影片
食家推介
同朋友到大埔救世军听完认知障碍的讲座后，大家都想食个下午茶轻松吓. 我哋几个九龙人唔熟大埔地区，经过红桥餐厅，见里面光光猛猛，4点35分，都有几枱客，估计唔会中伏😆.我哋3个人叫了两个下午茶餐，额外再叫一杯饮品. 咖吔鲜油多士配鸡中翼：～鲜油虽然薄薄，但系咬落去感受到牛油仍是冻冰冰，我觉得非常好食，我要比个👍厨师.～鸡中翼炸得好香口，味道唔会太咸.法式芝麻虾多士配薯角：～虾多士上面铺满密密麻麻嘅芝麻，非常香口，我朋友最钟意食热气嘢，佢话好正👍👍. ～我钟意点茄汁，所以我钟意食薯角，再点好多茄汁🤪， 热辣辣嘅薯角配茄汁，正.
继续阅读
以前住大埔时成日都同屋企人去食，味道OK，价钱都抵，性价比高。今日再去食，觉得食物维持到质素，环境亦好舒服，推荐大埔友去试👍🏻👍🏻今日食咗炸鸡扒蛋包饭，连罗送汤及冻饮，共$71
继续阅读
闲日嘅中午两三点经过平常爆满的红桥冇乜人就入去食坐低见到推介有海胆酱意大利饭就点了，而餐汤有中西选择，我拣左西式唔系普通嘅白汤，系紫薯忌廉，味道很特别饭就够热，浓浓海胆香，加配蟹肉更加一绝
继续阅读
除夕时，我𠮶日要去大埔海滨公园倒数，想起试下大埔𠮶间红桥，依间红桥喺大埔广福道中心，容易找到，之前试咗太子𠮶间环境良好，今次去到大埔各间环境仲好过太子𠮶间，值得赞赏， 今次我嚟到都系食下午茶嘅肉酱意粉， 因为芝士加埋肉酱 配搭啱啱好，我今次去到都见到老板坐阵非常有礼貌，见到嚟的肉酱意粉无令我失望，反而好食过太子𠮶间，价钱仲要平过佢，CP值非常高，希望𠮶个都不仿喺大埔去帮衬依间红桥 ，下次一定会再来帮衬👍👍
继续阅读
成日去大埔食饭都只系去大埔超级城周边嘅餐厅揾食，食得多都有少少闷，所以就试下去大埔墟附近发掘吓有咩餐厅好食啦。行过见到有几个人企喺间餐厅门口等位，就吸引咗我埋去睇吓有咩好食，发现原来系食西餐嘅，而且价钱又唔贵，加上见到精选套餐有自己钟意食嘅黑松露忌廉汁煮嘅意粉，所以就排队等位试吓啦。跟餐忌廉汤黑松露忌廉汁海虾烩意粉一嚟到见到三只都几大嘅海虾放喺面，而且黑松露嘅味道都好突出，一嚟到就闻到好大阵黑松露嘅味道，酱汁都好浓郁，而且意粉软硬度适中，除咗加入蘑菇之外，亦都加入咗少少芦笋，令到成个意粉层次有所提升。可惜海虾并无任何调味，好似白烚虾肉咁，如果佢可以加返少少调味，同煎一煎啲虾肉咁就完美啦。黑啤忌廉汁碎牛肉带子烩意大利饭另外，我哋亦嗌咗一个比较特别嘅黑啤忌廉汁碎牛肉带子烩意大利饭。本身我哋满心期待住呢个特别嘅黑啤忌廉汁系点，结果一见到真身就有啲后悔啦，因为佢嘅酱汁太过多，令成个饭好似变左汤饭一样，而且佢嘅带子系用咗珍珠带子仔，再加上碎牛嘅样子不太讨好，所以喺外表上已经扣咗唔少分，而味道亦算中规中矩，下次应该唔会再叫呢个饭。海棠鱿鱼须除咗主菜之外，我哋亦加钱配搭左一个是日嘅小食，就系海棠鱿鱼须啦。哇…呢个鱿鱼须真系好好食，佢嘅炸衣唔系好厚，而且有好香嘅海苔嘅味，鱿鱼须又好弹牙，一流啊😋😋😋佢比我哋食嘅主菜更出色，为咗呢个小食我一定会再返转头帮衬👍🏻👍🏻👍🏻
继续阅读
您可能会有兴趣的...