紅葉茶屋 (海之戀商場)

营业中

休息中

呢晚同朋友一齊嚟咗呢個商場呢間日式餐廳食個日式晚餐🤣呢間餐廳除咗普通座位仲有摩登式榻榻米座位🤣$198「豪華原條鰻魚茶漬飯」：原條鰻魚大大條夠晒多肉😋，首先就咁鰻魚配白飯加蔥粒加芥末一齊食，好食😋；跟住鰻魚配白飯加蔥粒加芥末加香濃蝦湯，咁又另外一種食法都係幾好食😋；呢個「茶漬飯」可以選擇 以蝦湯代茶，幾特別🤣；飯量仲勁多🤣$118「生薑豚肉燒定食」：豚肉肉質軟熟好豬味，唔單止煮嘅時候落咗薑，碟旁邊亦都放咗一小堆生薑蓉🫚，好味又感覺正氣🤣跟餐加 $35「旬之野菜」：簡單炒雜菜已經好食🤣跟餐加 $25「熱忌廉抹茶拿鐵」：抹茶拿鐵好濃郁仲夠晒甜飲得好開心🤣，上邊仲加咗一層好厚身嘅忌廉，呢層忌廉直程要用匙羹潷嚟食，真係又有得食又有得飲🤣$68「抹茶蕨餅新地」：有 抹茶蕨餅、抹茶雪糕、雲呢拿雪糕、勁甜あんこ🫘、忌廉、一粒勁甜小櫻桃、甜麥片、脆脆哋雪糕杯🤣，成個組合夠晒甜食得人好開心🤣，而我自己最鍾意食就係外邊脆脆哋嗰個雪糕杯🤣

位於荃灣西海之戀商場嘅紅葉茶屋，主打日式定食🍱另外仲有多款嘅日式小食同甜品等。餐廳環境寬敞舒適，另設有榻榻米座位，以及窗外有紅葉裝飾🍁充滿和式感覺🇯🇵🍴吉列豬扒定食（$118）豬扒炸到表面金黃酥脆👄旁邊更配有沙律菜同豬扒醬，中和豬扒嘅油膩感，配埋附有既白芝麻一齊食，味道更香👐🏻定食包含兩款前菜、白飯同麵豉湯。個人特別鍾意醃製咗嘅牛蒡絲，清爽開胃😆🍴牛肉壽喜燒定食（$138）壽喜燒湯底甜度適中，牛肉大大塊，肉味幾濃👅點埋附有既溫泉蛋，令肉質更滑。另外仲有蔬菜、豆腐同冬菇等配料，吸收咗牛肉同壽喜燒湯底嘅精華 😋🍴炸牛肉薯餅（定食加$15）薯餅外脆內軟，薯味突出，加上牛肉碎，味道更香👍🏻🍴紅豆抹茶軟朱古力芭菲($68)軟雪糕可以揀選牛奶口味或者限定口味，今季限定口味係夕張蜜瓜，最後揀左扭紋，滿足晒兩個願望😎牛奶味奶味突出，而蜜瓜味清甜。抹茶軟朱古力軟滑濃郁，另外仲有紅豆蓉、粟米片、抹茶凍、忌廉等配料，口感層次豐富👅🍴鎌倉紅葉茶屋特製白玉餡蜜($68)白玉口感軟糯，配黑蜜食甜甜地👄另外仲有煙靭嘅抹茶蕨餅、紅豆蓉同少量水果，夾埋一齊食都唔錯👐🏻🍴冰抹茶拿鐵（定食加$20）抹茶味道濃郁，帶微微既抹

小朋友有課外活動，我就同老公撐枱腳食個LUNCH▶️荃灣海之戀 ✨紅葉茶屋✨✅海鮮四色茶漬飯厚切三文魚同吞拿魚，配上甜蝦🦐同三文魚籽，湯可以揀昆布或者香濃蝦湯，蝦湯好濃郁好鮮味，飲得出鮮味，甜蝦好鮮甜，三文魚魚籽脹卜卜好飽滿，刺身件件肥美，充滿鮮味。✅豪華吉列滑蛋丼吉列外層脆卜卜，豬扒好淋，食落JUICY，蠔肉肥美，好CREAMY，兩者相當出色✅熱忌廉抹茶拿鐵抹茶latte賣相精緻，入口順滑帶點抹茶的回甘，加埋邪惡忌廉真係好正✅冰泡沫咖啡香濃咖啡自己調較甜度✅鎌倉紅葉茶屋特製軟雪糕芭菲🍨整杯芭菲好足料，軟雪糕香滑，奶香味重，底層有滿滿紅豆、香滑抹茶忌廉，軟糯白玉、抹茶凍、抹茶味銅鑼燒，中間加入忌廉及香脆脆片增加口感，層次豐富，真係啖啖滿足感✅黑蜜抹茶蕨餅蕨餅微澀茶香與香濃黑糖好夾，蕨餅入口微涼，食落Q彈

📍 紅葉茶屋 (海之戀商場) (荃灣)荃灣大河道100號海之戀商場3樓3012號舖👉 溫泉蛋卡邦尼烏冬，醒熱抹茶拿鐵、炸南瓜餅💰92😋😋😋😋.9/5🟣呢道溫泉蛋卡邦尼烏冬真係一個好特別嘅選擇！烏冬麵滑腍，搭配香濃嘅卡邦尼醬，令整碗麵味道十足。溫泉蛋嘅滑嫩讓每一口都增加咗一層豐富感，真係食到唔自覺多食幾口！🟣熱抹茶拿鐵+$25熱抹茶拿鐵香濃可口，抹茶味道濃郁，搭配牛奶嘅滑順感，飲落去非常舒適，特別適合冷天飲用，令人感到好放鬆🟣炸南瓜餅+$15 炸南瓜餅外脆內軟，南瓜嘅甜味同香氣非常突出，配搭埋醬汁，味道更加升華。每一口都令人感到愉悅，絕對係一個好小食👉 牛肉壽喜燒定食，配熱泡沫咖啡、海鮮炸物盛合💰138😋😋😋😋.7/5🟠牛肉壽喜燒定食真係一個滿足嘅選擇！牛肉切得薄薄，煮到啱啱好，入味又鮮嫩，配上新鮮嘅蔬菜，整體味道非常和諧，送飯食真係一流。🟠熱泡沫咖啡+$20 熱泡沫咖啡口感滑順，泡沫豐富，咖啡味道濃郁但又唔苦，飲落去非常香醇，係一杯好適合餐後享用嘅飲品。🟠海鮮炸物盛合（蝦/廣島蠔）+$45 海鮮炸物盛合非常美味！蝦炸得香脆，肉質鮮甜；廣島蠔則鮮嫩多汁，搭配埋醬汁，口感豐富，絕對唔可以

今日去左荃灣，路經一間幾有日本特色嘅和食餐廳，於是入去試下。D位坐得好舒服好闊落，唔會太逼，而且野食都有好多選擇，可以揀刺身飯或者多款丼飯/烏冬。今次揀左豪華炸物滑蛋丼，有一份炸豬扒同炸蠔，炸得好香脆！而雞蛋亦都好夠滑，撈埋飯食勁正！另外叫左個卡邦尼煙肉烏冬，忌廉非常濃郁，同煙韌烏冬係絕配！主食加錢仲有嘢飲，叫咗熱雜莓香橙紅茶同埋蜂蜜檸檬茶，幾好飲！小食叫左三點刺身，有甜蝦、吞拿魚同三文魚，切得夠厚肉新鮮，蝦亦都夠大隻，唔錯！臨尾食埋個甜品，揀左抹茶cheese cake，有非常濃郁嘅忌廉芝士味，邪惡又好味！

今日去荃灣做嘢，朋友介紹咗去呢間食lunch。入到去店員好細心安排了塌塌米坐位，景觀真係一流，超有日式禪意感覺。望住個靚景食嘢心情都好啲😂每人嗌咗一個set和牛肉壽喜燒定食 $178賣相擺盤都好靚，牛肉真係一讚，好有牛味，好腍甜，配埋壽喜燒醬汁，送飯一流👍🏼至於漬物小食都好食。吉列豬扒滑蛋丼 $118呢個都係一個定食，個飯一上到枱都聞到好香蛋味👍🏼至於吉列豬扒好爽脆，配埋少少醬汁好入味👍🏼推介刺身5點盛 $138有藍鯨吞拿魚，三文魚，虎蝦，同埋四粒帶子。每種刺身都好鮮甜，食得出係新鮮食材。特別一讚係三文魚子，新鮮唔會腥。抹茶蕨餅新地 $68呢個甜品餡料好豐富，雪糕好好味，加上又有紅豆蓉，下面又有麥皮脆脆同cream。最後食埋個餅底😂👍🏼兩個人分享啱啱好，唔會太漏👍🏼總結而言，都幾滿意，今次朋友推介呢間餐廳😂首先坐得舒服，環境舒適，店員有禮，食物質素好吃👏🏻👏🏻

😍超抵食的日式餐廳呀～這間就是多區都有分店的 紅葉茶屋，地方寬敞舒服，食物款式又多，主食、鹹食、甜品都有，非常豐富。主食價格約$100，甜品則由$38起，真的好便宜呀吉列豬扒滑蛋丼🍳$118吉列豬扒滑蛋丼，好大碗。豬扒切件，炸得香脆，但肉質較為結實。刺身三點盛🐟$88刺身有甜蝦、三文魚、吞拿魚，質素都不錯。追加三文魚刺身🐟$28三文魚刺身比想像中肥美，所以追加一碟。自選特製新地🍦$75新地自選口味，有牛奶雪糕、抹茶雪糕、丸子、厥餅等等，好豐富。

之前見到人哋喺度打卡 覺得好靚📸就叫咗朋友同我一齊嚟試吓 荃灣嘅紅葉茶屋 嚟自日本鎌倉 店內嘅木製設計 window side仲望到紅葉裝飾🍁和諧舒服同朋友點咗兩個定食再加一個甜品🍽️定食賣相都做得好整齊好精緻ꕥ 海鮮四色茶漬飯四色刺身分別有三文魚/藍鰭吞拿魚/甘蝦同魚子 唔算好厚切但絕對新鮮🐟尤其甘蝦好鮮甜 食到咁上下就可以開始品嚐茶漬飯 將少少飯同刺身放入細碗 再倒入熱湯就食得 又有另一番風味🫖湯我就揀咗鰹魚昆布湯 另外仲有蝦湯可以選擇ꕥ 豪華和牛肉壽喜燒定食大推🙌🏻和牛好嫩滑 絕對驚喜 點埋蛋汁食真係欲罷不能🐂壽喜燒調味都啱啱好 鹹甜兼備 我地點呢款豪華壽喜燒 肉量係比一般和牛壽喜燒多啲㗎 所以同朋友一齊嚟會share 嘅話 我都推薦點呢個ꕥ 鎌倉紅葉茶屋抹茶提拉米蘇嚟呢度必需點佢哋嘅抹茶甜品 呢款Tiramisu用小木盒裝住 好可愛💕抹茶味好濃厚 底層有cream同蛋糕薄薄一層 整體唔會太甜

相信大家都會留意到我成日都去咗荃灣西食嘢 🤣因為放工夠近今日放工又約咗人去食嘢，食過幾間，今次去紅葉茶屋食 佢既芭菲當然係必食 ，咁梗係食咗正餐先叫左個期間限定既和牛冷麵 （$138）呢個冷麵真係好出色，超級彈牙！ 有埋冷麵汁比你沾麵食，而上面有隻溫泉蛋，撈埋黎食係正既！而和牛真係唔會hea你，唔係肥牛咁簡單，牛味濃👍🏻👍🏻豪華海鮮丼茶漬飯（$178）茶漬飯都算係佢其中一樣名物，而呢個丼真係好豐富，有三文魚，呑拿，帶子，甜蝦，三文魚籽，刺身塊塊都好有肉地 🥰唔係薄切架！ 另外個湯可以揀昆布油or 香濃蝦湯超推介佢個蝦湯！真係好有鮮味 🤩好，到甜品 鎌倉紅葉茶屋特製軟雪糕芭菲 （$75）芭菲真係必食！仲要價錢唔貴！大大杯今期限定味道係蜜瓜味，唔太甜，又好香蜜瓜味 好好食，另外放底底既綠茶啫喱都好濃綠茶味，超鍾意 🥰芒果焦糖窩夫（$68）窩夫新鮮出爐 ！脆脆地配埋雪糕食，無得輸啦 另外有啲凍凍芒果粒粒 👍🏻夾埋 😍😍

成日經過都覺得menu好吸引，今日終於來試下！喜歡日式設計，座位相當闊落舒服👍🏻仲可以望到紅葉🍁露台打卡正😎好似置身日本咁！.呢到所有set都成盤上，伴以日式前菜，好有儀式感！牛肉壽喜燒定食超超超多牛！份量十足，再加個溫泉蛋，送飯一流👍🏻 火炙刺身三文魚&鰻魚茶漬飯伴以鰹魚昆布湯，日本的味道🤤鰻魚大條又厚肉，食得滋味😋 鎌倉紅葉茶屋腐皮烏冬呀女大愛，烏冬煙韌彈牙，大大碗佢一個人食哂😂.飲品必點絕對有驚喜，熱泡沫咖啡用木盤上，用上靚靚日式茶具，伴以朱古力，香濃細滑，開心🥳冰抹茶拿鐵茶味濃厚回甘有日本質素👍🏻最後來碟黑蜜抹茶蕨餅，甜絲絲煙煙韌韌，滿足😌.

Happy Friday！今晚去咗試呢間餐廳，7pm去到好彩唔使等位，安排咗我哋坐bar檯位。食物方面，上菜速度都幾快，唔使等太耐就食得，啱晒我哋呢啲放工肚餓嘅人。食食吓已經慢慢多人，我哋食完7:45pm左右已7成滿。我哋叫咗兩個定食同埋幾個單點。首先係和牛肉壽喜燒定食$178。個壽喜燒嘅牛肉質素唔錯，入口嫩滑，甜味適中。配菜有菜、豆腐等！另外加咗杯熱柚子茶$15，酸酸甜甜！另一個定食係豪華海鮮丼茶漬飯$178。個海鮮丼真係好豪華！上面鋪滿咗各式各樣嘅海鮮，例如吞拿魚、三文魚、帶子、蝦等等！飯嘅份量都啱啱好，可當魚生飯食或茶漬飯食。茶漬飯湯係鰹魚昆布湯！我哋仲加咗個炸牛肉薯餅$15，外脆內軟，牛肉味濃郁！單點方面，我哋叫咗杯焙煎茶$32，茶味濃郁，回甘；仲有豆腐魚餅$35，魚餅彈牙，豆腐味香濃，口感豐富。

之前嚟食嘅時候已經覺得呢到唔錯，環境靚得嚟仲係抹茶控必到✨最近秋意漸濃，即刻諗起紅葉，所以黎encore佢地嘅抹茶🍵😚除咗戶外位置有紅葉做裝飾，餐廳入面仲有榻榻米座位，成個感覺都好日本🍁牛肉壽喜燒定食$138 呢款定食性價比最高！牛肉量多，而且口感滑溜。壽喜燒有齊溫泉蛋、豆腐、野菜、野菌等等，湯底入味。另配日本珍珠米同漬物，整體味道都不錯🧡對比上次黎亦都keep到水準🍁照燒三文魚定食$138三文魚size約半隻手掌咁大，味道偏向似醬油味，煎得幾靚，唔會乾身🍁鎌倉紅葉茶屋抹茶白玉$52睇相見佢幾吸引，又cutie，賣相好啱打卡📸加埋榻榻米坐位，有啲覺得自己去咗日本嘅和菓子店。白玉口感軟糯，需紅豆同抹茶醬一齊食～另外會配半杯仔刷過嘅抹茶，帶少少綿密泡沫，還原和風味道🍁自選特製芭菲$75可以自選三款配料，我就揀咗白玉、士多啤梨同朱古力醬，另配一球抹茶雪糕球。軟雪糕可以揀扭紋或者單一款味道，季節限定係哈蜜瓜味，味道幾突出。除咗呢啲配料，入面仲有粟米片、忌廉、透明果凍同埋銅鑼燒片，材料豐富，食到一層層唔同嘅口感🍁凍/熱抹茶拿鐵+$25推薦黎呢度一定要叫抹茶，熱飲味道更加濃厚😋

紅葉茶屋係靚靚又唔錯嘅食肆！入到去，裝潢好有feel，木質嘅設計配合柔和燈光，真係好舒服，感覺似係行入咗日本嘅小茶屋咁。服務生都幾友善，有種返到屋企嘅感覺。豪華和牛肉壽喜燒定食豪華和牛肉壽喜燒定食香味就撲鼻而來，真係太吸引！一片片嘅和牛肉，色澤粉嫩，油花分布得好均勻。油脂都釋放出來，湯底變得濃郁無比。再加埋一隻溫泉蛋，輕輕攪拌，蛋黃同牛肉汁融合，口感滑溜，真係好好味！定食仲有兩款小前菜，味噌湯好豐富，飲落去一啖暖心。小前菜真係好有心思，清爽又唔會太重，正好中和咗壽喜燒嘅油膩感。冰雜莓&香橙紅茶之後我就點咗杯冰雜莓&香橙紅茶，一啖飲落去，真係清新無比！雜莓嘅酸甜加上香橙嘅清香，搭配冰塊，口感超級爽口，飲完之後，心情都好好，特別適合配壽喜燒，真係解膩！吉列豬扒定食吉列豬扒定食，一上嚟就驚喜！金黃酥脆嘅豬扒，外皮炸得啱啱好，咬落去肉汁爆出來，鮮嫩得嚟又唔會乾。旁邊仲有沙律菜，清新又解膩，再加杯冰檸檬紅茶，酸酸甜甜，好開胃！加$15升級南瓜餅小食，口感香脆餡料滿滿芒果焦糖窩夫最後，當然要試下甜品：芒果焦糖窩夫，呢道甜品需要等15至20分鐘，等得真係值得！金黃色嘅窩夫上面淋住香濃嘅焦糖，仲有新鮮

去開荃灣見海之戀間鋪幾靚，又有日本野食，又有綠茶揀，都係好鐘意食的食物，試咗三文魚刺身茶漬定食，三文魚好新鮮，紋理明顯， 好肥美， 我仲加左帶子，勁鮮甜， 非常新鮮，表面仲有魚籽俾你，都幾彈牙，又甜甜地， 貝肉肉質厚實柔軟，鮮甜爽滑，仲叫左和牛壽喜燒鍋，和牛薄燒卷淡淡油脂香，混入香蔥可以減低油膩感，好夾！入口好Juicy，肉質好柔嫩! 綠茶LATTE 好好飲，勁重綠茶味但又唔甜~整體質素唔錯 價錢以呢個地段嚟講性價比幾高

兩個人收工返到荃灣食飯，竟然試到好嘢！行到海之戀諗住搵間食日本野既餐廳，見到呢間坐得幾舒服就入咗去！一睇menu，就有好多種類揀，最後我哋叫咗個鰻魚茶漬飯同和牛壽喜燒定食，再留肚食甜品鰻魚茶漬飯個湯揀咗蝦湯，個蝦湯好有驚喜，係淡麗風既蝦湯，唔係橙色果d和牛壽喜燒定食和牛有質素，一d都唔韌，個汁就都幾濃味，連埋隻蛋用嚟撈飯食一流！另外要讚一下定食個前菜，醃製既牛蒡，好好食！之後就梗係要叫埋甜品先完滿啦，叫咗個自選特製芭菲，可以試到期間限定既夕張密瓜軟雪糕、綠茶雪糕球之外，仲可以揀多3種配料，一杯滿足哂幾個願望，性價比高！另外亦叫咗個佢既招牌-鎌倉紅葉茶屋抹茶提拉米蘇，上枱已經比佢日式盒子吸引，食落去口感好滑，中間都有綠茶粉下次嚟到再試埋佢期間限定既阿華田提拉米蘇至得！