美景茶餐廳 (已結業)

🥢今次食咗呢間外表十分之普通嘅街坊茶餐廳🍴若果你單憑餐廳嘅外貌📍你應該未必會入去食🥣但係如果你好似我咁入去試過嘅話❤️你一定會再去幫襯佢👍..🥢餐廳裝修普通🍮感覺上亦都係比較舊式❤️但係佢嘅特別之處喺佢哋掛喺牆上面嘅菜牌✍🏻有啲係人手用粉筆字寫✍🏻但係大部份都係用毛筆字寫✍🏻字體好靚👍感覺好似去咗美術館一樣💯絕對值得推介👍👍..✅薑蔥霸王雞 (例牌) $68 🥢+ $10 包埋例湯、白飯同埋熱飲☕️薑蔥爆得好香👍啲雞亦都好滑👍..✅滑蛋蝦仁 $64🥢+$10 包埋例湯、白飯同埋熱飲☕️..蝦🦐夠大隻👍而且唔係出邊茶餐廳嗰啲玻璃蝦💯滑蛋易炒得啱啱好💯..🥢美景茶餐廳..服務質素 : ⭐️⭐️⭐️⭐️⭐️(有人情味)食物質素：⭐️⭐️⭐️⭐️⭐️(非一般茶餐廳咁簡單❤有誠意)價錢方面：⭐️⭐️⭐️⭐️⭐️ (性價比高)..💰：$152 / 2人 (晚餐)..📍荃灣海盛路28號祈得尊新村一樓2號鋪

荃灣西物價愈黎愈高想搵間價錢合理 又好食茶餐廳可以試下呢間一開始係被門前藝術字所吸引入去正正下午茶時間都8成滿大熱狗包係牛油法包 焗得脆身 但咬落又唔會硬配上大熱狗腸同蔬菜好fresh 魚柳滑蛋多士魚柳香脆又濕潤 唔會炸到乾晒炒蛋夠大份 已經炒到熟晒雖然無蛋汁 但又唔會太鞋牛油多士正常 都係熱同脆嘅 襯埋去茶餐廳必叫既茶走飲落順滑 唔會過甜 有茶味👍🏻下午茶餐都係三十幾蚊包野飲 凍飲要加$3比去連續餐廳我更愛親民茶餐廳

又到Lunch 時間,突然忽發其想了一間茶餐廳-美景茶餐廳。故跟同事到此間餐廳品嚐一下。這兒是開放式廚房,座位都算多,但坐得不太舒服。入到來後,看了看餐牌,沒什麼想吃的。最終都叫了是日午餐-美極手切干牛河。牛河味道一般,不太夠鑊氣,牛肉不太入味。對比起外面的茶記,這碟牛河好的是不太油。這個SET是跟一個餐湯,本人選了南瓜湯,湯沒有南瓜味,太淡,粟米不甜。所以,整體來說,是很一般的用餐體驗。或者,其他菜式可能會較吸引吧。

因為老婆是個星期六早、午有兩個網上研討，小弟就成為無所事事自人，啱啱好遇着一班單車友唔踩車，改為行山，啱晒啦！是次行程由大埔梧桐寨出發，2.5小時一直梯級上到大帽山，都幾喺嘢，再行返出荃錦公路，搭返巴士落荃灣完結，頭頭尾尾連埋休息、食嘢，都行咗5.5個鐘。行咗咁長途，仲要喺一班麻甩佬，點都要搵個合適點攤抖吓，其中一位老友喺荃灣返工，就帶我哋嚟到「美景」嘆下午茶。 餐廳晌祈德尊新邨入面嘅平台，位置確喺幾隱秘，可以兜7仔旁後樓梯上，亦可以兜正門搭扶手電梯上平台。雖然叫茶餐廳，但門面已好有個性，有啲似日式西餐廳，絕對唔多似茶記。入到去，又如一般茶記咁有嘅卡位，但亦有啲少少格調嘅圓木枱配皮椅。除門面有啲似日式西餐廳風格外，裡面有啲牆上餐牌都以啲日本書法字去寫，究竟老細喺唔喺「哈日族」呢？ 老友提我，記得試佢哋啲包，因為所有麵包都喺自家製，近門口位，仲擺咗好多麵包出嚟，喺作零售之用。下午茶時段有啲咩揀呢？底面兩頁嘅下午茶餐餐牌，都有好多選擇，少少哋嘅輕食，如多士、三文治、炸脾、西多……等等，大份量啲嘅就有拉麵、米線、炒粉飯麵碟頭嘢……等等，最估唔到，甚至乎窩芙、梳乎理班戟都有，以茶記而言，真喺超

店舖位置感覺好 隱秘， 喺地下7仔旁邊嘅電梯上轉好多個彎先至上到去， 沿途感覺都好殘舊。入到去 餐廳算都算新淨 ，比想像中多人，下午茶係要搭枱+等枱。坐低睇到個餐牌感覺其實唔算特別平，每人叫咗一份，一個燒腩仔焗肉醬意粉、一個牛腩河。 首先呢個牛腩河，牛腩分量好足同埋有牛筋，河粉先係最驚喜係部分， 淋滑得嚟又有煙韌，同埋係完全唔斷，比一般粉麵店的還要好吃很多。 然後就係焗燒腩仔意粉，非常好食 ，燒肉個皮好脆 ，意粉上面嘅芝士都焗到好脆，· 意粉嘅汁且份量足夠，但係燒腩仔同意粉兩樣嘢唔係好夾，但係兩樣嘢係好食嘅總結黎講應該會再返吃

特別早餐真系吾系以前行街路過，真系幾難搵到，因為佢系條村二樓內園比較隱蔽位置。外表同內部裝修都比較舊，吾好以為佢系老店就會平，睇餐牌普通一杯熱飲都18蚊咖。叫左兩個早餐美極牛肉漢堡趴煙肉米美極牛肉雪菜肉絲腸仔米- 美極牛肉真系其他茶餐廳好似未見過，幾香，份量亦吾小；-煙肉吾系比其他茶餐廳的合成煙肉，抵讚；-雪菜好好食-湯底白色應該吾系味精湯，好似系豬骨湯，吾濃。一間可以維持咁多年的餐廳，一定有佢的本事。

尋晚好開心咁樣去咗美景餐廳食夜晚， 呢間嘢喺祈德尊新邨入面一個非常之隱蔽嘅平台， 平時行過荃灣嗰頭都唔覺得原來呢度有一間茶餐廳， 今日食就好似發現新大陸咁樣。呢間餐廳所有餐牌都好有藝術氣質， 應該係出自老闆嘅手筆。 不過重點係非常之抵食。 搽嘅價錢食到咁樣嘅水準嘅鐵板餐。雞扒非常嫩滑， 薯角炸得好脆好好食， 而且嗰啲班仲要好熱， 都唔使一百蚊。朋友叫骨牛扒五成熟， 加埋個鐵板熱咗佢就啱啱好， 一啲都唔靭， 好有水準。 下次路過一定記得食佢。

懷舊風既餐廳越黎越多，但真正有歷史既餐廳又有幾多間？ 仲要一個餸加$10就可以變套餐， 有湯有野飲（有d 餐廳轉杯特飲都要$16拉） 野食分量大大份，仲可以去邊到搵？足料例湯， 有南北杏，蜜棗，豬骨都不錯牛腩炆到好淋， 完全唔需要用力趙 賣相唔錯， 上菜個陣仲出哂煙， 好明顯就係即叫即整， 因為太熱， 都冇撈一撈佢就已經開始食， 食面頭既魚塊，又嫩又香，但食到落底就……越食越喊，撈埋飯都覺得喊懷舊既座位設計， 另一邊還有曲奇蛋糕發售

好耐無黎啦！！食開午餐 今日第一次晚上黎叫咗個湯飯，個湯好有味，雖然係有少少味精。但係配合冬瓜好清新，青口真係有味既 係d蝦超細隻 好多魷魚！仲有紅湯送！估唔到晚市都好多街坊去食呀呢間茶餐廳真係咩都有得食！

這家茶餐廳 已經有很久的歷史了，在我還是中學的時候會在這裏吃早餐， 今日路經此地，想食早餐 懷緬 一番， 可惜已過了早餐的時間， 唯有改試他的午餐， 叫了一個拿破里辣雞焗飯， 飲品要了一個檸檬茶， 果然舊式茶餐廳的檸檬茶茶味比較香濃， 焗飯不是炒飯底，但夠多汁， 拌來吃也不錯， 但是為何餐牌叫辣雞呢？一點也不覺辣， 其實就像鮮茄焗豬扒飯但換了雞扒， 味道是可以的， 但不像名字這麼特別 價錢午餐凍飲61元， 其實有點貴, 但現在去哪裏吃飯 也不會太平吧

放工個人散晒，想食好野但又唔想花費太多，今晚走入屋邨茶餐廳醫肚位置唔難搵，上一樓就到7點去到好彩有梳化位，兩個人叫左兩個小菜，加白飯例湯飲品餐，再加一碟通菜！埋單每人$80，經濟實惠西檸軟雞，個汁夠晒味，雞又煮得淋身唔會鞋，好味魚香茄子煲，入晒味香噴噴，送飯一流

食早餐 好貴 唔抵 又唔好食！早餐都三十幾蚊 加埋凍飲要四十蚊 只係一般茶記！ 叫左雞扒餐 已經無粉麵 如果要加粉麵要另外加八蚊三十幾蚊一個餐 得一塊仔雞扒 炒蛋 同一塊多士 重點係唔好食 同超油！個雞扒係炸 仲要炸到乾哂 最大係問題係食到嗰陣油溢味 有陣d 油用過千萬次既酸味 炒蛋又係 用油炸 油多過蛋爽 膠感高 唔嫩滑多士一般 今次都夠脆 不過牛油永遠唔夠多 搽得嗰一半又搽唔哂

今日早餐食左呢個冰火菠蘿油$18 個名幾架勢咁😂 本身諗住都係普通菠蘿油黎架喇，咦！比想像中好wo! 菠蘿包暖暖的，夠晒軟身👍🏼 牛油都幾厚切, 係邪惡既🙈 最正係包既底部有層薄薄的玉子，加埋一齊食，味道特別正！😋

茶餐廳係每個香港人都有既共同回憶。方便、快係茶餐廳既特色，我就試下呢間茶餐廳食物既味道。叫左幾個小菜：咕嚕肉、茄子斑腩煲、炸魚柳薯條。咕嚕肉好夠鑊氣，酸酸甜甜，好開胃！茄子斑腩煲：斑腩好淋，外面有d焦，好入味，炸魚柳薯條，薯條好脆，魚柳就外脆內軟，唔錯！椒鹽鮮魷: 好香，炸到好脆，椒鹽味出曬嚟，內面煙煙韌韌

黎親多數叫小菜食,因為多數係對面商埸睇完戲過黎!今次都係1樣,睇完戲過黎!^_^今次叫左正正京都骨同埋叫左西蘭花炒鮮魷依度d野食,份量足夠大碟夠份量,味度又唔差,黎親依邊多數食美景餐廳!京都骨味道,甜酸味道剛剛好,肉質彈牙有甜酸味!正西蘭花炒鮮魷,今次味道淡左d,可能食左京都骨甜酸味,所以覺得淡淡o地,同埋今次西蘭花炒鮮魷,唔夠獲氣lo.....好似有d生生o地甘....