美中·鴨子 (將軍澳中心)

营业中

休息中

昨天來到美中鴨子，預祝母親節晚餐，五點已到，排了30分鐘，開始安排入座，掃描安心碼非常混亂，搞了差不多20分鐘才能坐低😡(我們坐內面，人非常多，非常嘈吵，坐外面應該會好啲)等了30分鐘，一個餸都冇嚟，叫了侍應追吓，或者有冇漏單，只是聽而不做，有個還說我們可能落單慢，(睇返張單，起碼30分鐘以上) 這樣叫慢😤追少四五次，才上了一碟，炸豆腐，豆腐炸過龍，非常乾柴😠片皮鴨，塊皮睇落好脆，咬落去，非常煙靭，一啲都唔脆，好似擺左好耐，配菜大冲，完全唔新鮮😠菜苗蟲草花，淡淡地，冇乜味，還可接受🙁我們坐在出菜位，看到每次出菜，同款的起碼四五碟，應該係等埋一齊才炒😏我都想繼續幫襯，希望管理層好好改善一下🙏🏻

水煮魚片很難食！懷疑漏了落鹽，此菜沒味，不鹹不麻不辣😔，內裡的粉一夾即散😞但賣相又真係幾得，所以令人希望大，失望更大。可能員工不足，叫了罐庄飲品十多分鐘沒影踪，要再提示

在香港这样的烤鸭还是OK的，比起正宗烤鸭还是有差距，荷叶饼太多油，配菜不太够。鸭肉可以在片的多一点，鸭架上很多肉没有片干净，满分100可以到80分吧，在香港也不能强求。

中午來到美中鴨子，當然要食片皮鴨，我們一行4個人叫了一隻片皮鴨，還有幾個小食，已非常的飽，片皮鴨味道唔錯，都幾新鮮。環境服務也好，坐得舒服，適合朋友家人一起來食。

拎咗飛四位，見過Number已經到咗，我就走埋去，接待員只係望左我一眼，問我過咗半數未，然後我話嚟緊，佢就唔理我。咁我問佢係咪要等，佢話你未夠半數，救人睇吓過咗五張飛未，過咗就再拎過。全程都冇望我一眼，只係懶懶幾句，真係火都嚟，過節食飯食咗呢間，食都唔食佢！

今日打完第三針，俾想像中多人，打完後已到食飯時間，穩陣之選一定喺我們的飯堂。我們用QRcode落單，發生了小插曲。必食之選的牛肉饀餅，手機顯示是售罄，所以轉點了小籠包，但我們再問女侍應，她竟然說有，還問我們要多少個。我們叫了兩個後，順便叫佢取消小籠包，她說因QRcode落單，不能取消，擾攘了一會，她最後晦氣地說：。。。得啦得啦，廚師整出嚟後，我叫佢氹左佢。。。成個過程給我們的感覺是嫌麻煩，唔想改，唔想幫我地取消。。。囉。另外泡菜係可以同佢講話唔要的。除此之外，其他都ok,食物還是保持水準，難怪兩年疫情，生意還能保持，每次經過都大排長龍。片皮鴨保持水準,同牛肉餡餅一樣每次必叫，唯獨上菜太快，食唔切，羊肉湯麵涼了沒那麼好吃，沒那麼香，清炒萵苣絲略貴，小小一碟耍108蚊(加一)。even so,當我們想不到要吃什麼的時候，還是會想起這間舖。

個侍應食物落錯第二張枱，我睇住枱客筷子夾過，再比返我！之後投訴，另一個高層侍應拎去水吧位過一陣拎返同一碟嚟，我真係講哂粗口，垃圾到甘，有無攪錯！open rice要我評分，最少要比一粒星，點解無零粒選擇大家覺得正常嗎？

成日都見到咁多人排既美中鴨子今日終於食到啦黎到當然要食片皮鴨啦半隻填鴨連鴨餅 $𝟙𝟠𝟘 (今日堂食仲有85折!!!)以為半隻得好少 其實兩個人食 加埋啲鴨餅 都已經超飽🤤雖然個皮唔夠薄 但都好多汁好Juicy 小籠包整體都唔錯 夠曬熱因為驚唔夠飽叫左個雞鍋打算頂下肚 點知食完片皮鴨已經食唔落😂蒜頭胡椒雞鍋 $𝟙𝟞𝟠老實講 佢係好食既 係即叫即整但$168黎講食個咁細既鍋就好唔抵同平時茶餐廳啲啫啫雞煲差唔多😂

🍭平時耐唔耐都想食下北京填鴨，想穩穩陣陣呢間都係一個唔錯嘅選擇😝幫襯咗好多次了片皮鴨半隻每次嚟到都會叫咗鴨先，因為都要等一段時間，新鮮熱辣，皮肉分離，完全沒有多餘的脂肪，味道唔錯，份量都幾多，夠曬2個人食，最鐘意呢到可以叫半隻，咁樣2個人都可以叫多d其他野食四川麻辣大盤雞呢個雞都唔錯，第二次，食過返尋味，雞肉夠滑，有好多寬粉，吸收曬醬汁d精華，呢個雞算係比較乾身d個d柯仔煎餅呢個有d失望，比較多粉同埋柯仔比較細隻,麻麻地

一路以來以為寫了這間餐廳的食評，但是好像找不到，所以今次再簡單寫一下。看圖識字看餐廳名字也知道是吃什麼為主，這裏的烤鴨不是着標準的北京烤鴨，它的鴨是比較細小的，比較其他餐廳或正宗的烤鴨感覺上只是中鴨。也由於是這個原因，烤鴨也不會十分油膩，肉質方面相反地會比較嫩滑，也相對Juicy。包皮方面雖然不是最正宗的，但是個人覺得很吸引。有咬口夠薄，不是那種乾身的。整個烤鴨Experience其實真的不錯，如果其他小菜的話，感覺上都是中規中矩沒有surprise的那種，所以如果到訪這間餐廳基本上都會主攻烤鴨。如果突然很想吃烤鴨的話，這間餐廳會是其中一間首選的考慮，因為分店多經濟實惠，可以當作街坊小菜去處理，不用勞師動眾去到乜乜樓都只是為了吃個烤鴨。(說起這間乜乜樓，出品其實已經不及以前，他們的烤鴨求求期期，感覺上有點兒主攻外國人為主，希望現在疫情期間沒有訪客來香港，他們可以改善。)今次和大麥生大麥太到訪，所以加多了一個炒飯，反而這個炒飯略有水準，飯炒得很乾身不油膩，不錯。

幾年前食過美中鴨子，當時都已經覺得好食😉今次終於有機會再翻卓🤭水準依然keep到👍星期五晚六點半左右仲可以直入到7點就已經開始滿座要等位🐤烤北京填鴨（半隻/ $180）*堂食85折*北京填鴨係今日既主角🤪相都睇得出皮薄餡靚包填鴨既薄餅皮亦夠晒薄😆加埋青瓜、大蔥同埋填鴨醬一流😍🥟無錫灌湯小籠包（6隻/ $78）小籠包趁熱食好正👍亦做到皮薄餡靚先吸晒啲湯汁再一啖放入口😋冇得頂🤩🍜四川擔擔麵（$52）擔擔麵既賣相就相對失色，原來因為啲醬汁係晒底冇撈勻🤣食落都係好食，麵質煙韌唔會太林湯底就略嫌唔夠花生醬味🥒前菜（$18）以前去美心食中菜都好中意食佢地既前菜醃青瓜、毛豆、花生等都好好食*另收加一，茶錢每位$12/😋食物質素：7.5/10🍽️用餐環境：7.5/10💰性價比：7.5/10👣回頭率：7.5/10

小朋友喜歡吃北京填鴨，由於疫情又就腳，第一次選擇美中鴨子，結果令人失望，吃了第一口就覺得個塊皮太煙韌又濕⋯完全同平時其他餐廳吃的質地不一樣，可能係特色但接受唔到。另外小籠包及鍋貼還可以。最好吃的反而是碟前（泡）菜😂

聽人講呢間嘅北京烤鴨很好吃，但試過之後，大失所望啊！呢一篇食記絕對唔係為咗唱衰邊個，亦係分享真正嘅北京烤鴨唔係佢啲呢個水準。先講烤鴨，唔應該係皮肉分離裝碟哦！應該只有前胸位置的皮係單獨切落嚟，配白砂糖食，可以解油膩。其餘部分皮肉各半，似丁香葉。（講究嘅要切108片or118片）鴨餅亦係不合格。餅同餅之間竟然有張紙，感覺高大上，實際上係因為佢哋做唔到不粘連。荷葉餅需要放係手掌內輕握之後放手，餅可以恢復原狀。中美嘅餅，連由紙上搣落嚟都好困難……其他餸中規中矩，冇乜驚艷之處亦都冇乜大紕漏。先分享咁多，冇刻意貶低嘅意思，只係想北京烤鴨應該係點樣，佢哋嘅差距有幾大剛出來而已。希望有所改進，街坊鋪頭，如果味道好仲想經常去食下嘎。

網上見有推廣片皮鴨外賣8折優惠，即刻訂反隻，拎到反屋企路程約半小時，依然皮脆，肉質鮮嫩！另外，餐廳很貼心，包鴨的皮會用蒸籠紙一張張分開，食個陣就唔會痴住，配料份量亦足夠，唯一缺點就係，鴨皮略嫌太油！

住左將軍澳甘耐都未試過食呢間「美中·鴨子」今日星期六就去試下前菜是少少辣的青瓜豆卜，很開胃令人食慾大增。前菜味道分數：7.5/10點了個片皮鴨及炸蟹鉗，「片皮鴨」十分Juicy,連肉、面粉皮和青瓜咬下去，肉汁和少少鴨油慢慢滲出來，酸酸甜甜的醬汁連埋青瓜的口感十分Matchy片皮鴨味道分數：8/10「炸蟹鉗」即叫即整，啖啖肉，味道還可以。可惜醬汁並不太Match,掩蓋了蟹肉的味道。有待改善炸蟹鉗味道分數：6/10