影片
不嬲都偏好小店同埋老鋪,有得揀嘅時候都會選小店先,因為唔知幾時會冇咗間舖.一開始見到依間群眾小炒王,鋪面大,裝修又唔古老,諗住慢慢食都冇所謂.今日先發現門口有塊招牌話已經營業咗好多年,即時興趣大增.呢度真係幾大間舖,午飯嘅高峰期都坐唔滿.呢度好多散客,通常圍埋圓枱排排坐.叫咗個香草汁野菌斑腩飯,本來叫熱檸茶,但係侍應好好人咁提醒我冷熱同價,為咗唔辜負佢,當然即刻轉做凍檸茶啦.餐牌寫明餐湯送完即止,估唔到一點左右就送曬啦,如果想飲就要早啲嚟啦.野菌自然係蘑菇,冬菇粒,呢啲本身都係淡口野,加上香草汁稀咗啲,芡汁唔夠濃所以掛唔上雜菇嗰度,所以淡茂茂.洋蔥同埋青椒略生,咬落索索聲.魚腩係條狀,唔係砌到一嚿嚿咁,雖然炸過,但係可能放喺香草汁一段時間,炸魚已經淋曬,所以食落嗰層脆皮會韌韌地,幾怕呢種口感.至於味道,賣急凍魚柳嘅味道囉.又唔算係差嘅,而且分量其實好多,絕無欺場.凍檸茶明明講咗要小冰,但係冰都係多到去膝頭哥,搞到杯檸茶淡晒.
继续阅读
今日經朋友介紹走過嚟試下呢間，話d小菜好得… 我點左個蝦仁炒蛋，真係好一般… d蝦同蛋都淡而無味… 本來$58蚊個lunch都無咩特別要求，不過不失啦。重點係餐枱上沒有任何調味料，連最基本嘅鹽&胡椒粉都無😰 我問個侍應想要茄汁都話無😰我見阿姐悔悔氣氣話無茄汁，我就自己出去攞胡椒粉&鹽… 因為真係淡，有個位置放了不同的調味料😟… 阿姐見我行出嚟就好悔氣問我究竟想要咩… 聽到已經火火地，點知連鹽都無😓 最後唯有用鼓油
继续阅读
兩人晚餐 買單380幾蚊 街坊小炒王 抵食嗎？ 我就寧可加價再食好D 始終覺得一日三餐應重質不重價/量朋友推薦話食材靚料足又抵食，於是來試。730左右晚餐時段進店，諾大地方得3桌客，心中就有些擔心，不過呢區晚餐似乎大多如此，也就安心看看食評點菜例湯：18蚊一位，大大碗，料足，湯渣有大塊天麻等藥材，口味純正，👍之後三味鎹就一路📉跌跌跌...豉椒炒大蜆：見openrice食評話D大蜆新鮮無沙，便想一試。初時見88蚊一大碟，心唸真係物美價優，可惜我習慣將D空殼揀出來，沒開動就揀到如圖所示，有D係炒菜時落左個肉出來，有大半真係空殼黎...但是調味不錯啦，呢味大火快炒要鑊氣嘅鎹，不會太差魚香茄子煲：麻麻的，無特別，份量足夠2/3人分享蒸鯧魚：呢個真係令人失望，魚不夠新鮮，初上時魚尚未熟，再回鍋蒸過魚肉已太硬... 調味也頗隨意最後一碗米飯上面有一條不知所謂的白色棉線？！整個點菜過程中一位阿姐不斷推銷美國桶蠔及某燉湯，算是好sales做到嘢，可惜我不喜如此反覆推銷
继续阅读
因為這間群眾在妹妹教會附近，地方大一点可容納bb車擺放，所以先揀這裡吃個輕便午餐，我之前都知有這間舖的存在但未幫襯過……我地三個大人点了：一個雪菜肉絲炆鴛鴦米，乾炒牛河及三絲炒意，因為係午餐，配有例湯及茶，我叫咗熱奶茶，呢間冇茶走，又吾會有糖比你自己落，要在落單時講埋要不要糖，我實在係第一次遇到咁嘅茶餐廳安排，本來都不是問題，但這杯奶茶真的差勁，稀稀，奶又冇乜，又吾夠熱……實在係難食啲炒嘢到，樣子望落不錯，先食雪菜肉絲米~~雪菜冇味，一点鹹味也沒有，瘦肉啲powder粉味重，又冇鑊氣，吾好食，三絲意都好差，意粉硬，只係得美極味，冇鑊氣，都係吾好食！乾炒牛河好少少但味道鑊氣都係比出面茶記差好遠！我已經要求不高了，試過一次，下次咪搞！
继续阅读
感謝三弟同三嫂又帶我地試新野， 還早一個星期預定白汁豬肺湯同炸子雞今天就來試白汁豬肺湯, 炸子雞，再加枝竹羊腩煲， 龍躉兩食，粉絲蝦米煲同紅酒煮桶蠔白汁豬肺湯及湯渣：要一早預定， 杏汁味濃， 無內贓味， 豬肺、豬肉、雞腳焾身炸子雞：好正傳統做法， 炸子雞配蝦片， 炸子雞皮脆肉嫰， 不過部份剛剛熟，骨頭見到鮮紅色的，蝦片大塊脆口枝竹羊腩煲：羊腩焾，無羊味， 枝竹軟焾吸收哂所有味， 在火爐上熱烘烘的好正配埋腐乳醬同辣椒豉油,味道一流龍躉兩食：1.豉汁蒸龍躉骨；2. 炒龍躉球1.豉汁蒸龍躉骨：豉味濃，不是只是骨頭，每件都做到骨連少少肉，有點咬口2. 炒龍躉球：炒得剛熟，魚皮彈牙脆，肉滑，不過用菜心墊底有點口感不襯粉絲蝦米煲：勁多粉絲，蝦米， 芽菜， 什菜份量一般紅酒煮桶蠔：蠔大隻， 淡淡紅酒味
继续阅读