紅樓

营业中

休息中

看到一蚊優惠，反正今天下午在新蒲崗，順便在此晚餐。由紅A行過來，平日時段，未有客滿，可馬上入座。古法羊腩煲 細    將有冷空氣到港，所以選擇羊腩煲。羊肉早已煮好，以小火爐在枱上加熱，保證熱辣辣。羊肋條，羊腩肉，支竹，馬蹄，菇，原來煲底墊有多件白蘿蔔。羊肉不太硬，唔羶，柱候醬不太濃郁，不會過鹹，無需配白飯。金銀蛋浸時蔬 沒有莧菜，唯有選菜心。菜心清甜，無苦味。黃金磚脆豆腐本以為是普寧，原來是粒粒炸豆腐。厚實的黃金外皮夠香脆，豆腐當然熱辣辣。   炸皮很乾身，油份不多，即使沾上喼汁，喼汁也沒有遺留過多油花。而碟子底部不算太油膩，沒有＜瓊＞油。來到最尾一口，炸豆腐仍是乾乾爽爽。很喜歡這個少油的脆豆腐。生菜包配惹味炒鴨崧  總覺得羊腩煲不夠飽，再加一份小食。鴨崧，應該是來自片皮鴨，配上萵苣粒，彩椒粒，唐芹粒，整體香甜惹味 。直接舀出一匙在生菜上，放入口，全部材料細細粒，容易咬。原來可以唔要花生！！！！

冬天已經到啦，出到街度凍冰冰❄️，真係好想食暖粒粒嘅嘢，我嘅首選就一定係羊腩煲🍲😋呢間位於鑽石山啟鑽商場1樓嘅「紅樓 」中菜館,一向都出名食皇牌燒味同精緻嘅點心!宜家仲推出咗🔥「$1片皮鴨+$1羊腩煲」呢個限定優惠系列🔥為食嘅我哋，當然一定要去試吓啦!😆我哋今晚食得好豐富:⭐️$1古法羊腩煲(晚市優惠)- 雖然係優惠只收$1，但係份量十足，每舊羊腩都超肥美同厚肉，而且味道仲好好，絕對系性價比極高!👏🏻⭐️沙姜豬手粒$48- 雖然開胃小菜，但係成碟豬手夠晒大碟，沙姜汁仲好好味，鍾意食豬手嘅人一定喜歡!⭐️黃金脆蝦球(咸蛋黃)$148- 黃金蝦賣相好精美，啲狗都炸到熱辣辣，每啖都有鹹蛋黃，蝦肉爽口⭐️紅樓炒飯$128- 我就特別鍾意食呢個紅樓炒飯，因為佢配料豐富，炒得又夠火候，果然係餐館嘅皇牌之一!整體今晚嘅晚餐， 所有餸菜都好高， 質素性價比好高💕雖然之前喺網上見到好多腐皮來自食客有時姐姐忙燥底少少。但我今次親身體驗，不然晚飯飯市人流超旺，個個姐姐都好忙碌，但每個姐姐都好用心，服務非常之好，真係要俾個贊佢地!👍溫馨提示大家:⭐️「$1片皮鴨+$1 羊腩煲」呢個優惠系限定架🗓️優惠期由1️⃣2️⃣月9️⃣號去到1️⃣月

從來冇諗過會去一間咁差劣的酒樓 ‘紅樓‘，呢間垃圾級的酒樓，今日中午12:30 去到，拎咗張8人枱飛等位，由去到至下午1:30 ，整整一個鐘頭，8人枱至12人枱的飛號，從來冇叫過，拎咗飛的我不斷追問，幾時有枱，點解可以一張飛都冇叫過，果啲服務員淨係叫我地等，等到我發火問佢地，佢哋先話比我知，要留枱比預約的客人，所以冇哂大枱，有枱都要留坐，頓時我火都嚟，咁係咪啲拎飛客人唔係客，所以成個鐘都冇叫過大枱飛，的人就係度呆等，結果，我哋鬧完佢哋咁差的安排，反省下啦！我哋冇再等………走人，以後唔再幫襯…….. 服務水平、安排入坐實在太差劣⋯⋯超負評😤😤😤😤

因為屋企人住附近,貪方便，第一次去，今晚同屋企人去食生日飯，入邊位置寬敞，整潔乾淨，食物質素唔算話好好，但OK不過不失，價錢實惠，尤其是嗌咗半隻片皮鴨都係$38，真係超抵，服務態度仲好好，侍應都笑面迎人,呢個真係抵讚👍🏻

好耐無去鑽石山，今日朋友約去飲茶，出地鐵站居屋同商場都未入曬火，朋友話哩間酒樓疫程前已經有。睇裝修都系幾屋村，乾乾淨淨，面積真系好大，系灣角比較多。差不多三點去到，有超過9成檯有人坐，都應該OK。睇餐牌下午茶吾算便宜，炒粉麵除了4個特價，其他都幾貴，部分點心就孖寶優惠。本來有個tea set影得幾吸引，但想下蒸野放系度就凍曬，其他野得一件兩個人好似比較要分得麻煩。等左15分鐘左右有，山竹牛肉— 有牛肉味，有彈力，蝦餃— 蝦都算爽，但皮比較厚同韌粉果— 涵料吾多無乜味—最失敗個皮真系好厚同軔，可能哩間師傅對做個皮要落多d心機。鳯爪排骨飯—個返覺得有小小生米，其他正常。哩個價錢都算OK啦！。

生炒骨脆脆地有口感，本身諗住試麵包蟹粘米餅，可能因為8:30後話冇晒，經理就轉左龍蝦俾我哋，唔使加錢，服務員好好最尾主動送糖水，幾仲意個懷舊裝修，冇乜人靜靜地傾吓偈都幾好。泊車實有位

今次8人一枱，安排嘅位置竟然係一個要拎櫈拎枱嘅房旁邊，有幾次成張櫈幾乎撞左落食客嘅頸部，距離係非常近。我地向酒樓反映，侍應完全無反應，10問9唔應，服務態度好差。而且餐車出入完全唔理食客，幾乎撞到人，非常危險。經覺今次，真係唔會再嚟食，即使係街坊酒樓，都唔係咁嘅態度。唔係熟客就唔係客人？要求已經唔係高，只係講緊安全姐。如果大家屋企有長者，小朋友，真係唔建議嚟食。真係好危險，食個飯都係為填包個肚，唔係想有咩意外囉。

本身想嚟試吓佢個中式鳥籠下午茶今日係初十五 原來新年期間暫停..不過都見好多人叫點心 可以試試可能今日係星期六 而且又係新年假期所以我哋等咗約20分鐘先有枱好在就算得我哋兩個人都冇安排搭枱- - - - - - - - - - - - - - - - - - - - - - - - -1. 紅樓煙燻燒鵝王(例)呢度燒鵝係用咗荔枝柴燻製肉質會多陣煙燻味隱隱約約似係果木香氣被荔枝柴燒過表層都特別脆金黃色嘅脆皮 加上有啲網紋賣相都幾吸引 難怪係招牌菜食落有啲肉汁 唔會好乾而且裡面唔會好多肥肉2. 中點(桂花紅豆糕)有15款中點 包同甜品較多 每份$30.8想再平啲可叫小點 每份$27.8叫咗桂花紅豆糕 佢分咗做上下兩層上層有啲杞子桂花 下層就係紅豆味道唔錯 散發淡淡桂花香氣加埋紅豆 食落感覺係香香甜甜咁會交替咁食到杞子、桂花、紅豆時軟時硬 口感都幾豐富3. 大點(紅樓金蝦餃、櫻花蝦燒賣皇、紫薯鹹水角)有25款大點 蒸點同炸較多 每份$33.8叫咗紅樓金蝦餃、櫻花蝦燒賣皇、紫薯鹹水角紅樓金蝦餃同間店名一樣咁紅透明紅色外皮配上金箔 覺得好有特色入面包住好大粒嘅蝦肉 爽脆彈牙櫻花蝦燒賣皇都好大粒

一早訂20.00食飯，19.45你去已經去到，要等到20.30先可以入席，經理態度非常之差，道歉都冇，訂了一圍個西施炒飯，完全唔夠12個人分享，個經理居然話六圍同12圍都係咁嘅份量，完全冇好嘅體驗，仲要洗咁多錢，食第二間好過.簡直係俾錢受難

個個都話吃貨的世界無國界，今日就一試鑽石山嘅「紅樓」，嚟個地道又豐盛嘅飲茶體驗。首先嚟個燒鵝皇，外皮脆得嚟又唔肥膩，咬落滋味逼真，簡直係鵝中之皇呀！再嚟個蘿蔔絲酥餅，每一啖都係脆脆地，蘿蔔絲嘅甜味同酥皮百分百夾，難怪係人氣選擇。講完咗鵝皇，又點可以錯過原隻鮑魚燒賣呢？大隻Fat晒嘅燒賣，唔夾雜任何菜蓉，純粹鮑魚與豬肉嘅鮮美，真係夠晒real。豬仔叉燒包同兔仔芒果糯米糍都令人忍唔住揸起手機影張相，唔單止得意，食落更加係兩個字 – 正！喉響話你知，個紅米瑤柱珍珠雞簡直係驚喜滿滿，紅米加珍珠波波，對口感嚟個大滿足咋！飲茶對我嚟講，唔單止係食嘅享受，同埋係同三五知己共聚嘅樂趣，「紅樓」準冇錯，下次勁推介吓朋友嚟試喇！🤗🍵👌

週末有時會一家去飲茶🫖因為兩個小朋友都鍾意食中式點心，蒸包饅頭 蝦餃燒賣估唔到中式茶樓都有打卡嘅High Tea Set🤩呢個鳥籠點心🥧包含多款精緻甜點鹹點🔹紅樓蝦餃🔹杞子桂花糕🔹櫻花蝦燒賣皇🔹芒椰晶球凍布甸🔹蘋果玉桂叉燒酥 🔹鮑魚叉燒撻🔹竹炭黑金流沙包🔹紫薯鹹水角另配一壺花茶🌸我地選擇咗 桂花烏龍，陣陣清香額外加咗蘿蔔糕，叉燒腸粉，小朋友至愛💜仲有一份，爸爸最愛嘅 招牌煙燻燒鵝🩵#飲茶 #中式餐廳 #香港美食 #茶樓 #九龍區#酒家 #鑽石山 #啟鑽商場 #新蒲崗 #酒樓#鳥籠點心 #週末親子遊 #一家大細

屋企人飲過幾次茶，話啲嘢好食，所以book咗dinner食半圍菜試下佢個賀冬宴。一叫起菜，佢真係八道菜一齊嚟，張六人枱擺到滿哂，同時間競賽，睇住啲餸凍。有兩個女侍應真係成餐飯嘅焦點，簡直係人中之鳳s。合埋眼落碟菜，一嘢打瀉碟醬油當冇事發生。跟住另一邊夾硬落碟冬菇鴨掌，隻碟好大，掃冧咗我罐未斟哂嘅啤酒，張枱濕哂，我條褲又滴到，sorry都冇句就走咗去。其實隔離有張枱仔放茶壺餐牌，你放碟餸上去一陣，執空個位先上枱唔嘥你好多時間。問佢儸隻匙羹，我睇住佢一路行過嚟一路用隻手指公係咁捽隻羹，心諗傻的嗎。食咁多道菜，碗碟一定又有汁又有骨，冇人諗過要幫我哋換下，要自己開聲。個女侍應好嘢，捧住六隻乾淨碟，好唔願意咁行咗兩轉幫咗五個人換碟，第六個人因為坐得離佢最遠所以冇幫手換，然後佢儸住第六隻乾淨碟行返pantry。我要再開聲佢先肯返轉頭換埋第六隻，佢前後行咗三轉。我已經放棄再等佢儸碗畀我，自己喺隔離枱拎算。埋單嗰陣，儸咗個盒打包只係食咗少少嘅糯米飯。見裝唔哂，所以問儸多個盒，分兩盒裝。人中之鳳搭爹同我講“一個盒都裝得哂啦”。Sorry囉，要麻煩你，但重點係第一個盒唔係人中之鳳儸畀我嫁wor，跟住佢去儸

華麗蟹逅大閘蟹宴大閘蟹x2(約4両,公)好味指數 4/5 🍭🍭🍭🍭{蟹很新鮮 蟹膏很香 但不飽滿 每位有兩隻 餐廳預備好剪刀和濕紙巾 可供使用}大閘蟹黃燕窩好味指數 4/5 🍭🍭🍭🍭{賣相不錯 每口都飲到蟹黃香}大閘蟹蟹粉黑魚子蝦球鍋巴好味指數 4/5 🍭🍭🍭🍭{鍋巴香脆 蝦球爽口彈牙 配上蟹粉醬汁 整體口感好豐富}蟹粉仿翅餃2隻好味指數 3/5 🍭🍭🍭{味道其實不錯 每位有兩粒 皮薄餡多 只係蟹粉既味道就食不出}紅樓兩小碟煙燻燒鵝好味指數 4.5/5 🍭🍭🍭🍭🍬{燒鵝肉汁很多 外皮還很香脆 肉很緊緻 鵝味香濃}金磚脆豆腐好味指數 4.5/5 🍭🍭🍭🍭🍬{這款小食非常推介 外表非常香脆 像食薯片既脆 裡面軟身 豆腐味很突出}鮮蟹肉干燒蟹粉絲煲好味指數 2.5/5 🍭🍭🍬{蟹肉不多 粉絲太乾 很多都黏在一起 食到最底還有很多油}大閘蟹蟹粉香蔥上海麵好味指數 2.5/5 🍭🍭🍬{醬汁很少 蟹粉香亦不多 整體很淡味}薑汁湯圓驅寒薑茶韓

上星期五（24/11/2023）一家四口和朋友一家三口到鑽石山 紅樓食晚飯。七點到達，準備order所謂：特價片皮鴨及羊腩煲，可惜server話片皮鴨沽清，只有羊腩煲！冇辦法啦，唯有叫其他小菜，7:30左右，大部份小菜已上齊，不要說味道了，問server攞多一碟 腐乳醬，她說要收十蚊，而所謂特價 羊腩煲只有羊腩六/七件 小小的羊腩，先前order的蒜蓉蒸班頭腩 吹咗五/六次，1️⃣個半小時還未到，看見那些Server及經理，要理不理！🙈🙈服務遠遠不到位，又要香港點樣留港消費呢？而且收費也不便宜，四個大人三個小朋友，茶芥收七個人，差不多兩千元埋單，還是上深圳吧！失敗加失敗！

近年鑽石山落成嘅啟鑽商場裡面呢間酒樓，位於港鐵站上蓋深受街坊同附近打工仔歡迎下午茶時段座無虛席不過店員好有效率，好快就安排入座✨燒鵝之前見youtuber介紹過呢度嘅燒鵝確係好有水準外皮燒得香脆．油脂分佈均勻沾上醬汁更能觸動味蕾假日點心都好抵食，揀兩款孖寶點心都係$42.8姐姐推車仔送上時，出哂煙熱辣辣✨蜜汁叉燒腸幼滑嘅腸粉皮厚薄適中包著裡面叉燒都幾足料✨香芋鴨腳扎呢度嘅鴨腳扎飽滿又足料腐皮包著原隻鴨腳．芋頭．豬肉✨山竹陳皮牛肉球簡簡單單嘅牛肉球添上陳皮令味道更豐富底層仲有蔬菜墊底✨骨膠原牛孖筋滑溜溜嘅牛筋口感軟腍．補充骨膠原嘅最佳選擇✨醬汁蒸鳳爪鳳爪嘅醬汁係靈魂味道濃郁．墊底嘅花生都入哂味✨ 鳳爪排骨煲仔飯因為鳳爪好味．我地再追加煲仔飯排骨肉好嫩，唔會硬柴柴份量都幾多✨紅樓蝦餃皇通透嘅餃皮唔會太厚裡面盡是鮮蝦肉．非常飽滿+$14.8 真係好抵食假日都咁抵食下次再嚟，一定要試下午茶推出嘅"鳥籠點心"