美心西餅 (置富第一城)

营业中

休息中

叉燒包入邊得極少量餡，今啱想方便整返熱佢切開一半，如果唔係唔切開都唔知，好似食緊淨面包．．．．．．呢個價錢，酒樓叉燒包仲抵食過佢，起碼知道食緊叉燒包。大集團賺錢賺到一個點。

每次生日買蛋糕，美心都係我嘅首選，平靚正，份量足夠🫶🏻🫶🏻今次買咗個芒果朱古力脆脆蛋糕，個蛋糕真係好靚，面頭鋪滿咗金黃色嘅芒果粒，仲有啲朱古力脆脆點綴，睇落好吸引😋。一食落去，芒果好香甜多汁，仲好新鮮添🥭。朱古力脆脆好脆口，同芒果一齊食，口感好豐富，仲有陣陣朱古力香味🍫。蛋糕底係海綿蛋糕，好鬆軟，唔會太甜，同芒果同朱古力脆脆好夾。成件蛋糕食落去，芒果香甜，朱古力香濃，口感豐富，真係好滿足呀🤤。如果鍾意食芒果同朱古力嘅朋友仔，一定要試下呢款蛋糕，保證你食完會好滿足！😋

今年出嘅父親節蛋糕，非常特別，我訂咗一個香港特色嘅父親節蛋糕，造型獨特，奶皇包真係有奶皇在包內，而蛋糕裏面都有一層奶油cream。影相－流👍蛋糕以茉莉花茶忌廉、茉莉花茶啫喱、朱古力裝飾、朱古力忌廉、奶黃慕絲球(牛奶慕絲、奶黃軟心醬)、海綿蛋糕、茉莉花茶忌廉、糖水梨肉、奶黃軟心醬做。

自從爸爸上次甘識做甘浪漫 媽媽就要識Do🙈 父親節就黎到 為表誠意 媽媽就預先幫Noah睇定蛋糕😍 自從做左媽媽之後 消費變得好精明😂 因為早買有Early Bird優惠😌 甘岩前幾日lunch time經過美心 見到已經出左父親節蛋糕 已經忍唔到即刻買1個返屋企食完🙈 然後再另外訂一個父親節正日再食😋 由於爸爸係咖啡控 所以我就買左「爸爸嘆啡雞蛋布丁蛋糕」返屋企俾爸爸嘆😍 上層滿滿咖啡味忌廉☕️ 夾層係海綿蛋糕🍰 天使忌廉 雞蛋布丁 海綿蛋糕好鬆軟 雞蛋布丁加埋咖啡同天使忌廉 成個配搭好match 口感好香滑 而且甜而不膩除左我揀呢款新推出既父親節蛋糕 另外仲有兩款新推出造型感滿Fun既父親節蛋糕 〰️「爸爸嘆茶軟心奶皇包蛋糕」同埋「爸爸嘆世界鮮果曲奇忌廉蛋糕」至於恒常熱賣款有3款〰️「長勝將軍蛋糕」「美心激芒女皇千層」同埋「雙重爆芒蛋糕」加埋有6款🤩 緊有一款爸爸會中意

雖然香港有好多蛋糕選擇，但係大型的連鎖西餅店總有一間在左近，所以都會留意到最近的最新款式！非常欣賞用傳統香港地道小食同飲品，call up 香港人回憶，係要撐嘅！我係奶茶王，超級鍾意飲奶茶，我相信香港人都鍾意飲，最surprise 係佢一d 都唔甜，伯爵味道餅底，奶凍texture，係正！上面支飲管係朱古力黎嘅，上面d 係蒟蒻黎，cute彈，好得意，扮冰好正！🤣奶茶味也香濃，鍾意飲奶茶要試啦！除左呢款，仲有蛋撻同雞蛋仔款式，去望下啦！

最偉大既母親節，再加上媽媽生日，想揾一個可以滿足到兩個意義既旦糕，今年美心有不錯既撰擇！有得食仲有得收禮，女人有邊個吾想收花，靚之餘人小小得四五個人都可以有雙層旦糕效果，上層位置其實係一個透明盒装花，媽媽食完旦糕仲有花收又可作留念，雙重意思。旦糕本身都好靚，有粉色既花， 雖然好多CREAM但感覺唔會好滯，口感剛剛好。影相亦都好靚，見到媽媽甜絲絲既笑容，就算係屋企簡簡單咁慶祝都覺得好開心。另店舖既服務員都好有禮貌，雖然好多人客佢都耐心咁介紹俾我，仲提供唔同既意見，到最後都可以揀到啱心水又氹得媽媽開心既旦糕

有$50coupon 買滿$70以上就可以用，買左朱古力撻同紐約藍莓芝士蛋糕呢個朱古力撻唔會好甜，上面有果仁下面蛋糕夠軟 $9 都算低食紐約藍莓芝士蛋糕就貴小小 $26但好香濃芝士味，無藍莓醬所以唔會好甜搶過芝士味

同小朋友食蛋糕，造型當然最緊要，今日就揀咗色彩繽紛嘅奶樽蛋糕🍼🎂 (官方名: 初生派對) 同小朋友慶祝生日。奶樽整得好細緻，奶咀弧度似到十足，樽蓋上嘅坑紋同樽身嘅刻度都整得好分明，小朋友一見到就想伸手捉住😂👶🏻🍼。棉花糖同奶樽一樣主打粉色系，好有BB feel，加埋小木馬🦄做點緻，未食齋睇都已經好開心。蛋糕味道🍰可免費揀雜果或者黑森林夾心，亦可以加錢改做士多啤梨、芒果或者栗子夾心。今次我地試咗芒果，雖然未有太大驚喜，但芒果唔太酸，質地幾好，可以一試。一定要加嘅反而係朱古力脆脆餅底🍫，軟綿綿嘅蛋糕加上脆脆，口感即刻豐富好多。而且朱古力味香得嚟唔太甜，唔會令蛋糕heavy咗好多。想小朋友見到開心，大人都食得開心，呢款蛋糕一定要新試試呀！

上星期朋友生日，蛋糕緊係小不免啦，睇左好多間都睇唔岩，而家生曰蛋糕都要成三百幾蚊一個，非常吾經濟實惠，最後經過美心西餅，睇到呢個巨型車里子即刻諗都唔洗諗就送呢個比我朋友做生日蛋糕🎂！皆因朋友好鐘意食車里子蛋糕面層係車里子味啫哩，內裡亦又一大層車里子慕士！外型非常特別、非常吸引。最緊要係而家做緊推廣158一個，真係抵都爛！味道又唔係太甜好似幾健康咁,大家快D買返個試下啦

位於第一城的美心西餅，蛋糕質素很高。公司舉行每月份生日會，訂了七個生日蛋糕。如果需要訂購較多數量的蛋糕，建議早約一星期致電查詢。這一輪，美心推出了可愛的動物造型蛋糕，賣相是十分可愛，特別適合小朋友，今次便選了大象和小鴨的版本。可是味道卻一般，略嫌有少許過甜，雖然大象的鼻子和小鴨的咀巴都是用巧克力製成的，可是這些裝飾朱古力的味道不算很好。個人最喜愛經典的魔鬼蛋糕，配上朱古力脆脆，味道比普通朱古力蛋糕更有層次，和較為平實和簡單的賣相成一個很大的反差。天使蛋糕也是不錯的選擇。

由於呢間美心有焗爐烘住所以仲係好脆同暖笠笠😍酥皮牛油味好重 好香口 但我一咬中間個皮兩邊掂到我塊面係feel到濕的姐係好油 不過食得呢啲酥都預左啦😅豬肉餡好重香草味 份量都夠 幾好食😋冇野烘住就唔好諗啦😛

今年生日, 老公竟然買咗隻狗比我..................其實係布甸狗蛋糕啫~ 開頭以為佢得個樣, 好睇唔好食, 但原來都唔錯架, 除咗手手腳腳全部係芒果味慕絲外, 原來中間有好多層, 又有海綿蛋糕, 又有芒果肉, 成個蛋糕非常有芒果味, 最好就係冇我最唔鍾意食的cream~ 開頭諗住留返佢張底墊, 因為好靚, 但可惜佢上面貼實咗白色布甸狗型咭紙, 冇得留底.................

屋企人生日, 簡單地響美心選購蛋糕, 呢期原來做蜜瓜口味, 為左配合老老嫩嫩既家人, 所以揀左多重口感既蜜瓜千層脆脆.面層係蜜瓜啫哩, 質感唔硬, 軟軟地唔太甜. 之後係海棉蛋糕, 蛋糕軟熟, 清淡既蜜瓜清香, 就算唔鍾意蜜瓜既人都接受到. 中間有層較薄既cream, 少Dcream唔會太漏, 唔錯. 仲有一層朱古力脆脆, 好香既朱古力味, 脆脆夠脆口, 但唔會太硬, 所以成個蛋糕有軟有硬, 有甜有唔甜晚配搭, 整體都好好, 啱晒上上下下既屋企人.

諗住買幾件西餅cheap cheap地做飯後甜品, 點知去到鋪睇, 普通西餅款式少到幾款得幾樣, 而且仲好似唔多新鮮. 既然黎得唯有買貴價款式西餅, 睇左一輛, 普通既都要$12/件, 再睇有款"黑魔王朱古力蛋糕"都係$20/件, 以前食過魔鬼蛋糕好味, 我諗呢個特別款應該唔太差掛, 所以就要左黎試下.返到屋企雪左一陣先拎出黎食, 雖然雪左一陣但蛋糕唔會太硬, 朱古力味夠濃夠香, 蛋糕底同慕絲, 兩者好夾. 下次可以訂個大試下.

前日(17-7-2015 Fri)晏晝,有個vendor突然走o黎,重請我o地食cake,我揀o左朱古力呢件,影好相食得.其實朱古力mousse佔大部份,食落,唔甜o既,口感都軟滑,入面o既朱古力蛋糕同樣唔甜亦鬆軟,但始終唔夠東海堂好食.其實唔知係咪o係呢間買,不過都照寫啦