影片
营业时间
今日营业
07:00 - 23:00
星期一至日
07:00 - 23:00
以上资料只供参考，请与餐厅确认详情
食家推介
呢间红茶餐厅食过几次，今次忍唔住要俾评论，对比荃湾广场红茶，大窝口呢间明显食物比较咸好多，究竟系糖同盐落错？定系厨师个味觉比较差？个炒饭食一半就真系顶唔顺，成碟XO叉烧炒饭只系得个咸味，失败中嘅失败。之前食嘅咖喱鸡扒饭𠮶块鸡扒又系咸到乜咁，呢个炒饭又系劲咸，我自问都识得咸都顶唔顺，为咗健康唔会再帮衬啦，远离劣质。再讲吓个环境卫生真系麻麻哋不太理想，周围好多食物碎，之前夏天试过不停俾嘢咬，类似啲昆虫啊蚊𠮶啲，写埋呢篇嘢呢间嘢唔会再帮衬
继续阅读
路过见到附近无咩餐厅选择,见到间红茶就入左去,晚餐只系得一个牛扒餐,就同老婆叫左两份,落完餐就去左厕所,大约一分钟度,一返到位...唔系挂,咩都上晒,牛扒,汤,餐饱,系野饮未到,我眼都突埋出黎,唔洗咁快挂...一饮D汤.....一D都唔热,暖都讲唔上,再食个扒.唔系讲笑,我真系未食过一块可以难食到呢个地步既牛扒,唔热,微暖,完全熟晒,重干到又硬又鞋,十足掉落水由佢煮返一粒钟咁,我老婆都一路食一路话好难咬,唔食啦,唔讲真系唔知自己食紧牛扒,有无街坊系果边食过,点解难食成咁,都生存到??旺角红茶我都去过N次,第一次去大窝口食竟然可以难食咁多.真系唔系讲笑.简直用劣食黎形容都侮辱咗劣食两个字.试过就明.
继续阅读
每次去到茶餐厅都人山人海好大机会，要在店舖面前排队幸好是职员没有强行搭枱二人前往多数都能坐一个卡座食物质素老实说是还可以的特别是常餐特餐等都唔会令人失望保持到食物水准令人惊喜的是菠萝油售价只是$10 趁他新鲜出炉时order 牛油包溶得彻底👍
继续阅读
今日个仔返晏，就比佢瞓晏啲然后去食个brunch再返学，红茶冰室十一点半前仲有早餐，阿仔就叫咗个假鲍鱼丝火腿通心粉，配餐包煎双蛋加杯热饮，我就懒系健康叫咗个北海道牛奶藜麦粥，配蛋治热奶茶。呢个藜麦粥嘅口感认真麻麻，唔知点解叫北海道牛奶，唔觉得有加入牛奶去煮，完全冇味道，上枱跟咗一杯仔炼奶，本来都系想食健康啲但再加炼奶就完全违背咗呢个原意但冇味真系好难食，好彩件蛋治十分出色，奶茶亦都唔错。下次都系叫返沙爹牛肉面或者通心粉或者佢嘅全日早餐。
继续阅读
红茶冰室系大陆网站的著名网红餐厅，所以吸引到好多人国内人士过嚟食嘢，同埋顺便打个卡，餐厅见质素同一般嘅茶餐厅冇乜分别，一个下午lunch套餐大约系要$70，会配一个餐汤，同埋饮品，如果要饮冻饮，就要加多$3。今日食咗个黑松露鱼柳焗饭，黑松露酱嘅香味浓郁，鱼柳嘅份量都好大块，配咗个餐汤同埋热柠茶，都几好饮，仲有叫咗个咖喱牛筋腩饭，咖喱好香好浓，牛筋腩嘅份量都好足够好多，不过如果唔跟套餐，冻饮就要加$6。
继续阅读
您可能会有兴趣的...