群記清湯腩 (已結業)

食到啦⋯⋯食到啦⋯⋯清湯腩，今日經過唔使排隊，但裡面坐滿，唔緊要買外賣囉🤭立即買碗外賣試吓，聽人講好好食就聽得多，要自己親身試吓，湯底清甜，冇味精飲完唔會覺得口渴👍🏻，牛腩好淋不過我嫌肥膏多左少少，牛腩件數都多，坻食👍🏻👍🏻👍🏻😋😋😋

到大埔探親戚，每次一到步都會食左呢間清湯腩先，因為試過幾次晏左去就賣哂，所以而家會早d出發食左先。其實本身心中有一間最愛既牛腩麵，牛腩好得，但個湯就係普通雲吞麵湯，而群記我就只欣賞佢既湯頭，牛腩就其實無牛味既..肥腩伊麵加錢轉伊麵，中意伊麵好吸湯，呢度既湯頭唔咸，但落左極多牛骨去煮，骨膠原豐富，食完個咀會好黏，而果種獨特既味道正合我心意，出面食唔到。而肥腩，質素時時不同，今次既差不多成碗肥膏，瘦的部分亦乾硬，肥腩還是要肥得均勻先好食。朋友既爽腩麵。

大埔呢個小區， 雖然已開多了不少商場， 但亦保留了很多舊式建築及小店！呢個星期日，到大埔舊街市行了一轉，食完熱辣辣嘅栗子及懷緬一番外，梗係要去大埔至出名嘅清湯腩試下啦！呢間小店，任何時間都係排曬長龍，今日一支公去排隊，會較快入座！我點了一個偏瘦嘅牛腩河一支可樂……牛腩河湯底散發著好濃厚的豬骨嘅鮮甜，牛腩偏瘦正合我意！咬落口感，跟一般粉麵舖嘅牛腩河很唔同，難怪佢亦都收呢個價錢呢！ 牛腩炆得好入味，肉質一絲絲，真材實料，肯定係上成嘅肉料！值得保留嘅小店，我希望大家繼續支持，唔使連鎖店般一式一樣！除此之外這裏仲保留傳統小店特色，只講求味道及食物質素……服務不要太計較了好食勝過千言萬語……

入得嚟大埔點可以唔去群記食碗牛腩粉，每次都大排長龍，但等候時間都唔算長，因為唔會有太多時間俾你食，食慢少少都會感到壓力清湯最能夠食到原味，係屋企就算煮到咁腍既牛腩，都煮唔出咁濃既湯底，牛骨精華滲入湯底，無需刻意調味，飲完雙唇都互相黏住唔想食咁肥但又有軟腍效果所以揀牛米（$50）牛煮到筋都軟晒，完全冇肥膏朋友本身想爽腩，連住筋膜又有啲肉，咬落煙韌軟糯，點知口快快又叫錯牛腩粉（$53），餐牌寫明可以揀肥定瘦，腍定爽落單時伙計一定問你要唔要油菜（$20）四條菜心賣呢個價錢，差唔多半碗粉既價錢，寧願食少餐菜好過

湯底也十分有牛味，建議大家把湯也喝掉，不要浪費呢……但不能不說的是店員的態度，真的是不敢恭維了！有點覺得你要吃的就來啦，這裏的客人多的是。你不來是你的損失了！在現在的社會，這樣的對客人，真的是不應該的啊！

牛腩好重牛味👍🏼，不過今日晏左黎，無爽腩，下次再試，味道一流，雖然價錢貴左啲，但值得👍🏼，不過記得要早啲黎，因為爽腩好快無哂，平日開12點，我今日平日3點半黎已無

最近的笑聞一則：一名某君寄語小人為「打手」一名，姑勿論是拍戲的打手抑或是寫食評的打手，小人皆不是；只可以承認的乃天生大食積一名而已。吃得多寫得多，不代表打手，要分清楚，請勿誤會。回說清湯腩，湯真的很清，喝後完全不會口渴。爽腩有肥位是必然的事，腩炆得勁腍，極其入味，有咬口有牛味，超然的正。而河粉極度幼身，差點以為吃著米線。小人回敬某君一語：小人每次都是真金白銀付款吃的，閣下歡喜的話也可以，切忌亂評。

今日同細佬睇醫生，順便去試下好出名既群記清湯腩。好長龍，好彩人流去得幾快，等左四個字就有位。店舖好細，推滿人頭，一張4人枱都坐左6個人幾乎大脾貼大脾都睇到無得再加位。叫左牛腩河，好快就送到。牛腩炆得好稔好香，個湯都好堅，飲得出唔係粉溝出黎，河粉吸盡精華好好味 (不過淨飲有點太咸)。overall都好好味，難怪咁多人排隊! 希望快d開大間舖人客唔駛等咁耐!

外面很難找到煮爽腩煮到那麼霖和入味的，喜歡吃牛腩的人，一定要來試試這裡的爽腩。每碗起碼7-8塊牛腩，湯底清甜，非常足料，雖然比其他粥麵鋪的牛腩河價錢貴，但還是非常值得一试。河粉給得有點少，吃不飽。坐我對面的伯伯吃了兩碗爽腩河粉。由於不想破壞清湯底，我吃了大半碗才放點辣椒油，換下口味。辣椒油很香，但可能對我來說有點過辣，還是喜歡原味。

本身已經忘記要試這間餐廳，但是友人突然間說起一間叫「群記」的麵店，味道不錯，於是在本網查找，又想起了大埔這一間名店，這天強迫某人齊去試試，果然沒有失望。如果大熱天時在店外等候，可能還是挺難受的，但是進店之後，沒那麼炎熱，店內只有四五張圓桌，小店小小，環境還好。牛面珠小塊不長，一截截的，吃來像較爽的牛腩，但肥肉不多。伊麵質感較鞋身，始終難以取悅我。伊麵這碗的湯底，沒有幼麵的梘水，好像湯較滾。牛腩幼麵的湯底，喝起來有種膠質，感覺漿著嘴巴，漿而順口，牛味濃香，實屬牛類湯麵中湯底最濃之一，而且喝完不太感口渴！幼麵如髮絲般幼細，幼如髮菜，卻不完全軟林林。爽腩已沽清，按店員建議吃牛腩，其實也呈半肥瘦狀，一兩件較瘦牛腩也難以避免，但其他的都有層肥的黏著，肥瘦相間，樂也融融。雖然此店門外寫着，夜晚八九時才關門，但是本人四時許進店，爽腩已經沽清；而本人離開的時候，已經有店員站在門口，向打算進店的客人表示已經賣光了，也就即是四五時左右，基本上已經沽清，要食襯早，猶其假期😏。

食完盅頭飯意猶未盡，再去食清湯牛腩。之前已經聽過群記清湯腩呢個名，而且我亦試過港島區的群記，黎到大埔至發現群記只此一家，別無分店。星期六下午，門口有長長人龍，要等大約20分鐘至有位，好跨張呢。由於已經食左盅頭飯打底，所以只係叫左一碗清湯爽腩河（$55），一碗清湯牛面珠淨食（$96），同一支汽水（$10）。先來清湯爽腩河，呷一啖湯，果然有濃郁牛骨熬製的味道。至於爽腩本身，普通咁啦，稍嫌牛腩切得比較細粒。等多陣至有牛面珠淨食，牛面珠好重肉味，而且肉質好淋，由於淨食關係，我地食唔晒要打包（外賣碗加$1），留待夜晚撈飯食更夾。整體感覺一般，唔太值得等位，個人比較喜歡天后（呼之欲出吧）同土瓜灣另外兩間清湯腩店，有機會再寫寫比較下吧。

星期六下午，到大埔墟，到處都是排長龍，無論是吃牛腩河、買腐竹，吃阿婆豆腐花或是到梁九記買涷肉，都要排長龍。一心想到群記吃爽腩，店舖開下午一時，我們大概二時左右去到，爽腩已售罄，只餘下爽腩淨食，但很貴，一小碗淨食要$120，唯有吃普通牛腩啦！清湯肥腩河 （$45）牛腩真的很肥美，肉質嫩滑，湯底鮮甜，但真的幾肥，吃完有很大罪惡感！清湯牛腩河（$45）先來一口湯，鮮甜可口，河粉很滑，但牛腩略瘦，有小小鞋，價錢都幾貴。

每次經過，人龍都係長得嚇人，今日決定左要食到。排隊排左45分鐘終於入到，係入之前聽到好多人叫爽腩，第一次試，留個好印象，都係叫得穩陣D，食返清湯牛腩麵先。一黎到飲啖湯先，唔錯，果然冇令我失望個麵底採用左超幼細麵，幾特別，唔同以往食幼麵既感覺，本身鍾意食硬麵既我，食落個麵都感覺軟硬度適中最後當然試埋牛腩，略為多左小小肥膏，肉質腍身好滑感覺唔錯，可能排隊係外面長時間聞到濃郁既牛味，食落牛味反而唔重。試過清湯牛腩，下次一於試一試爽腩!

總排很長的隊，今日午飯趕緊去排隊，等了15分鐘左右可以入座。叫了爽腩河粉同牛面珠米粉，很清湯加上濃郁的牛肉香味，好味～～營業時間是下午1點到晚上8點，不要被長長的隊伍嚇到，其實很快～

移居美國多年的朋友回港小住介紹我去大埔墟食人氣的清湯腩及豬油渣麵説老字號，很火很好味。懷着希冀的心情我獨自在小店外排隊，正值中午用膳時間，人很多排排復排排終於得入。 因首次到來便點傳聞中不容錯過的油渣麵，被告知今天没供應。 同枱食客說已停了一段頗長時間，再供應的機會很微。見這店離家遠，便打算外買碗淨清湯腩回家，而自個叫碗牛臉珠肉麵堂食，打着麵到便夾起兩塊放在腩裡帶回家給家人試試那質感的如意算盤。 怎料店聲明清湯腩不設外賣，只好改變策略，堂食清湯腩麵，外賣則叫淨牛臉肉，心打算夾二片牛腩於外賣盒中外帶回家給家人嚐嚐。怎知同枱者指下菜牌叫我細閱。一看心想要這樣嗎？牌上說牛腩食淨的也不能帶離店，這也太誇張吧！ 保護主義要這樣強烈嗎？ 牛腩麵到，香味不算太搶，味平淡，兩方面都無期望中的好，就是吃後不會感口乾。肉質軟稔，汁不算太多，$52碗，性價低了點顯貴。但點也不比只有4棵收$18一碟的菜心貴，且不太脆嫩。外賣的牛臉肉一小碗成惠$91元，除軟稔外及不是隨便一間麵鋪有售外，無甚特别。有時真的是見面不如聞名。