紅伶飯店

营业中

休息中

#思思賢美食推介尋晚約咗前同事去油麻地紅伶飯店食潮州打冷,估唔到咁抵食又好味!👍🏻 11個人叫咗一枱餸,食到捧住個肚走!必食推介: ✨冰震芥辣墨魚 ($119): 墨魚爽口彈牙,芥末豉油好惹味!正!💯✨馳名煎蠔餅 ($89): 外脆內軟,蠔仔好多,好香口!🦪✨蠔仔肉碎粥 (大) ($108): 熱辣辣,好足料,蠔仔同魷魚都好新鮮!🥣✨馳名滷水鵝 (半隻 $498): 滷水味香濃,鵝肉好滑,叫半隻多到食唔哂,最後打包左少少走!其他小菜:✨韮菜豬紅 ($82): 豬紅滑溜溜,韮菜好香,不過個人覺得唔算太有特色｡✨黃金大蝦球 ($139): 蝦球炸得金黃酥脆,好彈牙!🍤✨椒鹽脆皮豆腐 ($89): 外脆內軟,幾香口,送酒一流!🍺✨椒鹽鮮魷 ($119): 鮮魷炸得香脆,唔會韌!✨海味什菜煲 ($129): 材料豐富,好足料!✨XO醬小炒王 ($119): 鑊氣十足,好惹味,!🌶️✨酥炸脆皮大腸 ($129): 大腸炸得香脆,唔算太油膩!👍🏻埋單$2280,11個人,人均$200左右,真係好抵!💰 不過啤酒選擇唔多,如果有多啲樽裝啤酒就Perfect啦!🍻記得book位呀!餐廳好full㗎!☎️📍

Bookmarked this Chiu Chow resto for a long time, and finally had the chance to visit with my colleagues for dinner. .We ordered the following dishes to share:-Chinese Chives with Pig Blood CurdThe generously portioned blood curd was substantial without any unpleasant odour. It had an elastic texture and rich savoury. -Wasabi Sliced Cuttlefish with IceThe cool and chewy cuttlefish, each piece evenly sliced, sat atop a layer of sesame oil. The umami taste of the cuttlefish was enhanced by the wasa

傳統打冷飯店在香港經已買少見少🧐紅伶這間五十多年的老字號早年經歷結業後重開，仍然長期座無虛席🤩在不少人心目中依然是打冷的不二之選😎———————————————————————滷水鵝下庄肉量頗多🪿鵝皮部分厚得來頗有彈性😃鵝肉肉質軟嫩😊只是整體脂肪比例偏高😈健康人士在進食時自行去掉肥膏會比較少負擔感🤓調味方面，滷水汁未會太鹹👌🏻鵝肉連同墊底的豆腐和花生都十分入味😋墨魚片非常厚切🤯賣相看似平平無奇，但入口非常鮮味🥹口感極之爽彈😆麻油和芥辣醬油的香氣更是為菜式錦上添花🥰炸漿厚薄適中，九肚魚肉質嫩滑☺️即使魚身有水分亦未有令外皮變濕變淋👍🏻整體處理算是十分到位👌🏻雞軟骨爽脆得來帶有少許肥膏🤌🏻口感十足，鹹蛋黃香濃之如未會過分重口味😙但整體上就未夠乾身🤏🏻過分濕潤令香脆度大大降低😐炸蒜香氣非常濃烈🔥辣度十分輕微🫰🏻茄子經油炸後都未會太過油膩👍🏻但略嫌切得太薄😗令口感上大打折扣😣未夠外脆內軟🧐蠔仔粒粒飽滿脹卜卜🦪味道鮮甜😋份量頗多，反而米粒份量就算是偏少😅帶來的飽足感亦相對較輕😆與蠔仔粥一樣，蠔餅的蠔無論是質素和數量都十分出色😚炸漿酥脆不油膩😝而且有兩大塊，CP值極高🤩蜆的份量雖多但很多都未有開口🫨

✨神級必點✨ ✅ 潮州靚鵝片 $159鵝片油香爆燈！肉質嫩滑如絲綢～ （唯一缺點：切得偏厚，咬得有點累） ✅ 椒鹽雞軟骨 $99炸功了得！脆到會「咔嚓」聲💥 （不過椒鹽下手重了點，配啤酒剛好） 🍺飲品搭配▪️藍妹啤酒 $36：冰涼解膩，配炸物一流 ⚠️失望位❌ 馳名煎蠔餅 $89蠔仔存在感零！韭菜香氣不足 像在吃油炸粉團... ❌ 蠔仔肉碎粥 $82湯底淡過白開水🫢 懷疑用咗急凍蠔仔 後記： $500食宵夜算中規中矩 最緊要鵝片高質挽回分數 （希望蠔餅改進下...）

連假前夕七點到，好彩都仲有得Walk In，上下兩層氣氛非常熱鬧，不過座位比較狹窄🤤食物選擇多不勝數，希望下次有機會試埋佢既滷水同反沙芋🥹▪️馳名煎蠔餅 （8/10）💲89上檯見到兩大塊真係嚇親，每一塊都巨過我對手掌😱新鮮炸起熱辣辣，色澤金黃酥脆，蠔仔飽滿，仲可以沾上魚露，最尾食唔晒帶返屋企，先會有些少油膩感🤏🏻▪️蠔仔肉碎粥（中） （7.5/10）💲82中都可以分到有六碗左右，類似泡飯咁，湯頭比較重蒜同埋芫荽味，蠔仔都係鮮甜唔腥🥣▪️冰震芥辣墨魚片 （8/10）💲119幾乎每檯都有叫，冰震墨魚片保持鮮味，爽口彈牙，淋上麻油好香，配上豉油同芥末，底部墊咗啲酸菜，脆身開胃😆▪️紅燒乳鴿 （7.5/10）💲59/隻呢日突然好想食乳鴿，都做到皮脆肉嫩😛🔎 整體評分（8/10）

幸好閒日夜晚過嚟，唔使排隊直接上樓。坐低之後已經有人招呼，仲介紹必食菜式。每過一段時間，職員會問下味道如何，都幾friendly，感覺有別於一般老店風味，多左一份人情味到店必食之選。味道9/10份量7/10價錢9/10小炒王份量十足，有別於一般菜館，材料亦非常多。味道9/10份量10/10價錢9/10質地淋滑，非常入味味道9/10份量7/10價錢7/10比較特別用焦糖處理，但略為有些少不夾味道6/10份量7/10價錢7/10

第一次光顧，明白做生意要多做，但店內擺放多張餐枱，引致通道位置狹窄，反而要顧客遷就通道，似乎不太合適，食物亦非如傳聞中的美味，當天叫了4個餸，只覺韭菜豬紅是符合潮州菜式的味道，滷水拼盤及蠔仔粥淡如無味，冰鎮魷魚完全沒有冰涼的感覺…

今日突然好想飲胡椒豬肚湯😂搵左幾間潮州打冷，但上次試過試新嘢中左伏，所以唔敢再試新嘢。諗起好耐無食紅伶，睇完佢個menu見無胡椒豬肚湯，都唔緊要啦，最緊要食過有信心。坐低發現原來呢度都已經轉左掃碼點餐，碌碌下竟然有胡椒豬肚湯啊🤩🤩湯頭濃郁，豬肚爽口唔會有苦味，胡椒份量啱啱好唔會一尾得個辣字。另外兩樣冰鎮墨魚同滷水拼盤保持水準。墨魚爽脆，就連墊底嘅潮州鹹酸菜都好好食；滷水拼盤入味又大份。下次再想食潮州嘢真係唔好再亂咁試新嘢😂嚟番紅伶最穩陣。

小編今日來到油麻地一間潮州餐館「紅伶飯店」，於本地經營超過50年，主打正宗的潮州菜而聞名，經典潮州菜式包括滷水鵝、冰鎮墨魚、蠔煎餅、反沙芋等，每道菜都保持了潮州菜的原汁原味，適合一大班親朋好友共聚一餐👏🏼「滷水雜錦」份量足抵食，當中10款食材包括生腸、鵝腸、紅腸、墨魚、豬耳、鵝腎、豬大腸、豬頭肉🐷、豆卜、大豆芽、滷水汁味道不太鹹，食材不會肥膩，而且處理得乾淨，生腸特別脆爽，鵝腎味道香濃，墨魚新鮮口感脆滑鮮甜🦑，一次過品嚐多款豐富美食，值得一試✨「冰鎮芥辣墨魚片」🦑 雪白切片的墨魚鮮美滋味，墨魚簡單汆燙後再冰鎮，保有食材原來滋味，口感方面咬起來十分彈牙，口感嫩中帶脆，味道帶點麻油香味，加上日式醬油提升鮮味，舖底的是潮洲鹹酸菜，爽口又醒胃，更加增加食慾🙌🏻「馳名煎蠔餅」傳統的傳州菜式，以煎炸的方法將蠔和粉漿混合再煎到兩邊金黃色，入口酥脆香口，粒粒飽滿蠔肉，肥美鮮甜，配搭魚露提升鮮味🦪 「潮州反沙芋」是經典的潮州功夫甜點💜先把砂糖下鑊慢火炒溶成液狀，令芋頂條被糖液全包著後，再轉乾回沙糖狀包著芋頭條，此過程又叫「反沙」🙌🏻 芋頭外層包裹薄薄一層白色糖霜，咬下之後酥香帶甜，裡面鬆軟可口，加入少少

朋友團年晚飯，揀間舊式有味道既紅伶飯店🍴必食芥辣墨魚片😋，超爽口，豉油有陣麻油味每枱必點🫶🏼鹵水鵝片，又係好食😋😋驚喜之作，紅燒乳鴿，估唔到咁好食，皮脆肉嫩真係一定要叫😌😋😋😋另外XO醬小炒王又係送酒必備，好好好食🤩個韭菜係爽甜架😋😋😋😋甜品叫咗個焦糖反沙芋😌其餘嘅都Ok ga🫶🏼🍴總數叫咗16個餸難得舊式飯店既服務態度非常良好🫶🏼🍴絕對值得大家支持🍴🫶🏼埋單2千6 7個人食🍴叫咗9大罐啤酒🍺

10/1/2025晚上8:15左右係出面排隊等位，係我哋前邊有兩位，到佢哋時飯店職員就話有張大枱間開比佢哋坐，但到我哋時，已排隊半小時以上，我見飯店入面有一張枱，職員行出嚟竟然係叫我哋後邊嗰五位入先，而我哋仲要繼續喺度排隊，重要既野需要再強調多次，我哋排隊先，排我地後面既竟然可以入先，最終排到我哋嘅時候，飯店職員竟然安排後面五位入先，非常不公平！天氣已經凍喇，仲要受到不公平對待，不開心既體驗，幾好食都係假！

傳統小炒小菜飯店坐二樓 九個人 要等第二張桌走人先可以坐齊鋪面舊 大圓枱 有細圓椅 但通風唔夠會覺得熱滷水野過得去大眼雞過熟硬炸野唔錯大羊腩煲無影 但無跟生菜大排檔味道 唔錯

有朋自遠方來仲要深深掛住呢間舖頭所以一定要預早book枱同佢食餐晚飯我哋一行六人上咗樓上坐一張大枱之餘，侍應仲俾我哋擺啲手袋去附近嘅凳上面～唔使坐得咁迫（偷聽到隔離都係六個人唔記得book枱，就塞埋左喺樓梯轉角嘅細枱）👍👍冰震芥辣墨魚 $119呢個好夠口感味道一流，爽口彈牙！打冷要食！👍👍馳名煎蠔餅 $89最期待嘅蠔餅果然不負眾望蠔多 餅脆 難怪出完一碟又一碟👍👍避風塘茄子$89避風塘好夠鑊氣 配埋海量嘅辣椒同鹽好惹味攞嚟送飯冇得頂👍👍生炒骨$119味道一流👍👍金銀蛋時菜 （蕃薯苗）$109 啲菜唔老～夠晒嫩👍👍豉油皇炒麵 $86豉油王炒麵都好夠鑊氣，但係就唔同酒樓嘅做法如果想要炒到啲脆晒 呢度就冇既但係好欣賞佢嗰調味唔會死咸食完都唔會好口渴👍鵝1/4下莊$298個鵝好肥美 偏油呢一道係唯一一道我哋食唔到落去嘅餸👍椒鹽九肚魚$119個九肚魚炸道唔係好透徹啲肉仲係好濕好腍 一般般六個人加埋啲啤酒王老吉烏龍茶加埋大約$1200落樓～😎

老字號潮州打冷店人多等候通常都要隊次次都係買外賣今次九點半見到冇人排隊於是試下即刻有位坐座位都係舊有特色摺枱膠凳唔好期望舒適食物質素非常高特別椒鹽九肚魚熱辣辣都做到外脆內軟口感十足必食鹹菜門鱔魚就不太新鮮不過鹹菜配魚的湯啖啖咸中帶甜韭菜豬紅韭菜新鮮好香有咬口豬肉外嫩 但係口感彈牙同其他打冷舖冧口感有啲唔不同金菇肥牛煲好多肥牛少少嫌金菇太少佢個醬汁 非常開胃送飯非常夾鹵水雜錦飯平時叫開外賣大大盒 塞到個盒滿曬堂食雖然佢寫住細份但係都好大碟鹵水 香濃但係唔會蓋過食材味道鵝腸 腎 紅腸 豬耳 芽菜 豆腐卜食物本身 樣樣都好彈牙 煮到口感偏淋 唔會食到牙骹軟態度職員好好又有耐心優質顧客服務態度讚

今次帶左個abc黎諗住食地道野，但因為得2個人所以想嗌好多但又會食唔哂。最後只叫到羊腩煲 + 生菜 同 潮州併盤 。唔知係米因為我個朋友好似乜都好新奇，所以呢到啲姐姐同叔叔都份外親切，我朋友問羊腩煲啲馬蹄係咩黎，個姐姐講左好多舊香港嘅故事，叔叔又走過黎，講下次要叫大羊腩煲，唔好叫細羊腩煲，因為價錢差少少，但份量差好遠，我解釋話怕食唔哂，佢就話可以拎走埋個煲，第二日再翻煮仲入味仲好食，呢種親和力同熱情深深打動左我！ 真係香港幾耐無見過呢種咁好service 嘅工作態度同香港人嘅熱情！然後潮州併盤我地本身仲叫錯左潮州三寶，黎左啲花生酸菜，唔係我地要嘅野，叔叔都唔介意即時換俾我地，真係超好👍🏻 羊腩煲真係好多料，值得推介👍🏻👍🏻記得要叫大！