羊城火鍋海鮮酒家 (已結業)

呢一日唔知點解同個同學黎呢度打邊爐，我上一次黎呢間都好耐之前既事。個同學話任食火鍋只係七十五蚊，好多野食。咁就試下啦，其實間酒家都幾大，坐得幾舒服。食物都算幾多，我覺得鮮蝦好生猛新鮮，鮮甜美味。而牛肉都唔錯既，不過我覺得肥瘦唔係太均勻。豆腐卜就唔錯，浸落個湯到真係好好食。黑椒牛丸既黑椒味好重，牛丸又幾好食，唔會太韌。而芝士丸就無乜特別，係普通街市既貨色。講一講湯底，個沙嗲湯底好濃味。而清湯就無乜特別啦。其他食物都係咁上下，無乜特別。飲品都係有豆漿同竹蔗水。竹蔗水唔錯既，唔算太甜又解渴。服務都唔錯既，服務員好快幫你收吉碟。加水都加得好頻密，下次都可以再黎既。

於8月16日光顧晚飯，食物如下：半隻白切雞椒鹽豬排枝竹火腩煲燒腩仔金銀蛋莧菜青斑仔一條回家後，沒有再進食其他食物，早上開始肚痛、頭暈，屙了十幾次，嘔了一次，其間沒有再進食任何食物，直至晚上才略為好轉。嫌疑犯一：燒腩仔，是我有生以來吃過，最不新鮮的燒腩嫌疑犯二：椒鹽豬排，因為是特價小菜，整定一大盤，上菜時溫溫吞吞，儼如雙餸飯質素。

今晚和女朋友在<<羊城海鮮酒家>>吃它的「任食火鍋」，令我非常開心。最近就學校放暑假, 沙田的老家進行大裝修. 暫時在天水圍麗湖居寄住. 每天生活也離不開吃喝玩樂. 真是十分寫意. 今次是這2星期的第三次光顧, 坦白說它早市的早茶不太好, 食物質素一般, 服務員的態度不太佳, 但它的「任食火鍋」對我就特別有感情，因幾年前在轉校後, 已很久沒有再來光顧. 特別是它的生猛串蝦, 特別使人回味. 每次看見蝦腳在伸縮, 就令我的感覺良好, 其它食物也很新鮮, 如美國肥牛也是很好的選擇, 加上環境舒適, 晚上服務員的態度很好, 每人75元的價錢, 最適合我這種要求不高的小老師! 特別值得一讚的是晚上服務員的態度, 絕對沒有因為我的消費太少而有看不起的感覺, 就像是朋友一樣, 細心溫馨, 很令人感到舒服!!

已來過這裡多次，質素一向麻麻，但又是唯一最近老人家的粵菜館，不得不來。我們七人吃了:生炒骨 其實即是咕嚕肉。汁調得不錯，也很夠杰，只是硬了一點。粟米魚肚羹 不過不失粉絲雜菜煲 本以為雜菜煲應該是頗清淡的，但怎知竟然油膩膩的! 我個人不太喜歡很油的食物，平日吃很多菜的我這次停手了。燒鵝 味道還可以的，可惜我吃的那個沒甚麼肉，最後只是吃到肥膏，油膩膩的，當然又是一件起兩件止。清蒸海班 本來是想叫其他的，但$68實在太吸引了。一分錢一分貨，$68的海班是極之不好吃! 魚肉非常鞋，連普通的肉也不如。不過，在我記憶中，好像也在這裡吃過很好吃的海班呀…紅豆沙 簡直是淡而無味! 幸好紅豆挺多的，最後吃光所有紅豆便算了生果 有西瓜及哈蜜瓜。以前覺得這裡的西瓜是浸了糖水的，這次好像沒有，味道也比以前的淡了，不過是件好事。哈密瓜非常甜，也挺好吃的。這餐盛惠$582，每人也要$83，價錢和質素不成比例。可以的話我寧願到隔壁吃上海菜。

我之前幫襯過它的「任食火鍋」，令我非常失望。首先，他們要花後長時間才把湯底上檯，大約要25分鐘，你認為合理嗎？之後，我們把點菜的紙仔交了之後，要等很久很久...食物才逐一到來。有些甚至沒有來，但侍應絕對不會告訴你的，讓你不知不覺地等下去，到你發現想要再落單時，他們才對你說：「太晚了，被人點光了」。到埋單時，你才發現自己不是吃了很多的，因為他們每樣食物都花很長時間才送來，而你卻只有3個小時吃。雖然這店有龍蝦吃，但任食火鍋時間一開始便派光了。你認為$75一位的任食火鍋抵吃嗎？我認為如果你真的有很多選擇，而又能吃得到的，才算抵；但如果是沒什麼好吃的，又浪費你時間的，就不算是「抵」了，這叫就「取考」或叫「搵笨」。

星期四約左人去天水圍銀座間"羊城酒家", 星期一至四連加一都只係$75蚊...我地食左好多肥牛, 丸, 其他唔同ge肉類, 蝦... d肥牛唔知點解食到後來好um...最正ge都係芝士丸同魚子丸...呢度的飲品只有豆漿同竹庶矛根, 我淨係飲豆漿, 味道普通啦, 阿媽佢地就淨係飲竹庶矛根...唔...呢度ge食物款項唔多, 不過$75呢個價錢, 都收貨啦...P.S. 不得不提的係呢度ge服務態度係勁......差呀! 叫親人都冇人應ga, 而且應你ge時候, 態度就勁惡...唉...

2個人，唔知食咩好，走左去好耐冇試過的羊城火鍋。7:00幾到，等左5分鐘到有位。坐低叫左個清湯底。部長話有免費飲品送，要左個夏枯草，唔知完全飲唔出係咩，糖水咁味。飲完一渣，唔駛錢都冇再叫，飲水好過。點左:生蝦串:新鮮，叫左2次，冇”梅”蝦，算OK。肥牛: 太肥，牛味唔重。丸類: 叫左芝士丸/蟹粉丸，可能係我鐘意食的丸，覺得幾多款式。炸魚片: 唔腥，冇油(益)味，幾脆黑栢葉: 冇味冇道，硬身。生蠔: 細細隻，洗得唔係太乾淨，滾完縮晒水，不過，食完冇肚苛，算OK。出前一丁: 連味精麻油冇鱔片，冇九肚魚。款式唔算太多。而家做緊8折，平日價，$75己包加一茶芥(已打折)。有排都唔想再去lu。

今日屋企大停電-.-連電梯都冇...所以拿拿聲走出街-.-同媽媽去左銀座到飲茶...食左6樣野奶黃水晶包- 個樣好煙un,d餡都好滑^^蝦餃 - -一個不太透明的皮...已經可以明顯見到條蝦腸- -有d無奈........味道一般炸魷魚- 岩岩新鮮炸出黎,好香,而且係索左油-w-~個炸漿唔厚,叉燒腸- 個皮唔係咁滑,一般啦皮蛋瘦肉粥-我喜歡佢將d 皮蛋瘦肉 切碎 令個粥好有味道煎堆- 黑白芝麻皮 加黑芝麻餡 ,唔錯服務都算係咁啦^^"....抵食程度 真係唔錯-0-"早茶既 蝦餃 $9.80 -.-"...比原本平十幾蚊-3-".....

昨晚同老公2個想打邊爐 原本想去新星 但諗到要排隊 所以就黎lee間入座前講明今日d蝦同粟米無晒 無我最後既粟米 不過我地都照食 大把位 叫左肥牛 芝士丸 4寶丸 芝士腸 紫菜 芋c 黑牛柏葉 ........佢d滑牛好食 牛柏葉好un d肥牛幾靚食左2個鐘 埋單17x 已計左8折 都ok啦

今日一家人去飲茶！這裡的杯杯碟碟都有缺口咁滯,但我吾在乎, 最重要都係食物。煎黃金糕, 好油, 輕輕一壓油就滴出來, 不過都煎得幾好, 幾yin-un。之前食過一啲黃金糕係無油但乾爭爭...我寧可食油d啲。奶皇包, 麻麻地, 似吉士包多過奶皇包, 好在包夠軟熟！豬腳薑, 好味！流沙麻蓉包, 好似無以前咁好食, 一嚟吾夠熱, 二嚟甜咗啲。油菜縮哂水, 得幾條, 好奸！其實哩度都幾好, 係就係冇其他酒樓咁企理。

間舖點解仲可以做得住架? 話說前幾晚同屋企人去打邊爐, 一入到去, 侍應都老實不客氣講到明係$80/位, 哩個我非常接受, 總好過埋單時先發現條數係加乜加物出黎~但間酒樓老鳳認為有得比人任飲咩涼茶豆漿之類就唔須要開茶比人, 喂大佬, 話晒你都收左我茶位錢架woi~ 叫個人幫我地開香片, 佢竟然好似唱山歌咁叫對面岸既人去開茶, 又吹唔漲對面岸果位人兄又唔so佢woi~ 我地周圍望下有無其他員工啦, 嘩! 個個都做晒星星, 唔知閃晒去邊!!食物~ 唉~ $80, 唔會好得去邊!! 所以食物方面, 我覺得唔可以投訴, 但湯底呀湯底, 果個所謂沙爹湯底, 係咪鼓油加油再加一滴既沙爹汁就叫係架喇?! 元朗酒樓果d都係任食, 但人地誠意真係o係晒到囉!!食食下野都走黎sell月餅!! 勁~ 叫你地沖茶就扮星星, 黎挫多我地一畢錢就扮nice咁走埋黎, 唉... 哩d酒樓點食呀?!

呢度實在太抵喇相比係美心又OK好食WOR麻蓉包真係好好味次次一咬都咇哂D麻蓉出黎好香好香次次都食兩個以上仲有D炸魷魚SO又好好味好大碟腸粉都幾好 夠平丫MA仲有奶皇水晶包我可以食哂一籠煎堆勁大隻仲有擂沙GOR隻揀真係好好味不過黎呢度飲茶飲得多就會好熱氣喉嚨痛同埋生瘡

六月十五日慶祝父親節, 我們一家九大兩小到這家酒樓食飯,平均每個小菜也要六十元以上,一個沙嗲牛肉煲都要六十七元, 最後我們叫了半隻雞, 半隻鴨, 一條魚, 一碟蝦醬通菜, 一斤生蝦, 燒腩仔, 蝦球, 什菜煲, 還有啤酒三支, 汽水六支, 白飯六個, 埋單要一仟三佰xx, 真的很貴, 最嬲是因為最後連生果都無得送, 陪長說, 因為不是套餐,所以無生果,但我們說:找數也超過了套餐的價錢啊! 最終也是不肯送! 真是嬲上加嬲!

每逢星期6都會同屋企人去飲茶!!!通常都會去羊城....雖然...其他野食都唔係太好~不過麻蓉包真係好好味...值得一讚~由其係熱辣辣果陣,,真係一流....所以每次同屋企人黎都會同兩籠....打包一籠返屋企慢慢食!!!

去打邊燼真係超正,任飲任食都係$70,d野食又唔係差架wor,d串蝦放上檯都重識郁,好新鮮~其他食物都唔錯,最重要係你選幾多佢\又真係俾幾多你,唔似其他酒家你話要10碟佢\俾兩碟你~