美味的泰國菜餐廳

营业中

休息中

兩個人食飯叫咗五六樣嘢 埋單都係300左右 嘢食非常新鮮好味 特別推薦食燒雞皮香肉嫩 燒魚都好食推薦一試 啲嘢食食唔曬要打包 價錢非常合理平民 仲要係正宗嘅泰國菜 疫情期間去唔到泰國 都可以喺度感受泰國菜嘅滋味

放假去深水埗行下，今日突然想食泰國野，於是搵搵，找到了呢間美味的泰國餐廳，一於食個tea。餐廳位於元州街，即係長沙灣同深水埗之間。店舖負責人係位泰國靚女呀，服務周到。一行二人點左三個菜同兩杯野飲。泰式海鮮粉絲沙律，材料配菜顏色鮮艷，香辣清新醒胃。炒海鮮寬粉，寬粉口感軟滑爽口，唔駛落辣汁都已經好惹味！再來一個蝦醬炒飯，蝦醬唔算落得好重，微微的蝦醬釣味已經好足夠，飯上面有一塊半生熟蛋，呢種炒法我特別鐘意，蛋黃同蛋白唔係混埋一齊嗰種炒法。愈食愈滋味，阿來mak mak!!!又多左個食堂，以後來深水埗買野，一定會再來食呀

話說今日去返深水埗 某間開業多年皮鞋鋪 購買。 買完皮鞋 甘岩經過呢間 美味的泰國菜餐廳，覺得好有泰國當地美食feel.所以入去試一試豬頸肉飯。 燒過 邊位脆卜卜 勁香勁有口感。加上佢地鋪頭既獨特 醬汁 酸甜美味。一（點）難忘。炸魷魚。新鮮熱喇喇 好脆口。入面塊魷魚 勁彈牙。哈哈 老婆好大方 成兜沙津醬 滿上，食一口點一口 快樂無比。生菜包。 菜100%新鮮 肉炒的好香，唔會碟都係油 。所以好健康。加上肉好肉味 又唔會鞋。泰式檸檬茶。100%泰國口味 非文字能形容，總之好飲雞肉炒金邊粉。好正宗 有青檸 有花生碎 撈埋一齊食 根本就係泰國當地風味。加埋個碟 用左當到餐廳碟 哈哈 風味出哂黎。 金邊粉 炒的岩岩好 唔會勁濕 但又唔會好乾 調味方面 做得出酸酸地既感覺。仲要係老闆夠大方 第一次幫襯 都會大大碗大大兜 希望我地食客 食得飽

深水埗出名多美食 今日發現近美居中心開左間泰國茶餐廳😳緊係入去食左先講感覺好地道！泰式酸辣鳳瓜$58🤩每次無論咩餐廳都一定會叫既菜式 今次果然冇叫錯辣度會相對比出面辣小小 不過酸酸辣辣又夠冰冰非常開胃👏🏻泰式炸蝦餅$68🤤一碟四隻 炸得剛剛好金黃香脆 要趁熱食 外皮脆口而咬落去蝦肉非常彈牙😍一d都唔馬虎！芒果沙冰特飲$28🥭哈哈真係超級大杯 食完炸物最岩飲番杯凍冰冰既飲品 依個芒果沙冰 成杯都好甜唔酸👍🏻份量好大夠兩個人飲！烤雞半隻😋😋半隻黎講份量算大 同埋烤雞外皮更加惹味 而肉質係好嫩滑🤤雞方面唔會好多碎骨 刀功亦都好好！會跟兩隻醬汁比你點SET LUNCH 黃咖哩豬扒飯$50🍛三隻咖哩入面「黃綠紅」個人黎講最中意食黃咖哩 因為甜甜的香味好濃郁😍對我黎講個汁已經可以撈幾碗飯🤣而炸豬扒炸完比較乾身小小 好岩對番個汁

當日同男朋友打完網球好攰想試一試真正嘅泰國餐廳。見到最愛嘅泰國餸都有齊。泰式金邊粉😝😊😊用盡所有泰式香料以及herbs, 海蝦以及特別炒法，可以做到色香味俱齊。絕對好食。芒果糯米飯😄😄果然係我哋女生永遠嘅最愛。糯米香甜鬆軟，入口有一種軟綿綿嘅感覺就好似戀愛一樣。配上最愛嘅芒果簡直就係perfect match..泰式青木瓜沙律👠👠都係我食過最美味嘅沙律之一。而且好足料好飽肚。芒果冰所有女生嘅最愛。尤其是食泰國餸如果太辣嘅時候飲一啖真係好清新。無論地理位置都覺得一流。順帶一提服務態度真係唔錯😊