群記清湯腩 (已結業)

同屋企人嚟大埔食群記,嚟到梗係食返碗招牌清湯腩啦,我地叫咗,清湯爽牛腩河粉×3可樂×1清湯爽牛腩粉有係冇得輸,湯底帶小小牛味,非常入味,爽牛腩都係咁出色,煮得啱啱好,冇過熟,爽牛腩再加上河粉同埋咁入味嘅湯底,簡直係無得頂店裏面座位唔算多,所以要搭枱,而且食緊嘢嘅時候出面已經有好多人要排隊員工服務態度好,都好有禮貌加上我地去食果日係落緊雨,員工都會善意提醒我地把遮可以放喺出面非常欣賞依間店嘅食物水準&質素,同埋員工以禮待人嘅態度

🍜 清湯腩河（ $52）呢間號稱香港三大清湯腩既 #群記 ，唔知喺你心目中又係唔係咁超班？ 今次黎無晒爽腩，唯有叫牛腩，牛腩半肥瘦，味道尚可，但湯底比較油膩，同個清字絕對比唔上，好唔好食真係見人見智，只係唔太岩自己胃口。排隊、價錢偏貴、味道亦唔係好食到曉飛，名氣究竟從何而來？唯有下次早少少黎試下好快就賣晒既爽腩啦。

今天專程入大埔，為的就是要再嚐群記的爽腩。伙記一放底碗河，二話不說，立即喝一口湯。但即時覺得不對勁，但湯做乜嘢咁鹹，冇晒鮮味。雖然爽腩水準依舊，但湯底令整體評分急降20分!

今日入左去大埔補習，難得呢個時間群記唔洗排隊，當然要入去食啦。平時星期六一定排大隊，星期日仲要唔開嘅群記，都可以算係香港數一數二嘅清湯腩專門店。九記個d就唔好提啦，能夠同群記比，應該都只有華姐清湯腩。本身諗住叫個牛爽腩米，皆因佢d爽腩肥瘦適中，油香陣陣，之前食過都好回味，可惜今日遲左去，已經沽清，唯有叫個牛面珠啦。牛面珠米講下個湯先，湯底牛味好香濃，食落有d膠質漿住個口，食得出湯底真材實料。牛面珠肉質非常嫩滑，一梳梳，食落比牛腩淋身，肥膏非常少，相對爽腩健康。唯獨牛味較重，怕騷嘅可能未必岩。總括來說，群記都算係有水準的清湯腩，值得翻食

每次陪老公山長水遠轉幾程車來大埔大明里的群記清湯腩,每次食完都滿足地離開。我倆放閒日, 只要放午飯時間前到達ㄧ般都好快有位。例必order爽腩河、老公order加大爽腩米、1碗淨湯、油菜、汔水, $200有找。老公是腩痴, 筲箕湾東大街大、細安利也各有千秋, 天后嘅華姐已不在是首選, 除咗越食越貴、腩很少, 最最最就係超多講普通話嘅食客, 大家明啦中環九記雖然近年劣評如潮, 咖哩腩仍是嘅！總之如果大家唔怕大埔遠, 真心推介群記, 我地未食過佢嘅牛脷但都很多食客叫, 應該都不錯的。

假日之午餐, 食客滿滿的, 門面看起來很老字號, 快食快走類。專程遠渡而來試一試, 排了一會兒隊, 懷著期盼的心情品嚐清湯牛腩牛筋麵。。。全都是牛肉, 沒有別的食物了。價錢都不算平宜的。味道只屬正常級數, 牛腩好un, un到痴哂牙的感覺仍然瀝瀝在目, 對我來說食完之後有食牛陰影, 想介食牛的真的可以試一試。牛筋還未入味, 沒有味道, 唔滑亦不夠淋。份量不少, 可能味道一般, 都食剩一點點。真是希望越大, 失望越大之午餐, 要排隊有名氣的真的不一定好食。

群記真係我既all the time favourite!!住大埔既朋友應該對佢好吾陌生同大埔街市要行幾分鐘既路 你就會搵到佢基本上你一行過就聞到佢既牛湯味 我估佢地既牛湯係24hours煲住 因為有時夜晚行過佢地舖 都聞到個陣香味可想而知佢地既湯底有幾咁我通常會叫爽腩河加枝樽裝可樂，如果你叫普通牛腩係可叫林d的~要提提想試既朋友～呢間舖係賣完即止 所以平時佢黃昏已經會收舖 係冇晚市既同埋星期日好似係吾開的 要記得留言免得一場空囉不過佢地地方淺窄 真係肥少少都坐吾落所以去得既朋友就吾好介意可能坐得冇咁舒適啦

諗住去大埔買嘢順便食好嘢，行到去見無人排隊，即刻同個friend入去order兩碗爽腩粉，但根本好少爽腩，大大部份係溝普通腩肉。之後有客入去話無爽腩賣😡咁即係我哋個碗出事啦！唔夠就應該一早講，無謂左溝右溝扮無嘢唔出聲！粉底比以前細碗，大縮水！一如以往無服務，但食物質素大跌，失望！其實無人排隊都聞到啲味.............隔離譚仔都要排隊，你話呢！？最慘係叫個friend試，拎人大失所望，下次仲點仲點介紹嘢比人！

其實我一直係呢間野嘅frds,但因出外工作關係冇食幾個月，尋日終於有機會同老婆去整返碗，WTF!我鍾意嘅湯呢？鮮味嘅牛呢？點解變Q晒雪味架?究竟業主加左你地幾多租呀???定係個牛嘅供應商大加價，所以要被逼買爛牛?舊時個廚拎左個配方走Q左佬?點解仲差過側邊陳漢同苑記?話晒都要成五條野一碗架喎~加支細可樂，成張單一百二十蚊，我究竟食左d乜q野呀？以後我仲邊有面同d港島frd吹我地大埔個清湯腩先係最得呀??作為一個認真嘅食客，我唯有以後唔幫襯，希望可以喚醒你地經營一間食店嘅尊嚴。

服務態度極差的店，果個姐姐好串，比錢黎食嘢仲要黎受距氣囉！點左個牛面珠河，味道還可以，湯幾清，牛面珠幾淋，食完後唔會好口渴，不過份量就一般啦，但絕對唔會再幫襯囉！

已經唔係第一次嚟群記架啦，每次都賣完爽腩麵，所以每次都係叫淨爽腩，第一次食係$120,今日已經成$140一碗啦。今日有事咁岩過開來先至可以喺12點前嚟到。群記開門嘅時間係12點，11點8到門口，已經有3個人排隊，過多5分鐘又多幾個食客。香港人為左美食可以去到幾盡呢？我鍾意食爽腩係因為女士愛美麗，牛本身有好多位置都有骨膠原，而爽腩係其中之一。一直都有係其他餐廳食爽腩或者牛坑腩，但係只有群記既爽腩係最多軟骨質，筋膜相連，而且爽軟不硬。難得今日做到第一批既排隊食客，當然叫爽腩河同爽腩伊麵，同淨爽腩比，份量唔算少大約有5至7件，不過唔係每件爽腩都有筋膜。仍然每啖都甘香豐腴，膠質充滿係口腔。好多食客一坐底就叫坑腩，其實爽腩同抗腩係唔同部位架，而群記係無坑南架。

難得平日晏晝經過群記 又唔洗排隊 忍唔住要食返一碗爽腩河！坐低落完單唔夠5分鐘已經有野食！先飲一啖湯，牛味香濃而且好清，一啲都唔覺油膩，亦冇味精味，唔覺得鹹或者口渴 直頭可以成碗湯飲曬佢！本身比較重口味嘅我就比較鍾加多幾滴辣椒油，令味道更加野味！爽腩半肥半瘦帶點筋，十分有口感，而且分量好多！我自己一個人食都唔係好食得曬啲肉！河粉就正正常常啦！如果有米線就好啦！唯獨有兩舊比較瘦嘅就有啲「鞋」，除此之外，其他都好好味！下次仲想再試下牛脷同牛臉珠😋

早聞大名，永遠山長水遠入大埔都在星期日，所以每次都只見到落下鐵閘的門，心生不滿，立意要吃到。拍照日難得平日到大埔，遠遠已見一條小人龍，午餐時間在門口排了約二十分鐘，就進去了。小店座位又少又逼，食客要有搭枱和快吃快走的準備，客人多為街坊，熟到根本不用看餐單，一坐下即下單。清湯腩連一些白色的根，腩肉燉得很淋，牛肉入味。一碗份量作應該連大吃一點的女生都不夠飽。

每次去大埔，總會心思思想來這間「群記清湯腩」吃一碗美味的清湯腩河才離開，不過想還想，做還做，不用說自己一年也來不到大埔兩三次，就是來到了也未必真的會來吃清湯腩。不過這一天，又是個來大埔蹓躂的日子，到了午飯時間，信步來到這店子，時間剛剛好，正是這店子即將開門待客的時候，正好在門外排隊稍等一下，不需一會，便可入內吃東西。 「淨爽腩」（$140）實在不便宜，還是不要那麼奢侈好了，就吃一碗「清湯爽腩河」（$58）算了吧！加瓶可樂，加碟油菜，已是一頓令人滿心期待的午餐。 這兒的「清湯爽腩河」還是好的，湯味鮮甜，肥脂筋膜瘦肉相連的爽腩也仍然是好，而且份量也多，但與記憶中過往的「群記」相比，那口湯好像沒有昔日那麼濃稠了，那些仍然不錯的爽腩也沒有當初那樣教人驚豔。到底是我嘴刁了，還是它退步了？只憑一次的午餐當然不能作準，但我真的衷心希望它能水準如一，一如以前一樣讓人吃過之後不禁豎起大拇指盛讚一番，我才有一來再來的動力呢！

一早行過見未開門，行了一圈已有十人左右排隊，心裏十五十六等唔等，咁出名又未吃過要等下先得，結果無等錯，十五分鐘後坐下，可惜爽腩停，叫了腩河，湯底清澈濃牛味，腩少少肥，入口軟嫩的，果然出味有道理。