影片
电话号码
26988978
营业时间
今日营业
07:00 - 23:30
星期一至日
07:00 - 23:30
以上资料只供参考，请与餐厅确认详情
招牌菜
假日同屋企人飲茶，羊城都做左好多年，因為附近無其他酒樓，一直多人食，下午茶時段多人，要早d搵位🤣⭐️鹽香魷魚酥呢度既魷魚酥必點，雖然貴，但我每次來呢間酒樓就係為左食呢個魷魚酥😆魷魚好彈牙，脆皮好鬆化，調味又岩岩好⭐️羊城蝦餃皇蝦餃比起出面其他地方大隻，蝦肉爽口，皮薄餡令，係貴左d🤣要41蚊⭐️流沙奶皇包奶皇包比較失色，普通，吾係好流心⭐️百花釀魚肚魚肚好厚實大厚，好夠味，上面的蝦膠幾彈牙，可以encore😊⭐️蛋白菜粒炒飯下午茶炒飯份量大碟，一家4口都夠食，炒飯有獲氣😋
继续阅读
尋晚18號，同老婆專登入去試下，餐牌見有白鱔滑雞煲好似幾吸引就叫黎試下，點知黎到後好失望，白鱔細舊同埋好難咬，雞就無乜，有嘅就唔熟，搭埋啲雞腳雞頸就有幾舊，$118 唔好試。另一碟就 西蘭花鮮魷，呢碟正常，西蘭花同埋鮮魷都大舊，味道都正常，仲叫左嘅6選1精選半斤蝦，味道正常。間酒樓係搬黎附近第一次試，總括黎講食物味道一般，最貴嘅係最唔好食，其他菜式未知會唔會再黎試，但隔離枱嘅6選1精選半隻雞賣相都唔錯。
继续阅读
早前，媽咪跟她的晨運友一起走去屯門 <羊城火鍋海鮮酒家> 飲茶！ 她們覺得食物質素比以前改善，加上媽咪見到有個晚市六選一優惠餐牌！ 所以，她決定母親節飯及她生日晚飯都來這間酒樓吧！當晚，我們由入座到離開，有班人喺 Vip 房唱 K，無個唱得有水準！😂😂 認真趕客！🤦🏻♀️有人唱：我是憤怒！我哋都聽得好憤怒囉！由於，母親節在即，加上恰巧我生蛇療程中，我要繼續戒口！家人也為我著想，連我選擇什麼？媽咪都不敢出聲！餐牌 母親節飯：沙巴班兩味 $268西蘭花龍躉球 (例)炒龍躉魚肉香口之餘又啖啖肉！蒜香蒸頭腩 (例)軟滑富膠質的魚皮，含有骨膠原！脆皮燒雞 半隻 特價 $38媽咪只准許我食一件，還不要食雞皮！我食雞脾，肉香又肉質嫩滑！叉燒炒滑蛋 $98我預期是茶餐廳那種帶有蛋漿的炒滑蛋，雖然不似預期，但是也算嫩滑！至於叉燒都幾大塊，我都未食過如此腍身的叉燒，似是加了梳打粉，令肉質軟腍，口感稍遜！荷葉飯 $108等候需時，我們催促還要等多起碼10分鐘！卻是略嫌飯不夠熱！軟熟的飯粒均勻入味，調味啱心水又不會重口味；配料包括：蝦、雞粒、草菇粒... 媽咪生日晚飯：沙巴班兩味 $268跟上次一樣有點西蘭花龍躉球紅炆龍躉骨腩煮法不同，醬汁香濃惹味得多！ 腩肉跟龍躉骨好夾！鳳梨生炒骨 $98 例酸香醒胃，生炒骨幾香脆，份量都夠4 人分享！西蘭花蝦球帶子 $68 例 (特)整體是清新之選！粟米魚肚羹 $138 例入口濃稠，味道啱大家口味，飲到底變得稀爛汪汪！另送糖水白飯 $15/位茶水、芥 $15/位
继续阅读
呢間屋邨茶樓好耐已經無黎，今次講講呢度奇葩之處。茶樓沒有知客係門口安排入座，茶客需自行到茶樓裡面等位，食緊既人其實好唔舒服，試諗下，食食下突然有人企你隔離，睇你幾時走。如果是多人數的話，只能祝你好運，因為有大枱已被瓜分幾組人（即已被幾組客搭枱），在毫無協調下，只會一組接一接咁換人。最好笑係多謝加一服務費呢句，乜你有提供過服務出黎嗎？唔知係咪我多人，坐張細枱，個阿姐都知窄，我覆佢有得食好過無了期咁等。結果佢幫手換張大枱俾我，呢方面係感激的，只係間舖做得唔好。食物質素正常，落單後需等多於半小時，請自行判斷待侯時間是否過長。
继续阅读
還要搭枱的舊式酒樓，服務極差，未等到枱已經頂唔順走了。知道係屋邨酒樓，都無期望會有好好的服務質素，但都唔係差成咁，員工態度認真趕客。附近本來就得一間酒樓先想試下，可能就持住自己是獨市吧。寧願食其他餐廳都唔會再去！
继续阅读