紅茶冰室

营业中

休息中

點了紅茶的外賣做晚餐，結果出乎意料之外的好，首先送餐速度很快，不用等一會便可吃到晚餐，相當的幸運，感謝餐廳辦事效率很高。點了招牌公司三文治，覺得這道招牌菜最能反映餐廳的質素，結果並沒有令我失望，首先份量很大，用料很足，而且質素很高，除了一份厚厚的三文治和滿滿的餡料之外，還有炸薯條做伴菜小食，而且提供茄汁，實在相當細心。薯角起來有薯仔的香味，味道很香，是炸物的香氣，香味十足，單吃已經原汁原味，也有足夠的香味調味，有茄汁更是錦上添花。正餐三文治份量很足，二人吃都夠飽。餡料滿滿，用料新鮮，非常精彩。多士還烘底，外脆內軟而不油膩。麵包上還塗上了牛油，吃起來特別香口， 牛油亦起了保護作用，讓麵包皮起來不會太軟或太濕。火腿的鹹香味剛剛好，不會太咸太淡， 跟芝士的味道是絕配，實在是十分好吃，只上上之選。送來是芝士還是半融，所以特別好吃。

已經試過三次夜晚食飯，收銀專登找小$10至$20不等相信員工手腳不是太乾淨，晚飯$154我給$200找續他竟然找我$34出道門口發現找少了再入去跟她說，她還扮想拿第二張單說沒有找錯

外賣嘅得一個，整好又唔講，要我主動見到個外賣袋先入去問，出面太陽曬到傻又睇唔到入邊咩樣，喺門口又見唔到個外賣，同店員你眼望我眼之後又走咗😅平心而論個早餐係冇問題，之前堂食出餐都快，明明之前外賣都會走出個餐廳叫人，而家叫都唔叫，要個客通靈，唔想做我生意可以出聲唔使放我喺太陽下曝曬30分鐘

之前嚟食嘅感覺很好，確實同意紅茶係近年茶記質素標竿，亦都睇到市場接受程度，令呢個品牌成功不斷開舖。今日有時間去食一份早餐，嗌嘅係沙爹牛肉通粉+丹麥酥配炒蛋+凍鴛鴦。沙爹牛肉通粉 - 之前香濃嘅金寶雞湯底明顯淡了、沙爹牛肉嘅香濃亦退卻了不少。丹麥酥配炒蛋 - 丹麥酥質素係保持到，但係份炒蛋已經唔再有嫩滑嘅感覺，只屬粗製濫造嘅一般貨色。凍鴛鴦 - 一擺低嘅時候我以為自己睇錯，白雪雪到好似好立克咁，攪勻咗之後先至似返啲樣。味道方面啡味唔夠、茶味太淡，係成個早餐入面最失望。

平時見好多遊客去尖沙咀分店，其實作為本地人都未去過，今次見九龍灣有就食下。好多茶記通常11點就無早餐，呢到去到11:30認真唔錯。試左佢個招牌沙嗲牛麵，$40有嘢飲、麵、丹麥多士同炒蛋算唔錯，而且食落味道都好濃同埋好食，有啲明點解咁多人幫襯！

我一直都好想試紅茶冰室，平時lunch time無論幾多點都係排晒長龍，總係覺得機會唔會輪到我。今日因為返工，終於有機會可以試吓食紅茶嘅早餐，$40早餐大大份，飽到我連lunch都唔使食。今日嘅早餐我揀咗沙嗲牛肉米粉、丹麥包、炒蛋再加奶茶。沙嗲牛肉米粉真係好好食，忍唔住食晒，爭啲連湯都想飲晒，丹麥包超好食，炒蛋就中規中矩。不過我期待嘅奶茶有少許失望，覺得茶味唔夠，不過$40有咁多嘢食，我都要讚吓嘅。

同朋友嚟呢間紅茶食下午茶，知道呢間茶餐廳好多內地人鍾意幫襯，有啲分店會見到排晒長龍，尤其是尖沙咀分店，所以都好少入去食。今日經過九龍灣分店，估唔到呢間原來又唔會太多人，一入去就有位。叫咗兩份下午茶餐，朋友食星洲炒米，好大碟，佢話好正。我自己就食咗個豬扒包配沙律，豬扒包都OK ，不過豬扒唔算好厚，同埋好多醬，沙律就真係麻麻哋，又係一大pat沙律醬配上細細粒紅蘿蔔青瓜粒嗰種沙律，如果我知道係呢種沙律應該食炸薯角仲好啲。兩個餐共93元唔算貴唔算平，整體可以。

餐廳收10點，我地9點入座，都已經即刻點菜打算快快手食完就走。上菜已經唔係快，個客未食完就係咁問食完未，不停趕人走。理解要埋數所以收左錢先，但唔洗好扔個兜係枱面然後叫人畀錢lo。上菜仲好笑，成碟飯就咁掟上黎，好簡單講聲呢兜係乜都唔講，即係原來依加食野仲要自己估下先下，咁晦氣唔知以為餵狗。炒飯又乾又咸，難食到不得了，都未試過幫襯一間餐廳幫襯到咁樣一肚氣，咁唔想做生意不如9點直接閂門算啦,開到10點做乜姐

趕係下午茶時間完結前，叫左邪惡嘅芝士西多士，鹹甜組合perfect～同行朋友order左沙爹牛麵，但略顯沙爹味不夠濃侍應嘅服務態度都幾好，雖然係社交平台推介嘅遊客必吃，但食物質素不差性價比高✨

一開始坐下就比個侍應超差服務我，令我已留下不好的印像嘢食係唔錯，奶茶係少左啲奶嗰西多士一般，正常花生醬係好食好多豬扒包係唔錯，啲肉都好淋好入味薯皇係超好食，可惜係少左啲

📍環境 & 地理位置：呢間分店坐落九龍灣Eastmark商場地下，近港鐵站出口，行兩步就到，九龍灣返工一族嗌外賣或者堂食都方便。不過午市時段例牌爆場，可能一班同事堂食就搵人拎定位先。🍳芙蓉蛋飯：一上枱就見到個蛋鋪滿睇唔到飯，算係足量嘅。蛋皮煎到金黃微焦，蛋層算厚實得嚟都保持到滑嫩，有份鑊氣香。份量嚟講，男士們食都夠飽肚！ 🍚白飯底：略嫌飯底偏乾身，如果水分足返啲就最好喇～ Overall呢邊返工嘅話，點都得閒會食下，始終方便同埋唔洗諗點都嗌到👌🏻

紅茶茶餐廳好食唔係第一日嘅事啦，呢間茶餐廳性價比高，所以喺小红書入邊有好多唔同嘅網紅推介，所以都吸引咗好多國內遊客過嚟食呢間紅茶茶餐廳。今日我食咗佢哋嘅日常晚餐，都係蒜蓉蓉豬扒配芝士肉醬焗青口，首先有兩舊青口，茶餐廳有呢個份量都算係誠意滿滿，其次佢嘅蒜蓉豬扒都係厚切嘅豬扒，而且蒜蓉豬扒嘅味道都好入味。可惜，美足不足嘅事就係個意粉，意粉嘅味道非常之淡，好似冇落調味料一樣，如果佢可以加多啲蕃茄汁，成件事就會好好多。

紅茶冰室一直都係好出名嘅茶餐廳，點咗幾款招牌，特別係菠蘿油真係超絕🍍🍍番茄芝士焗雞扒飯🍅🍅雞扒煎嘚金黃焦香用芝士鋪滿係面上，再搭配上酸甜嘅番茄醬，濃郁嘅芝士味聞到都食慾大開🧀🧀雞扒切開肉質嫩滑多隻，飯粒吸收曬精華，口感非常豐富😋雙拼厚多士🍞🍞厚切嘅方包夾住香濃花生醬同甜蜜煉奶，外層酥脆、內層綿軟，花生醬同煉奶嘅味道融合非常誘人，分量十足☺️菠蘿油✨✨一直都係我心心念念嘅脆皮菠蘿油一上檯非常吸引😍😍菠蘿包外皮酥脆似糖衣，夾住冰涼嘅牛油，牛油同熱辣辣嘅包形成反差感，一啖落口牛油就係靈魂!!每一啖都令人陶醉🤩🤩經典紅豆冰🍧🍧一大杯冰涼嘅冰沙上鋪滿軟綿紅豆，用吸管攪勻，紅豆、同冰沙融合，口感冰爽香甜，紅豆綿密、冰沙清涼❣️❣️

紅茶冰室，位於九龍灣常悅道21號Eastmark地下G01號舖。 星期日下午茶時段，招牌沙爹牛肉麵+ 丹麥蘇+火腿奄列+茶走$54 、 豬扒包伴沙律+熱齋啡$43。 ▫️招牌沙爹牛肉麵+ 丹麥蘇+火腿奄列 ～ 沙爹牛肉麵湯底夠濃，丹麥蘇+火腿奄列水準正常。 ▫️豬扒包伴沙律 ～ 豬扒幾大塊， 大麵包皮好乾又硬。 ▫️茶走 & 熱齋啡 ～ 飲品跟餐，味道一般。 九龍灣常悅道比較少餐廳， 有紅茶冰室做選擇都是不錯的。🏷️溫馨提示～ 整個用餐體驗均屬個人分享意見， 只作參考😊。

我遇到了一位服务态度极差的男生。他的态度极其恶劣，让人难以忍受。无论是询问问题还是提出需求，他都显得极不耐烦，仿佛我们是来给他添麻烦的。这种不尊重顾客的行为，实在令人不悦。希望相关方面能够重视此事，提升服务质量，让顾客得到应有的尊重和关怀。