繼光香香雞 (中環街市)

营业中

休息中

今日午飯嘅時候路過中環街市見到炸嘢食，口痕痕，忍唔住口叫咗少少，今次叫咗蒜香雞軟骨，雞軟骨得好少只有三份一袋，但當是小食的話還可以，雞軟骨，炸得尚算鬆脆，是新鮮炸起的，口感都可以，但食不到蒜香的味道。

之前吃過很多次，味道都很好，可惜排隊的人都好多。今次路過見沒人排隊再購買，結果食物質素下降好嚴重，令人失望。聞上去依然很香，但吃起來完全不對：雞塊很麵粉感，不是正常肉質，如同在吃死掉很久的魚肉雞翅肉腥臭，非常不新鮮，避風塘做法也沒能蓋住味道雞腿十分酸，肉變質後的酸味，店員說正常，但是之前吃過多次明明不是這個味道……大腸的屎臭也沒有清乾淨，入口即吐……每一樣都中伏，真是好難得原來現在沒人排隊是有原因的

今日中午試咗繼光香香雞喺中環街市嘅經典2號套餐(香香炸雞 (大) 及蒜脆杏鮑菇 (小)) 同埋蒜脆雞軟骨。呢度嘅炸雞真係脆到爆，香味撲鼻。蒜脆杏鮑菇外脆內嫩，味道都好出色。蒜脆雞軟骨咬起來好正，嚼勁十足。雖然呢啲全部都係超級唔健康嘅垃圾食物，但食完之後咁滿足，真係冇得頂。簡直覺得配啤酒一定係完美嘅組合，可惜今日要返工喺office食。。。食完之後真係有啲罪惡感，不過偶爾放縱一下都無所謂。總括嚟講，如果你可以接受呢啲油炸食物所帶嚟嘅罪惡感，繼光香香雞一定唔會令你失望。

今天未吃午飯便出門去gym, 經過中環街市想買d嘢食填肚便首次幫襯繼光香香雞買了L size 的雞塊，$46。本以為需要站着等一會，點知面無表情講嘢冇尾音嘅店員已經拿紙袋從玻璃櫃內裝好一袋，再向袋内洒些調味料便交給我，我當時已經心一沉！中伏😰立即拿起竹籤邊行邊拮一件試吓，再試第二件，再試多一件，吃了三件都只吃到調味料的椒鹽味，外皮和雞肉都乾噌噌全無肉汁！和麥記的“麥x雞”相比，我第一次懷念麥記的出品。最後無謂難為自己，剩下的都掉落垃圾桶了。絕對冇下次❌

放工特登去咗買繼光香香雞 但係極失望收銀戴眼鏡金色頭髮個位女員工態度超級惡劣🥲🥲😢😢😢😢叫完野食佢隔咗好耐先講話賣哂 仲要勁冇禮貌🤷🏻‍♀️🤷🏻‍♀️🤷🏻‍♀️🤷🏻‍♀️ 🤷🏻‍♀️本身用八達通俾錢 叫佢退錢唔好找咁散 佢唔應人照找散字野食有得拎個陣都冇出聲 要個客自己行過去問俾單number佢睇又扮睇唔到 要客人自己讀number出嚟🤦🏼‍♀️🤦🏼‍♀️🤦🏼‍♀️做野已經慢 態度仲要咁差

🍗炸雞一流，但性價比一般 咁岩行過中環街市，見到繼光香香雞就叫左個套餐食下，我地叫左個2號套餐，分別有香香炸雞同蒜脆杏鮑菇。🥢香香炸雞雞塊大大件，炸得香脆可口，外脆內軟，超多肉汁，即叫即炸，食落好滋味。美中不足就係分量太少，我地都已經叫左大份的炸雞，但炸雞的數量都只有十件八件，每人只食到兩至三件左右，性價比低。🥢蒜脆杏鮑菇杏鮑菇都係即叫即炸，一拎到的時候熱騰騰，超滿足。杏鮑菇的炸皮好薄，外皮香脆，而杏鮑菇就好juicy，唔會炸到乾癟癟。雖然套餐包括的只有小份的杏鮑菇，但份量都唔錯，最少都有八件以上。 總括而言，繼光香香雞食物質素不錯，但價錢偏貴，性價比低。

下就見到無乜人排隊就去幫襯下啦叫左個杏飽菇+炸雞收銀金毛女 十問九唔應問佢收咩payment無反應問佢雞可唔可以要小d辣 無反應又唔講等幾耐 俾個時間我真係咁難咩？見到我d野食有啦，都仲係慢條斯理慢慢整仲要唔戴口罩，一路同隔離講野，一路整我d order，極度之唔衛生幾好食都無用，服務態度好到咁，難怪無乜人幫襯啦😀

繼光香香雞come from台灣嘅炸雞，喺香港幫襯過唔同分店，但係要大讚中環依間👍🏻👍🏻幫襯過幾間，佢係炸得最好嘅一間！我當日係搭緊車就用熊貓平台落定order去自取嘅，無辦法啦，唔鐘意等呀嘛😆買咗佢嘅2號套餐，有個大份嘅香香炸雞，同埋細份嘅蒜香脆炸杏鮑菇，另外再加一個台式迷你腸，係有五條嘅。要大讚佢嘅炸雞，炸漿皮薄，熱辣辣，炸得好脆，雞肉係嫩滑嘅，係好JuicY嘅！炸杏鮑菇都勁好食，又係炸漿皮好薄，不過冇乜蒜香味，如果有兩片蒜片擺埋一齊就會好喇！下次經過都一定會再幫襯！

偶然在逛中環街市的時候發現竟然有台灣的繼光香香雞！馬上就決定買一包來試試 我點了他的中份的 味道吃起來跟台灣的一模一樣 而且份量也差不多 但是跟台灣一樣他的雞是有骨頭的所以吃起來有點麻煩

先講下外觀。脆薯條有一個淺啡色嘅外觀同薯條差唔多，但係粗度比較細，有啲像細條狀嘅薯條。接下黎講味道同口感。脆薯條嘅味道同普通薯條差唔多，都有啲鹹鹹嘅味道，不過我覺得脆薯條味道有啲濃郁，加上佢嘅脆身口感，好好味。脆薯條唔會太油膩，令人唔會覺得好膩口。最後，講下份量同價錢。一份脆薯條嘅份量比較少，但係價錢都唔貴價。如果你唔係好餓嘅話，一份脆薯條就可以滿足你嘅小食口感。總括而言，脆薯條味道同口感都好不錯，有啲濃郁，脆身口感令人印象深刻。不過，份量真係好少，建議如果你要食脆薯條，就要買多啲份量，或者同其他小食一齊食，就會更加飽肚啦。

咁啱係pizza hut買咗個迷你pizza ，覺得淨係食pizza 有啲悶就隨便買啲小食食，平時食依間「繼光香香雞」都係食佢嘅雞，好少話會單點其他小食，但估唔到佢嘅小食水準都唔錯除咗小食之外，仲有啲套餐可以見，不過我已經有一個pizza，所以淨係叫小食咁小食唔需要炸雞咁要炸咁耐，所以落咗單唔使一陣就有得食😋😋甜心地瓜球（9粒）$20 推薦指數🗯️：🌟🌟🌟🌟外層炸到脆香，內裏地瓜又好軟糯，而且帶少許甜，唔係落咗糖嗰種甜，係地瓜本身自己嘅甜味🤤好食！不過我個人覺得紫色和黄色味道冇咩分別墨魚甜不辣 $24 推薦指數🗯️：🌟🌟🌟🌟平時都會見到甜不辣，但是黑色嘅甜不辣就真係好少見，咁就順便叫埋試下，味道方面同平時嘅甜不辣一樣味道，質感比較煙靭少少，而且落咗少少調味料，食落更加惹味以上均是我個人觀感，每個人嘅口味各有不同，所以末必同每個人嘅用餐感覺一樣，如有不同，敬請見諒。

今日食評✍🏻繼光香香雞@中環街市試食指數⭐⭐店舖衛生na侍應態度⭐((每項5⭐️為滿分)) ·雞係好味味精重食完成個下午都要灌水收銀員態度超差唔會要光顧·無論大鋪小店我哋都會盡試盡講Follow我哋bw.foodie

呢間繼光香香雞喺中環街市分店嘅台灣小食真係好正啊！我今日喺附近返工，放lunch嘅時間去買咗佢哋嘅蒜脆杏鮑菇，好好味，啱啱炸好啦，好鬆脆，每一口都好香口，杏鮑菇勁鮮甜多汁，見佢係新鮮出爐嘅，order完即炸，啱啱炸完就即刻攞岀嚟，繼光香香雞喺中環街市分店嘅台灣小食有好多款式嘅炸物，例如鹹酥雞、地瓜球、花枝丸、炸薯條等，都好好味，每樣都好吸引人。隔離仲有一個站立區俾大家食嘢，喺中環街市入面嘅，唔洗擔心係路邊食唔舒服。總括黎講，呢間繼光香香雞喺中環街市分店嘅台灣小食真係唔錯，好好味，仲有好多款式，下次一定會再嚟食啦！

今次就試左一間大家都好熟悉嘅”繼光香香雞”，佢地最近就推出左Halloween限定上市嘅新品 “小食滙”，三款小食陪大家度過今年嘅萬聖節🎃: 咖哩脆魚蛋🍡:魚蛋外層炸得十分香脆，入口十分彈牙，而外層都灑上香濃惹味嘅咖喱粉，口感同香氣都絕佳啊🫣 台式腐皮蝦卷🍤:佢地嘅蝦卷同樣地炸得十分香脆，脆卜卜又香又惹味，而且入面除左有蝦之外仲有蔬菜係裡面，口味幾豐富，係3樣入面我最鐘意食嘅!😎 地瓜薯薯🍠:炸地瓜同樣外屠炸到脆卜卜，而裡面嘅地瓜十分香甜，配埋面頭灑上嘅椒鹽，令到口味更香濃🤤 

台風繼光香香雞🐔個人推介新品-避風塘雞翼,真心好味,得三隻唔夠喉要再買.你知我最鍾意食雞翼,個雞翼好Juicy,配埋避風塘調味粉超惹味，少少辣辣地，得三隻唔夠喉，要再買多包。吃貨諗住食完再減，真係會食唔停口。另外我都有叫佢皇牌香香炸雞，個炸雞好嫩滑，啖啖肉,好有台灣夜市味道，真係新鮮即炸同埋唔油膩。偷偷地話俾你知我又唔小心叫左大份.食完叫咗佢哋嘅酸梅湯,味道清新又可以解渴呢個組合絕配.趁住有優惠我打算聽日就去食多次