紙飛機親子空間

营业中

休息中

近來啟德體育園已經開幕啦 趁呢個機會約咗朋友去啟德郵輪碼頭影吓相 中午揀咗去呢間親子Cafe食飯 食物選擇比平時的親子Cafe多而且大人唔需要入場費 只有最低消費比起唔少親子餐廳性價比更高環境非常寬敞，分別有用餐區及玩樂區，遊樂設施都比較豐富，例如煮飯仔和角色扮演的玩具都好多樣化，小朋友可以發揮創意慢慢玩小朋友有兒童餐可以揀 亦都可以同大人share食物蔥油雞啖啖肉 豉油好正 肉質也不錯印象中好似都係$100左右 價錢合理蔥油拌麵 🍜味道和上海餐廳好相似 蔥油幾香 幾十蚊抵食食物方面我哋揀咗幾款，大人和小朋友都啱食滷肉飯屬於半肥瘦 有點像我在台北吃過的個汁幾香 唔會太鹹 環境都係好舒適 座位之間比較寬敞我哋聖誕節嗰排去 佈置得好靚遊樂區 有好多玩具俾小朋友玩大人又可以慢慢傾偈

今日帶小朋友去咗紙飛機玩，雖然郵輪碼頭交通唔多，但估唔到呢度有咁多嘢玩，尤其啱三歲左右嘅小朋友。呢度嘅收費模式係，小朋友平日每位收$138，成人最低消費$150，可以叫嘢食或者飲品。每日分幾個時段，中間有清潔時間。帶小朋友嚟玩，爸爸媽媽可以坐低食嘢，食物質素勁高，好似茶餐廳價錢，但水準完全係大廚級別。我哋叫咗個咕嚕肉同小炒王，大約$300左右，分量大且味道一流，咕嚕肉脆皮好有咬口，小炒王材料豐富。呢度環境設計亦非常好，唔同嘅遊玩區域包圍住餐廳飯枱，小朋友玩得開心，爸媽可以安心坐喺度食嘢。除咗交通問題，如果講環境同食物，呢度真係一百分！真心推薦畀大家。

昨天放學後，帶囡囡去了紙飛機親子餐廳，一家以中菜為主打的親子餐廳，位置就在啟德郵輪碼頭頂層花園平台，環境好優閑，在市區但又好像遠離煩囂的都市，同時餐廳非常現代，是以玻璃屋的設計，而場內的遊玩設施都是選用木材，簡約得來又帶有時代感，最特別的是，場內更設有兩層高的閣樓和波波池，小朋友儘情地玩。而且，餐廳還會在不同的節日舉辦不同的主題，例如10月份這裡的萬聖節主題活動，餐廳內怖滿裝飾的裝飾，還有各種主題服裝供小朋友穿著拍照，10月20號仲有萬聖限定手工粘土工作坊可參加喔! 女兒玩得不亦樂乎，尤其喜歡廚房區和超市區，這讓她能夠發揮想像，享受入廚的樂趣。當她玩累了，我們就在中間的餐廳區享食午飯。我們點了一份兒童餐，裡面有可愛的卡通包、蝦仁炒蛋、鮮茄蘑菇燴麵和健康冷壓果汁，既營養又吸引小朋友，女兒都對這些美食讚不絕口，女兒尤喜歡卡通包及蝦仁炒蛋，滑嫩可口，讓她吃得特別開心。另外我們還點的黑松露炒飯味道也非常美味，粒粒分明，味道濃郁。

今日去咗啟德郵輪碼頭，帶埋小朋友去放電，去到突然落雨，見到有間叫紙飛機嘅餐廳，仲有啲玩具可以比小朋友玩，就入去試吓啦餐廳主要係食中菜，小朋友要俾入場費，大人就有最低消費，啲錢可以拎嚟嗌嘢食~而家佢哋仲做緊抽獎，分分鐘贏到海洋公園飛！上海脆鱔好香脆，前菜醒胃酸辣湯一碗，好精緻，酸辣味好夠！青檸杏仁蝦球鮮炸蝦球，配上醒胃青檸醬同埋香脆杏仁蔥油拌麵好簡單嘅一碗麵，但係醬汁超好味，蔥油味香濃，食到停唔到口有好多玩具玩，小朋友都玩得好開心，推介一家大細去

今日約咗個朋友帶佢個囡囡一齊嚟玩呢間紙飛機，以前我帶囡囡嚟過，佢好鐘意，又有得玩又有得食。閒日唔算太多人，反而可以同朋友好好傾計，又望到小朋友2個自己玩。首先畀佢哋兩個自己玩一陣，呢度有角色扮演（有公主衫），彈床，煮飯仔，車仔，波波池，佢哋兩個入到嚟都好興奮！玩咗一陣之後就肚餓，咁我哋就叫嘢食，真係夠曬方便！叫咗個兒童餐畀佢地，除咗有果汁，仲有個得意造型嘅豬仔蒸包，炒麵，生果，雞蛋同蝦等等，唔會落太多調味，有為小朋友考慮亦都好符合媽媽要求！小朋友轉頭食完嘢之後就玩下靜態少少嘅煮飯仔，大大個煮食區，好多食材選擇，玩煮飯都煮成個鐘呀🤣🤣佢地食完玩緊期間，就到大人開餐，叫左個台式滷肉手工麵，個份量多到嚇親我地，手工麵有咬勁，Q彈好好食，配埋滷水湯汁，滑溜溜好味道。至於滷肉同樣好食，有肥肉香又似滑啫喱，同時有滷入味嘅豬肉，好滋味又邪惡！一路同朋友傾計食野，小朋友又有自己玩耍時間，嘆埋杯抹茶飲品，輕鬆舒服！

香港的親子餐廳唔多想揾一個可以比小朋友玩又可以食野真係唔易好彩我朋友介紹我去一個雖然遠啲啲但入面玩的類型也不少的而且又有哺乳室帶Bb去都唔驚唔知邊度餵奶好佢個餐廳一入場都要除鞋嘅同埋一定要著襪不過冇著襪都唔緊要因為現在可以用$10 買一對入面有好多野比小朋友玩有衫仔角色扮演、有跳彈床有車仔、有滑梯同波波池仲有男仔同女仔都岩玩嘅煮飯仔我仔太好動所以佢主要玩滑梯🛝一歲以上嘅小朋友入場要比$138可以玩2小時45分大人就免費入場但餐點就有低消$150啲價錢就係中規中矩但食物質表係唔錯份量都好大因為一路食一路玩所以食物由熱辣辣食到凍冰冰但係冇令到食物質素下降凍左都好好食我地點左蜜椒汁雞翼$88本身炸到脆脆加埋個汁甜甜地大人細路都岩食超凡黑松露炒飯$98份量好大同埋黑松露都幾多走鹽原味魚湯飯$68呢個唔錯因為勁多蝦佢附有鹽 可加可唔加返璞歸真葱油拌麵$48呢個勁正因為葱油味好香又唔會咸加上啲麵唔太硬小朋友一定鐘意食低温香烤牛肋骨$238呢個勁有驚喜因為佢係成條大條嘅牛肋骨上啲肉已經起埋切左一片片方便左我地食配上粟米粒同埋薯角兩個人食都夠啊！而家入黎玩仲可以抽海洋公園門票非常抵！滿$388就可以抽

今日去左啟德郵輪碼頭嗰度食左一間親子餐廳我覺得嗰度其實比較岩幼稚園小朋友玩因為啲玩具都好迷你煮飯仔、角色扮演、坐車車仲有小朋友一定鐘意嘅波波池小朋友入場費係$138，可以玩2小時45分大人就免費入場但係就要低消$150我地入到比Bb玩左陣先跟住就開始點餐餐點好快就到齊玩左陣洗完手再食野我地叫左兩個飯一個麵同兩個小食小朋友仲可以有一杯免費的牛奶～返璞歸真葱油拌麵呢個麵大人細路都鐘意倉咸香得黎唔太咸葱油香濃另外嗌左個超凡黑松露炒飯成個飯勁多配料都唔少有紅蘿蔔粒、西芹粉、蛋絲切到細細粒方便小朋友食嗌埋走鹽原味魚湯飯因為想食啲濕濕地嘅野呢個飯不得了因為上面勁多蝦仁🍤唔加鹽加鹽都好好味而家入黎消費仲可以抽香港海洋公園飛！暑假限定消費滿$388 就可以抽一次獎！📍紙飛機親子空間 (九龍灣)九龍灣承豐道33號啟德郵輪碼頭B區北面平台

暑假時間咁長，一放假就想帶兩個女周圍去，今次咁黎左連我都未黎過既啟德郵輪碼頭😲唔講唔知原來呢到有間親子餐廳我地平日黎玩人比較小，小朋友可以盡情咁玩😆紙飛機地方都幾闊落，仲有好多玩樂設施，波波池、煮飯仔區域、角色扮演、滑梯、彈床，小朋友鍾意玩既都有齊而且呢到既燈光好好，影相好靚📸因為唔算好肚餓，我地叫左個兒童餐、酸菜魚、雞翼同一杯野飲兒童餐好豐富，有湯、烏冬、動物造型飽、蝦仁同蛋仲有飲品添，兩個女都好鍾意食🤤而我就比佢既雞翼同酸菜魚驚艷到！雞翼上枱時聞到個汁好香，食落先知原來有炸過，已經撈左汁仲keep到脆脆地既口感，雞翼入面都仲好滑，味道方面係偏甜嘅調味，大人小朋友都岩食👍🏻我覺得雞翼係必試既小食酸菜魚比我想像中大份，魚肉嫩滑，配料有大量芽菜、酸菜、萵筍、薯粉，味道都出色，辣度剛剛好帶點麻既感覺整體黎講都幾推薦大家黎玩，野食好食😋小朋友又可以盡情咁玩

呢間親子餐廳喺郵輪碼頭，最特別地方係中餐菜式，健康有營養，就算淨係叫大人食物，都有一大半都適合BB食餐廳位於啟德郵輪碼頭B區平台，搭𨋢上2樓再轉𨋢上R (Rooftop)就到，玩完食完飯仲可以出出面睇日落勁靚。暑假期間限定做緊消費滿$388就可以抽獎，大獎有海洋公園門票，最高價值$2200我叫咗個淮陽獅子頭套餐，獅子頭軟滑唔會太肥，個醬汁濃郁鹹香，配上三色營養飯健康又好食，最正係養生湯同埋水果杯， BB同我爭住食😂🫶🏻 另外我仲叫咗個紅糖糍粑做甜品，新鮮即炸份量都唔少玩樂區地方好大好多不同玩具，動靜皆宜，騎馬坐車、睇書砌Lego、亦有好多爬行空間，仲有馬卡龍波波池BB係咁喺入面游水🤣 地方乾淨，店員友善，包場仲有優惠，十分推薦

又到一年一度嘅小孩放電季節，今次同兩兄弟嚟到有得食有得玩嘅 ✈️紙飛機親子餐廳就喺啟德郵輪碼頭，喺九龍灣過去好近一節遊玩+用餐時間⏰2小時45分鐘↪️先玩一小時放電⚡️↪️然後食飯一小時🍛🍲↪️再玩45分鐘🛝而成人免入場費，叫嘢食就得😆兩份兒童餐🥣營養豐富，更有靚靚餐具🍴🅰️蝦仁炒蛋🍤配蘑菇燴麵🅱️紅燒獅子頭配 紅糙米營養飯每份有蔬菜水果🥦🍊湯係 乾貝海鮮豆腐羹🍲 加上一人一個可愛嘅小熊包🐻健康冷壓果汁🧃大人食：🍍菠蘿咕嚕肉酥酥脆脆，酸甜口味，好開胃🤤🍚黑松露炒飯松露香氣撲鼻，炒飯乾身，粒粒分明🍛台灣滷肉飯豬油香、肉質鬆軟、滷水蛋入味兩大兩小，2小時45分鐘，又食又玩消費$8xx，值回票價啦！

首先啟德碼頭你無揸車5建議入去，時租20蚊無泊車優惠，啟德好似荒島甘無咩車入去。小童1歲以上就要收入場費200蚊一個，大人5洗收，但大人最低消費要180蚊一個人。Menu d 野食野飲都貴到呢，平均d野食百5蚊一個白飯另加，飲品4,5十蚊一杯,但係d野食又凍又5好食，我地3大2小(6歲和1歲半）total 要1100元🥶我地只係叫左1個啫啫雞煲，1碟時蔬，1個兒童餐，和1個炒飯。但我地唯一來的原因只係小朋友有得玩，但真心5建議來。如要帶小朋友來玩，建議去mega box 有playhouse,玩完係個度大把餐廳選擇，又有泊車優惠。5怪得星期六夜晚得3張枱，真係無下次。

難得閒日放假帶小朋友去下啲新地方🤣上網search左紙飛機呢個親子餐廳，所以就即刻沖去試吓。🫶🏼由於係閒日嘅關係，人流唔多😸遊戲玩具方面各式各樣都有，例如係瀡滑梯，波波池，角色扮演，足球嘅枱Games，廚房等等應有盡有，而且用餐嘅地方比較闊落，所以大人可以慢慢食😆Hea住😆小朋友又可以玩佢哋想玩嘅嘢🥶都係一個好地方！小朋友入場每位$138，大人最低消費$150！嘢食方面有驚喜，味道唔錯！我哋嗌咗蜜汁雞翼，上枱已經好吸睛，好快已經比大人細路食晒😂青檸杏仁蝦球即叫即煮，熱辣辣上枱，好彈牙！有意外驚喜😋飲品方面都唔係貴40幾蚊一杯正常價錢，而且都有好多選擇俾你揀😃

今星期我仔幼稚園已經暑假就到了，不用返學了，就帶佢周圍玩下，去左呢間紙飛機玩下波波池食下野。入面好多玩樂設施，有跳彈床，波波池，滑梯，籃球架，廚房煮野食，圖書角，Lego，扮靚靚，揸車車等等，諗到乜都有得玩，而父母又可以坐一邊，一邊食野同望住d細路玩就得，都好舒服。地方乾淨又衞生，我平日去人流都吾算多，不過我諗暑假應該會多人吧，下面有個大停車場，揸車人士好方便，一定有位泊車，非常好玩。食物方面，嗌了兒童餐，很可愛又健康，味道不會太咸，仲有個很可愛的熊仔包，份量很多，小朋友都食吾晒，有支健康果汁，好食。我就點了個炒飯，炒得好好，粒粒分明，香口美味，價錢合理，吾錯。甜品都幾正，同仔一齊食左呢個雪糕窩夫，好多舊，又好食，先是炸了的窩夫很可口，正。整體環境很好，地方乾淨，小朋友玩得開心，大人又食得方心，不錯。

之前已經帶過阿女去紙飛機餐廳🛩️今次帶埋公公 婆婆去玩+食啦～我地揀左黃昏時段去 超正冇乜人🤩包場🤣阿女一入到去已經衝左去玩 真係麻雀雖小 五臟俱全有廚房區、滑梯波波池區、角色扮演區、彈彈床區而且採光度好足，影相打卡好靚✨係親子餐廳嚟講食物真係好高質 出餐又快仲要係熱辣辣🥘份量都幾多！！Menu都幾多選擇㗎☺️仲有兒童餐揀除左有主菜仲有每季新菜 今次嗌埋酸菜魚🐟酸菜魚🐟評分：⭐️⭐️⭐️⭐️⭐️好惹味！！！份量好大 性價比好高👍🏻仲有啲粉條 萵筍係鋪係底好好食😋魚肉質地好嫩滑，聞到都流曬口水，食落真係好惹味～啫啫菌香雞煲🐥評分：⭐️⭐️⭐️⭐️⭐️熱辣辣嘅啫啫雞煲，火喉十足，洋蔥🧅薑蔥一齊熱嘅時候真係有發出啫啫聲🎵配料亦都令到整個雞煲更入味雞軟骨椒鹽脆豆腐評分：⭐️⭐️⭐️⭐️⭐️好好味嘅椒鹽脆豆腐！勁惹味啊🤤上次食過一試難忘今次再嗌，真係做到外脆內軟，雞軟骨都炸得好脆卜卜上湯鮮茄有機豆苗評分：⭐️⭐️⭐️⭐️呢個比較普通🙈原本係嗌比阿女食，豆苗跟木重草青味，所以阿女睇唔上眼🤣

夏日炎炎間中驟雨☀️🌧️搵室內場帶BB放電先得🤣🙌🏻呢間親子餐廳位於啟德碼頭地方頗大，職員姨姨都nice🥰同埋小朋友嘅遊樂設施好齊備：彈彈床、波波池、煮飯仔、揸車車、角色扮演、瀡滑梯、閱讀區等等真係可以玩足2小時45分鐘🤣.👅食物短評【Yummy好味】⭐️⭐️⭐️⭐️.👧🏻👦🏻兒童餐 Set A $128時令水果/ 軟嫩獅子頭/ 卡通包/ 紅米飯/乾貝海鮮豆腐羹/ 健康冷壓果汁寶寶奶泡 $0.用心設計嘅營養兒童餐BB一見到就表現雀躍😛豆腐羮一啖接一啖咁飲🫶🏻.🦐🍊星級腰果宮保鮮蝦套餐 $198🍜返璞歸真蔥油拌麵 $48老上海酸辣湯 $58🍵熱抺茶拿鐵 $45.大人食品都比想像中惹味可口😋宮保鮮蝦有鍋氣，微酸微辣，配飯一流蔥油拌麵軟硬適中，味道唔錯至於酸辣湯真係有酸嘅後勁.餐廳：紙飛機親子空間 (九龍灣)地址：九龍灣承豐道33號啟德郵輪碼頭B區北面平台.