美心西餅 (良景廣場)

营业中

休息中

早前8月，我在港島區見到電車經過，廣告是賣相吸引的韓國蜜瓜蛋糕！ 原來是 <美心西餅> 出品，絕對是十年難得一見，可以吸引我買的蛋糕款式！我提早一日訂購！由於，我覺得我好日都不會幫襯，所以，一早已刪除個 app，什麼優惠、折扣、連店方見到的消費劵付款優惠也沒有，只有用八達通消費劵付款而已！韓國蜜瓜 soft 乎厘輕芝士蛋糕 $158 +$10 生日牌約 0.8磅，5.25吋選用韓國網紋蜜瓜，竟然哈蜜瓜比蜜瓜香甜， 軟梳乎厘輕芝士蛋糕口感輕盈，甜度剛好！媽咪都好喜歡其清新口味！

自問自己都是一個喜歡甜食的人。有甜自遠方來，不亦樂乎。屋企人前來探訪，帶來的除了問候，還有食物。鮮果盛放系列美心mochi芒糍蛋糕 $258.00/個造型滿分，可愛又特別，打卡送人都無話可說。圓圓的蛋糕造型，上面有幾粒火燒過的麻薯，和芒果🥭。切開外層是厚厚一層忌廉，然後海綿蛋糕🍰，中間夾心地帶有麻薯、芒果🥭粒、海綿、忌廉。總結來說最好吃的部分是麻薯，海綿蛋糕無什麼特別，芒果🥭粒酸出一個新高度，忌廉唔評論，因為本人不好。總結來說可一不可再，世界上甘多蛋糕，有什麼阻止你去吃其他貨色的呢？！還有價錢有小貴，這個價位可以選擇的還有更多吧。

那天早上，突然醒起細佬翌日生日！ 由於時間倉促，我只好買現成蛋糕，而不會訂蛋糕！女店員建議我裝美心 app，可即時享有95折優惠！我問美心西餅可否用信用卡積分？她說可以，跟其店子優惠無衝突，兩者一齊用也可以呀！並非每間 <美心西餅> 分店陳列的蛋糕款式都是一樣！我先走到最近屋企的寶怡花園分店，卻無細佬首選的栗子蛋糕！我即管碰一碰運氣，在烈日當空的中午，走到另一間良景分店！原來，臨時臨急要買到栗子蛋糕並不容易！細佬生日蛋糕：甘栗鐵觀音茶蛋糕 $138 (95 折 $131.1) 5吋，約1.2磅表面有朱古力脆脆，原粒甘栗，軟滑香濃的甘栗慕絲，與鐵觀音獨特的茶香及甘味，相輔相成！有助減低甜膩感！中間夾層還有甜美的栗子蓉及鬆軟的海綿蛋糕，整體比預期口感豐富，細佬亦好稱心滿意！

今日食完午餐仲係口痕痕，經過見到美心門口放左蛋撻同芝士撻，個芝士撻個樣好似好靚咁，吸引左我去買佢芝士撻$13/個本來對美心呢個芝士撻既期望唔太高，諗住過下口癮就好，買左返屋企仲放左一陣先食～由於我放涼左，所以我食之前有放入焗爐焗返熱小小先食。熱辣辣咁係個焗爐拎出黎，雖然香味唔係好夠，但個樣金黃色，好正！切開個撻個時已經感覺到個皮好脆！中間的芝士餡流心咁流出黎！食落口好有驚喜，個撻皮好香牛油味，仲要勁脆卜卜！最最最中意就係脆口既蛋撻皮！芝士餡既芝士味唔會過甜，又流心，果然焗一焗熱佢係正確既！$13既芝士撻真係推薦大家試一下！

呢日夜晚竟然有"撻"……剩，係時候試下美心西餅出既……芝士撻不過首先先講下"傳統蛋撻"味道: 👍由細食到大既蛋撻，的確令我非常失望皮夠脆，但温度低，即係凍左蛋味冇咩，甜味都冇咩，基本上成個蛋撻都冇咩特別顏色係吸引嘅，但外表同內在真係有好大分別估計由於時間關係，所以即使有個熱爐都冇用建議: 如果大家好想食蛋撻，唯有早d or 撞正出爐個陣買la😅宜家講下……"芝士撻"味道: 👍👍👍👍味道濃，芝士軟身，creamy唯一小缺點係……皮較厚身，但個人黎講尚可接受嘅雖然一個都要$12，但間中食下係ok 嘅💙💚💛💜 大家想知道更多美食資訊，就快d follow fatdog1234 💜💛💚💙

是日媽咪生日，無咩現貨好簡，咁就用4張餅卡買個彩虹蛋糕。磅數好多，食左幾日先食完。切開裡面係一層層海綿蛋糕，出面層7彩cream超厚，差唔多佔左蛋糕一半。d cream得個甜字，同埋實在太多，連我超鐘意一大啖cream咁食既人都覺得好膩。

上個月買左個 3.9牛乳蛋糕牛乳前面既數字係代表濃度，所以呢……我原本超級期待，因為我好鍾情牛奶味道既甜品……而美心西餅既姐姐又極推薦……所以最終忍唔住買左佢可惜……味道同想像中有小許出入la....haha入面有牛奶布甸，朱古力味蛋糕，忌廉……整體感覺係清新，味道比較淡，但整體配搭其實都ok嘅如果大家鍾情 fresh 既蛋糕感覺，咁可以一試，因為有牛奶香味，但唔會好甜ar，而且賣相真係唔錯架，價錢係合理的

生日去美心買了一個蛋糕，好多生果，士多啤梨，藍莓，蜜桃，一層薄薄忌廉，少少好似香草綠色的碎碎，一層蛋糕，一層生果，一層蛋糕，一塊朱古力脆脆餅底。好有層次，生果也鮮甜及豐富，蛋糕都鬆軟，好味喎，脆脆餅底好香，唔會好甜啊！！整個蛋糕係唔滯，好食

每次行過美心西餅同俾佢雪櫃入面精美既蛋糕所吸引但係價格實在令我有D望而卻步今次終於忍痛買左個芒果脆脆(最細個款)試下究竟佢既價錢同埋味道究竟係唔係正比蛋糕最頂層係成層既芒果雖然而家好似唔係芒果既季節不過D芒果食落好甜,完全唔酸除左水果之外,蛋糕唔少得既一定係Cream同埋舊糕啦cream唔多之餘,舊蛋糕真係有味道既點都好過d得cream既蛋糕既甜甜地又唔會話好膩要狂飲水咁都唔錯架但最特別既係 呢個蛋糕最底有層朱古力餅碎真係成塊餅黎切既時候都要d力先切到朱古力味唔係好濃,唔會好苦我都幾鍾意呢層餅,味道唔錯今次買個蛋糕係芒果脆脆咁多款入面最細隻個款但都要$108蚊,味道係幾好,不過價錢真心略貴唔係特別想食或者節日 真係好難買得落手

今年，細姨的好朋友不再向半島續會，因此，她不再送 <半島> 奶黃月餅給我們！  加上，細佬已跟女朋友分手，也不用再動輒上千元買<半島> 奶黃月餅！  我們沒有半島奶黃月餅也不緊要！食其他出品亦是新嚐試啊！ 自從位於上環德輔道中的金鑽海鮮酒家結業後，信德中心地庫的 <美心皇宮> 便成了老闆及老闆娘的新飯堂！他們是長期熟客，自然成為酒樓經理的最好推銷對象！  他們以優惠價購買美心月餅劵，並送給我們渡中秋！ 由於，美心月餅劵過了期限便要到指定分店領取！相當不便！老闆娘更提醒我們，如果，領取環保裝雙黃白蓮蓉月餅的話，送多一個流沙奶黃月餅！ 今年，<美心西餅> 為響應環保，與環保團體地球之友合作，特別設計了以蔗渣等可循環再用的物料製成的環保月餅盒！既可環保，我們又可嚐多一款月餅！真是一舉兩得！ 送禮講求包裝，自己一家人食月餅，不著重包裝！  於是，我提醒媽咪記得領取環保裝！ 雙黃白蓮蓉月餅 (香港限定環保裝)環保裝設計的月餅盒，外型好像一個迷你公事包！  簡約又實用！  打開環保月餅盒，4 個獨立包裝的月餅整齊