影片
以上资料只供参考，请与餐厅确认详情
$68防疫套餐，有湯、薑黃飯、咖哩牛腩（仲有得揀其他肉）、西洋菜蜜。薑黃飯真係好足料嘅薑黃，咖哩味都好濃，牛腩望落黑媽媽以為會好乾，但咬落原來好林，啲肥脂都溶晒。西洋菜蜜就澀啲。食完個人好暖，仲送左支消毒洗手液。蒜蓉汁雜扒餐都好夠份量蒜蓉汁好味，扒都好大塊
继续阅读
今日天氣非常好，係慈雲山做完運動去食堆個靚晚飯，今次就揀左Red Rice食。雖然早食飯（6點9左右），但都有唔少人係餐廳，好彩一個人都易搵位....坐低後，當然睇menu(又忘粥影相）。有咖哩飯、蛋包飯、鐵板餐等等...因為好肚餓，所以揀左個鐵板西冷扒7成熟食，跟白湯，飲凍奶茶。白湯就正路野冇咩特別，凍奶茶就有點失色（可能d冰溶左？有點溝了水的味道）不過個扒不錯，唔會太膠，又做到7成...咬落淋淋地幾入味...可以再試...成個餐唔駛$90，算是平民扒餐，都抵食...食完好飽。
继续阅读
蕭若元作為香港中伏界的KOL，原來佢有開好多間冰室架，今次黎到慈雲山的原因是因為行完獅子山，就要吃個午餐啦～下午茶餐都幾抵食，加埋凍飲先４５元，仲要好大份，呢一點必須大讚。提供凍谷咕的餐廳越黎越少，呢杯好入味非常足料，好好飲；凍奶茶就太甜，味道正常。牛肉漢堡蛋包飯：牛肉漢堡及黑椒汁絕對出色，但蛋太熟及米飯唔好食太濕，呢一點扣好多分數。焗豬扒飯：作為王牌會有期待，不過跟兒時相比的大家樂比較，還是差少少，因為米飯明顯不是炒飯，純粹是普通飯加蕃茄醬然後焗，芝士又不夠多及焗得夠，而豬扒切好哂一片片就好方便。價錢公道、味道就部分好部分差、飲品唔錯，合格有餘，可以一戰。
继续阅读
本來好想支持黃店但食物水許實在太差勁只得價錢可取. 下午茶order左1)奶醬多 熱央 2)薯條係要加$5 奶醬多賣相還可以但多士一上台不脆不熱. 薯條更差勁唔知炸起左幾耐 得個硬字 熱都唔熱. 仲有杯熱央都飲唔落. 少有茶記熱飲差成咁. 亂咁沖. 茶無茶味, 啡無啡味. 全台3樣野無樣食得入口 都算小見. 仲有問樓面攞沙律醬居然話只得千島醬. 真係暈一暈. 希望你們真的可以改善下食物質素咪以為慈雲山人唔識食. 我一向都好小寫食評 但真心想你地好才狠批.
继续阅读
焗肉醬意粉味道很淡，除了表面那層芝士，下面的意粉都沒有味道，肉醬沒有存在感，不好不壞，失望。雞蛋三明治蛋挺足的，可能有3個蛋吧，包皮沒有煎過，可是也沒有味道，雞腿有血，而且流在盤子裡了，吃下去有血腥味。
继续阅读