美味館泰之味

营业中

休息中

菠蘿炒飯多料好吃，味道好又唔太鹹冇乜味精。軟殼蟹整得非常好食，個汁同埋配料好豐富，唔辣就全家人都可以吃到,。幾個月前叫過樣樣嘢都不好吃，又油膩啦，又冇料，像茶餐廳。馬拉盞炒通菜都好食，又係唔太鹹嘅。希望呢間店個可以繼續保持水準，大家希望假日都可以有今日嘅質素。

以前叫過船河啲湯底真係正宗泰式船麵，今日就想再吃到好吃的船麵開開心心的和老公一齊去鋪裡食我就叫了牛丸船河，點知一嚟到俾我一個驚訝係青湯啲船河，真係我第一次食船河係清湯啲湯底，而且還是62紋，另外有牛丸河的價錢是40紋🙄🙄🙄真的食不到我想要的不開心😔

一黎已經見到大大碗，豬皮夠脆，一定要係浸淋之前食哂。湯底濃而不膩，再加上新鮮九層塔，香味更加有層次。香矛豬排極入味，仲要有2塊。河粉中間入左好多通菜。lunch先$55，馬鞍山最好食同最抵食船麵，無之一。

招牌Suki雞肉炒米粉，說到很特色的泰式酸辣，其實只是雜蔬菜少炒在一起加點胡椒粉加點微酸. 味道沒什麼特別出色。未試過完全不會覺得可惜。試了就比較失望。香芧雞翼$55 6隻，其實也同普通炸雞翼沒有太大分別，只是多給你泰式酸甜醬去點一下吧了。龍眼冰是比較好味，有真材實料的。很多龍眼又是大杯裝。晚餐時間，7:30pm也只有1人在內食晚飯，起初以為是地點不就腳所以很少人在內食，食了才知因為質素，味道和勝價比很低的關係便這樣小人光顧。

今天父母得閒，陪佢地到馬鞍山走一轉。行完新港城中心攰攰地，決定走去地道小店食個下午茶。門口見廣告牌下午茶餐有湯粉餐，豬扒湯粉只是賣$35，不包飲品，不算貴，可以一試。入到去見到乾淨的新餐牌，豬扒湯粉$38包熱飲，也算合理，於是點了。環境：舒服光猛，由於當時只得我們一枱，即是包場，感覺良好！細心觀看四周，都擺放了些泰國特式的象型擺設。原來這是間泰式小店 (後知後覺)，間格其實就是一間茶餐廳。衛生：枱面地板和食具非常乾淨食物：豬扒湯粉用大匙碗盛載有特式！豬扒是香茅豬扒，肉質剛好，味道適中！蘿蔔沒根又清甜，確實抵讚！河粉夠滑，碗底藏有爽口的芽菜，整體口感良好，如果湯底能少些油，那麼便會更加好！飲品點了熱鴛鴦，茶味可能較濃，茶太熔所以太苦，蓋過了奶茶味和咖啡味，需要有進步的空間。如果餐飲能夠熱些，相信效果會更加好！服務：樓面兩位女士閒談日常，沒有留意到我們坐下之後枱面上一直欠缺基本的茶水。由落單至上枱大致要等20分鐘左右，相信是即叫即煮。價錢：大眾化！抵食！

蝦醬炒飯係普通到無得再普通既泰國菜式，但都可以鹹到咁，唔知以為加左大量鹽同埋咸魚落去炒，鹹都算喇，仲要一啲蝦醬味都無，完全係死鹹，完全係可以加多一大碗白飯落去炒先可以中和返個鹹味，食完包你水腫，真係多謝曬！

【馬鞍山•美味館泰之味 】————————————————————————馬鞍山 #美食沙漠 天氣開始熱 同朋友們 #foodpanda揀咗泰菜 最啱開心share 以下價錢為#foodpanda價🍯｜菠蘿炒飯｜HKD70肉鬆。青豆。腰果。菠蘿。粟米味道正正常常 清淡吾重味 無咩驚喜🍯｜蝦仁炒金邊粉｜HKD70金邊粉係泰菜必點 撈埋啲花生碎再加少少青檸汁 酸甜開胃 喜歡 食咗唔少🍯｜蝦餅｜HKD85價錢有點貴 切開一半的6嚿仔 炸得幾香脆可口 🍯｜沙嗲串燒4串｜HKD62 叫咗兩份 揀了豬同雞各4串 醬汁係需要的雞串實冇死 軟淋入味 不過豬有啲硬身 我個串有半串係肥膏同筋😕🍯｜鳳爪沙律｜HKD78非常開胃 係好食 食得辣ge我都覺得少少辣呢碟唔係個個人都食到🙊自問食得辣可叫🍯｜馬拉盞通菜｜HKD75正正常常🙈冇咩評語。🍯｜薄餅｜HKD26🤢首先個樣同想像不一 外貌都唔討好 有種_____感覺 可以唔使叫🙈。食物味道：👅👅👅性價比：💰💰💰消費 HKD466✨✨✨✨✨✨✨✨✨✨✨✨✨

早幾日用網上外賣平台叫左個芒果蟹肉炒飯，但個炒飯完全違反商品說明條例，完全搵唔到蟹肉， 都算，啲芒果仲要酸到不得了，好失望 另外菠蘿炒飯就正常，芒果蟹肉炒飯就不了。

食前請三思！今日餓到爆 試左叫呢間泰國餐廳 諗住咁餓食咩都好味架啦，點知其中個芒果糯米飯係我呢一世人食過最難食既一個！😡d糯米飯淋到一pet嘢咁，完全見唔到係米黎，係一舊好粘既漿糊 放入口以為食緊杰d既糊仔🤢🤢真係好難食！仲要連舊芒果都完全唔甜 ！仲賣成$55 對唔對得住顧客呀？？我食左一啖就成個掉左。仲有東陰公湯，飲完成晚勁口渴，唔知落左幾多味精🤭第一次食野食到要即刻影低上OpenRice俾差評從來無試過咁激動 大家食前請三思！

晏晝行過見到間泰國野，就入去試下～我同朋友分別叫左泰式濕炒河同金邊粉的套餐（包野熱飲），午市價錢算是可接受的👀 餐單選擇似係入左間茶餐廳🤣得幾道泰國野。人流都多，所以食完都要即刻走，另外感覺餐具🍴不太乾淨，上面有啲油漬😥

雖説近來馬鞍山新開的食肆相當多, 但有些在這裡堅守得比較久的, 依然有其吸引力, 就好像新港城三代橋後面的這家泰國菜餐廳, 定價以新港城食肆來說, 相對實惠. 當然不能期待配有充滿泰式風情的裝橫及氣氛, 它的外表就是很簡單直接的茶餐廳而已.炒粉麵類即叫即炒, 份量不少, 下午茶份量以晚餐來說也算足夠. 欣賞它炒得夠鑊氣和乾身, 特別是炒麵的麵條層冮分明, 加上辣醬一齊炒, 辣香更能深入麵條, 而且也能提升其香氣. 海南雞飯同樣份量不少, 雖說雞肉有雪藏味, 但雞皮爽彈, 雞肉肉質也是不算韌, 以四十元連飲品去計算, 功能性甚高, 也算能放入口就是.

馬鞍山其實都有唔少泰國餐廳，其中有一兩間都幾好食😋 而呢間我之前食過一次，覺得正正常常，唔係話特別驚喜😬 今次咁啱過嚟馬鞍山就順便買外賣食。❤️ 串燒飯 $56串燒有三串，醬汁調味得唔錯，但啲肉就唔算入味，主要靠個汁去吊味😬 本來都無咩嘢，點知食食下串燒食到有硬物，心諗：無理由係骨掛...😰點知一吐出嚟見到係一嚿藍色水晶物體🤯嚇親我！研究咗一陣都唔知係乜嚟！😵好食度：不予置評餐廳推薦度：不予置評原本以串燒質素嚟講係會值些少分數，但估唔到今次會經歷到啲咁嘅嘢😵 我希望佢哋可以改善一下衞生問題！

食左4-5次都咁好味，叫左個泰式乾炒牛河同炸蝦餅，每次都叫呢個 因為佢鑊氣炒得好好同好爽口，好入味，材料充足，炸蝦餅叫咗幾次都好好味又好大舊，食落去多汁，真材實料！炸得金黃色，火候啱啱好，價錢都唔太貴，值得比，下午茶相對平少少，下次會再去食😜有一次幫屋企人帶叫咗個泰式濕炒牛河都好好味，多汁多蔬菜，材料豐富，，河粉非常彈牙，，同菠蘿炒飯都非常有鑊氣，外觀華麗，炒到金黃色，值得推介大家去試試😚同埋有兩隻大蝦係菠蘿炒飯入面，真係好驚訝～

今日同朋友foodpanda叫咗呢間泰菜食，其中一樣係冬蔭公海鮮湯。朋友飲到最後，竟然發現碗湯入面有隻曱甴🤢🤢🤢當時成碗湯已經飲得7788，如果我朋友唔係觀察力好，我深信曱甴已經喺佢肚入面，而且唔會係成隻咁完整。講真我哋見到之後真係好想嘔，好想扣喉吐返啲湯出嚟。呢間餐廳究竟有幾污糟，究竟佢嘅炒粉麵飯有無甲甴屍體，小食拼盤又有無，我已經唔敢想像。我同朋友只想將餘下食物全部倒哂，唔想再受害。呢單野我哋一定會報上食環 。

呢間泰國鋪頭其貌不揚，經常經過門口已列有菜單價錢牌，感覺比較鋪面不算太平，曾經外賣過一個蝦醬炒飯，非常野味好味，70蚊。今晚叫左一個菠蘿炒飯，同樣非常好味，非常足料，現在外賣自取平左，60蚊。一打開就有好多海鮮，蝦、魷魚、青口、蟹柳，仲有好多菠蘿、什豆、腰果、提子，是有驚喜，這個價錢都算十分超值。感覺廚師確實有心煮同拿手煮泰國菜，下之一定試堂食，叫傳統泰國菜。