綠林甜品

营业中

休息中

綠林從前是不錯。今天專程為生磨粟子露來，恕我不懂欣賞，完全吃不出粟子味，是一碗似有甜味和颜色的熱豆粉水，浮着一些碎粟子，有點可憐，無以名狀，吃得十分不是味兒。友人吃的熱鲜奶燉蛋配紅豆，我試一口，蛋白竟然很老，和從前我在綠林吃吃過的不一樣，蛋白的老，是老得有煲煑很久的蛋的獨特味道，放在咀裡，很爽，不滑，不熱，紅豆更是凍的，整個甜品都沒熱度。甜品本來可以療治沮喪，我今天其實沮喪，吃完才真的沮喪。埋單時送的$5 券不會再用得着了。

今次係晚飯前入舖頭，可能未夠鐘食糖水啦，有好多座位，唔使等即刻入去有得食啦喺門口經過，就係見到生磨栗子粒露而決定行入去嘅😎呢個甜品唔係成日見到，又有季節時令，咁就心思思行入去試吓啦🤩 記得好耐之前食過，入面有好多原粒栗子好香甜的，一直念念不忘。上枱! 🧐努力啲都係搵到栗子粒嘅😝食落好暖胃，甜度適中，尚算不錯🙂可以，合格啦😆呢間舖頭真係有好多甜品款式，都諗咗好耐先揀到另一款食咩好😅最後揀咗另一款係川貝海底椰無花果燉雪梨😋得喎，呢一碗好清甜，好潤，喜出望外啊☺️呢啲咁乾燥嘅天氣飲就啱晒😉估唔到呢一款好似好低調咁但又好好味喎😋😋為食B報告完畢🤭

綠林甜品在深水埗踏入第40個年頭, 在現在香港的餐飲業界, 也算是很長壽的存在. 在我們的讀書之中, 吃完晚飯後飲糖水就是晚飯的延續, 除了吃甜品外也是為了延續與友相聚的時間, 地點方便, 消費相對比起其他深宵活動, 例如是去酒吧或者唱卡拉OK便宜, 有着很多年輕時的回憶, 至於糖水味道如何? 其實真的不太重要, 正如以前去酒吧喝酒, 最重要的是便宜一點, 能坐久一點, 什麼紅酒白酒, 甚至是啤酒的味道, 也不太理會.香港的糖水舖, 以這家為例, 有着以前華洋雜處的風格, 除了傳統中式糖水, 例如是芝麻糊和合桃露之外, 也提供不少西式風格的甜品, 例如是心太軟和布甸, 甚至是中西的結合, 正如我們點的楊枝甘露布甸, 在香港的糖水舖, 芒果是很重要的食材, 因為我們很容易從世界各地進口不同風味的芒果, 這次店家用的比較甜. 另外點的蓮子合桃露, 還有芋圓和涼粉, 甜中帶些少甘味, 最重要是如此的大雜燴, 真的吃得飽, 當然味道不會是什麼的驚為天人, 但這不太重要, 吃的是回憶嘛!

蛋白燉鮮奶，個外賣碗已經比平時嗰啲糖水細，仲要得四份一個碗咁多😢楊枝甘露芒果布甸，唔知係天氣熱定點，買幾次返屋企都變壞咗既，冬天外賣係無問題既，夏天一律唔建議外賣

難以理解為何咁多好評中式糖水成本平…做法又好簡單…….豆都未煮開仲要賣$3x…西式甜品更嚴重，去到非常難食地步，$5x-6x……一次中伏就夠了….一間正常甜品店的程度也去吾到………………….……………………………………………………………………………….超失望香港糖水品質去到這樣

豬事孖寶對中式糖水情有獨鍾，覺得中式糖水鋪有出品令人再回味係幾成功；而綠林最令我地印象深刻嘅就有芝麻糊，佢地嘅自製湯圓，烏豆桑寄生茶同杏仁茶烏豆桑寄生茶桑寄生茶味濃郁，回甘而不會苦澀，豆大大粒有咬口，唔會硬實實；桑寄生對身體有益，可以去濕舒壓，尤其對女性養生更有益。不過桑寄生茶同崩大碗一樣，鍾意就好鍾意，唔鍾意就會怕個種味薑汁湯圓薑汁係配角，湯圓先係主角，喜歡人手包，皮薄軟糯，芝麻餡濃香流心。但今次有點失準，薑水不夠熱，湯圓皮太厚，有點失望！

嚟到呢間店，第一啖嘅豉油皇炒麵就深深吸引到我，麵條啱啱好，彈牙得嚟唔會太硬，每一條麵都包裹住淡淡嘅豉油香味🍜。跟住食嘅白灼菜心，簡簡單單，點嘅蠔油恰到好處，唔會搶咗青翠菜心嘅甜美🌿。肥牛粒又係另一樣我超愛嘅嘢，牛肉好嫩滑，同埋甜辣醬嘅搭配正揪，辣味唔會太過，仲帶有少少甜意，令人一口接一口🌶️🐄。最正嘅應該係跟住上嘅鹹魚雞粒煲仔飯🍚！啲雞粒同鹹魚嘅香氣攞咗住個煲仔唔放，飯粒鬆軟，每啖都有驚喜。最後，一碟炒通菜作收尾，賣相雖然普通，但通菜爽脆喺口感上同之前嘅菜做咗個好輝映🥬。食完之後散發嘅滿足感而家都仲係幽幽地圍繞住我。呢間嘅飯局，確實係難以忘懷嘅一餐，會令人回味無窮㗎。🍽️【絕對要再黎！】

嗌咗個「楊枝甘露，芒果布甸」$53，如圖之前分開食兩樣都鍾意食，但係原來夾埋一齊食，我覺得口感麻麻！於是我叫個店員俾個碗仔我等我分返開食！之後我又叫店員芒果布甸想加啲花奶！佢竟然同我講加花奶要收錢😳之後好施捨地給我少少花奶！😡🤬唔怪得知咁多人返大陸消費！已經唔係平。

🍚綠林甜品好耐無食過糖水 同班朋友食完飯 就食下呢間出名既🍚薏米腐竹糖水+蛋個糖水清清地唔錯 粒粒薏米好有口感有隻烚蛋感覺滿足🍚蛋白燉鮮奶+地瓜圓芋圓蛋白鮮奶溝埋幾滑地瓜圓芋圓好有咬口👍🏻味道唔錯🍚綠林甜品深水埗元州街77-79號地下#糖水 #深水埗 #綠林甜品 #黃店 #openrice #foodphotography #食好西 #foodporn #food#foodie #hkfoodie #hkcafe #hkfoodblogger #hkfoodieblogger #打卡#foodphotography #食好西 #foodporn #food

食完晚飯，行下行下街，見到有間糖水舖，覺得衞生乾淨。因為早吃晚飯，7點左右糖水舖雖然已經有d人，但仍有位，就同朋友一齊入去，揀左個靚位食糖水。我地揀左2種甜品，一個係雪糕榴槤班戟，一個係紅豆炖奶。伙計很有禮貌，並問我們要什麼雪糕？有3款任君選擇，我們選了朱古力雪糕。很快伙計就把2款甜品送來，看到雪糕榴槤班戟，真是大大的驚喜，沒想到班戟會這麼大，而且榴槤餡不少，夾埋cream一齊食，又軟又香又好味道，再加上濃郁的朱古力雪糕，非常美味。紅豆炖奶紅豆有點硬，奶也不夠香，碗野有點小。如果隻碗大d就好啦。

去到深水埗點會少得飯後甜品呢個環節呀😝，因為實在太多選擇嘅關係，朋友話想食中式糖水，所以就揀左呢間落腳🤣，真係5好彩揀左間伏野😅，分別叫左熱紅豆$24(都可以接受)、熱芝麻糊加湯圓$40(朋友食剩1半已經5食，普通芝麻糊都可以煮得咁難食😔)、鮮奶燉蛋白加紅豆$37(雖然紅豆好多但完全5夠熱)、同埋生磨栗子粒露$40(呢碗仲恐怖，好似食緊漿糊1樣😅)，大家食完都覺得非常5掂，咁鬼難食所以都5會再有下次😔

估唔到咁多人，已經多人到鋪頭➕佐個叫號系統。我地四個人來到就要攞籌號，好在唔駛等好耐。等個時提前揀定食乜嘢，節省時間。四個人點嘅都係中式甜品——🌟陳皮綠豆沙，💰24，良心價格啊。好足料，唔係溝水個種。🌟合桃露，💰31，唔會太甜，好啱我口味，質地濃厚。🌟蛋白杏仁茶，呢款係即叫即整嘎。💰44。🌟蓮子鮮奶燉蛋，💰37，蓮子應該係糖水浸過嘅，所以甜甜地，軟糯入口。一共💰136，人均💰35左右。

喜歡舊式甜品。食咗咁多間甜品舖呢間比我感覺到舊式甜品嘅味道。腐竹蛋糖水是我最喜歡的，糖水裏面還看到蛋花和腐竹。不是煲到溶晒的像豆漿。所以一定要支持呢啲糖水舖。如果唔係又唔見咁一間懷舊嘅小店。

綠林甜品 (深水埗)豆腐布甸椰汁西米+桃膠豆腐布丁好滑🤤桃膠有小小爽整體唔算太甜，好食♥️坐位比較迫，我坐近收銀處，員工出出入入都會有小小撞到他們的甜品選擇都多

認識綠林既原因，係因為2月果時，可能因為太勞累，又或者受咗風寒，結果唔少新長出既頭髮都係白色頭髮，嚇死韓國朋友建議定期飲「紅蔘」，快捷方便，而自己都接受到類似花旗蔘既味。不過，仍然心思思想試 黑芝麻糊，叫做「以“色”保“色”」啩。但芝麻糊係比較高熱量既甜品，咁唯有搵方法減低熱量。最後搵到綠林(係少數 <如果唔係全港唯一>)有提供無糖黑芝麻糊既甜品舖。食落唔太稀唔太杰，當然就冇乜甜味，但都有芝麻香。之後做運動時同朋友傾起，朋友建議可以試埋「合桃露」，因為有「鎂」(雖然我唔太知「鎂」有乜用，但應該有用)。咁正常人都鍾意 無糖黑芝麻糊 拼 有糖既合桃露啦，始終多返少少甜。最近第一次中新冠病毒，之後有啲咳，食中藥(或橙樹素)有啲幫助。但都想試吓天然啲既方法止咳。綠林都有「海底椰 燉雪梨」，我就飲熱既，見到雪梨有好多片，亦唔太甜，最重要係食完就即刻少咗咳。咁為咗又食甜品，又要唔好咳，就變咗個咁既配搭喇。依家頭髮黑返、多咗，而腰圍體重冇乜點變(中新冠病毒時可能因為脫水<或者食粥>所以「曾經」輕咗1.5公斤)。食咗:*無糖黑芝麻糊 拼 合桃露 (雙拼$34 / 單拼$