緻素坊

营业中

休息中

我由師傅喺銅鑼灣既時候已經好中意食佢既點心由銅鑼灣到半山再到而家尖沙咀，咁多年水準無跌過。每次食都係一樣味，地方唔同但味道一樣！真心未試過有一間餐廳係咁耐都係一樣味道，每次食完都係會忍嚟住同身邊既人吹奏佢同諗幾時再去食🤤🤤今日同我朋友去食lunch，佢第一次食全素中餐。當然我知佢地不嬲都係要預早book枱,我就早大概半個月前book定既（驚無位🙈）介紹我朋友陪我食，當然要嗌我每次必叫既黑松露野菌餃（起碼自己要食一籠！！！！❤️❤️❤️❤️❤️）乾炒叉燒河，好好食！！叉燒啲邊係脆！！！仲有佢個蘿蔔絲酥餅真係無得輸！真係我so far食咁多間係排行第一，從來無跌落第二名！！佢個皮薄又鬆化👍👍🏻然後我朋友一路食都一路話好食無expect過素點心咁好食🥰特別係蘿蔔絲酥餅 佢都話出面酒樓都無呢個水準當然我地都有嗌其他野食，叉燒包都好好食，灌湯餃🤤，紅油抄手，脆炸蘿蔔糕，咸水角😂真係唔好問點解兩個女仔食咁多野😂😂

估唔到食素都可以咁高質😍呢間素食餐廳嘅菜式夠晒新派 仲好精緻🍴推介片皮鴨✨素食版係用左猴頭菇嚟做鴨肉 食落好軟腍仲好juicy🤤再加埋塊脆脆炸腐皮 好似烤鴨皮咁👍🏻再用餅皮包埋個甜醬同配菜 像真度都唔錯😎

脆皮蘿蔔糕 $62炸到金黃色的蘿蔔糕外脆內軟，配上千島醬有邪惡感。特色咖喱煲（配香樁法式麵包）$148香摏醬和法式麵包是絕配，沾上咖喱吃更惹味。豆腐滲入了咖喱汁，味道香濃。乾炒叉燒河 $98素叉燒由麵筋製作，帶少許焦香，口感比真叉燒軟一點，炒河口感爽滑。椒鹽豆腐 $62很香口的豆腐，表皮脆，裡面滑滑，吃不停。特色芒果布甸 $48小花盆的外型，再加兩塊小葉，真的很有心思。這個芒果布甸沒有魚膠和奶類，改用蒟蒻粉等材料，但吃上去同樣Q彈和美味，芒果香甜。黑麥汁 $35由黑麥和啤酒花釀造而成的輕度碳酸麥芽飲品，味道甜甜的，口感和氣味像啤酒，但沒有酒精。黑麥汁有豐富維生素、鈣質、鋅和鐵質，所以很適合茹素者飲用，是極佳的營養補充飲品。☕️晚市茶芥 $12/位之後會再想試試這裡的素食點心😋

之前去過緻素坊飲茶，覺得佢嘅點心同小食都幾好食。今次就同家人去食晚飯。我哋一行8個人，book位時指明要坐房，諗住坐得舒服D，要注意坐房最低消費為$1800。呢到嘅菜式有大酒樓嘅水準同味道，完全唔覺得係素食，口味清淡嘅素食者可能會覺得比較濃味。除咗酸菜魚比較熱門同有特色之外，我覺得呢到嘅炸物都幾好食。K002 緻素坊片皮鴨 ($138)我覺得幾有特色嘅菜式，出面齋舖都有提供素片皮鴨，但大部分都係用麵筋扮片皮鴨，欠缺特色之餘，口感亦唔似。呢到嘅片皮鴨用咗猴頭菇同腐皮 (口感同外觀好似乳豬皮)，咬落好脆口。配料有4款，除咗常見嘅青瓜絲、甘荀絲同紅椒絲之外，仲有哈蜜瓜，口感更清新。M002 秘製酸菜魚 ($238)好多人黎都必點呢個菜式。杏鮑菇切薄片代替酸菜魚，配料有酸菜、腐竹、冬粉等，味道酸辣帶有少少麻，份量都幾多，幾飽肚，多D人黎食比較好。Q006 有機薯淮山浸時蔬 ($98)淮山同白菜好爽脆，味道唔錯。R005 胡椒豬肚煲 ($88)胡椒味好濃，配料有酸菜、冬菇、雞脾菇、雲耳、甘荀等。R006 特色咖喱煲 配香椿法式麵包 ($148)咖喱味濃但唔算好辣，薯仔夠淋同入味，我幾鍾意食。法包

大家有無食過中菜素食？🌱呢間將中式素菜注入現代元素 mix and match！令一直食開齋嘅你對傳統中式素菜有所改變！🥖緻素坊片皮鴨 $138呢個超有驚喜！！估唔到片皮鴨喺由炸猴頭菇同炸腐皮組成😜炸猴頭菇外皮脆脆哋，炸腐皮更喺卜卜脆🤩配合醬汁同埋青瓜絲、京蔥絲、紅蘿蔔絲一齊食🥒超爽脆喔！！🦴秘製鎮江骨 $128鎮江骨外貌超似啊🤩小妹覺得都幾特別嘅一道菜式😆 咬落去外皮薄薄的滿滿鎮江醬入好入味🫶🏻 裡層超爽口好特別😳原來喺放咗豆腐乾條同埋蓮藕條🤪 外軟內脆有煥然一新的感覺🤣🍲胡椒豬肚煲 $88原來喺由大量菇類製作而成！超健康嘅一道菜式！湯底胡椒味好足～個湯又夠清🥕醬油蘿蔔塔 $58酸酸甜甜咁好開胃！有啲似韓式醃蘿蔔加咗啲啲甜醬咁～小菜嚟講都好大份有成9條咁多😂🍜山珍酸辣粉(碗) $48花生味道好濃郁，有擔擔面湯底嘅味道🤩食落都幾辣吓😂🍮特色芒果布丁 $48用盆栽盛裝着的芒果布甸，滑滑溜溜的好可愛，作為晚餐的甜品好滿足☺️☕️茶位 @$12.0

早排嚟食咗一餐好好味嘅粵式素菜，完全顛覆咗我對素菜嘅睇法，冇諗過素菜可以咁創新之餘味道都好正🤩🌱🐟秘製酸菜魚 ($238)素菜有酸菜魚我都係第一次見🙈 素酸菜魚嘅魚肉用咗杏鮑菇片，加上其他配料好似有薯粉、雲耳、腐竹、瓜片等，份量十足，2-4個人share食都夠～湯頭用上四川辣椒同香料燉成，所以都會幾辣🌶建議同我一樣淨係食得bb辣嘅朋友揀少辣，食落就舒服得多😆🌱🐖秘製叉燒 ($118)呢個素叉燒係餐廳招牌，一定要試！叉燒係用小麥麵筋製成，再用上自家製素食叉燒醬醃製，咬落去煙韌有口感，味道同真叉燒基本上係一樣😋🌱🦆緻素坊片皮鴨 ($138)成餐飯最我覺得驚艷嘅係素片皮鴨！用咗炸豆腐皮代表片皮鴨，勁香脆又唔會乾，仲有青瓜紅蘿蔔等配菜俾你連同餅皮包起一齊食😍雖然我唔係素食者，但我一個月入面間唔中都會揀幾日完全唔食肉，之前有食過有啲素菜係食完覺得又唔飽同唔滿足🙁 但呢度完全唔會，我哋係食到捧住個肚走🤰🏻無論係素食定肉食者都可以嚟試下🙆🏻‍♀️

香港地想食齋點心一啲都唔易，有啲素食餐廳有點心不過款式好少，加上唔係專係飲茶嘅地方，所以「飲茶」氣氛都比較欠缺。剛好「緻素坊」就係其中一間又有茶飲，又算有氣氛嘅式素食餐廳🥢荀尖蝦餃皇$42🦐雖然用嘅係素蝦加豆腐，但食到真蝦餃味同個份鮮味，初食素嘅朋友仔一定要試下～金邊帝苗餃$36🥟塊皮超薄，仲要帶金邊，顏值夠曬高～內裏嘅菜苗餡味道清淡，食到蔬菜原本嘅味道。香菇燒賣$42🍄佢比green xxxxxx嘅大粒，而且口感唔錯，算係50%似真燒賣。靈芝菇素腸$40🍄腸粉個皮好滑，包住嘅菇餡增加左唔少嘅口感，而且個甜豉油都好正，意想不到嘅高質！甘筍鹹水角$36🥕本身對鹹水角無乜好感嘅我，連續食左兩舊。外皮脆得來好煙韌，入面嘅餡料夠曬鹹香，整體脆而不膩。川式擔擔淮山麵$48🍜麵嘅部份就稍微失色，湯底麻而不辣，麻醬味道唔會太濃，但味道上可能要略加調整。*佢地個辣醬係全香港同煎蘿蔔糕最夾嘅辣醬，直頭一食個辣醬就覺得自己食緊蘿蔔糕咁🤣*而家午市堂食好似仲有9折添🌟🌟🌟提提大家，佢地地方唔太大，所以打電話訂左枱先好去呀📲

疫情前已經好想食 但經常爆場幸好最近開番堂食員工服務態度很好+友善環境闊落 但整體空間較細 建議訂位時問下可唔可以安排窗邊位 有自然光 舒服一點平時同屋企人去普通茶樓 好多食物都唔食得 因為唔係素的 今日真係咩都叫得 好爽！素金邊帝皇餃皮的厚薄適中 非常軟糯 包著滿滿的菜香菇燒賣大大顆 比起greencommon買的即食燒賣大顆很多 餡料豐富 口感脆脆 吃到有木耳雜菇甘筍等材料四寶滑雞扎高水準 個猴頭菇吸滿滿的醬汁 口感很像牛肚！非常高質的一個點心雪山叉燒包好吃 包身好軟 但比較黏口 素叉燒好吃 甜度適中 不過不要期待跟普通叉燒味一樣 有小小的分別但說不出哪裡不一樣靈芝菇腸粉很滑 配辣椒油很棒 (記得要問店員拿) 辣椒油麻辣味夠 能夠特出菇的香味 因為2個人去飲茶 不能叫太多食物 期待下一次的回訪

緻素坊店舖面積唔大，所以去前最好book位。點心款式唔算多，但每款賣相都幾精緻。A001 筍尖蝦餃皇 ($42)同行家人話味道同質感像真度高，咬落有素蝦嘅爽口，而且夠濃味。A002 金邊帝苗餃 ($36)餡料主要係皇帝菜嘅莖，爽口，但味道較淡。A005 素翅灌湯小籠包 ($48)咬落有素肉嘅口感，小籠包入面好多湯汁。A009 健康素菜包 (煎) ($39)包嘅外皮軟熟，餡料主要係椰菜同木耳，味道偏淡。A0012 四寶滑雞紥 ($42)超好食，推介。以前我食過嘅素四寶紥通常用素雞、素火腿、芋頭同北菇，食完會覺得好滯，而且食材唔夠入味。呢到嘅四寶紥用咗雪耳、猴頭菇、北菇同粟米仔，感覺冇咁滯之餘，食材都好入味，甚至有酒樓四寶紥嘅味道。A0013 鮮蟲草花蒸猴頭菇 ($39)B002 甘筍鹹水角 ($36)打卡之選。外皮夠薄同煙韌，餡料以菇類為主。B006 香煎蘿蔔糕 ($36)好香蘿蔔糕味，外表煎到金黃色。D002 椰香擂沙湯丸 ($38)D003 特色芒果布丁 ($48)另一打卡之選。芒果布丁用花盆裝住，附上鐵鏟造型嘅匙羹。口感似奶酪，椰汁味較重。E005 春風得意腸 ($46)佢用腸粉皮

好幾間中式既素食餐廳相繼結束營業，包括心齋、尚齋同觀自在，接連冇左三間可以飲茶食點心既餐廳，少左幾個素食朋友既聚腳地，令人覺得好惋惜。可幸既係期間都有好多新既素食餐廳開業，包括位於尖沙咀既緻素坊。聽朋友講緻素坊老闆係以前觀塘尚素既老闆，以前我地都好鐘意去尚素，知道佢地再開業真係好開心，所以即刻去幫襯以示支持。點心紙有好多選擇，蒸點有包同餃，炸點有鹹水角等，腸粉就唔少得啦，仲有多款小食、焗點同甜品，相信要黎多幾次先試得哂！人多好辦事，我地就有咁多叫咁多！先黎既係雪山叉燒包，面頭果層墨西哥酥皮好令人懷念呀！鬆脆得黎夠哂香酥，即使冇奶油都做到果種奶酥味，好有驚喜。入面既素叉燒都好濕潤，可以同真叉燒包一較高下。金邊帝苗餃有一條閃令令既金邊，貴氣十足。皮薄餡靚，冇乜可以挑剔。黑松露野菌餃都係皮薄餡靚，落足黑松露，夠哂香，黑松露控必點。香菇燒賣食落同真燒賣係一樣架！啲肉質同真肉好似，食下食下覺得陣味有啲熟，莫非係用Beyond Meat整既！如果係既話真係好揼本呀，比用普通素肉出色得太多。四款腸粉之中我地揀左靈芝素菇腸同叉燒香菇腸，整體黎講不過不失，冇乜特別。紅油抄手係喺大menu揀的，辣度適中，

11月28日星期日，我和爸媽到尖沙咀緻素坊吃點心。爸爸星期日到該區上課。所以，便相約我和媽媽到那裡吃午餐。據聞是半山尚齋的店主在這裡以新店名開業。現場看到一位印度藉男士像店主。尚齋時沒有見過。或許是新合作伙伴？我們坐窗邊的沙發座椅。街景都是高樓大廈。不算好風景。這裡的點心獲得很多好評。秉承尚齋的質素。首先，我必點喜歡的蘿蔔絲酥餅，$42。外層的酥皮口感十分酥軟。白蘿蔔水份多。味道清甜。在尚齋吃過的金邊帝苗餃，$36。內餡的綠葉菜口感脆嫩。餃子皮薄又滑。透薄的餃子皮讓人隱約看到內餡。而且脹卜卜的，不用吃已吸引人。香煎蘿蔔糕，$36。這個令我們失望。因為粘米粉太多，口感不好。蘿蔔味被蓋過。四寶滑雞紮，$42。媽媽上次光顧時吃過這點心。很喜歡。所以她一定要點這個。腐皮包著雪耳、冬菇、猴頭菇和玉米筍。確實是比素肉好。雪耳很大個。一口咬下去很滿足。不過，她說這次雪耳沒有完全吸收醬汁。否則味道會更好。香酥咖喱角，$42。外皮很酥脆。可以吃到一層一層的酥皮。咖喱味道不辣。主要有菇菌和馬鈴薯。雪山叉燒包，$42。包的外層有微微酥脆的口感。表面有粉末，吃起來很柔軟。包子口感軟。要熱的時候吃才好。內餡是素

讚1.素食黎講都好多選擇，同埋味道好足，唔會碟碟啲味都差唔多，素鵝夠脆身，麻辣豆皮既辣味好入，夠麻香，唔似得好多素食店係兜一兜就上檯2.雖然唔太夠侍應，兼夾全場爆晒，但呢度係既服務係幾好，一問啲嘢食就答到噃3.環境係幾舒服彈1.呢點係我地錯，碟碟嘢都係炸物，好滯

等位和入座安排 一家大細在星期日中午一時在這店門口超級細小的電梯大堂等位，由於午市在10月6日起沒有訂座服務，如果少人，星期六日繁忙時間就要有心理準備要搭檯，入面一張大檯要分幾張二三人檯。 一個識講廣東話的印度人係呢間店老闆，但老闆同職員態度認真麻麻，等緊位的人亦好難得知要等幾耐，仲有幾張檯。加上個電梯大堂細，有啲食完的食客走時，又會撞到等緊位的人。餐牌 因為屋企人食素，素食朋友建議我攜老扶幼黎，我見到呢度有全素特式點心，所以就心思思來試下。除點心紙，仲有個大餐牌係ala carte menu，但係午市大部分人都係叫素點心。食物食左咁多間素食，點心味道黎講，呢間叫左十分好，同埋新鮮製造。開放式廚房以見到師傅係即叫即蒸，腸粉亦不像平時酒樓那樣雪到硬曬先攞返出黎蒸。呢個蝦餃好有驚喜，雖然預左係素蝦，但味道同平日酒樓蝦餃差不多，而且皮薄不硬。素菜餃造了金邊，變成了金邊帝苗餃，皇帝菜切得好有咬感，不是機製，餃形大小不一，每一件是手功之作。食到一半, 對面的食客竟然問老闆入面係咪有肉的元素, 可能入面味道同平時無咩分別。呢碟乾炒素叉燒河先勁， 味道係平炒牛河，素叉燒脆邊，十分有口感～咸水角入面係

小編間唔中都會去食下素菜， 而香港嘅素菜餐廳越嚟越多， 今次畀小編喺尖沙咀發掘到一間非常唔錯嘅餐廳， 新開張不久， 環境同埋座位都令人坐得好舒適， 店員親切有禮， 非常適合一家大細去🤩🍄咕嚕猴頭菇: 鍾意食甜甜酸酸嘢嘅人必點, 非常開胃, 如果唔係入咗素食店我仲以為自己食緊真嘅咕嚕肉😂, 佢仲比平時古嚕肉炸得更加香口, 睇相已經令人垂涎欲滴 👏🐟鮑參翅肚羹: 真係好好奇點解個味會同平時食嘅鮑參翅都冇分別😝😝 究竟我係咪食緊素菜? 🤣 但係真係好好味, 食完個胃暖笠笠。🐽秘製叉燒: 素叉燒幾可亂真， 成色同埋味道都屬高水準之作， 配一碗白飯一啲都唔多🤤~~~~~~~~😋味道: 8/10📸賣相: 19/10🛋️環境：8/10💁‍♂️服務: 9/10💎性價比: 8/10💲人均：$150⏪回頭率：80%~~~~~📍緻素坊尖沙咀廣東道120號海威中心7樓~~~~~

今日1：30半到店，服務員話無book枱暫時都無位，只可等位。我問可否現在留名等，佢話唔可以，而且好多都係剛入座，叫我2：30再返來。之後2：15回去，外面已坐6,7個人等緊位？ 再問一下疑似老闆娘，態度好差，話你鍾意等可以 繼續等但係其實都唔會有位，因為佢地閂3：30，而且刻意擋開之前幫我們的那個服務員，話乜嘢都係由佢自己安排，唔需要再搵第二個人講。之後再有一家三口，帶著小朋友到來， 疑似老闆娘又是講同一番說話， 叫佢可以等但係等都唔會有位，聽到個女人都爆佢話頭先打電話來問，叫佢可以過嚟walk in等，所以先揸車嚟，嚟到同佢講可以等但唔會有位，呢個係咩玩法？