繼光香香雞 (連理街)

营业中

休息中

黎開坑口探朋友，經過依家連鎖台式炸雞店，咁啱做緊買一送一優惠，圍起咁樣兩大包我只係需要廿零蚊，簡直就係做緊台灣價，無論好唔好食即刻都試吓。我叫咗佢哋嘅酥炸杏鮑菇同埋地瓜球，地瓜球嚟講比起台灣食到嘅呢好明顯真係細粒好多，但係味道上基本上分別不大都幾鬆化好食。而杏鮑菇，我就覺得係再好食啲，炸完出嚟椒鹽味好香，而且嗰啲菇汁仍然鎖咗喺沉炸皮入面。記憶中買一送一嘅項目都有四五款，而且每一兩星期會轉一轉，另外想試嘅係大魚蛋，如果下次仲做緊優惠應該會買嚟試吓。

路過樓下繼香光光雞見到有 back to school 優惠優惠裡仲係指定產品買一送一🤟🏻 咁 eye catching 就梗係去睇下啦✨蒜脆杏鮑菇 （S)買一送一，真係只收$26🤟🏻🤟🏻就有兩包蒜脆杏鮑菇去到店舖落order因為即叫即炸🔥所以都要等大約十分鐘攞上手感覺到陣陣剛從炸鍋飄上來嘅味道仲聞到好香好新鮮即炸完嘅氣味攞返屋企時全部人都知道我攞住炸物😂返到屋企打開望下每包嘅份量跟平時無異而且每包都有十幾舊每舊都好有咬口唔會淨係得炸粉每舊都有少少鹽作調味🧂🧂食完又唔覺得咸呢個價錢食到兩包蒜脆杏鮑菇真心係超值👍🏻👍🏻會繼續幫襯

到咗下午茶時間又要留肚食晚餐但又真係想食啲野於是就繼續食返上次食過嘅繼光香香雞用外賣app 睇menu 同埋落單用香香雞做膽上次試咗個杏鮑菇今次就試第二樣就試下佢個海苔樂薯落單後好快就有得攞攞到返屋企時仲係暖暖的而且仲釋出陣陣香味望落香香雞都有十多舊每件都好juicy 唔會太乾而海苔樂薯就有好多海苔粉個條薯條都有，又分佈得好平均食落又好有味但又唔太鹹總括來說呢間嘅炸物係好食嘅包裝又好handy店員又有禮唯獨都係比較少少貴如果間中食一次都冇壞會繼續幫襯

夜晚放工路過有間仲未收檔嘅炸雞店見未收舖就買來試吓叫咗個香香炸雞 （大） 加個蒜脆杏鮑菇 （小）要等一陣先有，因為杏鮑菇要即炸等咗十分鐘熱辣辣嘅炸雞炸菇就到手攞返屋企食，全程都聞到好香嘅炸雞味炸雞份量多，調味剛剛好，唔鹽唔口渴整包大概有十四五粒炸杏鮑菇個口感好得意咬落去啲炸粉好脆但再咬落去就好淋好有咬口調味又係剛剛好，唔鹽唔口渴整袋杏鮑菇都有十粒左右$69 呢個價錢食到兩種口味少貴，但值得店舖仲好好，有個靚膠袋裝住兩袋炸物膠又可以重用做垃圾袋店員態度好好會繼續幫襯

放學口痕，經過鋪頭，聞到陣香噴噴的炸雞味，即刻去回頭行返去點左野食。見店員好忙，就用openrice點餐，又方便又快捷，店員好快接左單，全部食物即叫即炸，十分新鮮。店員態度都好好，值得一試❤️炸雞唔會好油，唔會痴埋一舊舊，粒粒分明，有調味，我唔食得辣都食到類似孜然粉的味道香腸都唔會太油，條條分明，大小適中，有陣甜甜的蜜糖味。地瓜球一啲都唔油，仲要有兩隻味，土瓜同埋紫薯味，兩隻都十分好食，大小適中，粒粒分明。好推薦！！❤️

為咗慶祝繼光香香雞50周年，6月7號至8月31號期間，喺全香港嘅繼光香香雞門市都推出一個超值組合優惠。只要你買「香香辣腿丁」同「冷泡茶」任揀一款，加埋只需HK$51就可以搞掂！同Tebo 學完跆拳行過見好香就買左來食😆😆😋.「香香辣腿丁」（$38）辣味香辣雞腿肉丁，每一粒都鮮嫩多汁，配上香辣醬汁，味道超級開胃！如果你鍾意辣嘢嘅話，呢個絕對係一個唔可以錯過嘅選擇🤩🤩而另一款新產品就係「冷泡茶」（$18）😊有兩款口味，分別係「金萱烏龍」同「莊園紅茶」🤩冷泡茶採用台灣直送嘅新鮮冷萃茶，絕對係新鮮健康，無添加任何化學物質。佢保留咗茶多酚同降低咖啡因，所以味道清雅甘甜，而且有獨特嘅天然奶香味。「金萱烏龍」茶味清新順口，無澀味；而「莊園紅茶」則係揀用優質茶葉，帶有蜜糖花香，味道甘醇濃郁，顏色濃艷👍🏻👍🏻.快啲嚟繼光香香雞門市試試嚟啦！記住，呢個組合優惠只喺6月7號至8月31號期間有效嘅喔！參與門市：香港全門市活動備註：(1) 數量有限，售完為止(2) 商品供應依門市實際狀況為準

口痕想搵啲嘢食，咁啱經過好可口的繼光香香雞，今日就無叫皇牌香香炸雞，改為點咗甜心地瓜球，感覺無咁heavy又過到口癮。落咗單後店員就即刻從冰箱拎地瓜球去翻炸。不過，甜心地瓜球同我預計的有點不同。我對地瓜球的期望係：新鮮炸起的地瓜球，賣相脹卜卜，外脆內軟，口感軟糯帶點小煙韌的。而今次試的甜心地瓜球，不太脹卜卜，外層不太脆，雖然依然有煙韌感，但整體偏腍，賣相一般。下次我都係試番皇牌炸雞算喇！

繼光香香雞🍗 @jgssg852 係我一直以來都好喜歡台式炸物店全因佢地炸物即叫即炸～新鮮熱辣🔥@jgssg852 慶祝繼光香香雞50周年～即日至31/8於全香港門市推出香香辣腿丁和冷泡茶組合優惠套餐～只需$51行過諗住買來試下～🤣可惜太好賣🥹香香辣腿丁售罄～唯有下次再食了一場來到當然點都要叫返幾款小食😍🍗香香炸雞～外脆内嫩😋田字薯餅～好香口啊😍地瓜番薯～🍠台灣直送另外試左由台灣直送的新鮮冷萃茶無化學添加、保留茶多酚、降低咖啡因🧊冷泡茶 $18 /支～一共兩款口味☕️金萱烏龍入口無澀味～散發獨特天然奶香☕️莊園紅茶入口醇濃郁厚實～飲落帶蜜糖花香🍯📍坑口培成路15號連理街商場110B舖 另有葵涌店、深水埗店、中環店、旺角店

睇開我哋ig都知道阿妹真係好鍾意食雞🐥特別對炸雞有種無法用言語表達嘅喜愛🤤見繼光出咗新口味即刻狗衝去試吓🤩.📍香香辣腿丁（$38）📍冷泡茶(金萱烏龍/莊園紅茶)（$18）炸雞熱辣辣出爐，外皮炸到脆卜卜，好香口🤩食落都幾辣🔥又惹味🤤，仲唔會油膩呢個新口味做緊限定❗️去到31/8就冇㗎啦👉🏻👈🏻唔好話我唔提你哋🙈配埋個台灣直送嘅新鮮冷萃茶可以解解辣🍂特嘢係金萱烏龍飲落仲有陣花香味🌼，勁解渴✨.🌟而家慶祝繼光香香雞50周年，6/7-31/8只要用$51就可以買香香辣腿丁➕冷泡茶組合優惠啦❤️

有一次在坑口游完水做完運動，肚腹餓了，又想買一點小吃，於是經過連理街，見到這間繼光香香雞，點了一份炸雞吃，一試難忘！❤️❤️❤️❤️這間餐廳店的炸雞，真的做出來的雞是有肉汁，不會炸得完全乾爭爭！😆😆😆加上他會炸完之後，落一點調味粉，令到整包香香雞都是非常出色，而且吃了吃完之後，完全停不了口！🤭🤭🤭🤭加上這間繼光香香雞，地點非常方便，在連理街商場裏面，地鐵站一上就是，因此經過肚餓的話隨時買一包來吃，便可以滿足肚腹😁😁😁✅✅✅

俾我哋發現繼光又出新野！今次係避風塘雞翼，琴日(15/9)啱啱上市❣️15-21/9用優惠價$25就有3隻草根率先食咗，雞翼脆炸外層有勁多香蒜🧄食落香口，雞肉超嫰滑又入味🤤食3隻真係唔夠喉!.另外仲配咗個香香炸雞同酸梅湯🍗香香炸雞帶微辣🌶雞肉唔嚡但比較之下避風塘雞翼真係完勝炸雞粒💯宵夜/小食又多個選擇😚🤘🏻

Their fried chicken r very good!! And they have many different combinations of sets!! Their food get prepared pretty quickly as well. It’s so good to have some fried food in this mall. The portion of the chicken are quite enough for one person as well. Love it!

成日經過門口，聞到好香，今日見佢就開鋪(12時)企係門口等左一陣，即點一份試下，即叫即炸，熱辣辣，香脆又可口，現在有套餐特價，仲平左$10 抵食，可以再試 👍🏻

香脆好吃，现点现炸，不像麦当劳的已经非常疲软。还有杏鲍菇的选择，非常棒。每次等待的时候就会被他们的香气吸引。店铺干净卫生，值得信赖。最近还有优惠活动，非常推荐大家点套餐，其中香香炸鸡+海苔乐薯和香香炸鸡+杏鲍菇都非常优惠合适，还有墨鱼甜不辣送。另外他们的咖喱炸鸡桶，特别赞，外脆里嫩，汁水充足，一点都不干。比麦当劳和迪士尼的炸鸡都好吃，确实是我吃过的最好吃的鸡桶，120块一份，6件。虽然价格不便宜，但值得尝试

長期光顧的好味炸雞，店員服務態度都好好，等候時間都唔會太耐可接受。咁啱做緊優惠，行開順路去買咗炸雞雞髀菇同埋墨魚甜不辣。全部都即叫即炸，新鮮熱辣，下次會再去買。