緣味小聚 (93WYS)

营业中

休息中

緣味小聚，位於觀塘偉業街93號93WYS20樓。餐廳環境比較狹窄，我們點了大閘蟹龍蝦海鮮蒸氣鍋(150分鐘) $298位、升級任飲$152(4位) 、醬油連加一$192(4位) 。 每人有半隻龍蝦，還有鮑魚、生蠔、海蝦和蜆， 味道正常。 大閘蟹有公和乸兩款， 細細隻，但都有膏。 然後有蒸牛肉、豬肉、肉丸、蔬菜和甜品。 整體正常發揮，唔算突出。 🏷️溫馨提示～ 整個用餐體驗均屬個人分享意見， 只作參考😊。 緣味小聚 (93WYS)地址: 觀塘偉業街93號93WYS20樓

地方細，環境差，服務員（尤其有位老男侍應）態度極差沒有禮貌，令人有種不好的感覺。重點是餐具有點破舊，食物份量少，半隻龍蝦，三隻極細隻大閘蟹（每隻不足二両半），一隻極細生蠔，一隻鮑魚，幾隻蜆，兩粒牛丸，兩塊豬肉片，幾塊肥牛，少量蔬菜，一件薑汁糕，一個奶皇包，沒有飲品。價錢$326一位，這個價錢可以選擇其他地方，而且環境極細極侷促，侍應成日走過來，想傾密偈都好難，他們只想你們快啲食完走，講真，去日式放題好過，不值一試，完！！！

#打公仔 開飯除咗要填飽個肚，價錢其實都幾重要，而家求求其其食碗 #米線 加杯 #熱飲 都要七八十蚊埋單😅 對於月光族嘅 #小秘書 總算一個負擔😅😅 不過如果你對食同服務都冇乜要求、又唔介意 #速食文化 😅 星期一至五中午時段過嚟位於牛頭角嘅 緣味小聚hea 吓 #飲杯茶食個包，都算係 #平食之選 😅 星期一午餐特價時段六八折，八籠 #點心 加個 #蒜蓉蒸蝦陳村粉，我個5個人平分$60都唔使，呢個價錢大家聽起喺嚟應該都覺得幾吸引☺️ 食物質素唔算差，大大隻嘅 #蝦餃 同 #菜苗餃 餡料十足，#陳村粉 配埋啲 炸香咗嘅蒜蓉同蒸蝦一齊食，都幾惹味🤤 不過呢… 我勸大家千祈唔好食佢哋嘅 #口水雞，肉質入口實的的咁，似乎係雪咗好耐😅 我諗佢哋就算將貨就價要用 #雪雞 ，都可以處理得好少少😅😅 最終留低大半碟都無人問津，確實大嘥咗啲😅😅😅📍緣味小聚 (觀塘)偉業街93號93WYS20樓

食物 ：食龍蝦餐， 龍蝦是新鮮， 除咗龍蝦ok , 其他一無是處 ：打邊爐牛肉不是和牛， 仲差過佳寶。打邊爐選擇少， 丸只有2 款， 沒有餃類， 小食只有青瓜，木耳，海帶，鵪鶉蛋所謂的點心只有包 類，棗皇糕， 沒有其他 環境 ： 成間鋪勁細， 餐具殘舊， 我地坐4 人卡位， 相對闊落 ， 其他位較迫服務： 全場2個人， 佢想理你就會理你勝價比： 低不值呢個價$328（openrice 買coupon)+$49 豉油費 ,呢個價位食 自助餐都得

上次試咗蒸海鮮放題，今次海鮮定量、火鍋放題餐，兩者差不多價錢，都係約$400一位，一於比較下邊款抵食啲。兩者最大嘅分別係上次食嘅海鮮放題餐，海鮮係可以無限任點嘅，但款式就比較少。今次嘅海鮮定量餐，只嚟一轉，但就有龍蝦、鮑魚、帶子呢三款任食冇嘅海鮮，而任食餐就會多咗蟶子仔。龍蝦並非平價嘅波士頓龍蝦，而係真龍蝦，超級新鮮彈牙勁多肉，頭仲有啲膏，不過呢度就冇提供鉗畀你拆殼，所以頭位一啲鬼鼠肉就食唔到。另外上次任食餐可以點任點蒜蓉蒸法國生蠔，定量餐就冇嘅。而點心方面，上次任食餐可以點蝦餃燒賣小籠包等，反而今次定量餐選擇就少好多，只有啲包類同甜糕，所以今次完全冇點到點心。任食火鍋嘅料就完全一樣，牛肉依然好好味，澳洲M5牛今次嘅質素好過上次。自助飲品亦都一樣。我自己係比較鍾意定量餐，因為如果任食餐要加龍蝦要加98蚊一隻，對於食量唔大但好似我咁想食多啲款嘅人，定量餐應該係更好嘅選擇。但如果你好大食，特別鍾意食蝦蜆蠔，仲有蝦餃燒賣，我就覺得就海鮮任食餐比較適合你。另外買咗50蚊當150蚊洗嘅openrice餐飲券, 用完之後計埋醬料費同加一，人均$338。

同事有日唔覺唔覺就撞上左一間餐廳到飲茶。發現左又平又正既點心鋪頭。呢間餐廳門面唔起眼，係一個細細個既大門入去搭𨋢上樓，差唔多最高層。入去鋪頭細細，枱凳不多。原來呢間餐廳主打蒸海鮮，等我搵日再試吓海鮮大餐先。呢度餐廳竟然有懷舊豬腸粉，即刻叫黎試吓。兩個人飲茶有一樣，麻煩的地方就係嗌的款式好少。佢呢度有一個大拼盤每樣都有兩粒，咁就啱啱好又食得款式多啲份量又唔會太多。我哋仲叫咗鹹水角同埋蔥油餅，煎炸嘢就最好食啦。

網上睇到好多個like, 又有得買優惠券未試下囉，點知中曬伏。1. 環境問題個場好細，地下係有層油既感覺，而且冷氣吾夠，試想像下，好多個蒸爐一齊用，又吾夠冷氣係幾辛苦。2. 餐具質素黎盛住食物個啲碟係崩/甩曬色，我以為比成約$400位，起碼啲碟都係正常啲呀… 3. 侍應態度一坐低，啲侍應已經無咩禮貌（呢點我最care，點解做客洗錢，但好似欠左你甘）。之前我明明叫左個 「法國生蠔住食」既餐，但我係個menu入面一樣海鮮都無，甘未問個侍應囉，佢望都無望就話「點會無呀！」，我就即時同佢㩒入去睇，佢仲好串甘話「未有囉！你自己慢慢㩒啦！」，但佢只係指住menu個張宣傳圖，而最後真係冇海鮮呢個選擇，佢先話自己同事入錯單比我地，但一句「吾好意思」咩都無！ 4. 食物質素一開始都冇預期啲海鮮會係非常好，而結果都真係不過不失，但其他配料同埋佢所謂嘅點心，無咩野簡不在下話，攞到出黎仲要係結曬冰既，個啲咩「A5澳洲和牛」，約$400位我都無諗過係要好靚既牛.. 但係個質素係仲衰過自己去街市凍肉舖買… 總括而言，可以不值一試，呢個價值或者去食返普通連所火鍋餐廳都仲好過佢。

老公突然話想去食下點心，我係網上揾到哩間餐廳以其精緻的點心聞名，我們迫不及待地想品嚐一番👯‍♀️點咗蟲草花滑雞蒸飯，有嫩滑的雞肉搭配香氣撲鼻的蟲草花，散發出一股濃郁的花香味。蒸飯的米粒煮得剛剛好，口感Q彈，與雞肉完美地融合在一起🫶🏻美味又營養豐富😊接著，我們點咗一份脆香蔥油餅🍕餅皮外酥內軟，一口咬下去，蔥香四溢，讓人胃口大開。蔥油餅絕對是下午茶的最佳選擇，讓人愛不釋手😻緣味鮮蝦餃皇是我們的另一個必點菜品🤭餃子的皮薄餡多，內餡使用新鮮的蝦肉，口感鮮嫩多汁。每咬都有蝦肉的鮮甜味道，令人垂涎欲滴🤤最後係我最愛嘅手拍青瓜貓耳朵👂🏻青瓜搭配上一些特殊的調味料，味道清新爽口🫦青瓜的口感脆嫩，配上微微的辣味，非常開胃。

同媽媽嚟到觀塘緣味小聚飲茶，叫左4樣野食，每樣都好好味，難怪咁多人嚟食！餐廳坐得好舒服，燈光充足環境又夠乾淨。1️⃣一吃難忘小籠包皮薄餡靚小籠包，入邊滿滿湯汁又熱又好飲，肉丸又香又鬆軟，一個小包三種驚喜😂真心好味道！2️⃣蟹子燒賣皇燒賣大大粒，一啲都唔普通，入邊有鮮肉鮮蝦，在點綴上蟹子，材料和味道都非常豐富，好味又抵食！3️⃣手拍青瓜貓耳朵清新手拍青瓜雲耳，辣辣地充滿水份，食落去清爽又開胃，個汁亦好滋味，好想用嚟撈飯食。4️⃣川味口水雞超級無敵滋味川味口水雞，夠晒辣味又夠香，雞肉嫩滑雞皮爽滑，再加上開胃香辣口水汁，即刻好味爆錶，都係要叫個飯用嚟撈汁食😂🤣🤣。

這次朋友的生日飯揀左哩個蒸海鮮餐廳，好開心又好食🤤有150分鐘厚肉龍蝦海鮮蒸氣鍋😼👉🏻蒸厚肉龍蝦👈🏻好大隻又多膏😚肉質鮮嫩，蒸好一開蓋就散發出濃郁的海鮮香氣💨每一口都彷彿在品味著大海的滋味，讓人回味無窮🤩👉🏻緣味鮮蝦餃皇👈🏻餃子的皮薄餡多，新鮮又彈牙嘅蝦肉🦐，口感鮮嫩多汁😻👉🏻澳洲M5和牛👈🏻肉質細嫩，入口即化🫦一口咬下去，都能感受到肉汁的爆出，肉質非常優秀，絕對能滿足肉食愛好者的味蕾👅👉🏻西班牙黑毛豬👈🏻肉質鮮美，口感豐富😍用蒸嘅方式去煮，每一口都能感受到肉的濃郁味道🫶🏻食完個個都抱住個肚好滿意咁走🤰🏻

觀塘呢間餐廳，有做放題，亦有點心食，今日就同屋企人黎飲茶食點心。⭐️黑醋鮮秋葵秋葵凍凍地，涼拌口感好好，爽脆鮮甜，用佐黑醋有啲酸酸地，更加開胃，小小地岩岩好啦！🌟蒜香開邊大蝦蒸飯籠仔蒸飯，依家唔多地方有得食，呢度用荷葉墊底再用籠仔去蒸，飯香十足，淡淡荷葉清香飄晒出黎，大蝦好大好鮮味，肉質鮮美無比，配埋蒜香，味道更提升，一家人食岩岩好！💫回味蘑菇包蘑菇包好得意，整到好似真係一粒粒蘑菇咁，蘑菇包好鬆軟，搣開真係有粒粒蘑菇碎，菇菌味濃，軟綿綿，口感好好！✨脆香蔥油餅蔥油餅係北誠傳統果款，一個麵團卷埋一層層，少少厚，但表面炸到鬆脆，入面就軟綿煙韌，蔥味又重手，好香好好食！

🥇早前係度食過，覺得好好食，都介紹叫左D朋友，佢地食過都話唔錯，今日帶左爸爸媽媽一齊去，順便請埋佢地食一餐 💯💯炸菜牛仔肉蒸飯‼️🥇呢一籠蒸飯好有酒樓既感覺，新鮮滾熱辣，最上層有牛仔肉，牛仔肉上面仲有蔥花，牛仔肉都做到好香好味，入面既肉質好軟腍，加上飯一齊味道好襯酸辣脆蘿蔔‼️🥇呢個酸辣脆蘿蔔都好好食，佢既味道脆嫩可口，酸辣調味同蘿蔔形成了好味既對比，酸酸既蘿蔔好開胃，呢款小食不錯手拍青瓜貓耳朵‼️🥇呢道小菜都係好開胃，凍食涼伴既手拍青瓜，再溝出調味，青瓜好入味又有清新既味道黑金流沙包‼️🥇黑金流沙包呈黑色既外形，裡面係黃色既流沙醬，鬆軟既包加上流沙一齊食，口感好獨特，甜甜既味道非常濃郁，絕對係甜食愛好者至愛

我小學同學最近決定移民，外國好少有甘正宗點心食， 👧🏻👦🏻👧🏻👦🏻臨走前同fd好好Farewell下。%% 💕 %%%% 💕 %%%首先，金珠咸水角是一道受歡迎的經典點心。以香脆的外皮包裹著鮮嫩的蝦仁和咸水角餡料。每一口都帶來了豐富的口感，外脆內嫩，非常美味。%% 💕 %%%% 💕 %%%其次，炸菜牛仔肉蒸飯是一道豐富的點心菜品。菜牛仔肉外酥內嫩，搭配炸脆的外皮，口感極佳。%% 💕 %%%% 💕 %%%蟲草花滑雞蒸飯，蟲草花是一種珍貴的中藥材，具有滋補養生的功效。它與滑嫩的雞肉搭配在一起，蒸熟後散發出濃郁的草藥香氣。%% 💕 %%%% 💕 %%%最後，七味脆皮豆腐粒，豆腐粒外酥內嫩，炸得金黃酥脆。全部都有各自獨特的特點和口感。金珠咸水角的鮮美口感，炸菜牛仔肉蒸飯的豐富搭配，蟲草花滑雞蒸飯的草藥風味，以及七味脆皮豆腐粒的香辣口感，下次會帶埋朋友一齊encore!👍🏻👏🏻

食點心一直是我和婆婆最愛的地方，尤其是早茶時間，氛圍輕鬆愉快😀我們點左幾道招牌菜，首先係炸菜牛仔肉蒸飯，肉質嫩滑配合炸菜嘅鹹香，真係讓人回味無窮的美食😋之後係密汁叉燒包😍這是我們的必點之一。叉燒包不僅外皮鬆軟，內裡的叉燒肉質鮮嫩多汁🤩每一口都能感受到豐富的肉汁。搭配上他們特製的醬汁，真是一絕‼️還點左黑醋鮮秋葵，口感脆嫩嘅秋葵，搭配上黑醋的酸甜味道，非常開胃。這道菜不僅美味，還可以增加食欲🫶🏻最後，我們食左金珠鹹水角😽外皮金黃酥脆，內裡有鮮嫩的海鮮和蔬菜，搭配上他們特製的醬汁，美味無比💯餐廳嘅點心又美味，服務又親切👍🏻如果你喜歡點心和早茶，這絕對是一個不能錯過的地方❣️

中午點半黎食晏，人潮剛散叫個1人餐加個大點心拼，加菜加湯。燒賣硬既，蝦餃厚皮痴牙，叉燒飽馬拉糕普通，唔算難食。鮑汁鳳找，個汁怪味，怪埋隻雞。蒸雞飯，啲飯一舊舊，雞肉尚可，但無放鼓油，問叫加鼓油，佢叫我自己出去攞。額外加錢要燉湯，黎到係例水無驚起。額外加錢要碟油菜，黎到有主仔菜放起碟上面，無油，無鼓油，無擺位，個姿態就係保持住夾上黎果陣一主咁，而重點係，啲菜唔熟。重點係企堂個姐姐態度真心難頂，我唔知係咪觀塘名物，但真心趕客。其實真係唔想咁話本地既小店，但真係好無heart，其實真係應付唔黎，就唔好做午市，做衰左累埋個晚巿，又何必呢？