美心西餅 (已結業)

今日係一個好朋友嘅生日所以臨急臨忙之後就去咗呢間 西餅店到 買一個佢最鍾意食嘅芝士蛋糕去到嘅時候雖然款式唔太多但係都俾我見到一個好似好好味嘅芒果乳酪芝士蛋糕蛋糕表面上有少許新鮮芒果然後鋪上一層芒果啫喱 中間有乳酪芝士作為主要 配料 加上有餅底所以食落有唔同層次嘅享受 中間嘅乳酪芝士蛋糕乳酪味道酸酸甜甜 芝士味道略嫌為偏淡 但配搭起乳酪各有千秋 質感幼滑

夏天來了，換季是常識吧，連麵包袋都需要轉新look啦! 這袋提子包，新包裝比舊的靚咗，袋身彩色咗，連帶麵包都好似好味咗。麵包質感較從前的好，沒有像之前的實，而且提子數量好似多咗; 麵包有包味，提子乾唔乾仲好有水分，啖啖都有提子乾，令到成袋提子包立即變得美味咗。

親愛既表姐生日,今天沒有選擇唱K,而是在家慶祝,好有家庭感覺我們一眾姊妹們除了禮物外,亦買了蛋糕呢,今天去了美心買一個新出的蛋糕粟子蛋糕,新口味,樣子看起來不錯栗子Cream佈滿得相當平均,吃起來口感豐富蛋糕亦相當柔軟,味道香濃士多啤莉和藍莓味道新鮮不過稍嫌太多cream,肥膩了小許份量亦足夠4位女孩吃,每人分到2件這個size的

還有一個星期就是情人節了，唔知大家想好了送甚麼禮物給你的另一半未呢？其實有時送禮不一定要買珠寶、首飾、皮包之類等名貴物品，送上一個既有心思又能代表你另一半性格的蛋糕，同樣會有驚喜。事緣早兩天經過《美心西餅》，發現原來餅店今年推出了一系列創新的情人節蛋糕 #Cakefor2，一共有三款口味，全部劃一價 $98 一個，當中包括 #PURE、#NAUGHTY 同 #WILD，所以回家後也特意瀏覽了餅店網站，得悉原來這三款不同味道的蛋糕，代表著三種與別不同的戀愛滋味，讓有心的情侶可以在這三款蛋糕中，尋找出只屬於他們之間的愛情味道，設計非常之有心思，所以趁這天周末，就決定為另一半帶一個回家，齊齊開心分享。三款口味都有齊，包括以夢幻粉紅色調作主的 #PURE 士多啤梨忌廉蛋糕、色澤青翠的 #NAUGHTY 綠茶慕絲蛋糕及全紅色、火辣辣的 #WILD 辣味朱古力慕絲蛋糕。相信這款表面鋪滿粉紅色朱古力碎，並以粉紅色忌廉圍邊的 #PURE 就最啱單純的女生。而這款鮮艷奪目、熱情如火的 #WILD 就最啱愛刺激的情侶。至於老公這個老頑童，這款 #NAUGHTY 綠茶慕絲蛋糕 ($98) 就肯定是我倆的不二

農曆新年將至，好快又放假，所以前一兩日去左辦年貨。經過美心西餅，見到好多款式嘅蛋糕，而我就揀左牛油蛋糕，蛋糕非常鬆軟，牛油味濃郁，中間夾雜住D合桃，忌廉，十分有口感，值得介紹俾大家

見佢新出咗個金秋栗子蛋糕，趁阿爸生日，滿足私心咁買咗個嚟賀壽。總體來說，味道挺好，最底層的朱古力脆脆很香很好吃，但面頭的栗子蓉稍嫌太甜。。。旁邊的最大賣點——栗子慕絲，無甚特別，不夠香。整個蛋糕有點膩，四個人吃了大半個已經飽得很了

星期六，晚飯後，走去美心西餅買麵包做星期日早餐。俾錢時，見到收銀機位擺咗2款新產品，朱古力牛油蛋糕和香蕉牛油蛋糕。順手買咗大路口味既朱古力味。蛋糕唔算大件，約2件雪芳蛋糕再長啲啲啦，上面鋪咗小小朱古力粒。切件後，蛋糕都幾結實，雖然裡面冇朱古力粒-朱古力粒只留係表面-但是蛋糕都有幾香既朱古力味，但是食落口，就略為淡左小小，若果再加濃多啲朱古力味道就好。雖然話係牛油蛋糕，不過牛油味唔太濃，感覺唔會咁漏，加埋杯自家製咖啡，在家中一樣可以有個relaxing breakfast.

秋風起，走在街上，除了感到陣陣涼意外，還不時嗅到炒栗子的香氣。其實栗子除了可以連殼糖炒之外，用來製作蛋糕及甜點也是上上之選。前幾天經過《美心西餅》，發現原來繼早前一系列「果肉主義」蛋糕及甜品杯後，餅店已經推出咗另一配合秋天時令的「山東板栗」系列產品。其實近年「美心」一直都有推出以「山東板栗」為主打的蛋糕甜點，今年當然也不例外，仍然是以 Chilam 張智霖做代言人。據悉每年 10 月至 12 月，正是板栗當造期，而山東莒南縣所出產的板栗，不但顆顆均勻整齊，皮薄易剝、而且甜度和水分含量都很適中，最適合用作製造蛋糕及甜品。趁週末假期，閒著沒事，就一於為家人帶個「金秋栗子蛋糕」回家齊齊分享。聽店員講，原來這個金秋栗子蛋糕 ($188/1磅) 是板栗系列的新成員，之前沒推出過，尤其是面頭的 3 顆原粒新鮮板栗，用上金箔作點綴，令蛋糕外型更顯矜貴。饞嘴的我，回家後已急不及待，立即切開品嘗。其實蛋糕的面層是用上鮮磨山東板栗蓉打造，所以吃起來質感特別幼滑軟糯。至於蛋糕內層，就分別以朱古力蛋糕、鮮磨栗子蓉及鮮磨栗子慕絲等一層疊一層組合而成，望落去非常足料，而且每一啖都可以感受到栗蓉的細滑，加上蛋糕的軟

早兩個星期同大家分享咗「美心西餅」聯同迪士尼推出的第一階段《TSUM TSUM 疊疊甜品杯》，分別是三款限量版的三眼仔、巴斯光年同米奇，今個週末趁暑假結束前，就一於帶埋第二階段推出的另外三款甜品杯，跳跳虎、小熊維尼和史迪仔 ($32@) 回家，同屋企人齊齊 happy share。上次嗰三款甜品杯的造型，相信大家都仲記得，三杯之中，個人最喜愛就是外型有點嬲嬲豬的巴斯光年，樣子超可愛，好得人鍾意。至於今次呢三款，唔知大家又估唔估到是甚麼口味呢？先試這款「跳跳虎」，原來這杯色澤黃澄澄的甜品，是以香甜的芒果打造而成的楊枝甘露，配上味道酸甜適中的西柚，冰涼醒胃，很適合夏天享用，加上「跳跳虎」的 cute 爆外形，相信小朋友一定勁 like。至於圓碌碌的「小熊維尼」及造型萌爆的「史迪仔」，前者其實是木糠布甸，馬利餅夾雜著甜忌廉和煉奶，口感細緻，層次分明，甜味足但又完全不膩；而後者「史迪仔」其實是牛奶布甸，入口奶香十足，質感滑溜得來又夠清甜，味道亦十分討好。其實今次「美心西餅」聯同迪士尼推出的整個 TSUM TSUM 蛋糕甜品系列，除了之前介紹過的 6 款《TSUM TSUM 疊疊甜品杯》外，還有

由迪士尼所推出的 Disney Tsum Tsum，不僅手機遊戲受到無數少男少女歡迎，就是連其周邊產品，亦風靡亞洲各區，引起搶購熱潮。所以當知道今年「美心西餅」聯同迪士尼推出 TSUM TSUM 蛋糕甜品系列，也特意走到餅店看看。原來今次整個系列包括有附送別注版 TSUM TSUM 立體模型玩具的《良朋共聚草莓蛋糕》($288/1.5磅)、《三眼仔芒果慕絲蛋糕》($188)、《勞蘇草莓慕絲蛋》($188) 及 6 款以迪士尼卡通人物：包括米奇、小熊維尼、三眼仔、巴斯光年、跳跳虎同史迪仔現身的《TSUM TSUM疊疊甜品杯》($32@)，選擇非常豐富。幾款甜品杯的造型都非常可愛，特意帶了三眼仔、米奇同巴斯光年 3 款回家，同屋企人分享。除了三眼仔之外，相信大家看一眼都應該已經估到甜品杯的口味。先試「三眼仔」，其實這杯是意大利芝士餅，等我初頭仲懶醒，以為是奶凍添。芝士餅面層放上奇異果及藍莓作裝飾，入口雖然酒香不濃，但口感軟滑，soft 得來又不太甜，配上三眼仔萌爆造型，實在討人喜愛。至於 cutie 的「米奇」同「巴斯光年」，其實齋睇顏色，相信大家都應該已經猜中是草莓慕絲和朱古力慕絲吧！兩

炎熱翳焗的天氣，不但令人出街感到熱辣辣，就是連食野都無曬胃口。不過早幾日喺 facebook 見有人 post 咗兩張《美心西餅》剛推出的 Honey Bee Series 系列蛋糕，當中包括有「蜂味蜜糖屋」及「蜂味芝戀慕絲蛋糕」，前者一款形象 cute 爆可愛，而後者則成熟典雅，加上據報兩款蛋糕都特別採用咗產自澳洲塔斯曼尼亞的 Blue Hills Leatherwood Honey 打造，睇落好似幾清新甜蜜咁，實在非常吸引。好，就一於趁週末人齊，去揀番個回家同屋企人齊齊分享。由於老公對芝士向來興趣不大，所以二話不說，第一時間就挑選了這款「蜂味蜜糖屋」(原價 $218、「蜂」味價$198)。個蛋糕面頭嘅裝飾，真係好得意，尤其是躺在蜜糖屋頂上兩隻間紋的鵝黃色小蜜蜂，造型趣緻生動，加上甜美的巧克力蜜糖棒，光看就已經讓人心花怒放。兒子已經急不及待，把這間賣相誘人的蜜糖屋從頂部切開，嘩，原來內裡金黃色的蜂蜜是以一個小兜盛載著。先以朱古力棒蘸點少許蜜糖放於蛋糕上，再端前細看，原來間蜜糖屋的夾層是由好多種唔同的食材組合而成的，望落去層層疊疊，質感豐富。除了面層充滿清甜蜜糖味的蜂蜜慕絲外，內裡還有

母親節飯下星期日才吃，今日，去美心買個蛋糕送給家中兩位母親。原打算買個澳洲牛奶蛋糕回家與摰愛共享，店員告知是日全線停售，只賣母親節系列蛋糕。今年的選擇眾多，教人眼花繚亂的。千挑萬選下，要了造形高貴典雅，忌廉較少，名為玫瑰后冠$188的紅絲絨士多啤梨蛋糕。蛋糕以紅彤彤的紅絲絨圍邊，模擬后冠的樣子，原味海綿蛋糕上放滿粒粒鮮甜的士多啤梨和藍莓，再撒上白朱古力碎片，視感效果一流。誰知，佔了幾乎一半重量的厚身紅絲絨蛋糕質感既乾又嚡，且味道極為人工化，吃一口，已受不了吐出來。海綿蛋糕口感鬆軟，夾著鮮美士多啤梨碎粒和幼滑忌廉，食味正常。只是，所謂的“玫瑰忌廉”，小妹和家人味拙，均吃不出其味來。小結:可用“中看不中吃”五個字來作一簡單概括，一百八十八元的蛋糕，可說是不及格的。

明天就是母親節了，唔知大家想好了買甚麼蛋糕同媽媽慶祝未呢？ 嫌年年不是花花蛋糕就是心心蛋糕，太過悶蛋？ 咁不如今年搞搞新意思，為妳身邊的《潮媽》送上 LINE FRIENDS 蛋糕吖。原來「美心」繼早前推出 LINE FRIENDS 中秋月餅、賀年曲奇、甜心酥後，近日又再同 LINE FRIENDS 聯乘合作，攜手推出另一系列 LINE FRIENDS 蛋糕同甜品杯，當中包括有型英帥爆的熊大「BROWN 朱古力紅桑子慕絲蛋糕」 ($188)、cutie 白滑活潑可愛的「CONY 忌廉芝士蛋糕」($188) 、「大頭 BROWN 楊枝甘露甜品杯」($32) 及「大頭 CONY 奶凍草莓慕絲甜品杯」($32) 四款。BROWN 朱古力紅桑子慕絲蛋糕，饞嘴的我，見這款熊大 3D 蛋糕外形吸睛，趁週末有空，已第一時間把它帶回家與家人齊齊分享。店員很貼心，知我是用來作母親節蛋糕吃，還特意送上《Happy Mother’s Day》紙牌呢！熊大蛋糕造型咁可愛，你捨得吃嗎？切開細看，原來蛋糕面頭鋪滿咗唂咕粉同朱古力，配內裡幼滑的朱古力慕絲和拌入了紅桑子餡的朱古力蛋糕，帶來雙重口感，加上面層的朱古力一

美心最新出了個牛乳蛋糕系列，其中這個澳洲軟芝士蛋糕也是同時間出的，因為喜歡芝士蛋糕就買來試試有什麼特別了。試完其實沒什麼特別的，香香軟軟不過不失吧～蛋糕質地算滑，入口不是立即融化，但也算是軟的，＄35也不能要求太多吧：）當早餐或是下午茶剛剛好～不會太滯。

家人生日，為咗討好朱古力焢嘅佢，放工特登兜路買咗個魔鬼蛋糕俾佢，見到驚喜萬分嘅佢就知識佢非常鐘意啦吸引嘅外型！一睇就知熱量高切開之後，見到厚厚嘅mousse包圍住朱古力海綿蛋糕，加埋朱古力脆脆，真係肥死成個蛋糕，最值得讚嘅係mousse打得滑身，朱古力濃得嚟又挺身朱古力脆脆當然係加分位，令個蛋糕嘅口感更豐富反而主角海綿蛋糕做得一般，唔夠鬆軟無彈性，連蛋香都欠缺呢個蛋糕真係試一次就夠