紫荊閣 (已結業)

今日帶屋企長輩黎試下依間酒樓，因為係酒店入面，所以好少會為意到有間酒樓。依間酒樓有好多懷舊點心，本身諗住散叫，但發現好多想食既野同6人餐既選擇差唔多，所以就叫左個6人餐。茶位$15一位。廚師靚湯 (6碗)雖然只係好普通嘅青紅蘿蔔湯，但係好飲過屋企自己價煲嗰啲，啲湯好夠味。香煎素鵝 (小食)外皮好脆口，而且口感味道都唔似素肉。水晶鮮蝦餃 (6粒)正宗皮薄餡靚。蟹子蒸燒賣 (6粒)好juicy，唔會好乾。安蝦鹹水角 (6粒)食得出係即叫即炸，入邊啲肉個味調得好好，個皮亦都好煙韌。蜜汁叉燒腸粉睇都睇到皮好薄，入面啲叉燒份量岩岩好。古法馬拉糕好鬆軟，食唔停口。楊州炒飯好大碟，亦都好足料。甜品 - 紅豆沙 (6粒)另外仲散叫左2個點心蜜汁叉燒包 (3個) $32瑤柱珍珠雞 (2隻) $42

標榜 懷舊點心及小菜 而且要做得好 確實不多 但呢間係 紅磡蕪湖街 逸酒店 一樓嘅 紫荆閣 都算不錯 🫖🫖這天準備入住 逸酒店 Staycation 中午剛好 可以在這裡吃個午餐 餐牌上有個套餐 有兩款點心 靚湯 主食 甜品 想著只包點心兩款 就額外加了個 蛋黃千層糕 🥢🥢懷舊素翅餃 內有仿翅 就是過往的 魚翅餃 原本沒有魚翅餡的 只是外型像 魚的翅裙 這裡却加入了素翅 是變奏版的 味道不錯 🐬🐬香煎鯪魚餅 魚肉鮮甜 煎得香 有脆邊 😋😋蛋黃千層糕 內有糖冬瓜粒 鹹蛋黃 層次分明 少有做得出色 千層糕 好吃 👍👍廚師靚湯 不落味精 沙參玉竹雪梨㷛排骨 清而甜 很大一盅 老媽喝不了一半 高質靚湯 🥣🥣揚州炒飯 蝦肉鮮甜 炒飯粒粒分明 有驚喜 🦐🦐糖水 湘蓮紅豆沙 甜度適中 也做得美味 🥣🥣大部份食物 水準都不錯 以懷舊菜來說 我認為可多些懷舊款式 較少見的 沒那麼平淡 🍚🍚

We went there for tea during weekday. Small, medium and large dim sum were all priced at $28. While there were not many choices for dim sum, they did have very traditional dishes. All dim sums were cooked when ordered, even for deep fried food😊. The deep fired dumplings were very nice. We also tried the egg yolk one. Personally, it was not my cup of tea but others said good 😂Must try item $58 per eachDeep fired dumplings $28Egg York bun $28 The tea and environment were acceptable. Can have

係年半前睇網見老豆紅磡屋企附近有間懷舊酒家，帶老人家試吓。原來佢地懷舊意思即係食普通野，但價錢一啲都唔懷舊，超貴！乞兒雞不是生焗，係蒸熟隻雞再用污糟過D屎既泥包住嚟焗俾你食！好臭！還夠膽收這個價錢（好似連加一600炇食隻蒸鷄）個焗雞肝，超級紅色超多（有害色素）焗得又吾香，吾新鮮，又係有臭味！個陳皮鴨湯用下價果皮，燉出黎湯水有苦味！其餘京都骨，炒菜蒸魚普通無驚喜，佢哋菜式炸野偏多，少選擇！呢間一定無下次

諗住兩點所有點心 小中大一律28蚊 可以試到酒店點心就去食下啦 ！下午茶外面酒樓只係十幾蚊但係心諗算啦酒店28蚊一籠點心已係抵. 28蚊嘅範圍唔算好多其他比較貴 我以一般酒樓嘅水準 去平價呢一間 ：排骨 蝦餃 得兩款點心正常棉花雞麻麻 料亦少 腸粉皮厚亦唔好味 呢款仲要50蚊！千層糕 食過最差淨係食到椰絲味道糯米雞亦差肉碎 乾爭爭 亦冇咩料 六款點心冇一款畀酒樓好。 埋單 茶加一 total$280蚊 兩個人！ 外面 求其一間 酒樓下午茶仲抵食仲好味就算畀正價都冇咁失望, 我諗呢度啲評價高應該係指晚飯呢度啲點心真係唔得。

以前經常喺酒樓可以叫一款點心叫做魚翅餃或者素翅餃，近呢幾年好難再搵到呢啲點心。喺偶然嘅機會之下睇到OpenRice食評知道呢間酒樓有所以就去試吓啦。下午茶時間去大中小點或一收費$28，仲有一款叫做灌湯餃$58，呢兩款懷舊點心都好好食。酒樓於酒店一樓地方唔算大，但乾淨企理，枱與枱之間有一段距離，食得安心,而且可以靜靜地傾偈。裝修唔差有啲中國式嘅設計。

紅磡紫荆閣懷舊點心，這裡下午茶點心大中小點統一價錢28元。地點在蕪湖街上的逸洒店一樓，午市過後人不多，静静地吃頓下午茶，確是個好選擇。來這便點些坊間很少供應的懷舊點心，懷緬下兒時味道。懷舊素翅餃乾爽飽滿，有蝦，豬肉，芫荽，幾條裝飾的假翅，味道可以。薑䓤牛肉角香濃薑葱味，牛肉爽靱，跟平常吃的干蒸／山竹牛肉，不一樣的感覺，一定要試。欖角蒸排骨清淡獨特的欖豉味，配上新鮮排骨，不過不失。個人感覺豆豉紅椒跟排骨相襯些。龍鳳野雞卷原來是蒸麭，好像吃不到雞肉，饀料有咸蛋皇，豬肉，菜，少吃這點心，不防試試。韮王蝦腸粉每條腸粉有爽彈大蝦二隻，腸粉皮靱滑，配上甜豉油，很好吃。蛋黃千層糕糕上有黃色醒目大星星，賣相討好。咸蛋黃咸香，配上層層奶皇椰絲，不太甜，很久沒有吃到這樣好吃的千層糕了，下次再光顧也一定要吃。

呢間岀名係啲懐舊點心，好多酒樓有嘅佢都有，但人地冇嘅佢又有😆不過小編去個日超級可惜，為佢個招牌灌湯餃而黎，點知已經賣曬😣點估到兩點幾去食都賣曬架姐，睇黎要朝早去先得😭價錢比一般酒樓貴少少，埋單每人二百幾(不過好飽好飽，可以叫少2-3樣)🥲另外發現佢地所有點心菜式都比較清淡健康，但又唔會影響味道，好啱一家大細去食🥰下面小編淨係介紹比較特別嘅點心😝.🥟蛋黃千層糕平時食啲有蛋黃/ 甜嘅野一定好快滯，好似馬拉糖呢種點心，小編食半舊都開始飽🥲但呢個千層糕好岀乎意料地好食，一啲都唔覺滯，一粒粒嘅蛋黃仲令口感更加豐富，推薦推薦 😚.🥟特式蝦多士同平時食嘅蝦多士有少少分別，不過呢個最吸引嘅地方係炸到脆卜卜但一啲都唔覺得油膩🤩唔會太重口味，老人家都啱食😚.🍽味道: 3.5/5🏙環境: 4/5‍👨🏼‍🍳服務: 4/5💧衛生: 4/5💰價錢: 3/5

今日專登帶嫲嫲爺爺黎食灌湯餃，依度既灌湯餃係皮包住啲湯汁，係比較正宗既做法。而家好多酒樓既灌湯餃都係湯浸住隻餃，唔係好多地方有正宗既灌湯餃食。侍應會幫食客將隻灌湯餃係個籠度拎出去隻碗度。灌湯餃入邊好多湯汁，係一啲比較”杰”既汁，兩老話幾好食😆 上至下：懷舊素翅餃、蛋黃千層糕、龍鳳野雞卷、薑蔥牛肉角、北菇棉花雞、沙律名下筒、鵪鶉蛋燒賣。之後仲有叫做其他點心，呢度有啲點心係我未見過既。例如薑蔥牛肉角、龍鳳野雞卷，好似都係一啲比較懷舊既點心。整體來講所有點心味道都唔錯，唔似連鎖嗰啲酒樓既點心👍🏻呢度既點心用料十足，有好多都係即叫即整。雖然價錢比出面啲酒樓貴，但係真係一分錢一分貨，遲啲有機會一定會再帶屋企人去食。下午茶大中小點都收小點價，$28一款點心。如果想試下既朋友仔可以食下午茶，會平啲。

今天被朋友相約往紫荊閣飲茶。紫荊閣於紅磡逸酒店內一樓，位置真的隱蔽，很容易錯過了。店內佈置也算清雅，可能過了午飯時間，而下午茶時段也不像集團式酒樓般多人輪候，竟可坐窗邊位觀看街景。坐下已急不及待揀選點心及星洲炒米。消片刻點心巳陸續上枱，先來是山竹牛肉，燒賣。牛肉落粉不多，也算是有肉味鬆軟，不像坊間盤那樣結實有彈牲。燒賣卻讓我感驚喜，咬下肉質濕潤鬆軟，吃得出是手剁肉才有此質感。絕對是加分作。跟着來的是灌湯餃，竟然在此吃到小時才可吃的灌湯餃，雖知現在各大小及連鎖酒樓，所謂的灌湯餃根本是浸湯餃，只是酒樓巧立名目收取高價，因灌湯餃是高成本，點心師傅少點功夫也做不到，那些酒樓做的不三不四的浸湯餃本人從來没有興趣吃。小孩時當灌湯餃放上枱時，細路總小心奕奕將湯餃放於碗內，因若不小心弄穿餃皮，好運剛好放在碗內就仍可吃，否则那餃內的湯和餡料全瀉於枱上，就全報癈只可看其它人吃，也算是小童於酒樓內一小遊戲。此處待應會將灌湯餃轉放碗上讓客人享用。跟着就是蝦餃，也是水準之作。這沙律蝦春卷绝對啱我喜歡的香口炸物，春卷皮脆，爽脆蝦仁伴着流心沙律醬，绝對是小童恩物。蘿白糕若能煎出點焦香味，絕出是佳作。這素鵝卻炸得有

第一次來試食覺得不錯，所以約朋友再來，但今日叫了一碟荔茸香酥鴨（註明制作30分鐘），上碟後其中一位朋友馬上夾一件放入口，發覺啲肉不是熱的，於是跟經理說，當時她還用手指掂過啲肉，認同有問題，説重新制作，再上碟時原來是原先那碟鴨（連排位都沒擺好），他們只是丁翻熱就算，問題是經理已用手指測試啲肉，點可以這樣給客人享用，這間是酒店餐廳，不是街邊小食呀！真心嬲爆，已將此店列入黑名單！

朋友飯聚推薦這間傳統粵菜，見到menu 有好多想食嘅菜式，令我非常期待這次飯局。先上枱嘅係預先訂好嘅冬瓜盅。非常適合現時炎熱嘅天氣。冬瓜盅非常足料，但湯有啲淡口，不過配合其他菜式就非常之夾。跟住上枱嘅有兩款小食：蜜汁燒雞肝同蝦多士 ，都係平時比較少見嘅菜式。燒雞肝冇好似金錢雞咁有肥豬肉包住，可以更加食到雞肝的原味。 蝦多士炸得脆而乾身，師傅應記一功。今時今日已經很少酒樓會有叫化雞。不過坦白講除咗新奇好玩之外，我並不特別喜歡這道菜。我反而更加欣賞 另一道懷舊菜香酥鴨。師傅真係炸到酥香。另外仲有咕嚕肉同金銀蛋莧菜。咕嚕肉嘅甜酸汁教得不錯。甜品係令我整晚最期待嘅焗西米布甸。果然沒有令我失望。上面夠燶，而布甸亦冇水汪汪的情況。

去紅磡紫荊閣食懷舊菜🥰蟹肉蛋白炒魚肚蛋白炒得香滑，手拆蟹肉鮮甜，夾雜爽口魚肚口感豐富。百鳥歸巢個「巢」係用薯仔絲炸成既，上面放咗好多蝦乾、腰果、西芹、帶子、仲有鵪鶉蛋⋯⋯⋯好豐富，又脆又爽。窩貼帶子夾炸得金黃又酥脆加埋帶子係高級版嘅蝦多士👍叫化雞即係「乞衣雞」，雞肉好嫩食到淡淡荷葉香味，最正係隻🐔肚釀咗好多雲耳、冬菇同金針，呢啲配菜最好味，因為完全吸晒D雞嘅精華🥰😋。確係有水準嘅出品😋😋😋！

🧆懷舊粵菜 #紫荊閣-🔸冬瓜盅🔸時菜炒斑球🔸叫化雞（一隻）🔸八寶鴨（半隻）🔸百鳥歸巢🔸蝦多士🔸蓮蓉壽包（半打）🔸蓮蓉西米焗布甸🔹另收加一服務費.早排同班好朋友傾開謁發現我哋識咗十幾年都未一齊食過高級酒樓，就上網搵咗幾間，有啲出名嘅想食但full booking，就book咗依間紫荊閣試吓先。懷舊粵菜聽就聽得多喇，但今次都係第一次食，首先叫咗個晚市孖寶，有冬瓜盅再自選指定小菜一款，我哋就揀咗時菜炒斑球，時菜都可以自選就揀咗西蘭花。冬瓜盅🍲好清甜好啱夏天飲，一盅夠晒我哋六個女仔每人飲咗2-3碗。而炒石斑🐟有8塊魚，都幾大舊，味道就不過不失。叫化雞即係「乞衣雞」🐔，我細細個就聽過依個名喇，食都係第一次。一出場好似一舊石咁，然後可以自己卜碎佢，打開裡面就係一隻焗雞，肚裡面仲釀咗啲雲耳、冬菇同金針，雞肉味道幾好有少少荷葉味，內饀就有少少過鹹。想試記得要早一天預訂先食到。蝦多士🦐🍞炸得幾脆，蝦都大大隻，記得配埋酸甜醬可以解少少油膩感。之後到百鳥歸巢🥙，一個炸薯仔絲砌成嘅「鳥巢」裡面放咗好多唔同材料，有鵪鶉蛋、腰果、魚粒、鮮蝦、帶子、西芹、蝦乾等等。好多款材料，都幾好味，但腰果淋咗唔脆好可惜！最後主

其實都嚟過紫荊閣大大話話都超過10次，食物方面話主打懷舊菜式，而且品質真係唔錯，不過有時客多嘅時侯出品同服務都會有參差。今年母親適逢疫情關係，爸爸訂咗位同嫲嫲慶祝。星期日晚客量比之前少，成晚都係得5枱客人。可能因為咁嘅關係，當晚食物品質大家都異口同聲話比之前好。事先爸爸預打訂咗:-杏汁燉豬肺湯 – 雪白杏汁湯，杏味濃夾香氣十足，湯料有白白淨嘅豬肺，件件大大嚿，食落豬肺其實冇咩特別味道，口感軟軟腍腍，豬肺有肺喉部位爽脆無比，沾上加有胡椒粉嘅豉油，滋味無窮。不過略嫌湯飲到尾，有啲一粒粒，應該係啲杏粒。雞蛋焗魚腸 – 懷舊菜式，用瓦兜盛載，大量芫茜底下，雞蛋魚腸面焗到焦黃香脆，入口香濃雞蛋味夾雜大量甘香魚腸同魚潤，魚油充斥口腔，一啲都唔腥，魚腸爽脆煙韌，滿足晒口感同刺激味蕾。蝦子扒魚肚 – 魚肚大大件，厚度超過一厘米，蠔油茨汁色澤濃，魚肚食落似爽身海綿，索晒啲茨汁，食落幽幽蝦子清香，伴碟嫩菜芯沾埋茨汁一齊食相當清甜。蓮蓉西米焗布甸 - 焗布甸真係唔係容易食到好味，食落軟綿綿，超級香滑。牛奶同雞蛋味好香濃，蓮蓉又恰度好處，西米就發得比較大粒，冇咩口感之言。即場叫多幾味餸如下:-蟹肉扒瓜甫 –