美胃餐室

营业中

休息中

噚日（5-10-2024 Sat）晏晝，同老公送完回收物資後，去搵Dough Bros Pizza & Doughnuts（https://www.openrice.com/zh/hongkong/r-dough-bros-pizza-doughnuts-%E8%8D%83%E7%81%A3-%E6%84%8F%E5%A4%A7%E5%88%A9%E8%8F%9C-%E8%96%84%E9%A4%85-r817323）堂食，搵到喇，但堂食枱對上嘅簷篷有工程做緊，喺咁嘅環境下，係唔適宜坐喺喥食，但我哋又唔可以外賣拎走，因為要去宜家傢俬攞咖啡渣，所以唯有放棄，向前行搵嘢食，呢條街特色嘢食唔多，是但搵間茶餐廳啦，都係揀幫趁過嘅呢間（食評係2023年11月14日刊登嘅呢篇:https://www.openrice.com/zh/hongkong/review/%E5%98%A2%E9%A3%9Fok-e5118615）。入到嚟都9成滿，有張卡位咭咗，但都同上次一樣，唔俾坐卡位，由店員安排坐邊，我哋都係被安排坐上次嗰啲枱，睇完menu，我就決定要$60.00雙拼叉雞飯，老公就要$65.00嘅拿破

本來都有黎食開野平時食肆有飛飛都無諗住太苛責一入到黎坐低就發現周圍有飛飛同啲店員講，基本上完全無反應，比幾張紙巾等我地自己搞掂就算即係我黎食野比錢你仲要幫你打埋飛蟲？都算啦，叫左兩個早餐加碗公仔麵同一碗公仔麵可以有兩隻蟲同個店員講仲要態度好差咁反問返我「咁你想點啊？」一句「同你退左佢啦」迅速收走左一句對唔住都無以後都唔會再嚟食衛生有問題、店員態度有問題、服務又差、成日想趕人走咁忍唔到走人要打埋呢篇野公之於眾先

門口掛咗幾隻燒鵝係用嚟裝飾的～話說路過門口…老闆話燒鵝啱啱燒起仲滴僅油…睇真D的確係啱啱燒起無幾耐…就俾呢句大話吸引咗入去…本身係燒鵝控..都算係1位食燒鵝嘅專家…即管坐低再睇下午茶餐牌..燒鵝米$53包一杯熱飲..就決定食燒鵝米…上枱後發覺完全食唔到燒鵝油香味…只食到鴨so味….米粉亦唔似米粉..好有化學嘅質感..走果陣再睇吓燒味檔D鵝有無斬過…是原封不動的裝飾品…追究都係浪費時間…無結論嘅嘢都無謂爭拗….！

今日嚟到荃灣講一講吓個lunch先，呢間係喺荃灣大壩街63號美胃餐室嘅茶餐廳。今次食呢個lunch係嗌咗兩個午餐，一個係咖喱雞扒煎蛋飯另一個係香蔥XO醬滑蛋蝦仁飯。直落嘅質素我覺得係茶餐廳嘅質素，味道OK可以接受嘅， lunch跟餐我仲叫咗個凍檸茶飲都係冇乜特別兩個人去食個lunch total $125即係每位$60多少少正常雞扒煎蛋飯個雞扒就一般啦唔算話太鮮嫩嘅。總體嚟講就性價比唔算特別突出，但係茶記嚟講就價錢一般味道一般一般普通嘅茶餐廳啦。

有誠意的一間餐室，燈火通明，入到舖的感覺都是舒服的。美胃其中馳名的就是燒味。我點了個燒鵝叉燒飯試試。一開始先送例湯，合掌瓜眉豆花生，正路表現。然後就是主角燒味雙併，一見到叉燒就知好味，每塊都大大舊，不會太肥，食落爽口，值得一讚！燒鵝正常表現，不過食落都唔算差，再配上梅子汁。整體都是滿意的，值得捧場！

今早第一次來呢間餐廳食早餐，有哋驚艷到，終於可以食到一個唔會”死咸”既雪菜肉絲米，而且係鮮制雪菜👍👍👍，而且播住歌來食早餐，好開心呀！餐廳唔大，但感覺溫馨呢！<好後悔之前經常去隔離嗰間比較人氣既茶餐廳食早餐，講真野食普通，服務差勁> 都係要好好推薦美胃呢哋有誠意嘅餐廳！❤️😀

荃灣大壩街有好多小店，呢一間美胃餐室係沄沄之中勝出，回頭率極高✋🏼😍下午茶比較大識，但係全日餐牌都好好味。佢哋有薑蜜奶茶，比想像中更加出色餐牌係全日供應，只要點算套餐就會送例湯😎例湯完全係飲得出已煲左好耐，仲要唔肥膩😆有家庭嘅感覺！燒味飯都係必點！份量超多，叉燒燶邊仲有半肥瘦😍蕃茄焗豬扒飯亦都係我嘅至愛。💛豬扒超鬆軟，勁厚實。焗飯係炒飯底，勁香蛋味，仲有勁多芝士🤤📍 美胃餐室 (荃灣)荃灣大壩街63號地舖

4-11-2023 (Sat) 朝又同老公送環保物資後食早餐,行到呢頭,見到有間新開嘅大壩冰室(https://www.openrice.com/zh/hongkong/r-%E5%A4%A7%E5%A3%A9%E5%86%B0%E5%AE%A4-%E8%8D%83%E7%81%A3-%E6%B8%AF%E5%BC%8F-r824081),原本想試,但老公冇興趣,於是繼續行,行到呢喥記得上次冇試嘅呢間,於是入嚟,老闆帶位搭枱,坐低後睇menu,由於我唔餓,所以就算見到$60.00嘅意式風情早晨全餐都唔可以叫,就要$46.00嘅K8香煎蜜味雞扒餐,要熱奶茶,老公都要$46.00嘅K11香煎厚切豬扒餐,飲熱檸水;兩個餐都配燴汁,腸仔,火腿,煎或炒蛋同牛油多士, 我哋都要炒蛋.冇耐所有嘢都到齊,睇見我嘅香煎雞扒顏色好深,係炸龍?先食雞扒,個皮係脆,雞肉juicy唔嚡,係有蜜味;炒蛋係嫩滑juicy;腸仔同火腿係正常來貨;牛油多士脆, 牛油份量啱啱好.4.67分老公嘅香煎厚切豬扒一切都正常,不過唔係厚切但稍為大件.3 分最後嘅熱奶茶我冇落糖飲,茶味唔太濃但有少少澀味,而且我竟然一飲就即刻有痰.

本人今天行街加上大雨，所以經過美胃見無乜人，入去無坊，見有枱入去坐，服務員話隨便坐，野食未叫服務員，唔知什麼神經突然用圍板圍住，我問他們什麼事，他們話坐位緊張要用板，但餐廳數埋10人都無，點解要咁做，他話怕人客太多要應付不來，我于是不帮襯喇，咁服務態度，唔好怪人客北上同去其他地方消費啊！

平時去開紅茶食下午茶，今日去紅茶附近發掘下新地方食😎😎係門口睇緊餐牌既時候，老闆好熱情推介有咩好食。咁岩開始斬燒鵝，就俾佢吸引左入去試😂燒鵝湯瀨個碗睇落比其他餐廳細，但份量斬好足。有差唔多6-7舊燒鵝。 燒鵝入口充滿醃料香味，夠惹味。唯一美中不足係個皮唔係脆蕃茄羅勒和牛肉醬焗薯估唔到賣燒味既餐廳都有西式茶餐🤣 焗薯醬料多到食完薯仔都仲有剩撈埋沙律😅 有蕃茄醬既都唔會難食。 食到最後仲見到好多肉碎。下午茶仲可以試特色薑蜜奶茶同蘋果紅茶。不過最後都係叫左凍檸茶🤣🤣

正所謂一日之計在於晨，早餐好緊要，食個靚早餐，心情好啲，運氣好啲，但如果入咗呢間餐廳食乜都冇哂！其實都食過好多次，今次之後唔會再幫襯，一係你唔好搵黑色眼鏡個位落單，經常X人，之前已經見過佢同客嘈，要X到贏先收聲，好似唔洗錢來乞食咁，叫佢拎水同辣椒油，多數冇拎，一係拎一樣唔拎，有次自己拎又比佢X，最後一次光顧係因為落完張單後，突然諗起要走包，因為唔想食咁多唔想浪費同佢講返，只係落單後10秒都冇，個位黑眼鏡嘅大家姐話我下次早啲講，依家係到同你講冇下次，以後唔幫襯！我有認識老板，老板係非常有禮貌，間中公司叫外賣都會幫襯佢，好有交帶準時送到，但呢位叫小玲嘅員工真係頂佢唔順，食完個次嘅早餐，我個日心情轉差！

做完野過左荃灣大壩街搵野食其實除咗路德圍之外，大壩街都有好多大大小小既食店。今日揀左試呢間外表平平無奇既茶記點知都幾有驚喜我同友人都係嗌左同一個餐: 叉燒 燒鵝 雙併瀨粉睇樣都知燒鵝啲肉又大又厚 皮都好脆，幾有驚喜叉燒就相對比較瘦，我個人就喜歡食半肥瘦叉燒多啲，所以呢味爭少少又黎到我最愛既少甜少冰凍檸茶！呢間既凍檸茶茶底唔錯，加埋檸檬都新鮮，唔會有好苦澀既味道。值得一讚估唔到一間望落普通既茶記，入到去都幾有驚喜！值得encore

街坊餐廳有人情味，每次一坐低必有足料老火湯送上👍🏻👍🏻燒味質素品錯，叉燒燒腩仔飯👍🏻叉燒唔鞋，燒腩仔夠香，餸亦偏多！👍🏻👍🏻另外亦有叫瑞士汁雞翼撈公仔麵，雞翼好入味，炆到好淋！唔錯👍🏻😋

街坊餐廳，就腳又再食！叫左老水雞翼xo醬撈公仔麵！勁多xo醬！！！正！👍🏻👍🏻👍🏻😋照舊有老火湯，冇味精！食完唔口渴！😋抵讚既係👍🏻👍🏻👍🏻

近住荃灣廣場嘅大壩街 真係餐廳林立既地方📍成條街都係餐廳 可以算係食街🤤美胃呢間茶餐廳新開左一段時間 望落企理乾淨行完街 之後就最啱食下午茶啦 三點三tea time 🍵🔹燒鵝湯瀨$42其實喺茶餐廳黎講佢嘅燒味算係唔錯👍🏻燒鵝調味啱啱好 又五香味 師傅咁啱比左鵝肶位我地 咬落啖啖肉！佢個湯底唔錯 有少少係胡椒雞湯味🐣加埋秘製辣椒油🌶yummy !同朋友兩個人各自嗌咗一個🔹金磚混醬西多士🍞$34好邪惡啊！西多士上係滿滿嘅朱古力醬同煉奶🍫每個西多士都炸到金黃色 西多士處理到每個都係長方形 兩啖就ko 好懶人friendly 💓唔使落手落腳切🫢西多士有小小入口即溶嘅感覺 記得要趁熱食啊！如果攤凍咗個口感 同埋味道都會差好遠😭🔹熱蘋果紅茶☕️呢個我都十分推介！茶底非常濃厚 再加埋好fresh 既蘋果味🍎真係暖入心 裏面仲有啲蘋果粒粒！