群記牛肉圓豬手

营业中

休息中

粉嶺聯和墟·群記依間又係由細食到大既老店 次次去都係排隊細個夏天去 熱辣辣 黑蚊蚊 食到標汗過咗十年後 間鋪終於有番啲風扇 多左啲光管 唔再黑蚊蚊❤️❤️❤️依到出名食豬手 牛丸今次試左個豬手面😍😍😍好爽口 好彈牙 好煙韌 好有口感我最鍾意依個煙煙韌韌既口感痴住啲骨仲好味👍🏻👍🏻👍🏻必食既另外佢仲會有個秘制辣椒油都係好香 一路食面 一路點黎食 🤩🤩⭐️記得要食就早啲去因為豬手好快賣曬 堂食 外賣都好多人好彩行快兩步 岩岩好食到🥰#粉嶺美食 #hkfoodieblogger #hkfood

一講豬手，相信大家都會諗起大埔群記，咁啱放假就諗住去食，三點鐘到一坐低姐姐已經講除左豬手咩都售罄，豬手係就落單都要快D，都就快賣哂~所以大家想食嘅真係要早小小去，廢事山長水遠去到食白果。因為係老店，所以都係保留舊有嘅裝潢、簡單枱櫈、吊扇，但個人認為咁樣好有舊香港特色。🐽净豬手(細)、豬手麵(細)★★★★☆今次都係叫左净豬手同埋豬手麵(細)，兩樣份量都好足料。豬手唔會有太多嘅調味，都係烚，湯底清清地，帶有豬骨同少少胡椒味；而豬手好有肉地，食落好有份量，肉質同皮都好彈牙，好重骨膠原。絕對唔係煮到淋哂個隻，仲保持咬口。麵就正正常常啦，主要都係食個主角豬手。另外都想講下佢個秘製辣椒醬，配落豬手到食一流，唔係死辣，好麻香，食完仲可以自己出去添~🌟總括：價錢唔貴，份量真材實料！鐘意食豬手真係唔好錯過~但要食真係早小小去，廢事賣哂~

假日岀開嚟粉嶺呢頭，見一大早唔算太多人排隊，就嚟到呢間老字號食個早餐先～入座時係朝早11點左右，雖然唔洗排隊，但店內已經唔少人！一坐低店員就送每人一碟辣椒油叫咗一碗大豬手米、大牛丸米、同埋炸卷（碎牛）兩碗麵，麵底粉量啱啱好（早餐的話），料的確好多，以40幾蚊價錢嚟講！好欣賞佢哋嘅豬手，係肉多過骨，食落啖啖肉，食得好開心，雖然豬手睇落去係無咩顏色，但食落都好入味，值得一試～而一碗大牛丸麵入面就有16粒細牛丸，牛丸比起豬手稍為無咁特別，個人幾鐘意佢哋麵嘅清湯，夠晒清 唔會重鹼水味，食完唔會頸渴見炸牛肉卷都係佢哋招牌，就叫嚟試試啦，份量都好多重牛味，點埋佢哋個醬汁食，味道更好！個人最推薦豬手

群記豬手位於粉嶺聯和墟無人不知，知道大約三點半左右，就有新鮮煮好的豬手，在附近外面，行了幾個圈去等，這間店已經食了十幾年，最有特色是没有冷氣，只用風扇，菜單只有幾款，主打豬手，其次是牛丸和炸卷，賣完就停止供應。這次，食净豬手和炸卷，没有要麵或米粉，全想品嘗豬手和特製酱料，微辣很配豬手，彈牙有肉質，骨膠原味道，要自己試過才知道好味。另外，炸牛肉卷，外皮脆内肉軟，非常惹味，很多時侯賣完就無，貴客下次請早，所以，這次還有提供，馬上叫了一碟，配酱汁非好吃，但水凖好似不稳定，有時炸得腐皮過了些。環境和坐位就一般，見仁見智，純粹嘆一顿美食，就不會再要求這些，始終是間老店。

群記係粉嶺都開左好多年,好多人都對佢地既豬手,牛丸同肉卷冒名而來,所以雖然佢地冇冷氣,但係佢地都仲係成日爆場,而且佢地係少數仲用緊花碼寫價錢牌既餐廳,雖然我唔識睇,但係都覺得應該好好保留~

群記豬手係我讀小學嘅時候已經喺度㗎啦，最鍾意就係食佢嗰個豬手米線，佢嘅湯底係好香㗎，配合佢啱啱好爽口嘅米線，同埋入味到不得了嘅彈牙豬手，真係冇得輸㗎，由細食到大都一樣係咁好味👍🏼👍🏼👍🏼😍😍😍

二訪呢間粉嶺名物群記，上次食過返尋味，今次再食佢地招牌豬手同牛丸，個日平日三點去唔駛等位就入得但都差唔多坐滿🔸豬手米 清湯米粉配白灼豬手，豬手即叫即斬份量足忟得腍身，豬皮有咬口無毛，而且多肉少骨啖啖肉又無肥膩感好滿足☺️ 🔸細牛丸 牛丸細細粒爽口彈牙，牛肉味不濃，不得不提附上每人一碟嘅自家秘製辣椒醬，簡直係畫龍點晴怕辣都一定要點好香回味無窮，蘸豬手牛丸配麵都好正😋個日平日去豬手牛丸未夠四點就賣哂，要食嘅就早d去啦～留意返店內無冷氣夏天去食會有d熱💦

同事介紹，來到聯和墟呢間有40年老字號平民小店，午飯時間離遠已經望到好多人企係度等位同埋外賣，裝修懷舊，仲用緊吊扇，夏天的話可能會食到汗流浹背😂本身我唔係好好烚豬手，因為會覺得好肥，而且無咩味，感覺好似煲湯個啲咁。坐低之後叫左個大豬手米粉+炸牛肉卷，呢度自制客家辣椒幾惹味，如果唔夠可以自己出去再添多啲，我本身係無辣不歡，所以加到個碟仔都滿。豬手好彈牙，肉質唔韌，而且一啲都唔肥，肉味香濃，咬入口你會feel到滿滿的骨膠原，食完我自己都上左隱，平時食德國豬手，脆皮豬手就食得多，我無想過豬手都烚得咁出色，我自己都返兜左來試多次，不過可惜唔近我返工同我住個度，要耐唔耐突然過來粉嶺呢邊先有機會再試到，如果識食嘅話，可以叫一個牛丸麵/米，之後再叫多個淨豬手，咁就真係大滿足啦。😋

粉嶺比我感覺就冇乜好野食，次次去親聯和墟一定係去食群記豬手！雖然嗰度又熱啲位又唔好坐，但佢嘅豬手真係令我每次都好難忘！每次都會叫一碗淨豬手，佢哋多數會叫佢做大手！一碗大概有10粒嘅豬手，咁當然有肉有骨啦，配上佢秘製嘅辣椒醬，啖啖肉，就算熱到出晒汗都要繼續食。

⭐️群記牛肉圓豬手⭐️📍:粉嶺聯和墟聯昌街5號豐景樓地下⏰:11:00am-5:45pm💰:人均$50⭕️: 現金👉🏻美味淨豬手(細)💰40 (大)💰50🌜豬手無豬毛 好乾淨爽口 肉多皮煙韌 炆得好淋 咬落去食到好多膠質嘅感覺 唔會黐牙 湯底好鹹❌👉🏻爽口牛丸 💰30🌜肉丸爽口彈牙 但係就冇咩牛味同埋細粒🥺🔥👉🏻家鄉炸卷(牛肉) 💰40🌜好好食！！腐皮包牛肉既感覺 份量好多 好重肉味仲脆卜卜 不過成日都好快賣晒👉🏻豬手牛丸米 💰50👉🏻郊外油菜 💰10🌟除非你係超級細食 如果唔係都會推薦叫大碗 因為大碗都唔係話好多😂 雖然全部都係啲普通平民野 但係都好多粉嶺人成日食 因為佢嘅味道都好吸引 質素都中等以上 通常三四點好多嘢已經賣晒 所以要好早過去食 👧🏻🍼就真系鐘意食佢既豬手 最吸引我嘅原因係因為真係好冧👍🏻⭐️辣椒醬必食！🌶️一定要加落去！加好多！好香 同牛丸溝埋好夾 用完可以再添 但係略嫌鹹咗啲⭐️🌟店舖無冷氣得吊扇！呢個十分重要 位置都比較擠迫 等位大約等10至15分鐘 所以炎炎夏日真係唔想過去食！買外賣反屋企 凍左又唔好食 所以推薦冬天先食！佢既餐牌好特別 啲價錢好難睇得明 恕我太細個 係好

聯和墟，一個十分之格攝嘅地方唔揸車，坐車行入去嘅話都唔太方便想泊車，多數都係違泊不過依間餐廳，次次去都係咁多人，都係要等位，同坐得咁迫環境衛生唔洗期望有，因為佢冇有位你坐都偷笑，等緊嘅人會企係你左右監視住你食完未服務？你唔坐，大把人等緊你個位不過味道就搭救一切餐廳名有牛丸依個字，所以試試不過不失主角一定係豬手用佢自家嘅白鹵水去煮，d 豬手入哂味再加佢自家嘅辣椒油我叫左個大手米，個個都係叫依個，有其他麵揀仲有d 炸卷，不過冇照相都唔錯總結，咁多人去一定有佢嘅原因夏天去食一定辛苦，如果再加上係weekend 假期去嘅話就仲癫味道幫佢搭救哂所以唔好嘅因數

店鋪位於聯和墟，與住宅車房共存，門面充滿歷史洗禮的痕跡，是好是壞還看食物質素。店內沒有空調只有吊扇，雖然枱與枱之間距離夠遠，但食客就坐得頗為擠逼，一個正方還可用透明隔板間成兩個三角分開坐兩個人！流水作業式的廚房，生意相當之好。雖然餐牌寫上有其他，但伙計說祇有牛丸及豬手，沒有其他選擇，單雙併同價。豬手牛丸雙餅麵。第一感覺是顏色十分清淡。豬手夠腍，豬手香味不太濃烈，帶肉的部份是挺多的。牛丸很一般，還算爽，但牛肉味不濃。麵10分之有爽勁，有一點點堿水味但不影響整體感覺，是挺高質素的麵。湯以鹽為主要調味，雖然鹽落得略為重手，但主要還是走清淡原味路線。這個辣椒醬也是此店名物之一，是有勁到的辣，但略嫌太鹹，口味過重。

聽過群記呢個名好耐,一直都想去試佢嘅豬手同牛丸咁啱有機會去粉嶺,即刻乘機去食吓!!我地去到嗰陣都幾多人排隊等緊位,等咗15分鐘左右兩個人食左:- 細淨豬手 $37 幾爽口,唔會膩- 細淨牛丸 $30 牛味幾濃,唔算非常彈牙- 炸卷 $37第一次食,試左少少咋😇有啲鹹香成餐最好味係辣椒油！真係好香😍😍總括黎講,其實味道都OK嘅,但唔係好明點解呢間餐廳會咁出名🤔加埋個價錢同埋對於我黎講真係山長水遠，我諗未必會再去🙈

提到粉嶺美食，第一時間會諗起位於聯和墟超有懷舊歷史嘅豬手牛丸米！店舖裝修陳設都非常懷舊，完全感受到古色古香既味道！雖然見到好多食評有好有壞，但抱住一個感受懷舊風味既態度黎試試去！1️⃣豬手牛丸米 $50豬手肉同骨既分佈好平均，唔會太多骨，又唔會只係得肉！口感適中，味道一流！牛丸好爽口同彈牙！同機整出嚟嘅層次真係相差好多！湯底雖然係清湯底，但又唔會好單調！💟總結：一定要加辣椒油！一定要加辣椒油！一定要加辣椒油！好重要🤣所以一定要講三次！

🍽️用餐日期：17/05/2021🕚用餐時段：午餐時段🕐🤤等候入座時間：10分鐘朋友推介粉嶺呢間餐廳，上網又睇到群記好出名，於是決定去試下！🌞豬手粗面（大）講下佢個湯底，食落唔覺多味精，比起其他餐廳嚟講算清甜，成日食米粉河粉，今次一試呢種粗麵覺得好特別！推介！豬手食落唔會太韌太淋，食完一舊會忍唔住繼續食第二舊！🤣順帶一提，豬手配埋佢哋嘅辣醬好好味！！！🌞牛腩河粉（大）牛腩唔會太老，唔會出現咬唔開嘅情況！河粉同出面嘅餐廳差唔多，冇咩特別😋，但係呢碗牛腩河粉係好味抵食嘅！🌞牛丸（細）推介大家一定要嗌嚟試下！唔知係咪食得多其他餐廳嘅大大粒牛丸，嚟到呢度食呢啲牛丸細細嚟好得意，食落有驚喜，好彈牙！😍一定要試下！溫馨提示：*除非你超級細食，唔係嘅掛都係建議要大碗嘅麵，因為就算係大碗都唔係你想像中咁多！🍜*餐廳環境比較簡陋冇冷氣，但係設有風扇，建議怕熱嘅話夏天可以帶部風扇仔，食得舒服啲！餐廳冇冷氣都有咁多人排隊幫襯，可想而知呢間餐廳真係值得一去！