美心小品

营业中

休息中

食過好多次架啦，今次寫漢堡同辣薯條。其實仲有意粉法包之類。餐牌如下：辣薯條系呢度既特色，薯條夠厚身有肉，店員會審啲辣粉落薯條到，特別惹味，可以叫店員幫忙，落多少少辣粉的。配以白咖啡，香味濃郁，杯身勁肥又大杯，真系坐系度慢慢嘆。漢堡記芝士牛肉比較好，黑醋雞堡甜甜地外皮硬硬地，肉質嫩。不過感覺牛肉會比較傳統啲，包夠挺，食落都幾大個。黑醋雞漢堡。環境幾靚，所以下午茶都幾多人，無得book位，自己搵定位。

忌廉蛋汁煙肉意粉$58叫意粉都送埋蒜蓉包，包都幾好食，如果再多啲蒜蓉應該更香口意粉個汁令人食上癮，做得幾好環境舒服，雖然係cafe但係野食都唔錯，應該會再返嚟食

過嚟坑口，每次必食嘅Cafe美心小品環境一流，啱囇打卡一族📸你以為佢d野食好睇唔好食⁉️咁就大錯特錯la❌美心小品野食「高汁」性價比極高有齊pasta🍝 burger🍔 french fries🍟 salad🥗 dessert🍰梗有一款啱你❣️忌廉汁野菌意粉 🍝係我每次嚟必點嘅忌廉汁野菌意粉嘅麵質整得啱啱好野菌又滑又多汁芝士碎令意粉更香濃意粉仲附送蒜容法包脆炸魚柳漢堡同樣係必食Burger麵包烤過，十分鬆軟魚柳滑到入囗即溶炸皮唔厚又鬆脆Pickles令成個burger感覺refreshing啲叫咗個朱古力鬆餅做甜品🍫又幾好味，唔會甜到溜杯朱古力奶加少少錢就有好濃郁嘅可可味，又唔會太甜總括而言，超級推薦大家黎食呢間野

做完gym 孖公仔🧸去食好野今日為大家介紹一間性價比超高嘅Cafe用simply life 一半倒嘅價錢就食到質素高過simply life 嘅set lunch要Walk in 無得訂座見到人山人海就知道唔係浪得虛名啦Highly recommended!

今晚走過黎呢個商場到行下街，一心都諗住晚餐黎呢度食 半自助形式，自己排隊比錢落單，食物就由店員送上 加錢叫左個凱撒沙律，爽脆沙律菜，配上脆口多士粒，面頭灑上少少芝士碎，增加咸香味，整體感覺唔馬虎，食完個人都清爽D! 仲有呢杯凍檸茶，茶底唔係茶餐廳味道，似係同系嘅另一間西餐廳出品，唔算太岩口味，但咁熱天氣又好想飲杯凍檸茶嘅! 轉用紙飲管，走膠都算為環保多走一步! 有飯/意粉/漢堡選擇，想食呢客忌廉雜菌意粉，即叫即煮，保證新鮮熱辣! 用上鮮忌廉煮成醬汁，令每條意粉都香滑，意粉口感唔錯，而雜菌有幾款，加埋少少黑松露醬作點綴，當堂變得高貴少少，賣相比美西餐廳出品! 意粉/飯都會配上蒜蓉飽一片，食完先食意粉都已經有打底作用，但又幾好味唔想唔食，意粉份量都唔少，總括黎講性價比相當唔錯!

星期六放假，同朋友再黎呢間餐廳食個下午茶。因為唔係好肚餓，今次叫左個炸雞漢堡試試，佢既雞炸得好好，外脆內軟，而且同醬料好夾另外一定要跟餐加薯條，好抵食！飲品試左佢新出既藍莓smoothie ，好冰涼好有藍莓味，又係好驚喜

美心小品環境唔錯，好有悠閒既感覺，所以平時星期六日都鐘意同朋友黎呢到嘆返個下午茶。呢到既意粉好好食，最鐘意係佢仲有塊蒜蓉包，脆卜卜好好食！如果唔太肚餓我就會叫個焗薯，配上唔同味道好滋味最最最緊要一定要加個薯條，套餐價加好抵食！

每次必點忌廉煙肉意粉，配埋條香脆蒜蓉包perfect😋朋友最愛尼間嘅糙米飯，雞肉有明顯煙燻過的味道特別香，加多個辣薯條就滿足哂，熱辣辣又唔會炸到好乾，其實一D都唔辣Coffee中規中矩，選擇都唔小，迎合到唔同人嘅口味店環境舒適，令人放鬆，放假輕鬆下的好地方👍🏼👍🏼但繁忙時間就可能會有人企著等枱，添壓力，想輕鬆下都要睇時段呀😉

今日去咗食佢個公司三文治（$42），等咗大概15分鐘到，就有得食。三文治有三大件，排得幾靚，睇到橫切面。麵包稍微烘過，包邊有麥皮同瓜子仁，幾脆同埋有淡淡麥味。第一層中間夾住番茄，火腿，同芝士。番茄新鮮；芝士應該係車打芝士，不過無融到，如果有融到味道會更好。第二層係蛋沙律，煙肉同生菜，蛋沙律用咗蛋黃醬去撈，不過我覺得有少少太多醬，有啲漏，如果多番啲真蛋會更好食；煙肉唔會好多肥膏，幾crispy；生菜都新鮮。整體味道唔錯，份量夠飽肚。不過我覺得服務可以好啲，呢間餐廳成日都無位，要企喺食緊嘢嘅人隔離等，呢個安排唔太好（因為佢個定位唔係快餐，如果單食意粉，飯嗰啲都要60－70蚊，仲未嗌嘢飲，其實好應該有人嗌飛），同埋有啲枱櫈唔夠高，有啲枱矮到去到膝頭，食起上嚟會有啲麻煩。

每次嚟到坑口搵地方食嘢，就會諗起「美心小品」，原因是多年來當區食肆餐廳不斷變遷的時候，它仍然屹立不倒，食物飲品水準穩定，環境尚算舒適。今日係附近打完波，亦不例外，同幾位朋友嚟呢到食晚餐。平日我嘅最愛係忌廉汁野菌意粉，今次想試下新意思，點了魚柳香草汁糙米飯🍚及熱檸檬茶🍋。主菜賣相吸引，見翠綠色的醬汁將每粒飯包到晶瑩剔透，油份令到飯粒閃閃發亮，食落口感軟硬適中，魚柳🐟炸得剛剛好，雖然並不是什麼貴價魚柳，但食落去口感尚算嫩滑，加上碎芝士，味道香濃，唯一挑剔的是較為細塊及不是整塊奉上，隨主菜奉上法包香脆可口，建議可放一匙飯於法包上，然後放落口慢慢品嚐，麵包跟飯嘅香草醬汁融為一體，味道層次感豐富。呢到嘅飲品亦是我欣賞的，盛載飲品嘅玻璃杯夠大隻，檸檬🍋同茶底配搭得宜，茶色紅艷嫩亮、溫度夠熱、收歛性夠強，喝後感覺溫暖回甘。若下次再嚟食，會試下朋友推介的日式咖哩雞扒意粉。

四個人去食飯 餐廳環境幾靚 有氣氛 叫咗三個煮食同埋兩個小食 已經夠飽 薯條辣得黎又脆 係新鮮炸好 一定要加 煮食方面雞肉糙米飯偏酸 但係好開胃而且雞肉有浸煙燻嘅味道。好食意粉方面略嫌野菌意粉嘅黑松露味唔夠強 不過軟硬度適中 卡幫你煙肉意粉就好食啲 每款煮食都富有蒜蓉包 吹得來蒜蓉味濃郁加配嘅白咖啡非常好飲值得一試10分推介大家去食

這家餐廳最好的地方是食品種類多，叫set可以配小食，再加蛋糕而價錢適中，適合樣樣都想食d既人，而且食品和飲品的質素都很高！😍叫了兩個tea set1. 蕃茄雞肉燉飯配辣薯條 加 焦糖咖啡這裏的主菜都配有蒜蓉包，是很好的配搭～作為前菜很不錯，熱辣辣的很香脆～燉飯蕃茄味很重，酸酸甜甜很開胃，飯粒帶點生，比較有嚼勁，個人而言很喜歡，比忌廉意粉更fresh. 薯條是必加的，粗粗的薯條軟硬剛好，灑上的辣粉很香口，比點番茄醬更好吃！！套餐加$10來說性價比很高！焦糖咖啡有點稍稍過甜，建議可以叫少甜，不過仍是不錯，用玻璃杯盛著，暖暖的有幸福的感覺🤤☺️2. 牛肉漢堡 配latte漢堡對比意粉或燉飯而言有點遜色，但用料不錯，面包不是充滿空氣扁塌塌的那種，面頭還有燕麥碎！想試試蛋糕，但食物太豐富，份量又多，吃不下了，下次再吃～

今天晚上，經過坑口之美心小品，見到門口有很多人排隊，價錢也不貴，就進去試試。餐牌選擇不算多，但勝在價錢大眾化，又不用加一，抵吃!蘑菇湯，由新鮮的蘑菇打碎煮成，鮮味可口，香濃好味！我們加了10元配了薯條，有辣及不辣的選擇。薯條軟硬適中，我自己就喜歡辣味薯條多一點。忌廉汁雜菌意粉，白汁香濃柔滑，意粉爽淋適中，十分好味。每一客意粉都送一大片蒜蓉包。另一個日式咖喱雞扒意粉，賣相不錯，有少辣而帶有甜味的，配上脆口的雞肉，對於喜歡吃雞的我實屬理想的選擇。雞塊不錯如果想休閒地與家人一齊享用晚餐，帶有文青氣息的美心小品，實在是一個很好的選擇。

将军澳这间美心特别d，係美心與你~與你一起欣賞文青的創作~墻上的確有一些作品，例如個試管乾花。中午都幾多人去食，最好早一點。裝修類似MUJI風格，淺白加木質，比較乾淨明亮啦。主打意粉漢堡包等簡餐，飲品或湯或薯條需要另加。如果不加野飲，可以去櫃檯斟熱水，自助噶。這個係野菌黑鬆露意粉。分量不算大，但是另有一塊蒜蓉麵包，應該都可以夠飽掛。個忌廉汁ok，但是唔太稠，可以掛到意粉的。菌類就正常。無乜黑鬆露味，都有一塊啦。蒜蓉包重口味，蒜蓉味好香，幾好味。

最中意佢地嘅卡邦尼意粉！意粉煮到啱啱好 唔會過硬過林 口感彈彈地亦好掛汁 醬方面有落培根同洋蔥碎層加層次感唔會過乾過濕最perfect嘅係會配個熱辣辣嘅蒜蓉包！我敢講呢度嘅卡邦尼係最合我心意的！