緣聚西日餐廳 (西裕街) (已結業)

今日同朋友去左食放題，元朗有間放題日式餐廳成日都想食，午市價錢好抵食。今日lunch time特登約朋友去試下。緣聚，名字好溫馨。lunch hour食客好多，相信都係因為實在太抵食啦！餐廳有自助爆谷機，超有童年回憶啊！壽司、刺身、燒物⋯食物選擇好多。我地叫左壽司，花之戀好正！三文魚腩好肥美，燒鰻魚夠香口。刺身質素中上，牡丹蝦好爽嫩！我地試下焗蠔，蠔肉大大隻，加上醬汁焗得好香。仲有蟹粥可以叫，粥底好綿好甜，蟹肉都算多。

年幾前聽表妹講過緣聚放題超多嘢食，質素高，價錢低⋯不過自己唔係咁鐘意食放題，所以遲遲冇去食。今次有個藉口去試吓表妹既推介！午市放題有兩款套餐選擇，我同老公揀咗@$158，包埋任叫甜品、啤酒、串燒etc.每張枱都有張單，單上面有個QR code，要用手機scan一scan個code入menu度落柯打。唔知係咪午市關係，種類齊全但食物選擇少，不過又反問自己：百零蚊放題想點？！雖然如此，但整體上食物質素都唔錯，三文魚刺身新鮮、炸物乾身、火鍋版只有3款選擇都會上一個大鍋比你（for食客淥埋自助枱上既各種蔬菜、菇類、麵食）⋯爆谷竟然有水準！老公最鍾意係有Hoogaarden生啤。送食物速度正常，服務態度都滿意。畢竟唔太喜歡食放題，所以有緣會再聚！

還記得上一次同老公到緣聚用餐後，一直都念念不忘，所以今日特意相約友人和我大吃一餐。不過今次就到另一分店；元朗緣聚西日餐廳由於元朗這間緣聚分店位於地庫，所以地面外面放滿了宣傳架，好明確睇到價錢同食物種類！新鮮魚生刺身第一時間要點的，當然是魚生刺身，選擇豐富，最愛吃的帆立貝、牡丹蝦我叫了好幾時回，非常滿足。象拔蚌刺身也不錯，口感非常好，又爽又鮮甜！由於此放題食物選擇非常多，所以要重點選擇我最愛吃的，才可多試吃其他食物，壽司方面，我主要點了火炙壽司，這個火焰京蔥三文魚壽司值得一吃再吃，淡淡火焰香濃味，令三文魚香味再提升了。就連芝士燒生蠔都有👍🏻，而燒大蝦仲要好大隻，非常有睇頭外面的沙律吧、甜品及火鍋自助配料選擇都好豐富，真係一次滿足你多個食慾呀😋！

冬至做冬，決定慰勞母親大人平日既操勞，去刷返餐勁既可惜酒店buffet full哂，唯有改食放題。依家大部分放題都有沙律甜品自助區，俾客人有機會走動下，又可以自由斟酌份量。有沙律菜、車厘茄、中華沙律、韓式涼拌豆芽蘿蔔絲不同國家款式沙律供應。午市時段刺身類拖羅已售壳希靈魚有腥味，甜蝦帶子好細隻，八爪魚爽口但無甜味，質素一般。汁燒牛肉選用肥牛片，一輪輪撞手神。大部份情況都得脂肪無肉，但個醬汁幾香洋蔥味，味道調配恰到好處唔會太鹹。相反牛柳粒稔軟厚肉，可惜鹹到腎病放題咁炸物正常水準，新鮮炸起香脆熱辣辣；香芋波芋香濃郁，大蝦新鮮不霉，一口芝士濃郁爆漿，係偏鹹左少少，蘸上天婦羅汁就岩岩好。香煎大蝦必點，剝殼後有半隻手掌大小，肉質爽彈，香口鮮甜羊架肉小但鬆軟易咬，雞扒同西冷就麻麻地。壽司中規中矩。黃金燒蠔夠哂cheese，鋪上足料芝士燒香，入口creamy不腥，係隻蠔仔細粒左啲。薄餅有layer，口感都蓬鬆酥軟，帶鹹香，點上朱古力醬鹹甜平衡，變身成一道甜而不膩既香口甜點甜品吧有多款精緻甜品杯及小吃，亦有雪糕雪條，但食完咁多肉類，我選擇左酸酸甜甜既自製乳酪加上鮮果為解膩既結尾小點，飽哂

今天約親戚去元朗行街Shopping，找了間放題餐廳吃午餐，可以坐耐些，食得舒服些。緣聚西日放題，在西裕街公園對面，金福閣地庫，餐廳面積大，座位好多。裝潢好特色。先來一碟刺身，三文魚新鮮、大甜蝦爽口鮮甜、鮮帶子最滋味，肉質滑溜。吃完刺身，又可以食下火鍋，點了粥底火鍋，肥牛，厚身脂肪平均，好有口感。最好食系蜆，沒有沙，又大隻。黃金燒蠔、蒜蓉燒蠔，兩個口味，滿足要求。鹽燒多春魚，燒得好乾身，鈣質十足，好好味。香煎大蝦，好大隻，肉質滑身，鮮甜。蕃薯天婦羅，炸得唔油，蕃薯香甜軟綿綿，一定要翻叫。現在流行食茶味雪味，玄米茶雪糕，雖然不是大牌子，但味道好出色。

閏蜜生日，大家都放假，夜晚就留返佢同屋企人慶祝，我就請佢食lunch放題，全天候食食食😂😂Book左一向係元朗區碑不錯的 緣聚西日料理，中西日韓的菜式都有，$158超值🤩🤩裝修好有特色，座位夠寛落👍👍刺身好新鮮呀，完全無雪味，夠曬凍，帶子同象拔蚌最出色，鮮甜，爽口，上菜又快，QR code 落單，方便又環保♻️👍👍🥰🥰壽司🍣種類亦多，左口魚裙邊，魚油丰富，火炙后魚油滲入飯度好香，飯還是微暖呢😍😍沙律吧，火煱，甜品，飲品，都算應有盡有，2小時不停作戰，真係抱住肚仔走😂😂😂真心超值，食物新鮮、高質，必要再來😌😌

緣聚西日放題緣聚西日放題喺元朗已經開左一段時間，我都唔止一次去幫襯，仍然覺得可以去完再去。餐廳環境寬躺舒適，空間感極大，就算一大班人聚會亦不會覺得狹窄！放題既刺身品種齊全，三文魚、甜蝦、北極貝全都有，熟食的選擇也超多！質素完全沒問題，屬於吃貨既我點能夠放過呀。熟食串燒也做的很高質，推薦串燒、雞軟骨、一口牛肉粒，口感鮮嫩，滿滿牛油既香氣，吃一口就令我欲罷不能呀！另外羊架有驚喜！除了羊油香外，仲有淡淡既香料味道，惹味得黎又一點都不膻！食呢個放題，包你一定可以用超高性價比食到扶住牆走！你想減肥？完全冇可能！呢個放題讓人元最驚喜的是竟然有超新鮮的拖羅和海膽手卷，而且成品要精緻有精緻，要新鮮有新鮮，超值！新鮮既魚生刺身上桌還是粉嫩粉嫩的顏色，吃一回就已經值回票價！吃完記得要去雪糕櫃攞多幾款雪條同雪糕，由雪糕到蛋糕，每一款都相當吸引，冇得彈！

今天約朋友元朗逛街，中午先到緣聚食放題，168+1每位，2小時，掋。先來一盤剌身，三文魚剌身、八爪魚剌身、玉子剌身、鮑魚片剌身、紅螺片剌身、大甜蝦剌身、鮮帶子剌身、象拔貝剌身、希靈魚剌身，全部都好鮮甜。再選粥底火鍋，夠清淡。肥牛片(6片)，不太肥，又新鮮，多吃兩盤都沒問題。蜆(一份6隻)，乾淨無沙，夠大隻。黃金燒蠔、蒜蓉燒蠔，醬不太多，保留蠔的鮮味。鹽燒多春魚，燒的夠香，整條吃完。香煎大蝦，新鮮多汁。熱檸茶、熱柑桔，適合熱飲人士。玄米茶雪糕，口味特別，忍不住再食一杯。

每次來到這裏，第一時間必點刺身，甜蝦，象拔蚌，帶子，劍魚腩，中拖羅，必叫首選👍賣相已經夠吸引，食落好鮮味，選材十分新鮮上次黎仲用緊人手落單，今次已轉了手機形式入單，十分方便快捷，省卻好多時間盡情任飲任食👍除了刺身，也必定叫火焰一口壽司，一口一件，炭燒味濃郁，好香口🥰海膽必食推介，呢個價錢海膽任食實在物超所值價錢雖然平，但食物質素十分好，今晚一個人食咗八個手捲😍😄🙊濃湯煮蜆，蜆好鮮甜，肉質彈牙好新鮮還有個沙律吧，沙律配菜自己選擇，款式尚算多甜品選擇亦唔少，我最鍾意呢個乳酪軟雪糕，自己製造，拉兩下手掣就有得食酸酸甜甜好好味，一食就食了三個😂太開胃🙊鍾意食甜品嘅朋友，大飽口福了9點30分後入座，仲有第二位半價優惠，超抵玩👍

為慶祝肥表弟11歲生日，約埋呀豬媽一齊去緣聚西日餐廳食餐飽嘅🤗呢度放題依舊，款式多，有日式又有西式，仲有得打邊爐添，CP值高，2人同行一人半價都幾抵食。餐廳冷氣非常夠，打邊爐的話就岩岩好。搵左個卡位坐，其實舒適闊落嘅，只係我地叫得太多野食，枱都唔夠放，哈哈。不過店員好好，會不時過黎幫手收碟，聽到我地有野未到，又主動追單，有禮貌又好殷勤，thank you❤入門口就有一排雪櫃放滿各式各樣嘅飲品。而家餐廳用電話掃QRcode點餐，豬幾喜歡，方便快捷🤗刺身正，好新鮮，點左三文魚、甜蝦、帶子和象拔蚌等，三文魚切得夠厚身，入口鮮甜有魚味。甜蝦同帶子新鮮肥美多肉，肉質結實彈牙，口感一流！金黃色嘅天婦羅，入口唔會感覺油膩，脆漿面層鬆化。熱辣辣嘅蟹粥，俾呀豬媽食，粥底綿綿的，蟹味濃郁。濃湯煮蜆，蜆肉鮮甜，湯底帶有酒香味，酒香撲鼻！蒜香牛柳粒，encore2次，牛柳份量十足，脂肪比例平均，外脆內軟，牛味濃郁。黃金雞軟骨，外酥內脆嘅雞軟骨口感豐富，加上樸實簡單嘅調味，減輕油膩感。漢堡扒，雞扒同燒羊架，食落非常香口同入味，肉質嫩滑多汁，當中羊架燒得再金黃色，表弟愛上❤同呀豬媽一齊再黎一件。壽司有水準，份量

今晚與朋友們去元朗形點、千色店行街，行行下都邁進天黑了，意外地見到一間放題不貴，於是入去試下，它的名字-「緣聚」！這裡有好多選擇，首先我最喜歡的各式各樣刺身、壽司! 刺身種類多，樣樣都很新鮮，肥美！特別係劍魚腩刺身值得推介，不但肉質柔軟，而且脂肪多，很鮮甜而不油膩。而壽司同樣地種類很多，每件壽司份量恰到好處！再者，有很多料理、揚物、沙律、飲料、雪糕，還可以點火鍋料打邊爐，絕對媲美自助餐。熟食值得推介紫心香芋丸同一口芝士！雖然是炸物，但兩款真的很好味，是我們再重點之選！

最近都要夜晚進修,一段時間無出街食飯,所以都好耐無寫食評lu, 今日約左朋友係元朗食飯,朋友話呢間食過唔錯就帶我去試,好彩早到有位!晏小小坐滿應該walkin都無位早一日book / 正日生日 / 生日月都有唔同優惠,大家可以留意一下~通常放題食物離離去去款式差不多,但呢間真係比較多款,仲有火煱!每枱都有一個細電磁爐,另外係用電子落單,比較環保飲品選擇多,仲有梅酒清酒!右手邊係火煱材料,湯底要電子落單,而左邊係一d餐前小食同生果,哈蜜瓜好甜刺身新鮮無雪味,海膽手卷同壽司既飯細細件,可以encore黃金燒蠔好香,蒜香燒蠔咸左小小,瑞士雞翼滷得入味蒜香牛柳粒,鐵板夠熱牛柳粒唔硬澳洲羊扒有小小羶味,無汁都夠味黃金雞軟骨係我今日最鍾意!其他放題都未食過!咸蛋超香炸得脆口!叫左2次!芝蔴雞翼天婦羅同樣脆口熱辣辣甜品有自制/雪條同軟雪糕機,我只食左雪條,選擇多最後埋單262一個人,同旺角放題價錢差不多,但呢度座位比較少廚房質素好好多,我最欣賞係呢度所有食物都係熱上,好難得,以後去元朗都會encore,值得再食

好耐都冇黎緣聚食放題啦，闊別半年估唔到變咗咁多依家一入到黎正中間會有個沙律吧，有菠蘿、粟米、中華沙律、沙律菜、水蜜桃、芽菜、螺肉、雜果等等，餓得滯嘅話可以出嚟食住啲沙律頂住先而沙律吧隔離就係火鍋嘅配料啦，有公仔麵、唔同嘅菜、雜菌、蘿蔔等等甜品櫃有泡芙、芝士餅、布丁、啫喱、豆腐花、和果子等等雪條雪糕都唔野少，有韓式雪條，亦都有阿波羅嘅三文治、香芋味雪糕，仲有大腳板添想食得健康啲食可以試吓自家製嘅乳酪，有原味同哈密瓜味，輕輕一拉，等2秒就可以將乳酪支出黎㗎啦仲有爆谷機添，真係誇張食物種類都好多，特別啲嘅嘢食有麻辣豬腸炸物就有蝦、蟹柳仲有真係用蟹去煲嘅蟹粥添

今日收工心血來潮去食放題，來到元朗既「緣聚」。8點入座每人$238，這個價錢剩吃刺身都可以輕鬆回本，更何況是有過百款食物選擇呢？餐廳用電子點餐，掃一掃QR Code就可以輕鬆點餐。餐廳中間都有自助區，可以拎少少餐前小食，因為放題可以打邊爐，所以部份配料可自取。甜品雪糕都在自取區。平日一小碗賣幾十蚊的芝麻八爪魚可任食！餐廳好大，有卡位坐得好舒服！頭一輪先點刺身，帶子、甜蝦都有得點！新鮮程度好不錯！燒蝦都好不錯海膽手卷都有得食，海膽入口即化，無苦味！火炙壽司其中和牛壽司都好不錯呀！牛肉味濃！焗蠔都係必點項目，有蒜蓉同芝士兩款，個人比較推薦黃金芝士鐵板牛肉用鐵板上，牛肉出奇地好嫩，個醬汁都好唔錯既！汁燒大蝦大大隻，雖然應該係雪藏蝦，不過唔算好鞋囗！清酒煮蜆我點了很多次，因為太清甜又大粒肉！甜品竟然有冰糖燕窩，獨立一樽，每樽有一粒紅棗在內，真材實料，而且味道真心好鮮甜！而且真的有燕窩！

訂左lunch 放題其實加完附加費同加一係同walk in 食差唔多.呢個價錢黎講 野食係唔錯環境都算坐得舒服果日假期lunch 時段都幾乎full晒電子落單係幾方便 完全冇漏單份量都比得幾合理.甜品 飲品都好多款 仲有冰糖燕窩刺身 焗蠔 炸物 清酒煮蜆 一口牛 等等都好足料有個焦糖牛乳雪糕都幾特別.但有d 野食明明話有 （openrice coupon 都話會有的芝麻雞翼同榴槤炸彈） 但去到係冇的 落唔到單.不過都係果句 呢個價錢唔要求得咁多其他野都ok 都會有下次的