纜車餐廳

营业中

休息中

叫左個火腿西多士下午茶餐配熱咖啡26蚊。多士正常，咖啡杯奶另上可自己調。普通茶記水準冇咩特別。原本冇事，食到後尾可怕既事就發生喇... 當杯咖啡飲到底時見到有啲檸檬核係到... 唔係一粒半粒，係三、四粒！三、四粒！正常用水沖一沖都洗得走啦，檸檬核又唔係粘...有成幾粒係到好明顯連洗都無洗過！好噁心！發現時杯咖啡已經差唔多飲曬，個感覺好差！呢間又唔係特別平又唔係好好食，咁唔衛生減晒分！個商場有大把其他餐廳，一定唔會再返黎食！你地成功趕走左一個客。

今日係假期，難得可以放低平時辛苦既工作，就比自己過一個悠閒既下午吧。簡了間欖車餐廳，環境不錯，人流不多，點了碗咖哩牛腩飯，咖哩味濃郁，飯底有層次，牛肉有咬口，簡簡單單的，下午更這樣度過了。

今日本身唔係食E間餐廳，係咁岩經過，見到餐牌幾吸引又唔洗等位，所以受唔住引誘就入左去。餐廳暗暗地，但又唔算有情調，不過就幾闊落，坐得幾舒服，餐牌有中有西選擇，我地就叫左兩個西式，一個中式西冷牛扒 套餐有包有湯有野飲，不過就要加$20牛扒叫左7成熟，唔韌，一大塊厚厚的，好香燒汁味，幾抵食仲配有白汁粟米，挺香的蒜蓉包唔知點解得一面係烘過，另一邊係普通包的樣。。。雞扒藻肉飯雞扒份量一般，肉嫩唔韌唯一係個飯有D奇怪，因為個藻肉汁唔係平時食果D啡色，佢係橙色，仲帶有少少酸，而且汁比較少黑松露什菇吞拿魚意粉其實佢只係普通的白汁吞拿魚意粉，黑松露好少好少好少，什菇唔知去左邊，變左甘荀汁唔夠多，冇咩味；意粉偏軟，一夾就爛

裝修之後都冇食過纜車於是今日簡左下午茶去一試今次簡左吉烈蠔配奄烈飯該飯用既汁係比較偏向茄汁味果一面但隱約會有少少墨西哥辣肉味炸蠔方面用料尚算唔錯不過只有兩隻比較少蛋方面比較淡蛋包飯既飯當中都有少少蛋汁份量剛好係一個下午茶份量 總括來講都唔錯不過價錢方面略為貴少少

唔明點解要迫人寫夠80字，三個字，唔好食，自己煮都得，明明點雞軟骨，就種豬軟骨，肉燥，變五香肉丁，我自己煮都得啦。飲品係合格，衰左杯野飲又係漏單。和媽媽一齊食，媽媽食素麵，碗麵又係落少樣菜。不會來第二次。

繼上次在上水石湖墟，品嚐試食過懷舊冰室茶餐廳，「廣X冰室」的招牌食品「牛肉通粉」之後，我曾經在返回西貢之前，曾經在上水領展商場「彩園廣場」裡面逛了一會兒。始料不及我小時候經常會去的「彩園廣場」，在「領展」收購和入主之後，竟然來了一百八十度的重大變化，「彩園廣場」竟然變成了一個有上蓋，有冷氣空調的購物商場。「彩園廣場」其實即是上水公共屋邨「彩園邨」樓下的購物商場，不過以前的「彩園廣場」還未成形前，一遇上天雨侵襲的時候，遊覽購物的心情就會被天雨所冷卻。現在已經翻新，有了冷氣空調跟上蓋的「彩園廣場」，客人亦都以大量數目極速增長（當然，這亦要拜從深圳南下掃貨的大陸人所賜），令到「彩園廣場」內部通道經常水洩不通。「彩園廣場」裡面有好幾間食店，都屬於我將來有機會光顧的食店，今次我就先幫襯，幫襯位於「彩園廣場」內部的港式茶餐廳「纜車餐廳」。「纜車餐廳」雖然算是一間港式茶餐廳，但是「纜車餐廳」樓面內天花的燈光，我個人觀點認為屬於比較昏暗，有點西餐廳氣氛的燈光。另一方面，「纜車餐廳」樓面牆壁上方，掛着一部電視機，正式播放電視節目。幸好電視機裡面正在播放的頻道，只是一般的中文台頻道，所以電視機只是正在重播

作為一間餐廳，不需要有奢華的裝修，頂級的服務態度，簡簡單單的菜式，相宜的價錢和豐品質的食物來得更重要。今日去的纜車餐廳，似乎乎合了這些條件，今次點的是晚市套餐，主菜有焗葡國雞飯和西冷牛扒配意大利粉，有蒜容包、餐湯和飲品。蒜容包烘得熱乎乎，香口鬆化，牛油味濃； 而忌廉湯屬普通茶記貨色，沒有特別。焗葡國雞飯椰香味重，粒粒飯都包住葡汁，撈汁人士至愛。西冷牛扒雖然屬普通貨色，但生熟處理得宜，能吃得出牛肉味，幾十元來說絶對可以接受。

今日經過上水唔想食咁貴，又想試下唔係淨係食大家樂大快活，睇咗餐牌有咁多款嘢食就試吓呢間。餐廳環境大，大致上環境幾舒服，侍應服務幾好，同埋勝在有好多款食物選擇，要中餐有中餐，要西餐有西餐。中餐的話粉面飯都有，西餐有焗飯、意粉同扒餐，而且價錢都合理唔算太貴。今日就食咗個焗飯餐有餐湯餐包同埋都係消費左49蚊，算係幾平。餐湯同餐包:我就試咗白湯: 味道正常，唔難飲。蒜蓉包: 個包有啲硬，同埋唔係好夠熱，不過味道同鹹度都幾好，點湯食到幾好食。主菜: L04 芝士焗肉醬意粉個肉醬意粉算幾好食，因為我個人鍾意食好多肉碎，而依個肉醬意粉都算落得多肉碎，味道還好，對得住價錢。分量亦都足夠。總括來講幾抵食。如果經過上水，諗唔到食咩嘅話可以入嚟試一試😄

喺上水搵嘢食如果唔熟路都幾難搵🤧今晚心血來潮去上水食飯就問咗住上水嘅朋友有咩好推介😏唔問唔知原來屋邨商場都有呢種港式西餐廳!(雖然叫纜車餐廳，但係無乜留意到纜車元素??😂)我地2個人都叫咗焗飯/意粉，因為見到同枱食嘅好吸引🤤先嚟嘅餐湯，但跟餐嘅餐包竟然係蒜蓉包🤭不過係偏脆同乾身嘅蒜蓉包 (個人比較鐘意外脆內軟嘅蒜蓉包🙈)，不過跟湯都okay嘅!!帶辣味嘅港式羅宋湯超開胃😋😋湯飲到一半主食就嚟啦! 焗飯類嚟講速度超快!🏃🏻‍♂️💨椰香咖哩牛肉焗飯，咖哩味幾香，好有港式茶餐廳咖哩嘅口味~加埋融哂嘅芝士...食完真係要散步返屋企消耗下卡路里🤣仲有芝士焗肉醬意粉，肉醬份量超多! 調味亦唔會過鹹~多到食哂啲意粉都仲有剩😅不過意粉麵質比較林...但整體係好食嘅☺️CP值不錯的餐廳，但份量比較少~如果經過都可以一試~

晚餐想不到吃什物，價錢不太貴，又想吃西餐，所以去了這間。等了差不多半小時，實在餓死朕！點了一個蝸牛薯蓉，蝸牛焗得太乾，薯蓉太咸，劣！炸蠔沙律，蠔屎細細 菜只有生菜，劣！牛扒薯條，牛大大塊，有牛味，不錯！有花茶，不錯！

路經領展商場內呢間港式餐廳, 正值晚飯時間, 由於已經好肚餓, 沒想太多就入咗去。入到去見侍應個個都忙到踢曬腳, 為免等到天荒地老, 我一坐底就即刻點埋餐。還好上菜速度都算快。叫咗個黑毛豬扒配蜂蜜魔芥蘋果醬, 跟意粉 ($88), 跟餐有羅宋湯、蒜蓉包同餐飲。個餐有兩大塊豬扒, 份量比我想像中大, 不過豬扒肉質粗嚡, 當然亦不能期待有肉汁。意粉無調味, 亦落唔夠油, 乾巴巴黐埋一舊, 最後...要自己再加大量茄汁先食得落, 無下次。

環境惡劣污糟都不在話下，個經理服務態度低劣！！差到趕客！大家見到一個短頭髮，高瘦身材，帶眼鏡既女人就最好唔好食喇快d走！做左咁多年人未見過咁差既服務！估唔到商場餐廳d服務仲可以差過大排檔！啲嘢食又難食！價錢又唔係平！想受氣就食呢間啦！保證你比人X到祖宗十八代！

精選二人套餐一啲都唔精選，成個餐得肉咁滯，菜都冇條，十分膩而且肉醬同鮮菇一啲都唔夾，而粉絲冇味，茄子同龍脷柳都煮得麻麻地但肉眼扒尚算可以接受，牛肉有味，但唔juicy

今晚媽媽休息不煮飯，一家人去了上水彩園商場的纜車餐廳用饍。排了約5至6分，就可以入內。我們點了什錦海鮮喇沙湯烏冬（HKD 48) 包餐飲 ，配菜豐富有青口，魚柳，蝴蝶蝦，帆立貝。 湯底不過不失，細細粒帆立貝爽口 ，青口新鮮，魚柳滑 ，略欠炸蝴蝶蝦多了炸粉，整體來說，好味道又抵食。我們一致都點了蜜桃紅茶熱飲，但是較為甜，喝不到蜜桃味。另外，點了黃金粟米西蘭花龍利魚柳塊焗意大利粉（ HKD 52)，份量實足，有好多件魚柳，魚柳入味，有香濃芝士味，但是西蘭花及意大利粉比較淡味。餐湯的話 ，點了羅宋湯，味道鮮甜。 再加送蒜蓉包，味道ok 但略欠硬。還有，點了黑毛豬扒配蜂蜜魔芥蘋果醬（HKD 88 ）,加了HKD 18, 追加 水牛城雞翼串芝麻醬野菜。 有兩大塊豬扒 ，啖啖肉，軟身又入味 ，點上甜甜的蘋果醬，特別之味。雞翼串，辣得來又好味道。今餐抵食又好味

星六都要番工 要同同事互相打打氣 ，相約纜車食早餐。 第一次係度食 ，估唔到看似舊式既餐廳咁多早餐款式，對有選擇困難既我，又多左個壓力。 不過多野選擇都係開心既。 其實早餐呢個價唔算貴，又飽肚，見同事個咖啡都好唔錯 。 我自己就叫左奄列餐，其實都唔錯 但個多士略為太乾身 唔係太好食。但奄列都唔錯既 賣相麻麻但味道都可以接受。 同事就話佢個麵餐 夠晒飽肚， 我諗間唔中黎食下都可以既