影片
招牌菜
喺度住左咁耐，其实我除咗早餐同午餐之外，都冇喺呢度食过晚餐。早餐方面都系普通茶记嘅水准，午餐系之前中学返学嘅时候有时会去呢间食下。𠮶阵时都唔会讲求有几好食，只系份量够唔够。咁佢份量又真系几多下，啱晒啲学生去医肚。
继续阅读
屯门工作，极早到附近揾食，呢间门口泊到车，门面大，门口放咗啲桌椅比吸烟食客！入内系普通茶餐厅！光管灯显得地方较残旧及污糟！食物都系平时嘅茶餐厅大路嘢，落单后食物好快到！面餐：红肠煎蛋方包：红肠煎得脆，不过好油，应该系炸嘅！煎蛋要求反蛋！蛋白煎得嫩滑，蛋黄微熟！面包软身！几好！菜肉云吞米线：云吞系上海云吞，皮厚，馅料好咸，味道一般，米线份量多，几滑溜，但汤底太淡，枱面又无辣椒油！淡茂茂！热柠茶：够热够浓，唔涩好味！同事食：沙嗲牛肉面：红肠煎蛋方包：冻奶茶：店员典型茶餐厅服务，唔多话！叫到就做！正常！茶记早餐！
继续阅读
平时多和朋友出屯门以外的餐厅食，住附近反而少在附近餐厅吃。今晚早了回屯门，选了美食坊医肚。㝄汤好够火喉，炒蚬大碟好食又抵食！铁版牛仔骨好惹味，够'林'但仍keep住牛肉味。多人多去更好，可以食多几款小菜。
继续阅读
老公之前同朋友仔黎过话好食，要带我黎食。于是就星期日睇完医生就六点几到左，一定要早啲到，因为位唔多，迟左就有排等喇。叫左2只鲍鱼仔，真系好仔。放系只碟度浪黎浪去，好危险。上碟仲会俾埋刀叉你切，我仲谂住用筷子拮住黎食TIM，好似豪放左啲。 佢系用果皮蒸，我本身系唔食果皮同埋好怕佢阵味，但蒸完又唔系好觉有果皮味，系食落果阵有少少，我都仲接受到。食到鲜味，不过我食惯浓味，觉得只鲍鱼淡味左啲。老公上次黎系食圣子皇$38只，不过今日无，得普通版$20只。但我都已经觉得好大只，一开始叫左4只，食完唔够喉，本来食ENCORE多4只，但姐姐话无喇，最多叫多2只，好啦，照杀。呢个真系我食过最最最好味既圣子，本身我唔食葱，但系捞埋所有野食，食左都唔觉。好香蒜蓉味，连粉丝都入哂味，个豉油都好正，圣子又够大只。将佢拨落只碗度捞埋一齐食，真系好味到唔识形容。我地食到连一粒蒜蓉都无剩。呢个一品煲都不能够睇小，出面餐厅会放好多立立杂杂野落去。但呢度样样都咁好味。有鱼肚、冬菇、菜、鲍鱼片、鸭脚、鱿鱼同虾。虾得两只，但系好新鲜弹牙，唔系雪藏货。鲍鱼片就一般既斋鲍，本来我唔食鸭脚，但佢呢度整得好入味同淋，我都食左几只。鱿鱼都好淋唔会韧。最好味系冬菇同鱼肚，因为佢地索哂啲汁，好够味。炒蚬都算大碟，依家出面啲餐厅得劲细碟，仲要全部都系得个壳，啲肉唔知去左边。呢度虽然都好多得个壳，但系个底都揾得番啲蚬肉，炒得够入味又够获气。两个人食得咁丰富都唔驶三百蚊，抵食！
继续阅读
走到倦了，想休息一下，看到此餐厅的食物款式多样化，于是进去了。幸好找到了卡位，坐下来开心地发现到此食肆提供利宾纳特饮，最后点了菜远虾球炒面配加宾红茶（少甜利宾纳＋捷荣红茶）。菜远虾球炒面份量丰富，菜的比例令人满意；虾仁大小适中及新鲜度够；炒面香脆，加上汁料脆中带软，十分好吃！加宾红茶的利宾纳比例略多，喝下不酸，甜味稍浓，整体而言，两者配合起来的味道还是不错的。服务方面，上菜及收碟时间合理，店员态度客气友善，值得称赞。
继续阅读