纜車餐廳

营业中

休息中

細個住北區時，纜車餐廳一直是我們一家經常光顧的地方，即使多年過去，商場內的其他餐廳早已換了幾代，纜車餐廳卻依然屹立不倒。這次重遊舊地，依然能感受到那份熟悉的親切🤭 餐廳的環境寬敞，座位之間的間距適中，給人一種舒適的用餐體驗。這次和屋企人點了兩份午餐，分別是日式豬扒定食和喇沙湯麵。日式豬扒定食的豬扒外層炸得酥脆，內裡肉質尚算嫩滑，但調味偏向普通，沒什麼驚喜。喇沙湯麵則帶有淡淡的椰香和微辣的口感，湯底味道尚可，烏冬口感適中，整體表現也是中規中矩 ✨餐廳最大的賣點還是它的性價比。以人均$50-$60的消費來說，午餐套餐已包含飲品，確實是相當實惠的選擇。對於預算有限的學生或附近居民來說，這裡仍然是不錯的平價餐廳 👍🏻👍🏻

琴日一心諗住今日happy Friday食個靚早餐去左纜車餐廳叫左個香煎雞扒餐一黎就送錯左餐俾我之後送返岩一見到都吾開胃雖則餐牌無寫炒滑蛋但都吾係咁老望落乾爭爭咁食落又無想像中咁乾不過都吾係滑架啦最離譜都係塊雞扒又黑又柴又淋又硬咁塊多士同沙律就正正常常但成餐就係難食真係屋企煎都好食過佢食完個早餐仲影響我心情仲浪費晒我訓覺既時間完全吾值得去食

今日入上水探朋友，經過呢間餐廳諗住入去食個早餐，點知原來已經11:30，咁就嗌咗個黑椒牛扒意粉餐，個牛扒剛剛七成熟好腍配上呢個辣辣地嘅黑椒汁都幾好味，呢個餐有埋餐湯、餐包加杯凍奶茶，$65，價錢大眾化，抵食。

今日工作前黎到上水食個tea先，以前係呢到食過lunch，今次叫左個tea set 照燒雞髀奄列飯。奄列炒得幾靚，蛋汁亦包得住d飯。雞髀就普通雪藏貨，靠照燒汁令到整體都可以。$49算係咁

見寫住古法咁㗻仔，一次食古法烤鴨，爆汁，熱辣辣好味，送紅薑，唯一衰係無菜。一次食芝麻雞，會比個蔥油你點，芝麻雞汁加個蔥油，剛剛好，絕配好味。兩個都食到唔夠飯🥲

抗疫外賣餐，所謂唐揚雞，比d咁嘅野我。全香港都稱之為咕嚕肉嘅野，點解要叫唐揚雞？咁都算，仲要勁難食。淋pat pat一d都冇咕嚕肉嘅香脆（唔關外賣事，因為同時响對面另一間買左鹽酥雞飯，返黎完全冇變淋到）仲要全部都係外面大大舊軟淋淋嘅肥肉，包住好細舊嘅瘦肉。到底食左咩落肚？一邊食一邊比大pat軟淋淋肥肉嘔心到。還不如去街市買咕嚕肉兩餸飯，平好多又好食，點解要花49蚊買d咁嘅野？見comments劣平唔少，唔信邪，諗住以前質素幾好所以照買，結果中伏

今日要去上水做嘢 收工入咗彩園食飯見呢間餐廳門面正正路路就入咗去啦但真係好一般 只係叫裝潢好少少到底係咪做街坊生意嘅餐廳態度都係咁一般米線一般 湯又無味 塊牛扒真係搞唔掂 一咬落去全部都係鬆肉粉嘅味皮蛋就還好啦杯飲品正常啦總之成件事真係填飽肚

員工態度很差，嘢幾好食都冇用。只是買個外賣，個收銀好L 串，下次唔會幫親。今時今日，仲要在商場，都只收現金。This is the first time I tried this restaurant. I was only buying a takeaway and the staffs attitude were appalling. I will not come back again. There are many other choices in the area.

纜車餐廳上水彩園邨 裏面主要係經典復古嘅格調黃燈光配合木色系嘅裝修枱具午餐食豬扒意粉配黑椒汁跟埋餐包同埋白湯或者紅湯其他嘅選擇都唔敢揀都係聽朋友講返嚟穩穩陣陣 豬扒雞扒牛扒應該唔會差得去邊

以前喺上水來講都幾鍾意食呢間不過近期開始去到望住個餐牌揀唔落手晚市都還可以 佢啲扒都幾好食以前會見到午餐好多人排隊而家少咗好多可能冇咗一批旅客餐廳店員都有禮貌 環境可以

我都算係上水地膽😆 搵好嘢食都難唔到我， 呢間纜車餐廳又係成日好多人又要排長龍攞飛， 之前最鍾意食佢個喇沙湯底今日就試下是日午餐 是日午餐價錢都中中等等呢個羅宋湯 入面材料都捉料同埋味道都好濃郁呢個滑豆腐配三文魚沙律， 如果可以少啲豆腐多啲菜我覺得會更好啲沙律醬又太濃味呢個金沙骨 番薯條唔夠味道又唔係酸又唔係前又唔係辣😅 就係形容唔到🎈 入面嘅裝修都算有啲舊嘅不過就平民化今日見到職員都有五六個但係服務就麻麻地啦🎉 衛生方面都還可以嘅同埋枱與枱之間都有空間整體尚可，下次再可以試下個晚餐再話畀大家知

呢個餐食物質素唔錯，好味！減肥人仕個人認為，都適合進食。落單時己同侍應講少醬，到上檯時見圖片覺得好多醬。下次再食，索性叫侍應將醬嘖在碟邊。凱撒沙律大家都應該食過了，個人覺得呢次好味在呢幾方面：1）菜有三款，入口覺新鮮，醋味雖然唔濃但覺得足夠；2）煙三文魚大大塊有三塊，咸咸地啱口味；2）驚喜位竟然有鳳梨又係三粒，仲好甜；3）豆腐無數到有幾多嚿，嫩滑，係妳所想嗰種啦，食到菜底都仲有得食，哈哈；4）份量適中，沙律醬味濃！入餐廳時揀咗坐係較後排卡座，方便睇下餐廳格局。餐廳裝修佈置屬舊式風格；坐位之間排得密集，香港地寸金尺土，無辦法；環境都算乾淨，只可惜卡位坐椅仿皮好似大堡礁白化；服務呢，當時只有3位侍應，而她們反應好快，唔錯；總結：會再嚟食.....

今日一大朝早要入上水做嘢，前一晚較定鬧鐘就瞓。點知第二日鬧鐘唔識響之餘。我仲要瞓過籠。係工作partner打嚟我先知道自己曬死咗。即刻嗱嗱聲出門。累到夜更嘅同事遲收工真心唔好意思。handover所有工作之後我partner見我仲未回魂。就叫我不如去食個早餐。係彩園廣場行下行下見到呢間餐廳都算多人。而且有啲纜車嘅佈置就入去試下啦。今日叫左雞扒炒蛋沙律多士。雞扒醬汁係茄汁。雞扒唔會話鞋恰恰同埋食落有肉汁。至於個炒蛋就鞋口咗少少。沙律🥗味道正常。好啦。食完早餐就要返去繼續工作喇

我曾經在此食過德國鹹豬手，價錢不是太貴，都算大份，但係所得出嚟嘅肉祇有一匙羹嘅肉，其餘都是骨頭，我曾經作出投訴，但員工話呢個係因為入貨嘅時候係噉，我唔明點解廚房出餸嘅時候唔知嘅咩，點解會有啲咁樣對食客，所以我以後都唔會幫襯。

今晚獨個兒來到這餐廳，點了612號餐。有餐湯、麵包、主菜、飲品。餐湯我點的是羅宋湯，應該加了很濃的茄膏，我不太欣賞，因為這樣的蕃茄味太人為了，但蔬菜材料很多，挽回分數。餐飽是蒜蓉法包，有兩片，可惜不是完全脆口的。主菜我點了香煎脆皮三文魚柳伴薯蓉配香茅青檸汁。煎三文魚配香茅青檸汁是很清新的配對，賣相當然不能比美高級餐廳，但分量就是要把我嚇壞了。尤其薯蓉的份量，說是「伴」薯蓉，但份量是等同平日茶餐廳碟頭飯的飯量，我用盡肚子的空間去容納這重量級的「伴」薯蓉。不知為何會有一些白汁在碟中，白汁有少少甘筍粒、粟米，以我嘅估計，應該用來配薯蓉的。伴碟的8還有一開二、肥胖飽滿的小棠菜。餐飲我點了凍蜜桃茶，因為忙了一整天，想給自己一點甜。注意：蜜桃茶有冷熱可選，但沒有少甜之分，甜度是正常檸茶的甜度。