緣聚西日餐廳 (西裕街) (已結業)

同朋友gathering我哋都好鍾意揀元朗嘅緣聚，每位人$238就有放題，仲可以有埋火鍋， 想食高級啲仲可以加少少錢㗎買蟹嘅同生蠔，非常抵食。坐低即刻狂點刺身！有帶子，甜蝦，三文魚，油甘魚， 希靈魚， 吞拿魚等等，幾新鮮亦都好肥美！煮豬大腸，又腍又入味，推介！碗仔翅都唔錯如果可以有胡椒粉同醋會更好有獨立樽裝梅酒同清酒， 分量有汽水咁大支。仲可以有埋日式火鍋肥牛任點，啲蜆都好大隻，冇沙。壽司好正，細細件但係質素做得好好，同出街去壽司店食冇分別。雪糕仲有haagen dazs同movenpick，非常有誠意。另外仲有多款甜品， 自助雪糕機，雪條同飲品，真係好抵食。

適逢中秋放假又想同男友平平地咁慶祝做節，咁我就揀左哩間午餐放題喇！哩間放題係用電話網上點食物的，餐廳會供應WIFI方便所有食客食物以午餐黎講都算多選擇，仲可以打邊爐添最令我地驚訝嘅係佢杯奶茶係好有茶味，掂呀！刺身都幾新鮮，係細件少少我幾欣賞佢個沙律吧，睇中咩就夾咩！飲品同甜品好多選擇，一定有野岩，最開心係有即製爆谷同乳酪雪糕！哩個價錢任飲任食真係幾抵架最岩我地係有得訂位又平又方便。其實佢有幾個價錢，方便大家自由揀邊個餐！

之前食放題都是去旺角或者尖沙咀地方。估唔到元朗都有有質素的放題。每個星期都會同媽媽去元朗食一次飯，今次就揀左呢間放題食。一嚟梗係叫刺身先啦！驚喜係有劍魚腩刺身，中拖羅！所有都好新鮮，帶子象拔蚌好甜。真心好好味！食咁多凍嘢就當然試吓蟹粥暖下個胃！嘩 媽媽都讚蟹好食！粥有味 仲有啲蟹子喺上面⋯跟住又點左最鍾意食嘅芝麻雞翼，好食到我叫咗兩次仲有芝士焗蠔都encore左係清酒煮蜆冇咩酒味，但係蜆都幾大隻 好滑。其實唔算係好多好多選擇，但係呢個價錢同埋呢個質素就好抵！！我寧願咁臨走見到有冰糖燕窩（好似）好好食見到其他人都有食蟹同埋打邊爐，下次可以試吓

今日去開元朗探親戚，當然順便會搵野食下，行到西裕街，見到有間「緣聚西日放題」，又諗唔到食乜好，一於去試下。坐低左就開始點嘢食啦,呢度點餐先用電話scan個QR code，再係網站入面落單，好方便。點完，就去出面既Salas bar拎嘢食同飲品。呢度唔算好大，但食物種類都唔小。沙律材料都好新鮮。飲品方面都有好多款式選擇。拎完返去，食物就逐一送到。先黎刺身，叫左帶子，蝦，象拔蚌等等，每一樣都夠新鮮，特別係象拔蚌，入口爽甜，有驚喜。熱食方面，燒物天婦羅等等唔小得，每一款食物嘅味道都唔錯，特別牛扒同羊架整得好靚，肉質意想不到地嫩口，燒蠔同秋刀魚都好新鮮，值得一贊。食飽當然試埋甜品，呢度甜品款式好多，每款都好好食。估唔到有間咁驚喜既餐廳，下次嚟元朗食嘢又多一個選擇。

元朗美食就相當多，咩款式都有，但我今次就選擇試下緣聚西日餐廳，試下高性價比放題。餐廳裝潢就非常年輕化，好多掛牆裝飾，有心思👍🏻而餐廳中間就放滿火鍋既材料，沙律，好多選擇既飲品及甜品供人任拎，令人花多眼亂。而點餐方面係用手機點餐，可以節省好多紙張，又環保又方便👍🏻食物方面，選擇都好多，有日式既魚生，天婦羅，不同既炸物，燒蠔同火鍋等，全部食物既質素都相當高，尤其我想特別讚一讚蟹粥，又夠蟹既鮮味，粥又夠綿，我都叫左兩碗黎自己食😋

蒜蓉燒蠔，黃金燒蠔燒蠔基本上都係放題一定會order 嘅食物，呢兩款我都好鍾意食，d蠔雖然唔算好大隻，但係好多汁又新鮮，前前後後一共食左10隻。壽司叫左有和牛，左口魚邊，火焰京蔥三文魚，仲有帶子。其中特別鍾意嘅係左口魚，燒過之後入口好香又夠油。仲有帶子壽司都覺得值得推介，帶子切得夠厚身，入口會覺得好滿足。蒜香牛柳粒好啱鍾意食葱蒜嘅我，好惹味，而且牛柳粒都好嫩。芝麻雞翼都係食放題一定要叫嘅食物之一。好香口，皮又夠薄脆，雞肉嫩之餘亦都多汁，呢個係一定要食。

好耐冇出去食飯，今晚終於可以食餐好啦。餐廳正中放左沙律吧，一邊有粟米粒、車厘茄、菠蘿等；另一邊就放左火鍋食物，有菜、烏冬、冬菇等。仲有飲品櫃同雪糕櫃呀，任揀。我地首輪叫左刺身，有三文魚、鮑片、帶子、拖羅、八爪魚等。刺身都新鮮嘅，三文魚都幾肥美，唔錯呀。蒜蓉燒蠔，蠔都幾大隻，加上燒過，所以入口好香，加埋蒜蓉一齊食好夾，蒜蓉嘅味喺口腔入面留左好耐，鐘意食蒜嘅人應該會好鐘意呢個。蟹粥，真係有蟹喺入面，粥都有蟹味，幾鮮味，粥唔會好稀。

元朗好吃的東西有很多，朋友和我剛好都想食日本菜，誤打誤撞到了這家「緣聚西日餐廳」，名字很典雅，但原來是家日式的放題，價錢唔算貴，可以任食日式放題和火鍋，選擇都有很多：有刺身、壽司、手卷、炸物、燒物、甜品、火鍋等等，經濟實惠又不擠湧的餐廳，性價比其高。餐廳以半工業風作主題場景，空間感大，座位很多，寬闊企理，坐得很舒服，十分寬敞。這家餐廳是以手機點餐，一點都不脫節，很方便，也可回顧自己點餐的歷史。我們先點了刺身，有三文魚、劍魚腩、帶子、拖羅、鮑片、象拔蚌、八爪魚、甜蝦等等。刺身新鮮嫩口，種類也很多。壽司方面，我們點了花之戀、拖羅、火炙三文魚。魚生都比壽司飯大，而壽司飯份量是剛剛好，火灸也燒的很香。其餘點了炸物，天婦羅、炸鮮奶、榴槤炸彈也不錯，值得一試。清酒煮蜆，新鮮，但比較多沙。冰糖雪燕是必食，在凍櫃自己取，味道很清甜，有燕窩的口感，想再拿的時候已經被清光了。沙律吧也很豐富，有粟米粒、菠蘿、西瓜、車厘茄、中華沙律、辣螺肉等等。火鍋食材都是自己取。飲料的選擇非常之多，有Rose味Hoegaarden、各款菜、汽水、applesider、清酒等等。甜品也值得一讚，有很多懷舊雪條、也有糕點、布甸

Lunch係屋企附近食日式放題，睇openrice見到呢間好多好評以為實冇伏啦，點知伏到一個點成餐飯都好不爽😡首先一入座，成間舖只有3枱客，幾乎8成枱都係空的。我地見到有枱只有2個人都可以坐4人卡位，於是問佢可唔可以換闊d，侍應話全部卡位都係留俾訂座所以冇辦法。第二，收費單誤導性都幾重，一入去就問想食$108或$178，睇menu發現$108只有特定6款壽司同小食天婦羅，連刺身，燒物，軍艦壽司同甜品都冇，變相其實最低消費都要$178。我唔覺得有人黎食放題會唔食刺身lol食物質素普通，唔算好食或難食。不過餐廳啲量詞好有問題😂😂😂粟米一客客叫，寫2客黎左4串，侍應話寫1等於有2串。但係焗蠔就1客真係等於1件😱🤣都唔知我理解有問題定寫menu個人中文有問題😊都幾唔公平，對d平貴食物大細超炸芝士蝦球入面既芝士變走左😂一條芝士絲都冇。刺身唔係太新鮮，有陣雪味。焗蠔芝士焗得太耐，芝士唔係半融而係燒焦了一舊硬的。雖然服務麻麻，食物選擇少，質素又唔高，惟一欣賞既地方應該係飲品種類多，除左一般飲料外，仲有熱維他奶。甜品有dreyers 雪糕，melona雪條等。dreyers有3款口味，分別係紅豆，朱古

難得放假，又同媽子去元朗，於是就在附近吃午餐，媽子第一句就説去食放題，我當然會滿足她的意願。上網找到這間位於西裕街的緣聚，其實我之前也吃過屯門的分店，印象中不錯，所以便很快決定再去這間餐廳。只需Scan QR code ，便可網上點餐，又方便又環保。媽子不特別愛吃刺身，所以刺身全由我包辦。款款刺身鮮甜，帶子和甜蝦特別出色。天婦羅揚物方面，炸芋頭丸、炸芝士丸和炸雙皮奶都非常香脆可口。羊架羊肉味濃而帶羶香，肉汁多，我們前前後後追加了四隻。鐵板一口牛即叫即製，熱騰騰，牛肉味香多汁，再加入洋蔥和黑椒，非常好味。清酒煮蜆蜆肉大隻鮮甜，味道不錯。餐廳還設有沙律、火鍋自助區，而且食客可以自製軟雪糕，非常特別！最令我驚喜的是可以任飲蘋果酒，性價比超高，我和媽子都非常滿足呢！

難得放閒日假，點都要book 返個放題黎食下。當日中午12點去到，呢個時段冇咩人，大約1點就開始人多。一坐低先拎左啲冷盤小食，食物區除左有冷盤小食，仲有沙律吧，但選擇唔多，亦有火鍋配料。餐廳可以用apps落單，都幾方便。刺身都算新鮮，但都係款式唔多，第二次落單已經冇帶子可選🥺。壽司同軍艦都係正常發揮，冇特別驚喜。當日亦冇海膽手卷，好失望。餐廳有Haagen dazs同movenpick雪糕，不過要額外收費的，所以都係食返韓國果隻水果雪條算。埋單每人$170左右，以呢個價黎講，性價比唔高，加多少少錢有更好既放題可供選擇。

話說上上星期同事生日食左一次呢間餐廳分店，午餐食係ok既，所以今次就帶同家人黎食番餐生日晚飯，因為係前一日book位，所以當日係有九折，呢間就係第二次黎，繼上次已經係差唔多一年前，當時食完係覺得唔錯既。 今次真心覺得唔低食，最主要原因係款式少左好多。 值得一讚既係我地食既時段咁啱少人黎，應該話最近好多餐廳都少左人。所以上菜係快左，差唔多，一落單，1-2分鐘內到，由於家人唔食生野，我就叫左自己既份量，刺身一概係保持新鮮，爽口，另外，甜品係我既至愛，所以叫左焦糖3.6牛乳雪糕，好牛乳味，甜味剛好，由於好食關係，本人食左兩個，壽司都係一口入口，非常啱我地食，食多幾年都唔會食得太濟。希望餐廳可以改善增加番多d款式啦。

今日難得放假～一家去元朗買野準備小朋友開學～去到千色附近，自己想食下刺身，但又要有野岩小朋友，放題最好不過～來到剛好不用等位！太耐沒有來，而家已經唔用紙，用 QR code 落單～入來時見到大大個自助吧！有沙津，火煱配料，甜品～刺身點左甜蝦，帶子，三文魚，馬刀貝！刺身也感新鮮，也追加了兩次～蕃茄湯底火煱，點給小朋友的！小朋友喜歡食的自己取～蕃茄湯底也濃郁，加了一次湯味道仍然keep到！壽司揀左火焰和牛壽司，鰻魚壽司，帶子壽司～ 蟹棒壽司給囡囡的～雞軟骨和燒蠔也不錯～但沒想到黃金雞軟骨更惹味～炸物點左炸榴槤，炸南瓜，炸茄子，炸蕃薯～甜品有太多選擇～囡囡食得非常開心～價錢合理，食物選擇多～還會再來的～

元朗美食多～但今日想食好多野！為左滿足自己～選擇了放題！緣聚在元朗已經營多年！經常經過都多人等位！所以今次自己預先 book位！太耐冇來！而家已經用 QR code 落單！非常方便，又不會浪費～刺身有多款選擇，我要的有甜蝦，吞拿魚，帶子，螺，三文魚～刺身新鮮！炸物點了炸榴槤丸，炸南瓜 ，炸蕃薯～夠脆口，炸粉不厚，上枱亦感覺是即炸出來～很熱的！黃金雞軟骨～喊蛋香，炸至金黃色～脆口！追加了一次～麻辣豬大腸～每件大大件麻味香，但可再辣小小～海膽手捲～一口大細剛剛好～壽司也不錯， 火焰和牛壽司，鰻魚壽司， 北極貝壽司， 拖羅壽司～外面有自助吧！有火煱配料和沙律吧～甜品也有很多選擇～雪糕雪條加上來也有8款～還有其他～這價錢，有咁多款食物選擇！仲好適合一家大細～難怪經常排大隊～

這店的佈置都頗有特色，用手機點餐幾方便，送餐亦算快。没想到他們的清酒煮蜆是這麼好吃，蜆十分新鮮，很鮮甜，像日本餐廳的出品。焗蠔也很不錯，雖然不是很大隻，但一點腥味也没有，加上蒜蓉的香味，不錯。刺身的種類也不少，除三文魚外，還有吞拿魚、帶子、象拔蚌、甜蝦等等，而且頗新鮮，入口甘甜，所以吃了很多。芝麻雞翼亦很好味，外皮香脆，内有肉汁，不會炸得乾爭爭。燒大蝦亦很出色，大大隻頗有看頭，肉質鮮味彈牙，值得推介。甜品種類繁多，我比較喜歡奶凍，不會太甜。但最正點的就是有movenpick雪糕，楓糖合桃超正，一定要試試！