緣聚鮮鍋 (已結業)

好耐冇打邊爐，荃灣不嬲多野食，同朋友行開千色，見附近呢間緣聚鮮鍋都唔錯，就過黎食下。價錢每人$248，有齊沙律、火鍋加刺身等，咁多選擇算幾抵食。用手機QR code就可以點菜，都幾方便。朋友食得辣，湯底叫左麻辣鴨血，都幾惹味。刺身幾新鮮，三文魚厚切，油脂分佈平均，帶子鮮甜帶口感。除左刺身，壽司bar都好吸引，火炙壽司味道唔錯。火鍋當然唔少得牛同豚肉，肉質鮮嫩，吸湯力強。墨丸叫彈，餃子餡料足。追加左大蝦天掃羅，外脆內軟，如果炸粉少啲就更正。飲品選擇都多，除左解膩消滯既茶，重可以飲啤酒添。

緣聚餐廳普通放題去過好多次，第一次來這裡吃連同雞煲火鍋的放題，十分難忘。這間店面寬敞，很多座位，大多以卡位設計，客人可以舒服地與三五知己歡聚。一拿到位置我已迫不及待出去拿食物！食物品種有沙拉、日本魚生、壽司、各款前菜，餐前小吃，火鍋菜品類，飲品類以及甜品，簡直花多眼亂，我今晚不停出去餐廳自助區應該不下十次！哈哈。說到主菜，當然必點雞煲，我們點了小辣，雞肉大件又多，我們兩個人吃得非常滿足，裡面鋪滿香菜紫洋蔥等調味，所以雞肉入味，只是辣度稍微不足，吃完可以加湯底吃火鍋！火鍋的肉類要用二維碼點餐，牛肉都有很多款，點了封門柳和牛肩胛，黑豚豬肉，也有一般的丸類，餃子類等，當然也有海鮮，蠔，扇貝都有得選，而我更吃了八粒芋香鴛鴦蕃薯，粘粘糯糯，很好吃！最後來些甜品作結，必吃沖繩海鹽杯裝雪糕，鹹甜適中，讚！緣聚鮮鍋必須再來多次！

星期日剛好去完美食展，疫情關係，今年會場入面無野食。下午三點呢啲時間，有d餓但係又唔想食太飽。妹妹話呢間緣聚有做下午茶點心，而且幾抵食。於是一行三人就入去醫肚。點心套餐$88，免兩人茶位。可選一個飯再配兩個點心。我地揀左鳳爪排骨飯，蝦餃同埋鴛鴦燒賣。呢個抵食，份量充足並無將貨就價。如果叫其他點心就收多一位茶錢，我地一行三人叫左個套餐變相就免左2位既茶錢。其他點心整體都唔錯，選擇非常多，份量同味道都係正常水平。（套餐）排骨鳳爪飯排骨算係有幾多下，鳳爪就少啲得兩隻。非常大碗，兩人有多既飯量。（套餐）蝦餃蒸起熱騰騰上枱，粒粒飽滿充滿鮮蝦，皮亦唔算厚，正常既水平。（套餐）鴛鴦燒賣原蝦燒賣王配牛肉燒賣，兩款都正常好味。魚肚棉花雞睇相都見到魚肚份量好足，正！煎釀茄子炸起熱辣辣，應該係即叫即炸。茄子厚厚一舊，魚肉份量亦十足，配埋甜豉油，正呀呢份令人好滿足。而家出面好多地方都係預先炸起放到，又或者薄切厚子配小小魚肉⋯但呢份煎釀茄子，緣聚真係算得上係真材實料。香煎蘿蔔糕煎到兩面都微微金黃焦脆，蘿蔔糕有少量蘿蔔粒係當中增加口感，粉既份量適中唔會太硬，配甜醬一齊食岩岩好呀。鳳爪正常水平。呢個好難整得唔好食吧

現今都市人真的好難滿足，又要吃雞煲又要吃自助餐又要吃壽司又要吃小菜，要一次過滿足真係唔簡單，我搵到呢間可以一次過試晒咁多款菜式，而且價錢非常之平。以自己嘅喜好選擇唔同價格嘅套餐，剛開始就一大煲雞煲喺面前，雞肉普普通通正正常常，味道還算不錯，始終我點的是小辣，可能影響了野味的程度。點餐方便是用電話自助下單，喺食物嚟之前我就出咗去外邊的自助吧看看有什麼吃，真是令我有點震驚，菜式款咋可與酒店自助餐相比，當然食材方面不會是高價的，但是勝在款式多，壽司看起來也新鮮，還有專人即叫即切。我還點了一個象拔蚌刺身，非常鮮味。豬腳薑非常入味，但稍為肉質偏硬了一點。吃完雞煲在下肥牛和打邊爐材料，其實已經非常之飽，還可以自助整甜品，涼份軟雪糕任食！

大鴻輝好多野揀。。見呢間火鍋，半放題都有，於是去試下。。。整體來講，食材都好差，除左菜同飲品之外😅其他食物質素都唔得。。唔好食～😖由其海鮮。。蝦好多都霉的。。蠔的味道更是不新鮮的味。。🥺🥺😖幾乎叫的蠔。。最後沒一隻可以入口，因為太唔新鮮喇😂🥲.其中有一粒炸西米。。味道算係今晚入面好食的😂🤭.千幾別加擺放旁邊的奶/椰奶。。因為味道有d 酸味。。最後都換了一碗沒有奶的😂不過整體感覺食物都不新鮮了，連這個味道都一般😂😂

荃灣大鴻輝這間緣聚鮮鍋，放題非常豐富，當真是自助餐加火鍋放題，所以今日來到荃灣，選擇了食緣聚鮮鍋。火鍋放題有幾個選擇，我要了牛肩胛海鮮+刺身 火鍋放題。餐廳卡位寬敞舒適，自助款式非常多 ，有餐前小食、炸物、刺身、壽司 、湯類、沙律及甜品，還有火鍋配料及飲品……，真是太令人興奮了！坐下後，先去自助區取一些喜愛的食物，從自助區帶回了喜愛的食物，有酸酸甜甜的豬腳薑醋及一些喜愛的炸物、刺身及一些喜愛的火鍋配料、飲品……，今晚的放題正式開始啦！！入座前先揀了一個雞煲，要了中辣。回到座位，見到雞煲已經上枱，份量非常多，雞鍋慢火一路滾著，香香辣辣的味道飄出，非常吸引，雞件非常惹味，又嫩又滑又多汁，惹味非常，當真好味極了！火鍋配料除自助的，也有 qrcode點的，款式也很多，有丸類、餃子類、肉類、特級食品、天婦羅料理及海鮮類……，放題有牛肩胛、黑豚肉、雞肉、刺身、海蝦、蠔肉……等等放題，任飲任食~~~ 海鮮要了海蝦、沙白蜆、半殼扇貝及蠔肉等，海鮮很鮮味，尤其喜愛帶爽口的海蝦及軟滑的蠔肉！至於牛肉類也很多選擇，有牛肩胛、安格斯牛板腱、美國牛肉……等。我要了喜愛的美國牛肉、牛肩胛及牛百葉。美國牛肉切得很薄

我和我的他間中都會去荃灣行街食飯，今晚放工後又嚟到美食雲集嘅「大鴻輝」，今晚試咗3樓嘅緣聚鮮鍋😋我哋好似好耐無食過雞煲，呢度有雞煲、火鍋放題喎，一於邊一邊啦🤣等候期間見出面有好多款食物、飲品，好吸引😚雞煲到了，我哋點咗少少辣，食落，正呀，少少刺激，雞好滑又夠彈牙，食完雞之後，立刻請店員加湯，點火鍋料打邊爐了🥰餐廳有好多款靚牛，我哋呢個餐係可以點封門柳同埋牛肩胛！牛牛上到枱，嘩，油花均勻喎！淥一淥，熟啦熟啦😍食落好有牛嘅油脂香，牛味又濃！啱哂嗜牛嘅朋友們🤩我哋共點咗8盤靚牛牛🤣除咗牛牛，我倆都好鍾意食刺身，呢度竟然有白肉豚，因為夠肥美，所以我好鍾意白肉豚呀☺️☺️打邊爐有海鮮一定會更開心，呢度有蠔肉、扇貝、海蝦同沙白，我倆當然每款都試吓啦🤤仲有，我覺得呢度嘅胡椒豬肚丸好好味，我1個人都食咗4粒🤣咁樣大擦完一輪，二人都肚滿腸肥，但係未食甜品喎！唔可以俾佢停🤣攞咗幾杯雪糕、啫喱、芒果布甸！有款焦糖脆餅雪糕，超喜歡💕芒果布甸好香濃芒果味，食過哂佢哋之後，我倆都真正飽飽了🤣

係網上見到緣聚鮮鍋既Ig宣傳下晝有做點心茶市，主打係懷舊點心，所以就去試左。🦐蝦餃：蝦較為不太新鮮，似雪藏蝦。皮夠薄，但容易穿。但$8.8來說是不俗的。姜蔥牛柏葉：姜蔥足料，但太多油（汁），變左好似油浸。牛柏葉份量偏少，但夠爽口👍🏻🥕蘿蔔絲酥餅：呢款點心媽媽以前好鍾意食，但度度都做得唔夠鬆化。呢度反而出呼意料地好鬆化👍🏻，皮亦夠薄身，蘿蔔夠甜👍🏻，推介！🎃南瓜珍珠露：南瓜足料，不太甜，夠大碗😁排骨蒸腸粉：排骨得4-5粒，偏少。腸粉偏淋。不推介。牛肉球：有丁點兒牛騷味，多芫荽，口感不錯。

我諗要行晒呢度嘅自助吧應該大概需要5分鐘，因為呢度嘅款式真係好多，等我逐一同大家介紹吓，首先就有沙律吧有千島醬、胡麻醬等等，而沙律就有車厘茄、粟米、沙律菜，咁我就可以整自己鍾意食嘅沙律啦之後就去到壽司刺身嘅區域，壽司就有唔同魚類壽司刺身就有三文魚、吞拿魚、希靈魚等等仲有啲前菜就係我最鍾意食嘅八爪魚、中華沙律、辣味螺肉涼菜都有唔少選擇有麻辣雲耳、手拍青瓜、雞翼尖隔離就係火鍋調味嘅醬料，有辣椒絲、蒜蓉、炸蒜頭、蔥、麻辣醬、沙嗲醬呢邊隻火鍋配料，主要都係蔬菜類，例如生菜、油麥菜、金菇、芋絲、粟米等等呢邊就有啲香口野，例如山根、香脆魚皮、響鈴唔夠飽仲可以過嚟拎公仔麵、烏冬行完之後，講返個主角先，其實雞煲都係任食嘅，大家唔夠喉可以係咁叫雞煲😏我仲叫咗以下配料，全部都係任食㗎，有扇貝、生蠔、魚皮餃、小籠包、雲吞、牛肩胛最後我仲自製左碗黑白涼粉食添

今日朋友生日😆緊係要食到飽啦！放工之後去荃灣會合朋友！出發去食放題！有好多湯底選擇！不過鴛鴦湯的話要額外再加錢。我地叫左麻辣鴨血同香濃黑蒜湯底，極致重口味😂黎到又比我想像中淡味，麻辣偏香麻唔辣。黑蒜愈食愈濃味！飲品區勁多選擇，有可樂、茶、啤酒，連最新有汽檸檬茶都有！👍🏻👍🏻👍🏻另外仲有花茶區同熱飲區！相當體貼岩曬唔同人士呀😆😆出面仲好多野食選擇！有日式小食，炸物，熟食、甜品區！其實除左出面有好多野食之外，佢地都以用apps 點餐架！所以唔洗成日唔就得拎口罩出去拎野食😂牛既質素相當唔錯，肥瘦均勻，都唔算好簿。算是新鮮的。另外仲有豬肉同丸類、海鮮選擇！出面除左甜點杯、糖之外仲有雪糕機架！有筒有杯任你加糖，朱古力、醬😋😋😋😋總結食物、飲品同甜品選擇都相當豐富！食到好滿足！朋友都表現好開心🥳上菜速度快，補給亦相當充足！

一search荃灣火鍋，呢間餐廳高踞荃灣榜頭幾位。聞名不如見面，今晚決定試一次～所有套餐都係雞煲火鍋放題，今次揀左最平嘅$248牛肩胛雞煲海鮮刺身放題～外面所有區域嘅嘢食都係任拎任食，種類超級多！！由川味前菜小食，到刺身海鮮、壽司、菜、火鍋配料，到甜品同嘢飲，通通都有。唔只種類，質素仲好高。CP值滿分～出色的雞煲～好惹味而雞肉嫩滑，啖啖肉，好正～湯底揀咗沙嗲同芫荽皮蛋鍋，港式沙嗲越煲越濃郁，最後忍唔住放咗個出前一丁落去，另外芫荽煲有勁多芫荽，芫荽控必叫～除咗喺外面拎嘅嘢食之外，仲可以用qr code落單新鮮嘅肉；店員仲好熱心地邀請我like佢地社交平台，結果得到一大碟新鮮象拔蚌，正啊～好正，一定會回頭幫襯～

今次朋友仔訂咗位置好方便嘅呢間放題店聚一聚！都係嗰句各自鍾意食乜就攞乜夠哂爽皮！不得不承認讚呢度嘅選擇真係超級多😜由冷盤、甜品、火鍋配料、刺身、壽司、炸物、汽水啤酒等等等等等等等等……真心一口氣數唔哂🤭等Be同大家分享吓個人心水有乜必食推介！⭐火鍋用特級牛肉！真係要怒點！肉質好ok！有牛味兼花紋靚！我哋起碼每人啪咗六碟以上！⭐三文魚刺身！咁價錢嘅放題嚟講有厚切魚生真係算唔錯！⭐炸蕃薯麻薯波波！煙韌又好味！⭐火鍋用鴨血！配埋叫咗嘅辣湯底好襯！⭐火鍋料嘅沙白蜆＆蠔肉！都夠新鮮又冇沙唔腥！⭐芒果布甸！好濃郁香芒味又夠滑！好快俾人拎清光！⭐火鍋用芋香鴛鴦薯＆火鍋麻薯！簡直係打邊爐版嘅芋圓＆湯圓！！真心大愛encore咗幾次！. 當然一分錢一分貨…食物質素唔可以咁高要求…但真心性價比高👏👏一班家人朋友聚餐可以考慮吓嚟嘻嘻哈哈食番餐！

老公突然想食放題，所以今晚去左緣聚鮮鍋撐枱腳，因為果度包羅萬有，老公鍾意食刺身，而我又鍾意打邊爐，一舉兩得入到去首先order左個雞煲，跟住就出去自助區搵食有刺身區，有三文魚、希靈魚、劍魚、吞拿魚、赤蝦、帶子、榮螺片冷盤區熱食區，有薯條、麥樂雞、煎堆、芋泥年糕⋯等生啤任飲區刺身非常新鮮迷你煎堆熱辣辣，入邊有豆沙蓉，而芋泥年糕都好煙韌冷盤有川味雲耳、韓式泡菜、麻辣荳芽、泰式鳳爪、胡麻汁豆角、涼拌青瓜，款款都咁好食跟住就食熱食～雞煲，大大煲，份量有一隻雞，非常入味食完雞煲後就打邊爐，黑豚肉、海蝦都非常新鮮有亮點，有芫荽陳皮魚蛋，今次第一次食，味道唔錯，雞子同芫荽陳皮魚蛋任食，其他食肆少有食完火鍋再食甜品，有多款味道啫喱、桂花糕、椰汁紅豆糕、牛奶布甸、芒果布甸，啱晒我依啲甜品控整體來說，配合價錢及服務，是一個不錯的選擇，可以在encore

荃灣大鴻輝三樓有一間集放題＋自助餐＋火鍋於一身的餐廳，今天再來潮聖。朋友放假，相約前來！餐廳有大量卡位，座位寬敞，坐得非常舒服。餐廳職員還細心講解如果使用手機下單！我選了芫茜皮蛋＋麻辣鴨血湯底，十分足料，鴨血也是超滑口和好吃的，麻麻痺感超過癮。未吃火鍋前先吃點刺身和炸物，炸香蕉糕很特別，香甜軟糯，必吃。刺身三文魚特別肥美，師傅即埸厚切的，而且有濃濃三文魚味而一點也不腥！飲品是自取的，選擇多，也有酒類提供！牛肉都是薄切的，滾幾秒便可吃，非常肉嫩，牛味香濃，朋友最愛吃的是「牛舌」，很爽脆，無得頂。其他的火鍋配料也很新鮮，例如丸類、蔬菜類、蝦、生蠔等等，特別是小籠包必點，咬開都是湯汁，超Juicy的。性價比高的一頓火鍋，值得再encore！

今天約了一位荃灣的朋友和她吃這家火鍋店，我們約了6點所以剛到的時候人不是很滿。我們在進去前先選湯底，叫了個豬骨濃湯。坐下之後手機下單，第一輪叫了不同類型的牛，肥牛，牛肩胛，還有牛柏葉。 接著我也出去外面拿刺身。 三文魚是我朋友的最愛，厚切，口感非常好。我自己則喜歡帶子和希靈魚，帶子鮮甜，希靈魚甘而鮮。 牛肩胛切得很好，薄薄的滾7-8秒就可以吃了。我也叫了玉子豆腐和貢丸，玉子豆腐很滑。 外面還有一些冷盤和熟食，我拿了蒜頭白肉，雲耳還有鷄爪，挺不錯的呢。 當然，這裏的響鈴和炸魚皮是很推薦的，夠脆，夠鬆化。最後和朋友去甜品區自製甜品，雪糕，各種的巧克力豆，棉花糖，淡奶，滿足！總的而言，這家的場地夠大和食物種類繁多，是我會再去的選擇。