美味小鮮肉 (已結業)

今日中午未夠鐘返工,係旺角見到一間美味小牛肉,行入去叫左一個鐵板黑椒牛肉飯,黑椒唔夠未,牛肉幾好,飯再熱少少就好,可能要開爐,我冇開。價錢$54,可以接受,一般平民飯堂,下次休息過黎試晚上火鍋,見到去有一人一爐,價錢$75起幾吸引。

絕對係值得推介的潮州餐廳！！餐廳員工是超級負責有心，外賣安排十分準時～試左經典的牛肉丸/牛肉雙拼粉，牛肉炒河粉，食物夠大份，價錢也是十分親民！旺角來講真係很值得推薦啦～

旺角夜晚想食粉麵，本來想食羊湯粉果間，但係佢唔想做我地生意咁，就轉戰呢間，見幾多好評，但估唔到中左伏。坐低不見有餐牌，問店員，她反應是疑問，問我們是否需要餐牌，但原來餐牌是直接以畫的方式點餐，那麼給我們又有何需要猶疑的地方呢?落單後，約15-20分鐘無任何飲品食物，疲累的我等到想睡了，阿姐兩次問我們是否叫火鍋，不是之後就無下文，終於第三次注意我們，才察覺我們太耐什麼都沒有。珊珊來遲的牛肉飯，令人失望，牛肉是靭的，加了三色豆，生蕃茄同青瓜，幾樣不相關的東西放在一起就是。匙和叉也是兩個不同款式，亂放在一起，貫切始終。自家製牛丸、自家製雲吞和魚蛋河，最遲先到，應該有半個鐘，一試湯底，無味，桌面無任何豉油醬料，魚蛋不過不失，一般來貨，雲吞皮甩左，裡面像肉餅加蝦，呢件野談不上是雲吞，牛丸係成餐最好食。最後食剩大量粉，餸就勉強食完，食完後口淡淡，浪費左人生一餐QUOTA，好唔開心。我地張單漏左羅漢果茶，要追兩次先有，聽到其他食客都有漏飲品單，然後因為某國人食客較多，衛生情況也不理想，見到有客人直接將食物殘渣吐地下。不希望再有人中伏。

突然想打邊爐但又唔想食到咁chur 就黎左呢間一人火鍋店 💙本來以為一定要一人一鍋 但原來也可以兩人share一個鍋再加配料 所以我們便點了一個手切新鮮針扒牛肉火鍋船另外加了魚皮餃肥牛和豆卜牛肉吃下去沒有很大驚喜 應該不是特別部位 但牛肉味都很足 肉質也不會很韌 比較有驚喜的是魚皮餃 比某海牌子出產的更大更像魚皮另外 “火鍋船”還有額外配料送 非常滿足 💜沙嗲湯底味道很淡 只有鹹味 下次應該會試其他湯底 🧡另外不得不點的是他們的炸饅頭 外面炸的非常香脆 內面仍保持鬆軟 絕對值得一點

香港人鍾意食火鍋，我都不例外，成日有火鍋癮，冬天夏天都想食！最近因為衛生問題，開始留意呢間主打「一人火鍋」餐廳，之前食堂食已經覺得不錯，份量非常足夠！尤其是員工服務好親切！今次試吓外賣返公司食，份量都係咁充足，同員工講要多菜，真係俾咗好多👍🏻之前望到廚房入邊，真係攞新鮮牛肉即場切片，非常新鮮！牛丸好有牛鮮味！真心值得一試！😋我見到疫情期間都有啲套餐優惠非常抵！下次約埋幾個同事一齊叫套餐！🥳

由於我之前在太子「西洋菜北街」的時候，光顧了一間已停售一般午餐晚餐熟食，只剩下糖水甜品可以選擇的變相「甜品店」，所以我急着在餘下時間尋找，可以同時享用到牛肉跟雞肉晚餐的食店。結果我漫無目的向前走，最後給我走到有「女人街」之稱的「通菜街」。今時今日的「女人街」，未到晚上十點就已經快要曲終人散，準備收拾貨物和關門的樣子，很多食店提早露面，很容易就可以找到。結果我在「通菜街」近着「奶路臣街」交界口的位置，找到「美味小鮮肉」這間食店。我最初還以為「美味小鮮肉」只是火鍋店，未必有適合我這類「孤獨的美食家」選擇享用的食品。但是我進入「美味小鮮肉」之後，才發現「美味小鮮肉」原來也不是獨沽一味，不是只有火鍋可以選擇，食客也可以選擇享用「一人專用」的粉、麵或飯類食品。結果我在「美味小鮮肉」的晚餐餐牌裡面，很快就成功找到「牛腩」的蹤影，選擇了「牛腩河」。跟著我又很快在「美味小鮮肉」餐牌裡面，成功發現到我最愛的已去骨「雞扒」，點了一份「鐵板荷蘭芝士黑椒雞扒飯」。另外「美味小鮮肉」裡面的「牛腩河」，「牛腩河」原來還有粉麵套餐，可以另外選擇飲品跟餐，我在需要避開提神成份飲品的大前提下，選擇了享用罐裝汽水「七喜」

佢居然夠膽整個咁嘅招牌，簡直係無良知，係欺騙，係污辱咗潮汕牛肉，我已經唔係預佢係潮汕牛。但都唔係咁離譜啊嘛。D肉唔新鮮，算！仲要落粉醃來掩飾佢嘅唔新鮮，算！無牛肉味，算！切得唔夠薄份量細，都算！有筋嘅！咬唔開！我係一個從來唔浪費嘅人，我居然食唔曬！我未試過openrice度寫食評，但呢次真係忍無可忍。仲話自家製手打潮汕牛丸，一擺上抬，喂！有冰嘅？算！我咬落去粉過我街邊篤果D，除咗顏色似牛丸，我合埋眼食嘅話我真係唔知食咗D乜，個貢丸我都唔會預你新鮮台灣來㗎啦，你都唔係牛丸一樣味啊嘛？咩味啊？粉味囉！最興係D河粉，念住填肚食飽算啦，哇，我放落去，化嘅？一夾上來，碎嘅斷嘅，河粉來嘅咩？化骨綿河？河蓉定係河漿啊？個清湯底=花奶+味精+鹽+幾粒黃豆，都唔知做乜！我好公道，好食我讚，蘿蔔同玉米係甜嘅；難食我照鬧，但都會盡力食曬，不過呢兜，我真係食唔曬！D金菇同生菜仲居然有泥！我更無要求都講粗口啦！$68埋單我攞70蚊出來拿拿聲走，趁香港仔魚蛋粉未關門去食碗牛丸河充飢，DKLM，佢話收加一係$75！喂，咁嘅誠實度、服務、質素、旺角地舖同而家咁嘅市道，你居然可以仲未執？究竟你係點做到？

一進入店內，店員就告訴我們，68元的一人鍋最超值，見她落力推介，就點了一人鍋，我們都選了牛肉（可選其他肉類）。食物很快送上，以這價錢來說，可以說是很豐富的了，除了牛肉，還有肉丸和蔬菜，還有主食（我們一人選了烏冬，另一就選了米粉）。牛肉色澤鮮明，有牛味。牛丸爽口，味道一般，其他丸類也是味道一般。值得一讚的就是生菜很多，而且新鮮爽脆，另外還有白蘿蔔片和粟米。美中不足的就是醬料就只有醬油、蔥和紅辣椒粒，不過價錢親民，也就不好要求太高了。這店另一令我欣賞的就是那位女店員，全店只得她一個店員，為客人點菜、上菜、收拾盤碗，結賬，全都是她一個人在忙。她工作勤快，態度積極，盡力滿足客人的需求，真是令我佩服。下次再到這一區，也會再光顧這店。

呢度最熱門係一人一鍋打邊爐，我地呢晚趕時間，就叫左兩個餐分別係鐵板黑椒雞排飯，同埋潮州粉麵套餐。店員會好積極介紹點食法，食咩好，好熱情。舊雞排好大舊，好多黑椒，中上品質。碗麵都唔錯，清清地，好健康。呢度的份量都幾好，可能會食唔晒。下次如果再有機會黎我都想試下個一人一鍋打邊爐。

這天放工到旺角買野，買完逛下女人街，途經這家小鮮肉，招牌大大隻「肉丸 粉麵 一人一鍋」，我見有點肚餓，所以就入內幫襯。餐牌有粉麵亦有一人一鍋的選擇，一人一鍋的配料也不是太貴，不過可能時間尚早，肚餓程度未至於餓到要食飯或一人一鍋，所以便點了一客粉麵套餐，選兩個餸加一個麵，連杯凍飲$48。我點選了雲吞及豬肉餅，雲吞幾爽口，而豬肉餅彈牙，湯底清清地都好夠味道。飲埋凍檸檬茶，個肚有了實在感，可以再行多陣街，一於下次再嚟食一人一鍋先得。

行行吓女人街，見到呢間坐得幾舒服嘅餐廳，就進去啦！😋雙拼粉面餐都只係$35，好抵食！下午茶時段只需要$28💕我選了自家製牛丸、豬肉餅必食的！牛丸彈牙又濃牛肉味，豬肉餅好大塊，又厚，好爽口，真的真材實料！炸饅頭，超好食，即叫即炸，外脆內軟，沾上煉奶就是絕配！下次我會食一人一鍋嘅火鍋，見隔離枱食得好滋味，我要Encore😊

天氣轉，近排身體好多人都病曬，真系要保重下身體是日一個人食飯想食清淡D，潮式粉面真系無得輸見到呢間美味小鮮肉，門面裝修得好靚，內面睇落又企理，咁岩過左午飯時間，可以靜靜地舒舒服服咁坐低嘆碗面🍜<雲吞豬手河粉$43>雲吞豬手好足料，鋪滿成碗面雲吞皮薄餡靚，每飯雲吞都包左兩粒大蝦🍤豬手有成四舊咁多，河粉份量絕對系king size，河底系先家制，食唔到味精味，食左一半忍唔住飲曬D湯<熱菜蜜+$7>菜蜜勁滋潤，套餐價加七蚊👍值得一提，姐姐服務態度一流，見我無曬湯，主動問駛唔駛加湯，五十蚊買到高質服務又食到好面

今天面试完之后过来吃小仙肉😂🥰🤣😍🧔🤩想想都开心🥳旺角站一出来就是，位置很好找。点了特色粉面，加上潮州辣椒🌶️简直就是不要太鲜我单点了河粉，加上三个送：牛丸，牛腩还有金钱肚。金钱肚很脆，嫩滑入味，卤汁浸入到肚子里面，加上毛肚本身的鲜味，是肉食动物不能错过的绝佳美食牛肚是店员推荐我的，手工制作，肉很紧致，里面还有经，简直就是劲道十足。潮州粉面的精华全部在此河粉煮的刚刚好，配上鲜美的汤汁，很滑又爽口。跟米线相比，河粉更加健康，而且它质地柔软，更加容易消化。牛腩肉跟我在别家吃的小小不一样。这里的牛腩肉薄，容易入口，而且入口即化。鲜嫩的肉汁立马充满了嘴巴👄蘸上辣椒🌶️更是别有风味小馒头是我的饭后甜点🍮哈哈😄炼奶少许，甜在口里❤️幸福到心里❤️

行過女人街成日見到呢一間餐廳，大大隻字寫住小鮮肉，到底係咪賣小鮮肉，定係有小鮮肉服侍你呢，今日我哋入去查個究竟唔想食飯嘅關係，所以見到入面有潮州粉麵，我就揀咗佢啦其實晚市，另一主打會係呢個一人一鍋嘅火鍋套餐，不過對我來講實在太多啦，所以我都係食返潮州粉麵先影個全相俾大家睇，我呢一碗牛丸牛根麵，加個魚皮，連埋杯嘢飲，$63，晚市黎講都ok既，不過呢個好平就一定唔係啦，但係都坐得舒服嘅碗麵都唔錯，牛丸三粒，牛筋份量都多，多蔥嘅情況下，真係幾好食炸魚皮一定要新鮮先好食，起碼啲魚皮唔係林嘅，冇油益味，咁就真係正呀，脆卜卜，浸一浸湯食，一流食潮州粉麵點可以少得辣椒油呢，呢度嘅辣椒油都幾辣，加少少就已經好辣架啦！麵嘅份量都幾多，爽口彈牙本身嘅湯汁，加埋頭先嘅辣椒油，成碗麵會好好食呢個真係唔錯，因為食得出係手打牛丸黎，牛嘅味道非常重，係有咬口嘅，唔會太硬，呢個幾有驚喜

平時趕時間，首選一定係港式粉麵店，貪佢快靚正，今日經過一間有得食一人一鍋嘅鋪頭，我諗啲粉麵應該都唔錯嘅，所以就去試吓😝我叫咗一碗牛丸拼魚蛋生麵，勁大碗，先至$38，加左$3叫咗杯凍奶茶。我覺得碗麵咁質素都唔錯，個湯底幾清，牛丸好彈牙，魚蛋都係，六粒丸都大大粒，幾抵食值得一讚嘅係佢放咗好多菜，幾新鮮另外我仲叫咗$8炸饅頭，一共有兩舊，我覺得好好食，所以我一次過食晒🤣外面炸得好香脆，裏面好綿，good! 食粉麵點會唔叫嘢飲呢？我嘅凍奶茶少甜少冰，奶味濃郁，茶味都幾香，消暑一流。呢度嘅嘢食都唔錯，價錢都好合理，下次經過都會入嚟食碗麵😝夜晚就會試吓佢嘅一人一鍋，我諗都會唔錯嘅！