友試...well...通常小食齋人點菜第一樣一定係芋頭魚,不過今次我無反對,結果都無令我同我D朋友失望,1碟8條迷你芋頭魚,入口鬆化又唔溜連食2條都覺得唔係好夠喉,係我食過咁多條芋頭魚之中最好食1條(暫時講).另外..值得一提仲有酸辣湯,酸度同辣味對於唔食得辣人講係絶對可以接受,如果好似我咁食得辣朋友不妨係order時候叫加辣!Overall, My friends and I were enjoyed the menu very much!!P.S. The service still very good~

態度實在真的好得沒話說。四人中有兩人因工作遲到，其餘兩人看了餐牌良久她們既沒有黑面又沒有待慢。在點菜之餘又如實地在份量上及口味上向我們反應中肯的意見....食物亦如她們所推薦的好，一定會再來，而且會介紹更多人來試試！

- Very good selection of food & tastes- style is Buddhist vegetarian; no onions & garlic but tastes are very well balanced- Price is fair- Great to have another above average choice for vegetarians in Causeway Bay- suggest to order separate items from the menu if you prefer to try more. the price may even be lower than the set meals- only wish they had bigger & more tables, but that's not a complaint- willl definitely go again

腸胃依然唔妥，男友決定帶我食素食。小店格局，阿姐招呼親切，見我地睇好耐餐牌都無催促。點左一粥兩菜，但份量唔細，最後都都食唔哂。羅漢齋粥－－有粟米心、草菇、髮菜同腐皮。非常清淡，岩腸胃不適既我食松子西檸鱈魚－－西檸汁做得唔錯，鱈魚塊（即係有味既麵粉）包左炸漿煎過，頗油膩，不敢多吃。松子稀鬆散落魚塊上，要一粒一粒夾黎食。怡香茄子豆腐煲－－上桌時熱騰騰！小辣，但唔難入口，最岩送飯。菜牌上有好多望落好好食既菜式，有機會都想再試。埋單$150，坐得舒服，CWB黎講算係好好既價錢。

素食巡禮﹝十八﹞除了服務態度好，這裡的素食質數，也不錯的。店子座落在富豪酒店的後面街，幾吊腳。但假期三時許到來，也都差不多客滿，可見也算是一間人氣店。見貨架上陳列著大小不同的素食罐頭及食品，看來這裡的出品也有些少「台灣味」。就要了一碟齋鹵味、涼瓜炒蛋、涼瓜腐皮卷炒麵及欖菜茶甫肉絲炒飯。不喜歡吃味道假，顏色又多多的齋鹵味，所以只略略試幾件。黃色、原色及紅色的麵筋類幾新鮮，不會實實的。腐竹類卻不夠鬆，腐竹煮得過實了一點；涼瓜炒蛋其實是涼瓜煎蛋，涼瓜煎得腍，蛋亦煎得表面乾身，內裡有鬆軟口感，有水準，不錯；這裡的炒麵是烘得乾身的一款，淋上芡汁，也是正路吃法。這碟的涼瓜偏硬，帶爽亦較苦，個人而言喜歡吃涼瓜，所以也覺得很好。同煮的腐皮卷跟齋鹵味的腐皮卷問題相若，就是煮得太實了一點，可以更好；粉飯炒得乾身，亦香口。欖菜加上菜甫，味道很好，值得一試。阿姐服務態度很好，很友善之餘，還對菜色及份量有適當的建議，大途改單也儘量跟進。見吃剩的都是腐竹類食品，也來問問是否煮得水準不好。老實告之，在道歉之外，還多謝人客的意見，今時今日，如斯好的服務態度，實屬鳳毛麟角。埋單162蚊，價值不貴，份量夠又水準不錯，加上

同女朋友去開果頭睇戲，都拜STEPHY係ROAD SHOW話介紹過素食有幾好味，所以係銅鑼灣搵間試下，咁點菜就叫左雞煲同埋西檸銀雪魚，同埋湯水餃。先講水餃就好清，味道唔錯，雞煲同西檸銀雪魚像真度，味道同口感都唔錯，值得一讚，一睇就知好健康，因為D野真係唔油。服務員態度都好好，去開果頭想食素食的話一定會再去。不過講真地點就冇咁方便。