紫荊閣 (已結業)

別說中國人不懂慢活，其實飲茶文化正正就是慢活！年紀小時未知其樂，現在老了，摸杯底，吃點心，不亦樂乎！一般酒樓，週末怪免人多嘈吵，有沒有想過去酒店嘆茶？原來價錢不貴，而且比不少大酒樓便宜，環境清靜乾淨，值得推介這未受污染的仙境給各位愛茶之人！ 我說的酒店是新派Hotel Sav，可能位置比較遠，夾在紅磡，黃埔之間。不過正因如此，人小一點，價錢大衆化，反而像片樂土。下午茶時間，茶芥$12一位，大中小特，酒店服務，很合理吧！ 點心一般茶樓有的都有了，本來大家還在猜一籠有多少粒，誰知並沒有因為是酒店就縮減(ｰ ｰ;)你懂的。蝦餃燒賣和買少見的鵪春蛋燒賣，質素不錯，皮蒸得恰好沒膠著，內涵更是塞得滿滿，蝦餃內有兩隻蝦，而燒賣亦混有蝦膠，絶無欺場。 蘿蔔糕外裡真的有一絲絲蘿蔔非粉團，少量蝦米，用料不錯！可惜我覺得煎得不夠，欠了一點火候。 乾炒牛河是我兒時和嫲嫲飲茶必食，後來現代人越來越多人注意健康就少食了。偶然好想吃的時候，發現其實不多茶樓有乾炒牛河，就算用，都炒得不好，不是河粉未炒乾，就是顏色不對，過份咸。難得酒店有火候，顏色像樣，河粉炒得靚，不黏糊，牛肉亦不少！炒牛河比所有點心先到，代表

地方坐得舒適，休閒。紫荊閣的叫化鸡真系好味，一定要試！外面层泥土，再一层锡纸，再来包著荷葉，层层剝开就有好香的靓鸡，肚里还有各种财料，有金針，東菇，豬肉，木耳，大頭菜，紅棗等中藥味十足，不加味精，原汁原味的叫化鸡香氣扑鼻，食落甘香回味，想食要提早一天落单哟！４８０＄一隻最後有碗糖水，一粒粒米香在內份量適宜，甘甜可口。茶可以自己選淡Ｄ，服務一流。值得去！叫化雞一定要試！記得要早一天訂購因為師父要用多個小時準備！內收加一服務費。

近幾年周末，小妹，經常出沒紅磡，讓疲倦身心，鬆一鬆。看著紅磡，不斷在變天，不斷在進步。這天，決定先去逸酒店的「紫荊閣」嘆早茶，再去做「被動式運動」。 周末早餐，十一點開始。作為第一客人，可以隨意挑選自己喜歡的位置。近窗口的枱，最得小妹歡心了﹗ 茗茶，每位$15，水滾茶靚。 落單後，稍等片刻，點心逐一送上。未起筷，先拍照﹗ 鵪鶉蛋燒賣$36，膽固醇高且邪惡，然，是小妹近期大愛。鵪鶉蛋燒賣，是傳统點心之一，餡料有豬肉和蝦肉，燒賣上則放有一粒去殼熟鵪鶉蛋，入口鮮爽彈牙，且充滿蛋香味。 蒜蓉蝦春卷$42，一客三條炸春卷，上枱前預先切成半條，方便客人享用。春卷炸得十分香脆而不太油膩，內裏塞滿了鮮美多汁的蝦肉饀料，蒜蓉味則不太突出。 香煎蓮藕餅$68，乃把鮮美的豬肉剁碎，混入爽口清甜的蓮藕粒，香煎至外層焦香脆口。惜，稍嫌火喉過火了少許，蓮藕餅吃起來有點兒乾身。 金黃色的杞子桂花糕$28，賣相清秀脫俗，味道也甚為清甜可口。據說，要做到杞子和桂花不沉底，是挺考功夫的﹗. 是日糖水，是具有很高營養價值的紫米露$28。吃一口，濃稠度和甜度適中，煞是好吃﹗

朋友約出黎飲茶，聽到佢話去紅磡逸酒店的茶樓，心諗會唔會好高級㗎，黎到又幾親民喎，可以放心傾偈閒談，唔使特意壓低聲線，放心吹水吧。餐具整潔，白雪雪的。茶點了菊普，花香茶滑，不是那種只有顏色沒有茶味的，不錯不錯，沖了兩三壺仲有茶味。點了至愛的鵪鶉蛋燒賣，好多人都怕佢嘅膽固醇，越來越少地方有得食了。呢度做得唔錯，肉彈牙，乾蒸都好有肉汁。飲茶又點少得蝦餃燒賣，整籠燒賣先，豬肉包著蝦，啖啖肉得黎又爽口。再黎蝦餃，皮煙韌，蝦加肥豬肉加筍，咬落又爽又有油水，好味。蘿蔔糕一絲絲蘿蔔，真材實料，可以再煎硬一點就更好了。再整返碟乾炒牛河，幾好色水喎，河粉滑，韭黃洋蔥下得很多，很香口。桂花糕晶瑩剔透，幽幽花香不過甜，略軟身左啲，一夾即散。仲有呢個甜品古法雞蛋鬆，蛋散香脆，甜甜的蜜糖帶有柚子香味，甜中帶少少苦，仲有檸檬汁的酸，太好味了。作為酒店茶樓，坐位是有點迫的，同隔離枱櫈泊櫈，侍應都要兜個圈先可以入到黎沖水，也許是因為太難行，基本上沒有收過碟，除非特別要求。是日天氣回暖，室外二十多度，而室內沒有開冷氣非常焗，還好酒店大堂有開，間中有一兩滴微風跑進來，坐了整個下午，最舒服竟然是洗手間內涼涼的冷氣感。還有就是

講起食中餐，最近係紅磡就係酒店入面新開左一間，名為「紫荊閣」，是一間粵菜餐廳﹐，位於酒店一樓。餐廳提供傳統矜貴菜式、本地受歡迎小炒及新鮮即製的廣東點心，加上餐廳的大廚堅持承傳經典的手工粵菜，製作精美，菜式味道豐富，令人一食難忘。當日去到睇餐牌發現真係好多選擇，仲有唔同既套餐同全包宴，但我同三個朋友黎，所以簡簡單單點幾碟食就夠，唔想浪費。我地分別點左「叫化雞」、「是日例湯」、「富貴龍鳳球」、「上湯浸豆苗」同「雞蛋焗魚腸」。「叫化雞」係呢間中餐好出名，要預早訂既，好彩我夠醒目，一早上網睇過就順便訂埋。「叫化雞」一出場已經夠晒台型，因為佢面個層係包左黃泥扲去焗既，再有一層鍚紙包住，之後入面就係用荷葉包住成隻雞，而雞入面仲放滿晒好多材料，例如冬菇，雲耳，金針等等，而因為包住荷葉去焗過，所以會食得出隻雞好重既荷葉香味，再加上入面多種材料，呢隻雞認真出色又好食！「富貴龍鳳球」為昔日飲宴菜式，平日較少機會吃到。把蝦仁捲著預先燒好雞肝片，炸熟後再以沙律醬回鑊，最後灑上芝麻便成。單單是製作過程也充滿誠意，但味道也成正比；蝦仁與雞肝味道出奇地配合，而沙律醬汁正好中和過多的油膩感，真心推介之作。 「上湯浸豆

話就近排工作很忙 好耐都冇屋企人食飯今日要同屋企人食好西😃位於紅磡特色酒店內既紫荊閣 中式酒樓 裝潢特別又靚當然黎之前 已經上左openrice做定功課發現陳皮燉鴨湯同埋乞兒雞都要預定所以book 台個陣一早book埋🙈🙈個湯有分一份同半份 叫左半份四個人每人飲左兩碗都有剩 好抵飲🙈鴨湯一打開就香味撲鼻 為左減低鴨肉既燥熱紫荊閣特登加左莞茜 莞茜味都好出但唔會好搶味 所以唔食莞茜既朋友可以放心我個碗仲有大大隻冬菇😭好厚肉 好正主菜黎喇 乞兒雞 侍應姐姐仲好有心問我玩唔玩 我好興奮咁打左幾下 😂😂打碎左外層既泥 侍應就會幫你打開荷葉再慢慢剪分開隻雞雞入面有好多配菜 有木耳 雲耳 紅棗 令叫化雞更加入味 雞肉亦非常滑口隻雞都比我想像中大好多🙈豉油皇大虎蝦- 呢個都不容有失 非常驚喜個蝦好新鮮 外殻又得夠脆口 加埋蔥一齊食好夾 好香口🙈🙈🙈鎮江骨- 其實我真係食黑醋大🙈呢個骨 醋味好香 好開胃 仲要用新鮮腩肉整有肥有瘦😱😱好好味 又香口 👍🏼鐵板燒汁烤魚- 好香口又脆 加埋上面既洋蔥一齊食 好有新意 一般酒樓都未必有咁既諗法臨尾諗住走 仲有紅豆沙送😍😍 果然一晚滿足哂你所有願望😂😂

飲茶係中國人最中意做既事，星期日啲家庭都會一家大細去飲茶，而我...當然就是負責搵位架啦！今日媽咪話想去酒店飲，飲完順便可以去探下伯爺。餐廳星期日都幾full，我地兩位都等左20分鐘，星期日無中午同下午茶之分，全日同價。我地先叫左山竹牛肉球，身為牛肉控當然要食牛肉吧！牛肉三粒，嘩！漲漲、滿滿的，喼汁是分開上，牛肉很有牛肉味，黏實在一起，不鬆散，牛肉除左蔥，還有我至愛的馬蹄，令牛肉更有嚼勁，更有口感！牛肉底還有腐竹，吸盡了牛肉，喼汁的香味，滋味無窮！三星帶子餃？Samsung嗎？這個計設構思不錯，所謂三星，是有三粒東西係頂，分別是黃椒，青椒和紅蘿蔔，很健康呢！媽媽都喜歡，餃內唔係只有帶子，還有蝦，如果還想叫蝦餃的，可以叫三星帶子餃代替，一次過有兩種口感！帶子有點咬口，煙煙靭靭，味道也足夠，帶一點咸。媽咪話成日食蒸腸粉，見到有XO醬炒腸粉當然叫黎試下啦！唔好睇碟細細呀，腸粉都幾多！除左腸粉仲有啲芽菜添！XO醬都幾多，我都覺得有點辣，腸粉整得好細緻，咬開睇，每條腸粉都是雪白色，中間不是空心，是真材實料的！腸粉少少硬（因為好厚，捲了幾層），但是很滑，媽咪話最鍾意呢個腸粉！食完咸點食甜味，見到「

今日lunch time老闆話萬歲，我地個個都無帶飯，就話一齊食了！公司附近有間酒店，新開的，同事說1樓有間新酒樓，就一齊去了。酒樓不算大，但設計簡約，座位也很闊落，我們一行八人坐大枱，點心也挺貴。鮑汁炆鳳爪：$58，一碟有六隻，每隻都不是很大隻，但是好淋，一咬也會斷開，每隻鳳爪都很入味，除了鳳爪，還有花生，花生也軟淋淋，鮑汁不咸，但很有味，十分滋味！蜜汁叉燒包：中點很化算，叉燒包有三個，每個都有拳頭那麼大，麵包黏得很實，一打開叉燒餡很多，叉燒肉很多，蜜汁也很甜，令整個包也很好味道，包好鬆軟，好香，兩籠都不夠食呢！蟹子蒸燒賣：這個蟹子很堅！真的見到一粒粒蟹子！四粒燒賣也漲卜卜，蟹子一粒粒Size都不少，像是壽司魚之戀般！豬肉餡都是挺多，皮都像是迫爆，抵食！蒸的時間剛好。古法馬拉糕：那個馬拉糕堅！有六件！每件都好大件，蛋漿味豐富，這個都是滿滿的蛋味，甜味也足夠，令人滿意！

這晚和兩位朋友來到hotel sav內的中菜廳紫荊閣，別以為位處酒店就一定定價不菲，其實價錢十分親民，新開張期間更有七折。餐廳以花為題，風格典雅舒適，環境靜謐，讓人自有一種放鬆之感。人不多，只點了三道菜，已讓我們捧腹而回。蟹肉蛋白炒魚肚($128)炒蛋白或者炒牛奶都常常吃到，但蟹肉蛋白炒魚肚則未曾聽過，故二話不説就決定要點。魚肚和蛋白一同炒起，滑嫩的蛋白跟軟滑有膠質的魚肚製造岀不同的口感，除了面頭的粒粒蟹籽之外，入面還有絲絲蟹肉，鮮味十足。叫化雞（$480）電話訂座時知道這兒有叫化雞食，就預先預留了一隻！所謂叫化雞，其實即是塞滿了十多種材料，如冬菇、雲耳、紅棗、肉絲等的雞，用荷葉包住雞身後，再用泥巴塗滿放進土窯烤。店員先給我們看看剛從土窯拿岀來的樣子，然後在我們面前打開荷葉，陣陣荷葉香立即撲鼻而來，煞是吸引。店員再替我們切開雞身，即見到入面十多種材料，香氣四溢。我先試試雞肉，原來這種煮法的雞肉肉質特別酥嫩鬆化，而且保留肉汁，吃來十分juicy又有雞味。而包裹着的材料也充分吸收雞的精華，十分鮮甜美味。因為步驟繁複，所以香港不多中菜廳會提供，如果來紫荊閣想試叫化雞，記得要早一兩天預訂呢！上

叫化雞🐥乞兒雞😝我諗起丐幫😂中學果時都幾鍾意（上堂果時😳）睇金庸😂-上枱果時係見到一堆烤左嘅泥之後比個鎚仔你揼碎佢🔨再揭開荷葉🍀剪開隻雞就食得啦🐥就咁睇到都覺得入面都幾多料😂-荷葉味滲曬落隻雞都好香😌料多但有啲鹹😂隻雞都叫做幾香稔幾滑我地仲叫左鐵板砵酒蜜桃骨。少少失望係冇嗞嗞聲嘅。味道其實都似平時咕嚕肉咁啦，都幾大舊多肉。招牌炒飯。冇特色，就平凡到似屋企啲炒飯咁。可以讚係米飯粒粒分明又大碟。不過夾配乞兒雞食又幾好，一鹹一淡岩曬

有朋自遠方來，在Hotel Sav住幾天，安頓好便帶在1樓的紫荊閣品嚐香港地道港式點心。酒店的餐廳確是不同，開揚落地玻璃，中間是水墨畫的屏風。鮮蝦炸雲吞 $36即炸後上檯，熱騰騰的，外皮好脆，內裡包著一隻大爽口蝦肉，點著酸汁，朋友也大讚。XO 醬炒腸粉 $48味道夠辣，腸粉皮算滑但有點厚，不過不失。肉絲炒麵 $88脆卜卜炸起的麵餅，上面放了肉絲、冬菇等材料，朋友說菜式幾特別，第一次品嚐咁脆的炒麵。茶錢$15/位，不過點心選擇太少了，未能盡興。

在於我個人來說，紅磡以前只是一個轉車的地方，但自從黃埔站通車後，我開始多了做訪這區，四處覓食。蕪湖街樹立了不少食肆，當中亦見有幾座單棟式酒店，如紅茶館、Hotel SAV。早前約了幾個舊同學聚餐，想找個能坐得舒適沒有時間限制的地方進餐，朋友提議吃中菜，並預約在Hotel SAV嘗試其中菜廳-紫荊閣。餐廳位於酒店一樓，一貫酒店式的飯廳設計，高樓底、寬闊的空間，亦有中菜廳少見的長方枱，最適合三五知己圍在一起談天說地。朋友訂枱時職員稱叫化雞為店內的招牌菜，並指需先預訂。難得幾人一同聚餐，朋友一併預訂叫化雞。叫化雞價值不菲($480)，但預備工作卻費時，亦不是常吃的菜式。職員送上叫化雞後即時用鎚仔鑿開包裹著雞的泥巴，再剪開雞身方便我們享用。叫化雞一剪開，雞油混著荷葉的香味撲鼻而來。雞內釀滿冬菇粒、金針、紅棗粒及肉絲，冬菇、金針和紅棗混起的香味為雞肉提鮮，配合肉絲增加了味道的層次。雞肉有鮮味，雞背位置更見滑溜。餐廳亦細心地提供了膠手套給客人，但其實過程中都不太需要用手撕開，因雞已剪開細件方便享用。既然有一整隻叫化雞享用，所以另外的菜式選擇了較清淡的款式，菜類我們挑了北菰紅燒豆腐($68)。北菇非

一家人食飯 都係中菜最啱有大有小既家庭 知道依間有叫化雞雞 打去訂位既時候 順手訂埋 好彩咋 原來walk in 喺冇得叫 大家想食 最好打電話去講聲餐廳喺酒店入面 有得泊車 不過冇泊車優惠 餐廳內部帶啲古色古香 枱同枱中間都幾大 所以唔怕冇privacy 叫化雞洪七公至愛 我食完都明點解咁上癮 一打開雞 就好香 雞肉仲好鮮嫩多汁 勁易離骨 仲有入面啲雲耳 金針 索哂啲雞味 識食一定食入面啲料😏豉油皇虎蝦一隻大概2兩重 都係$50度隻 不過廚師煮得超正 好脆 連蝦殻都食得😏 蝦唔係好油 仲keep 到爽爽地 認真不得了👍🏼紅豆沙食到飽飽 臨埋單 店員話仲有糖水啵😂 紅豆沙堅足料 又煮到起哂沙 好正呀 一餐既結尾 好完美😂

黃埔同紅磡區要飲茶真係好多選擇，不過一係高檔次集團，一係就係地度平民，要中檔少少反而有D難！ SAV呢間酒店剛將之前主力做buffet嘅餐廳轉做懐舊廣東菜，襯冇咩人知之前試一試先！蝦蛟有2隻蝦，都幾大隻！不過冇咩驚喜煎葡白糕，唔夠燶上枱唔夠熱！XO腸粉，XO醬好少，反而用咗辣椒油一般般！蟹肉伊麵，ok wor! 伊麺唔會好淋，蟹肉唔太多，不過剛剛好！雞扎！唔會好油，夠熱，魚肚冇蒸到爛曬！好少地方有千層糕！對茶葉有研究的話，一定認識天福茗茶！餐廳用上中台合資（台灣：天仁茗茶）嘅品牌茶葉可以想像佢哋對細節嘅追求！

終於都星期六，唔洗返工～今朝做乖女同阿媽去左 SAV 酒店間酒樓，紫荊閣飲茶！一去到都幾 full，等左一陣就有位～ 坐低先睇睇點心紙，都好多野揀！ 仲可以點 2 人套餐/ 6人套餐 ~ 不過我地就逐碟叫～先有 X.O 醬炒腸粉，個腸粉超滑溜，加上X.O 醬，香得黎又惹味！ 飲茶必叫蝦餃～皮薄餡靚，蝦超大粒，而且爽口彈牙！ 想食得飽肚，我地仲叫左個揚洲炒飯， 個飯炒得非常乾身，不油膩，而且熱度足；材料十分豐富，有蝦仁、叉燒粒、菜、蔥等，正！ 另外，清清地叫左個白菜，滾水淥，好健康！埋單 around $220，果度服務、環境舒服，食物質素都唔錯，下次會再來的！