美林記

营业中

休息中

由於午餐唔多得，來到下午三四點，已經很肚餓。加上小米生日，海洋公園贈送＜小食亭全單八折優惠劵＞一張。一於唔好嘥，慳得一蚊得一蚊，在香港風情大街，思前想後，左諗又諗，終於選定食物了！這張易拉架圖片夠吸引，看來很豐富，而且加十個大洋，就多一罐竹蔗茅根海底椰。　(46 + 10) X 80% = HKD 44.8　　豬皮蘿蔔魚蛋到手了，不過跟易拉架的圖片對比，有很大差別。是紙兜太大？還是份量大少？以手捧著紙兜，只覺得微微暖，根本唔熱囉！回頭再睇，檔內的煮食爐，全部都没有白煙！即係本身就唔夠滾囉！　今日天寒地凍，只係想要一份熱辣辣的食物啫！　這次真係睇漏眼！　　　望著這兜唔夠熱的街頭小食，點都要食左佢！魚蛋　螢光黃色的外表，中間偏白，其實淨食魚蛋根本不辣。魚蛋很鬆軟彈牙，但無魚味。幸好第一口就選擇了魚蛋。 豬皮　多氣孔，方便吸汁。    蘿蔔放在最後品嚐，煮得幾腍，但因為天氣寒冷，來到此刻，已經不熱了！唯有點多Ｄ辣椒醬。原來辣椒醬有八角，難怪帶點甘味。　　八折左，都覺得好貴！　下次入來海洋公園之前，要食飽Ｄ。

到主題公園玩樂，吃過午餐，玩轉一輪機動遊戲之後，我們選擇了小檔點心來吃。店子提供的都是港式掃街食物，魚丸腸粉炒麵點心應有盡有。小人挑了的牛肉球很大顆，三十多元一客兩粒，認真矜貴，不過主題公園的食品向來價值不菲，已是意料中事。牛肉大是大粒，咬下卻是肉質鬆散，牛味當然欠奉，喜幸沒有雪味，熱度不足，欠芫荽欠青蔥香，蘸喼汁吃亦無補於事。友人要的腸粉亦好不到那裏去，腸粉不夠滑，更是有點鞋，加入混醬更是糊上加糊。雖然如此，我們都覺得好過又吃漢堡薯條。

玩的時間時常都好快趣就會肚餓，午餐吃得算飽飽的，下午又想吃東西了﹗香港老大街有的小店是最多，於是便在這裡選擇好了﹗上次都是幫襯美林記，因為她提供的食物是最經濟而可以飽肚。加上手頭上有生日八折劵，抵上加抵。豬腸粉是來貨，不過蒸得太耐，腸粉已經軟爬爬的，而豉油﹑麻醬﹑辣醬等調味品都是李錦記現成貨，幸好都有樽白芝麻，自己鐘意下幾多就幾多。炒麵的份量也挺多，麵條沒有咬口感，條條都上哂豉油色，味道不會太鹹，我喜歡店方會加上芽菜和韭菜，這是吃炒麵是必有的。生菜魚肉湯也做得算不錯，湯底雖是清湯，不過有胡椒粉帶動下，會有些辛辣味，而魚肉份量很多，沒有淥得過軟，生菜也有不少，燙一燙便保持菜的脆口感。在任何主題樂園搵食實在不可以要求太多，始終重點不在於食嘛。每人花費都是廿幾元，好過食麥當勞啦。