影片
炸鸡翼配沙律好好吃，好。吃到超出预期。今天又去了红豆餐厅，这里已经变成我经常去的饭堂之一，因为地点很便利，每次去玩board game时都会经过这间餐厅，所以顺利成章经常去这里医肚。这次点了下午茶，有鸡翼，沙律和饮品，以这个价钱来说相当丰盛，二人吃都食到饱饱。鸡翼炸得相当好，鸡翼尖的部份是最难炸得好的，结果论炸得相当好，尖啄部份都没有炸㶶，亦没有发黑发苦，完全彰显专业技术，而且虽然是白肉，但吃起来充满汁水，一点也不干不嚡，亦没有我最怕的雪藏味。沙律吃起来相当清爽，一解炸物的油腻感，吃完倍加开胃，不得不赞餐厅设计这个组合，是绝配。而且还有饮料加持，这个餐吃起来很顺口，亦相当满足和饱足
继续阅读
下昼四点几嚟到，见下午茶餐都几多款式选择就入咗去。两个人，叫咗瑞士汁鸡髀+沙律+热华田、沙爹牛肉包+热奶茶。瑞士汁鸡髀个汁嘅味道系几好食嘅，但系只鸡髀就硬过我条命，啲肉好鞋，我以为自己食紧煲汤嘅瘦肉，怀疑佢哋系咪由朝早开舖煮到下昼四点🙃沙律系杂果沙律嚟，一摆落口有阵酸宿味，所以冇食到。沙爹牛肉包几正常，牛肉嘅份量都ok。不过杯奶茶就好唔掂，非常非常之涩。最后食完沙爹牛肉包同埋热奶茶嘅朋友，一晚屙咗几次。呢间嘢真系冇下次。
继续阅读
揾食肥华知道此店嘅下午茶特价时段，有多款碟头饭餐供应，所以在2O25年6月18日肥华约定靓妈，放工后到此店食下午茶当为晚餐。肥华今餐点咗个，枝竹火腩饭加一杯餐饮热华田，靓妈就柯打咗一两客豉汁凉瓜牛肉饭，餐饭系热柠水。肥华认为此店今日呢两个下午茶饭餐质素，可以讲祇系一般两𩠌饭水准，讲好食冇佢份，话难食又唔到佢，不过呢餐肥华靓妈，系以长者身份光顾此店，所以有九折优惠以咁嘅价钱，可以坐得舒服又叹埋一杯餐饮，兼有人服务呢餐值。👍🏻👍🏻👍🏻
继续阅读
叫外卖 好似 唔想做咁问佢有咩晚餐， 佢答无转。 系都唔肯讲有咩餐。又讲有特餐 常餐。 好似欠左佢咁款。 态度 不良。你唔系预期我地叫外卖 系知道系地餐牌有D咩？要背你地公司既产品？/
继续阅读
其实日日返工都会行过呢个商场，都一定会经过呢间茶餐厅，曾经试过一次同埋同事谂住嚟食早餐，入咗去发现啲嘢唔系好啱食就返出嚟。今日喺门口见到佢哋有蒸饭，我钟意食蒸饭，因为感觉好似健康啲，同事话入去试吓佢哋嘅午餐。我叫咗虫草花蒸鸡午市套餐，有个例汤同埋有杯嘢饮，我要咗热柠水，同事叫做好邪恶嘅回锅肉。啱啱呢段时间做紧优惠，叫两个午市套餐就会送一碟菜。啲鸡味道okay啦，鸡肉质感一般，回锅肉味道较浓，睇相都见到好多油。不过午餐嘅份量就真系几足。餐厅装修冇乜特别，唔知系咪俾咗钱佢哋做广告，墙上面𠮶啲poster全部都系同某个牌子嘅罐头汤有关。😅
继续阅读