紅葉茶屋 (D2 Place TWO)

营业中

休息中

鎌倉紅葉茶屋嘅食物真係值得一試 😍無論係軟雪糕、定食定茶飲，都令人回味無窮！下次一定要再去🥹呢間茶屋嘅氛圍真係好靜好舒服，絕對係放鬆心情嘅好地方=================Food list📌🎌特製軟雪糕🍦呢個係期間限定嘅 唔好錯過啦！軟滑嘅口感，係即將蜜瓜嘅味道🍈去唔到日本都過吓癮先啦😆食落去有種淡淡嘅甜味，仲帶有少少茶香，真係好正😛🎌照燒三文魚定食 呢個定食真係好豐富🍣三文魚燒得剛剛好外脆內嫩，淋上照燒醬之後，味道更加升級👍🏻👍🏻🎌抹茶雪糕🍵抹茶味道濃郁，完美搭配！😍🎌火炙刺身三文魚茶漬飯 呢個真係唔可以錯過！三文魚新鮮到不得了，火炙後嘅香氣令人食指大動。配合鰹魚昆布湯🥳湯底清淡又鮮美，真係好適合夏天飲。仲有冰雞莓同香橙紅茶，清新又消暑，真係一流！😎

正餐同甜品都好食，而且套餐份量啱啱好，所以食完正餐當然食得落甜品啦🤗！🥢牛肉壽喜燒定食：✨推介✨首先壽喜燒汁唔會偏甜，二來牛肉脂肪唔多亦唔韌，三來配料豐富有豆腐蔬菜🥬，湯底自然好飲，最後加埋流心蛋令湯汁更香濃。🥢豪華海鮮當茶漬飯。配香濃蝦湯：有三文魚、藍鯨吞拿魚、帶子和魚子等等，蝦湯香濃，兩者加埋特別鮮味。🥢豆腐魚餅：✨推介✨豆味濃，魚餅香脆唔油膩。🍈夕張蜜瓜新地：套餐+$15就有，蜜瓜味好自然，雖然偏甜但有奶香又creamy 。🍵抹茶Tiramisu: ✨大推介✨芝士忌廉重奶香又滑😍，底層蛋糕濕潤，係簡單而令人滿意既甜品。🍵黑蜜原味及抹茶蕨餅: 正常發揮，夏天食好似Q彈涼粉咁清爽。味道 : 🔅🔅🔅🔅🔅新鮮 : 🔅🔅🔅🔅🔅氣氛：🔅🔅🔅🔅服務：🔅🔅🔅🔅（5🔅為滿分）

點解我咁講？因為我黎到呢度食嘢，完全係感受到濃濃ge 日本古都氣息🥰刺身5點盛$138🇯🇵 新鮮厚切刺身，魚脂滿溢，入口即溶，彷彿置身築地市場！三文魚他他芝士脆片$48🇯🇵 綿滑三文魚配上香濃芝士，脆片做底，倒上滿滿嘅魚子😍一啖一個，食極都唔夠喉！一口蟹唐揚$38 外脆內嫩，每一啖都食到真正鮮甜蟹肉，超治癒！🍵 必試日系甜品&飲品💚🧡💚鎌倉紅葉茶屋抹茶白玉 $52 經典日式抹茶香氣撲鼻，配上煙韌白玉，中間仲有紅豆蓉🫘每一口都係幸福滋味。鎌倉紅葉茶屋抹茶提拉米蘇 $58 抹茶控必食！💚💚💚木盒內層層抹茶同幼滑忌廉交織，回味無窮。冰芒果&西柚紅茶 $45 清新解渴，果香滿載，完美平衡咗海鮮&甜品嘅油膩感。😘下次再嚟一定要試埋佢哋其他限定甜品！🍵🍰🇯🇵

-每次嚟到紅葉茶屋都會畀我唔同嘅新鮮感✨，因為呢度嘅食物每一樣都非常精緻🍣，好好味😋，好有自己嘅特色😍，到目前為止係我心目中最正嘅日本菜🇯🇵今次嚟分享我試嘅雙人套餐體驗🍽️，選擇多，分量足，真係食咗好滿足👍前菜係固定嘅，就係有龍蝦沙律🦞同小吃拼盤🥢，我都特別鍾意沙律同拼盤裏面嘅炸蝦🐤，都係鮮味十足。沙律入面有龍蝦獨有嘅香氣，加上蔬菜嘅爽脆口感，好開胃🥗，然後再食幾條炸蝦，肉入面嘅甘甜分佈喺口腔嘅每一處😋要咗照燒三文魚🐟同豬扒🍖，兩種主菜食嘅都係唔同嘅口味。三文魚好新鮮，經過照燒處理，魚嘅鮮味明顯帶咗出嚟，然後照燒汁仲為三文魚增添咗啲日式風味🍱，炸豬扒好特別，入面仲加咗廣島蠔🦪，呢一道菜食得到豬肉嘅鮮嫩，都食得到蠔嘅鮮香。兩道菜再配上日本米飯🍚，簡直正爆！甜品嚟上抹茶組合🍵，抹茶白玉同黑蜜抹茶蕨餅，特別解膩，抹茶嘅香氣分佈喺口裏，蕨餅都好香，白玉就富有彈性，嚟上幾口，呢頓套餐就完美咗✨呢度嘅食物真係好正，真心推薦大家嚟試下！🥳

«服務周到»餐廳位置睇落入去真係唔覺餐廳容納到30-40人左右，入到去就了解到，感覺舒服。 呢個服務好貼心，like。«豬扒滑蛋丼»呢個厚切豬肉仍然保持大塊厚身，一直以來都係咁吉列。 堅持用新鮮豬肉， 最愛嘅係餐廳提供嘅滑蛋，同吉列係最佳配搭👍«牛肉壽喜醬汁烏冬»仲意壽喜燒＋烏冬嘅口感，好夾，慢慢享受，輕輕嘅菜絲係湯上吊味。牛肉口感爽嫩軟滑，牛味細緻油花適中，相當足料！而壽喜燒湯底鹹甜度適中，烏冬索晒湯汁一齊食都唔覺過濃，非常美味！«黑蜜抹茶蕨餅 推!»抹茶蕨餅唔帶苦味，入口有軟綿帶少彈性，配上濃鬱嘅黑蜜 甜而唔膩，好好味，好好食。

✨和牛壽喜燒A4和牛雪花紋好靚，蘸完蛋漿口感變得好有口感🐮🥩湯底甜鹹比例3:7😋蘿蔔煮到半透明吸滿牛油香，最正係拌飯 撈埋壽喜燒汁🍚.✨海鮮丼茶漬飯海鮮份量剛剛好 茶漬溫度夠熱～同係日本食好相似🇯🇵.✨iced coffee深焙豆香很絲滑☕️可能關鍵在於冰粒用咖啡原液，慢慢溶都唔會變淡味🧊🧊.✨熱芒果西柚茶果香天然唔藥水味🍊西柚片嘅苦甜度之間做得好balance 仲帶有清新嘅檸檬味，幾解膩💛💛.個環境設計好和風雅緻，梳化坐得好舒服🌸

紅葉茶屋，日式居酒屋，位於荔枝角，外觀入到去係型格風嘅日式主題裝修 相當吸引嘅日式料理餐廳，餐牌算係非常多種類，賣相高雅，服務仲好#海鮮茶漬飯一嚟見到淨係睇個樣都流曬口水 ， 因為刺身多到直頭整咗個出嚟， 真係超多超豐富☺ ☺ 食落好入味，食到魚鮮味之餘， 蝦肉同飯都索曬清香嘅茶湯味，混合蟹籽配合，非常好味#花魚一夜干香脆嘅花魚，面頭可以成條骨起出 淋上檸檬汁，啖啖魚肉再夾蘿蔔絲，同酸汁一齊食好開胃甜品方面我就要咗個#炸南瓜餅老實講等嘅時間真係會耐少少 不過完全明白啊 即叫即整嘅南瓜餅真係唔同啲！呢個南瓜餅也太太太好食咗！！賣相睇落就好似金黃色嘅球體咁樣 表皮酥脆軟軟糯糯，薄脆帶柔韌！而且仲唔會好甜！一口驚艷

▫️三文魚茶漬飯茶湯我揀咗蝦湯嚟配搭，鮮香味超級濃郁，濃郁嘅蝦味同三文魚嘅煙燻香味交織喺一齊，炙燒過嘅三文魚帶住微微焦香，肉質鮮嫩滑口😋😋米飯吸收咗鮮美嘅茶湯後，口感更加柔軟豐富，而且仲唔油膩！好清爽嘅一道茶漬飯👍🏼▫️特盛黑麻油濃厚豚骨拉麵一端上枱就聞到一股好濃烈嘅黑麻油香味，令人食慾大增！豚骨湯熬煮得好濃稠，入口順滑又帶住豬骨嘅甘甜；麵條嘅部分就煮得軟硬適中，吸收咗湯底後依然保持住Q彈得口感👏🏼配菜方面都一點都唔馬虎，溏心蛋同叉燒肉都好加分，叉燒肉肥而唔膩，入口即化🤩▫️和風炸雞盛和啱啱炸好嘅雞件同雞翼外皮金黃酥脆，一啖咬落去鹹香味十足🤤肉質鮮嫩多汁，仲會爆汁，要小心俾佢燙親😆唧少少檸檬汁，令多汁嘅雞肉更加鮮甜，口感更嫩滑！▫️紅葉茶屋抹茶白玉一直好鍾意日本呢款小甜點，白玉口感柔軟，仲帶住淡淡嘅米香😍配搭微酸嘅士多啤梨同甜度適中嘅紅豆泥一齊入口，甜而不膩，層次豐富✨

餐廳嘅地理位置非常方便，所以間唔中同朋友行街行都肚餓都會嚟食下日本嘢 。而且呢間嘅性價比都幾高，服務都唔錯！一共嗌咗兩樣嘢食，食到好飽好飽芝士雞肉蕃茄忌廉烏冬濃郁嘅忌廉加上酸甜嘅番茄解膩，香濃嘅芝士包裹住勁道嘅烏冬同雞肉！Q彈嘅烏冬麵每一根上面都裹滿咗忌廉，非常有勁道嘅口感，真係好食到停唔到口，一碗唔夠牛肉壽喜鍋牛肉鍋嘅份量好大，肉嘅份量都好充足 一開始湯底飲落雖然味道偏淡，但係慢慢越煮越鮮甜。牛肉建議食咗先，因為喺熱湯入面浸耐咗會變得韌。鍋入面仲有各種菜類，可以同牛肉一齊食，增加風味！暖暖地食唔錯總括嚟講食物都好唔錯，仲有特別優惠套餐，好抵食 。如果想搵間居酒屋，同朋友悠閒地食小菜，飲杯嘢，傾下計，呢間餐廳就啱

今日去咗荔枝角工作，搵咗隻地頭蟲朋友一齊食午餐；因為當日落大雨，我講想搵間坐得舒服啲嘅餐廳，佢就帶我去咗呢間紅葉茶屋～睇到門面就有驚喜啦！唔使諗到呢度都有咁高格調嘅餐廳啊😍我揀咗一份午餐：火灸刺身三文魚茶漬飯茶漬飯唔係每間都有嘅，見到呢間餐廳有就更加叫啦！賣相好吸引，三文魚好厚肉，色澤好靚，食落唔會好腥味。再淋上茶漬湯，鹹鹹地，好香👍🏼 食落好舒服😋朋友揀咗嘅午餐：牛肉壽喜燒定食大大隻煲，好足料！牛肉份量多，肉味香濃，鮮甜，裏面有肥牛、豆腐、香菇、粉絲等，吸收曬壽喜燒汁！好好食！另外我哋仲加咗份和風炸雞，即叫即炸，熱辣辣，皮薄脆、肉嫩滑，好好食👍🏼 推介！我哋兩個食得好飽，lunch set價錢，好抵食，性價比超高，會再去嘗試👍🏼環境方面，地方好大，所以覺得好舒適，店舖職員都好有禮貌，服務好好👍🏼

前晚同家姐去咗荔枝角嘅紅葉茶屋，呢度環境唔錯，幾啱一家大細一齊食飯。餐廳設計簡約舒適，唔會太擠迫，啱晒慢慢咁享受晚餐。 壽喜燒🥩牛肉切得夠薄，煮得啱啱好，肉質夠嫩，湯底嘅甜鹹味幾夠味，配埋白飯食就啱啱好。 照燒雞🍗雞肉鮮嫩，外面有少少焦香，唔會過甜，醬汁味道唔錯 龍蝦沙律🦞沙律配埋新鮮蔬菜同幾粒龍蝦肉，沙律醬唔會過重，輕盈清爽，唔會太膩，係啱啱好嘅開胃菜。 黑蜜抹茶蕨餅甜品方面，黑蜜抹茶蕨餅口感煙韌，外層灑咗少少黑糖粉，微甜又帶啲抹茶香，唔黏牙，唔錯👍🏻 抹茶白玉另一個甜品係抹茶白玉，抹茶味唔算太濃，口感煙韌，紅豆餡唔會太甜，食落去好輕盈，係餐後嘅好選擇。

到荔枝角附近工作，又接近晚飯時間，友人提議到「紅葉茶室」看看有午麼吃，在門口駐足時，發覺他們的二人前套餐十分抵食。餐廳選擇非常多，主打的都是日式料理，有單點及套餐可選。主要是相中的二人前套餐，不用500元就有多款美食，但部份選項要額外加錢。「龍蝦沙律」是指定的「頭盤」，秘製醬汁微辣惹味醒胃，除了一般沙律菜之外，裡面還有龍蝦，材料新鮮爽口，配搭有層次，雖然是全素，但一點不單調，幾有驚喜的出品。另一款前菜「紅葉四點盛」，一套裡面有炸蝦、芝豆、八爪魚和刺身。炸蝦好有咬口，拌醬汁令人越食越開胃；其他食材味道都唔錯，八爪魚嚼勁十足，芝豆甘甘甜甜，刺身非常新鮮，非常妙絕！主食12選1，雖然部份要補錢，點了「照燒三文魚」及「香辣燒牛肉」，試過之後就知道沒選錯。厚厚的三文魚扒，香煎過後竟然一點都不乾，有魚油香，三文魚以照燒汁略醃過特別香甜美味。香辣燒牛肉香滑，辣味剛剛好，味道不錯，非常美味。另外，每一個套餐都配有米飯和麵豉湯，他們用的米是日本產米，米飯粒粒分明，吃得出用心。對於喜歡吃好米飯的人來說，這一點加分不少。甜品6選一，選擇非常多，補錢點了「抹茶提拉米蘇」及「限定雪糕」。抹茶控當然不會錯過這款抹

🍣同班食友到荔枝角D2呢間「紅葉茶屋」，推開門即刻穿越去日本！ 🥗旬之野菜呢碟季節野菜沙律係味覺過山車！冰鎮紫甘藍脆到似食緊薯片，「咔嚓」聲未停，成碟嘢由凍食到暖、脆食到綿，玩盡溫度同質感！ 🧀芝士雞肉蕃茄忌廉烏冬烏冬邪惡到要雙手合十先敢開動！湯底係牛奶撞番茄，濃稠度啱啱掛得住麵條。雞髀肉拆絲慢煮，纖維吸盡忌廉香，主角烏冬不得了，用咗四國小麥粉每日鮮製，煙韌到要用臼齒慢慢磨，麵芯仲keep住小麥香，每啖都係奶香暴擊！脆口撞creamy，罪惡感滿分！ 🍚豪華海鮮丼茶漬飯面頭有五顏六色嘅刺身物 食落去都幾鮮甜同埋足料😙 呢個價錢食到茶漬飯CP值係絕對唔錯 不過建議大家盡快食 避免啲飯浸得太爛影響口感🙈

前排成日都會經過呢間紅葉茶屋，我都好奇佢哋嘅日本菜好唔好食，然後就抓到一次機會可以帶frd嚟一齊食lunch set menu睇咗menu上嘅食物種類，感覺上都唔錯，賣相吸引，一時之間都唔知道要食乜嘢。最後決定要牛肉壽喜燒，然後frd要咗牛肉烏冬牛肉壽喜燒成鍋畀嘅料好足，牛肉鮮嫩順滑，煮得幾入味牛肉烏冬ge湯汁裏面加咗壽喜醬汁，所以烏冬吸收咗牛肉+壽喜醬汁嘅精華，每一啖都鮮香海鮮炸物拼盤有大蝦同蠔，外皮脆，裏面鮮美嫩滑，幾開胃喺呢度度過咗一個愉快嘅lunch time，下次仲會再嚟ya

嗰晚我同女朋友去咗一間正宗嘅日式餐廳，入到去嘅環境好舒適，服務員嘅態度熱情，真係令人回味無窮。我哋揀咗兩款和牛料理——和牛壽喜燒定食同和牛茶漬飯。和牛壽喜燒定食一上枱，嗰鍋滾燙嘅壽喜燒醬汁已經香到不得了，味道鹹甜適中，帶點醬油焦香。店家揀用嘅和牛油花分佈均勻，同壽喜燒醬汁混埋一齊醬，牛脂慢慢滲出，令香氣即刻升華。和牛肉質極之細膩，輕輕一嚼，油脂就喺口中化開，仲帶住濃郁牛味，完全唔覺得膩。配埋其他蔬菜一齊食，口感更加圓潤，仲多一層嫩滑感，每一口都係極致享受。和牛茶漬飯帶來另一種風味。餐廳用咗炙燒和牛薄片，輕輕燒至表面微微焦香，內裡依然保持粉嫩。牛肉鋪喺熱騰騰嘅白飯上，輕輕一攪，牛脂慢慢滲入飯粒，每一粒飯都包住牛肉嘅鮮甜。之後，將熱茶湯慢慢淋上去，茶香混和住牛肉香，清新又溫暖。入口時，牛肉仍然柔軟，飯粒吸滿茶湯，帶點鮮甜回甘，每啖都充滿層次感。最後加埋紫菜、芥末同葱花，每一口都有唔同變化，令人一試難忘。