紅葉餐室

营业中

休息中

$63 一餐有雞扒煎蛋意粉加凍檸茶，以香港而家嘅物價，唔算貴，碟意粉味道正常，唔難食，但亦無驚喜，屬於「唔出事就算OK」嘅範圍。真正出事係杯凍檸茶。我一向都走甜，想飲返杯有基本茶味、有檸檬味嘅飲品，但今次完全唔掂。茶味唔見晒，檸檬拮完都無用，入口淨係得淡而無味嘅水味，仲有陣紙飲管味走唔甩——衰過飲水，真心講。飲咗兩啖，我已經唔想再碰，成杯擺喺度望住都覺得嬲。我知香港飲食業好艱難，但係，顧客都唔係要求高，只係想飲返杯基本有味道嘅凍檸茶都俾啲咁嘅貨人，真係唔好問人點解咁鍾意北上

深水埗太多餐廳可選擇！紅葉裝修後光猛又親民👍唔錯經典紅葉早餐：香煎豬扒通粉👍芝麻豬仔沙爹牛肉飽👍沙爹汁勁多😋熱奶茶餐肉+煎雙蛋+脆香丹麥多士仿鮑魚絲火腿通粉香煎豬扒公仔麵👍金牌炒雙滑蛋+脆香丹麥多士熱奶茶金牌炒滑蛋+脆香丹麥多士

深水埗區都每份加十蚊， 環境又唔係好過人， 服務員嘈冤巴閉， 真係唔可以去的餐廳， 炒蛋 特別不同顏色，我懷疑都係預製菜交來的， 我估計其他菜品也一樣， 想嘗試預製菜的朋友不妨一試。

早餐個炒蛋上碟係一個雪糕球咁，懶係靚，但係冇蛋味同水汪汪的，好難食問佢有冇得轉正常炒蛋，個侍應話冇，係得呢款，一整出黎就係咁。咁我唯有轉煎蛋先有蛋味既蛋食。以後都唔會再去！

是日天氣凍，路過留意到這間紅葉有羊腩煲食，而且睇落環境明亮，食客不少點知咁都中伏。中伏位１：污糟，多飛蟲餐廳衛生非常重要，但入去坐低後飛蟲好多，十分滋擾。烏蠅處處(有圖)，趕極都仲有。以為識飛既已經夠煩點知生菜碟上都仲有蟲仔(有圖)食完枱面又有究竟呢間嘢點解可以咁多蟲？中伏位２：誤導食客食二人細份羊腩煲，嗌咗飲中湯，阿姐再問「飲咩」，跟住我問：吓，仲連嘢飲架咩？佢答「係」。跟手出單一睇：兩杯嘢飲出正價。198的餐，兩杯嘢飲計我50。睇返餐牌，你包湯，唔包嘢飲，點解要答我「係」。由於已經飲咗，唔想拗了。純粹寫出黎警世。同場旁邊另一個阿姐又同食客起爭拗食客走咗，個阿姐仲响度勁大聲埋怨個食客可想而知，呢間嘢的服務水平有幾優秀。講返個羊腩煲，咁樣的細羊腩件有6-7件，size偏細冇咩急凍味，冇咩騷味，冇咩味肉比較實，未去到韌完全靠個湯，另外仲有些少冬菇、筍，南乳醬好酸，唔點好過點味道唔算差。配兩碗白飯，兩個人食都飽。題外話，連大勺都沒有提供，用茶匙來盛湯都幾災難。總括：呢間好多人食，估計寫食評未必會搜黎睇。但今次真係中伏經歷。加上本人係埋單嗰位，倍感氣結。純粹寫出黎警世，希望唔好再有人中伏

晚餐叫左個五香肉丁炒公仔麵，可以改名做雞蛋絲伴五香肉丁炒麵食落口完全唔知自己食緊乜！太多雞蛋，公仔麵味又冇，得啲蛋味，食左半碟麵都冇就唔食！真係失望，原本以為會有啲香噴噴嘅五香肉丁味，但結果完全唔係咁。麵條煮得過熟，變得有啲糊，完全冇咬口。再加上啲肉丁份量少得可憐，根本唔夠飽肚。呢餐飯真係令我對呢間餐廳嘅印象大打折扣，下次真係唔敢再試呢度嘅公仔麵。希望下次可以搵到一間真係好食嘅餐廳，唔好再有咁失望嘅經歷。

劣食之冠，好似食隔夜飯的垃圾。態度差，好似求佢噤，寫完張單掟在枱面。價錢又唔係平，受氣。但依然坐滿，第一次食以為人多就等於野食ok，大失所望。成地垃圾都無人掃。第一次也是最後一次。

之前星期日帶了小朋友去深水埗玩，午餐時間同小朋友一齊去了這間紅葉餐室食嘢，🤓最後叫了份常餐，味道還好的，炒蛋也炒得不錯，座位也舒適的🫶🏻但有點不太好的是門口長期有很多人食煙🚬

7月21早上10點30去了這間餐廳食早餐同我朋友二人一同點了早餐沙嗲牛肉麵餐碗麵一黎到我食左兩啖我朋友一口食哂好彩我食得慢比我發現碗野原來係強仔牛肉面黎我叫左當時黑衫店員來望望佢第一時間就話咦隻蚊螆係唔係岩岩飛入去我話唔係蚊螆黎個喎，強仔黎個喎佢一啲歉意都沒有，唔好意思句都無講還想立即收走上強仔的碟我制止佢左，影返張相留念佢即刻就話駛唔駛換過個比我我話唔駛啦，我唔要喇之後我食都無食佢啲野或要求啲咩野 就埋單走人喇

一間小小的餐室，想不到有點驚喜。座位較少，排得也較密。今天點了香辣蝦炒意粉。意粉有咬口，香辣中帶有番茄酸味，還夾雜陣陣芝士香味。另外，不得一提，大蝦非常彈牙，一份意粉有四隻掌心般大嘅蝦，值得一試。60蚊有意粉，有羅宋湯及咖啡餐飲。講起它的羅宋湯，又一個特別，它有我喜愛的豆類加入去烹煮 ，有點墨西哥濃湯嘅感覺👍🏻

我黎都係食野啫，唔同同你過世咩。啲態度好似佢先係老細。 啲樓面情緒控制係零，多野做態度開始差，諗兩秒野想叫野，係兩秒左右就走左做其他野。有位食客調左位，樓面圍內開始講佢壞話「唔好幫佢，老鳳架，佢調黎調咪好唔得閒，唔好幫佢轉枱」嘩我聽完嚇一跳，然後得啖笑。 成日將自己的壓力轉嫁比消費者，其實你有料咪同老闆講囉，何必將呢啲職責壓力轉嫁比消費者？ 唔需要特別用心做好，但也不要太差，我也去了一段時間觀察到的問題食物3分服務-10分除左食食物之外，我諗深水埗大把選擇

我老婆叫了一個麻婆蛋付，叫有點味道，但有點酸酸的，應該是正常的吧！暫時沒痛子痛最差就是干炒黑招牛柳意粉，意粉好淡味，，牛肉係完全無味，係我食過最差的，最後吃曬啲意粉算數，呢間野拉入黑名單唯有個中湯和冰檸茶好味，熱檸水都吾得

餐室的內部裝環境清潔，梳化座位舒適。精選午市套餐有13款，價格介乎於47元至55元之間。中式例湯，材料是包括冬瓜、紅蘿蔔和豬肉，湯味正常。美極生炒牛肉飯，牛肉口感很硬，生菜絲口感正常，炒飯乾身，不算太油膩，也不算太咸。魚香茄子炆伊麵，咸魚味過淡，茄子美味但份量過少，伊麵份量很多，伊麵濕潤且軟硬適中。飲品熱奶茶香濃幼滑。熱菜蜜味道一般。熱飲膠杯過於陳舊，建議更換新的。總結：食物味道有待改善，熱飲膠杯過於陳舊。

今次午餐到紅葉餐室， 位於深水埗汝州街208號地下。 平時好少到深水埗，發現原來都幾多冰室。店內環境光猛， 幸好有卡位坐唔洗搭枱。 兩個下午茶餐🥢 ～ 乾炒叉燒瀨粉$44、 揚州炒飯$44、 凍咖啡 $3、茶走。 🔸乾炒叉燒瀨粉 ～ 瀨粉質感偏硬， 叉燒大件但太乾太硬， 整體味道普通🙂。 🔸揚州炒飯 ～ 揚州炒飯以茶餐廳計配料都幾多， 有蛋、蝦、叉燒粒、火腿和生菜， 雖然炒得唔算乾身， 都可以接受啦😉！ 🔸凍咖啡 ～ 凍咖啡味道太淡， 可能冰粒🧊太多。 🔸茶走 ～ 茶味濃郁，又夠煉奶。 整體味道普通， 經過都可以一試😙。

在住的附近，每次路過，今天決定去嘗試口味如何沒有等位，但與別人share一張園桌，服務生態度很好，今天是週五，我們點了生炒牛肉飯和古法蒸鯇魚飯加了一份最愛的椰汁紅豆冰，份量足，還有免費例湯，價格不貴，但吃的很飽肚